[قل ما تشاء] الموضوع المُوحَّد لاستفسارات وتعليقات الأعضاء على هواتف نظام Windows

[McLaren]

هو وندز10 هينزل لجهاز925 امته

تفاصيل تحديث ويندوز 10

بالنسبة هواتف سنة 2012 و 2013 كلها (بما فيها Lumia 925) فهيصل لها التحديث في شهر مارس
يعني في خلال 60 يوم إن شاء الله.

أمّا بالنسبة للهواتف Lumia 535, 630, 730 , 640 XL, 830, 930 Lumia 532 و 430 و 435

فالتحديث قادم في خلال 10 أيام إن شاء الله


بالنسبة للناس اللي معاها Lumia 530 فكان سابقاً اتقال أن التحديث مش هينفع يجيلهم خالص لأن ذاكرة الهاتف 8 جيجا فقط !

حالياً ميكروسوفت بتعمل على أنها تتيح التحديث للهاتف ولكن من خلال Windows Recovery Tool
يعني بالتأكيد مش هيبقى تحديث هوائي, ولكن ميكروسوفت بتحاول تخليه يبقى متاح تثبيته من الكمبيوتر.

تفاصيل ال Builds :

Microsoft Lumia 950 01078.00027.15506.02027 Windows 10 mobile build 10.0.10586.29Nokia Lumia 930 02540.00019.15234.50007 Windows 10 mobile build 10.0.10586.29
Nokia Lumia 635 02040.00021.15235.50002 Windows 10 mobile build 10.0.10586.29
Microsoft Lumia 535 02074.00000.15234.28001 Windows 10 mobile build 10.0.10586.29
Nokia Lumia 830 02177.00000.15184.36004 Windows 10 mobile build 10.0.10586.29
Microsoft Lumia 640 XL LTE 02177.00000.15184.36001 Windows 10 mobile build 10.0.10586.29
Microsoft Lumia 640 LTE 02177.00000.15184.36002 Windows 10 mobile build 10.0.10586.29

مصادر:
https://wmpoweruser.com/swisscomm-ca...-january-19th/
https://www.gsmarena.com/tmobile_ger...news-15893.php

[max2005]

السلام عليكم ورحمة الله وبركاته
اولا بشكر حضرتك على الموضوع الجميل ده وجزاك الله عنا خيرا

ثانيا
حضرتك انا اشتريت من حوالى 10 ايام اللوميا 640xl
لما باجى افتح التليفون عن طريق الضغط مرتين على الشاشة احيانا بتفتح عادى خالص بمجرد ما بلمس الشاشة مرتين واحيانا مبيحسش بخبطة اديا لدرجة اضغط جامد لحد ما يفتح او اخاف على الشاشة احيانا واضغط على الزر واريح نفسى ...........هل ده عيب ....انا على فكرة مركب سكرينه كنت جايبها ب20ج ....

ثالثا ال routat اقصد دوران الشاشة بالعرض بيغيب اوى لما يحس انى مسكة معدول او بالعرض

رابعا حضرتك ممكن صورة للشاحن الأصلى بتاعه لأنى حاسس انه بغيب فى الشحن هو التليفون بيجى معاه سماعة عادية وشاحن فقط

آسف على الإطالة

[McLaren]

السلام عليكم ورحمة الله وبركاته
اولا بشكر حضرتك على الموضوع الجميل ده وجزاك الله عنا خيرا

ثانيا
حضرتك انا اشتريت من حوالى 10 ايام اللوميا 640xl
لما باجى افتح التليفون عن طريق الضغط مرتين على الشاشة احيانا بتفتح عادى خالص بمجرد ما بلمس الشاشة مرتين واحيانا مبيحسش بخبطة اديا لدرجة اضغط جامد لحد ما يفتح او اخاف على الشاشة احيانا واضغط على الزر واريح نفسى ...........هل ده عيب ....انا على فكرة مركب سكرينه كنت جايبها ب20ج ....

ثالثا ال routat اقصد دوران الشاشة بالعرض بيغيب اوى لما يحس انى مسكة معدول او بالعرض

رابعا حضرتك ممكن صورة للشاحن الأصلى بتاعه لأنى حاسس انه بغيب فى الشحن هو التليفون بيجى معاه سماعة عادية وشاحن فقط

آسف على الإطالة

وعليكم السلام
أولاً مبارك عليك الموبايل الجديد

بخصوص السكرينة فلو هي ازاز أنصحك تشيلها حتى لو ب 20 جنية (ربنا يعوض عليك فلوسها)
لأنها أولاً بتبوظ الرؤية وتشفّت ألوان الشاشة وتخليها مسفرة
ثانيا مش حلوة في ال touch اثناء الإستخدام
ثالثا بتخفّض إضائة الشاشة

فأنت شيلها والشاشة محمية ب Gorilla Glass 3
أنت بس حافظ عليه في استخدامك, ميوقعش
متحطوش في جيبك مع المفاتيح أو الفلوس أو أي حاجة حادة ممكن تخدش الشاشة

لو خايف عليه ممكن تجيب له Cover من اللي بيتقفل زي ده


وإن شاء الله ربنا يحفظهولك من كل شر وميحصلوش أي حاجة من ده خالص.

بخصوص ال Screen Rotation فهو مضبوط عند زاوية متأخرة,
عشان يضمن أنه بيعرض بالأسلوب الصحيح للإستخدام الصحيح.
عشان متبقاش أنت بتستخدم في الأسلوب الرأسي وتلاقيه قلب مرة واحد بدون داعي.


بخصوص الشاحن فالمفروض اللي بيجي مع العلبة ال Output بتاعه 750 ميللي أمبير

وأتفق معاك أن ده يعتبر رقم قليل بالنسبة لبطاريته العملاقة ال 3000mAh
كان الأفضل لو كانوا حطوا شاحن أقوى من كده

وبرضوا Apple بتعمل نفس الحركة دي للأسف (1 أمبير) !!

شكل الشاحن الأصلي حاجة زي كده


بس الهاتف ذات نفسه فيه القابلية أنه يشحن بشكل أسرع
يعني لو أنت عندك في البيت شاحن تاني مخرجه 1 أو 1.5 أمبير

الجهاز هيشحن بشكل أسرع في أول 50% من البطارية
وهي دي تقنية الشحن السريع.

وال 50% الباقية من البطارية بتشحن بالسرعة العادية مهما كان الشاحن
وده في كل الموبايلات عشان تطول في عمر البطارية

بس نصيحة, أبتعد عن الشحن الزائد قدر الإمكان

يعني أول ما الجهاز يخلص شحن 100% أفصله في أقرب فرصة.

يعني لو مثلاً وصل ل 95% وأنت هتنام,
أنك تشيله من الشاحن أفضل من أنه يفضل متوصل طول الليل فترة ال 8 ساعات بتوع النوم وهو 100%


بس,
ومبروك عليك الجهاز وربنا يحفظهولك ويبارك لك فيه.

[max2005]

شكرا جزيلا ربنا يبارك فيك. كده تمام. بالنسبة العيوب اللي بتسببها الاسكرينه بتروح بمجرد ما اشيلها ولا هي بتبوظ الشاشة حتي لو اتشالت...... معلش انا جديد في عالم التليفونات الذكية ممكن صوره توضحلي اللاسكرينة اللي عندي هل هي ازاز ولا عادية

[max2005]

انا حاسس انها ازاز سمكها كبير

[McLaren]

شكرا جزيلا ربنا يبارك فيك. كده تمام. بالنسبة العيوب اللي بتسببها الاسكرينه بتروح بمجرد ما اشيلها ولا هي بتبوظ الشاشة حتي لو اتشالت...... معلش انا جديد في عالم التليفونات الذكية ممكن صوره توضحلي اللاسكرينة اللي عندي هل هي ازاز ولا عادية

لا لا لأ !
دي مش بتأثر على الشاشة نفسها دي بتأثر على الرؤية بتاعتك للشاشة

يعني لو شلتها الإصفرار بتاعها هيروح.

بس عشان برضوا أكون أمين معاك
لو أنت استخدامك شاق للموبايلات ومش عايز تشيلها عشان خايف الموبايل ميستحملش إستخدامك
خلاص يبقى أخف الضررين

عايز تستبدلها بسكرينة بلاستيك (اللي هي طبقة رفيعة دي) مفيش مانع !
وهكذا..

أنا شخصيا مبحبش سكرينات خالص وشايلها من عندي,
بس أنا بفضل الله ممكن الموبايل يقعد معايا 5 سنين وشغال.

فكل واحد حسب استخدامه وظروفه.

[max2005]

لا لا لأ !
دي مش بتأثر على الشاشة نفسها دي بتأثر على الرؤية بتاعتك للشاشة

يعني لو شلتها الإصفرار بتاعها هيروح.

بس عشان برضوا أكون أمين معاك
لو أنت استخدامك شاق للموبايلات ومش عايز تشيلها عشان خايف الموبايل ميستحملش إستخدامك
خلاص يبقى أخف الضررين

عايز تستبدلها بسكرينة بلاستيك (اللي هي طبقة رفيعة دي) مفيش مانع !
وهكذا..

أنا شخصيا مبحبش سكرينات خالص وشايلها من عندي,
بس أنا بفضل الله ممكن الموبايل يقعد معايا 5 سنين وشغال.

فكل واحد حسب استخدامه وظروفه.

بجد الف شكر

[McLaren]

من البرامج اللي نزلت الشهر ده
تطبيق
Relaxiness - Rain Sounds

وده برنامج تصميمه جميل وهدفه أنه يساعدك على النوم بإستخدام تكنيك ال White Noise
أو الضوضاء البيضاء
وده يعني أن التطبيق بيشغّل أصوات أمطار وخرير مياه (بجودة عالية)
تساعدك على الإسترخاء والنوم



البرنامج فيه خاصية ضبط المؤقت عشان يفصل لمّا تنام:



رابط التحميل:
https://www.microsoft.com/en-us/stor...s/9nblggh2vbzk

التطبيق اللي بعد كده هو لعبة
Smashy Road: Wanted
ودي من نفس مطوّر لعبة Crossy Road الشهيرة

وفي الجزء ده هتكون أنت اللي بتسوق على الطريق






رابط التحميل:
https://www.microsoft.com/en-us/stor...d/9nblggh6jf4j

[إكس لارج]

حبيبي
أحييك على إجتهادك ومشاركتك دائماً معي
الخاصية اللي أنت كتبت عنها هي Soft reset وليس Restart

وال Reset بيفرق عن ال Restart بأنه بيغلق الجهاز بشكل لحظي
ولا يعطي فرصة للنظام لغلق نفسه (الشاشة بتاعت GoodBye اللي بتظهر وأنت بتقفل)
زي الكمبيوتر كده لمّا تشد الفيشة,
أو هي بالضبط كأنّك فتحت ال Cover الخلفي وشلت البطارية والجهاز شغّال !!

وخد بالك أن ال Reset ده بيستخدم وقت المشاكل فقط
وده طبقاً ل answers.microsoft.com وهي أن الحالات اللي تستخدم فيها الطريقة دي
لمّا يكون مثلاً الجهاز مهنّج ومش عارف تعمل عليه حاجة
إقتباس:
Example of situations where the soft reset should solve the problem:

An app that usually starts won't start

The camera won't open

The device starts using too much battery

The device starts behaving oddly


المصدر:
https://answers.microsoft.com/en-us/...b-30f3afaf824d

الخلاصة: واللي أنا عايز أنصحك بيه هو
أن الطريقة دي حلوة بس وقت المشاكل فقط أو أن الجهاز يكون مهنّج ومش عارف حتى تعمل له Shutdown
غير كده بلاش.

لأن غلق الجهاز لحظياً بالتأكيد مش هيكون زي غلق الجهاز بالأسلوب الطبيعي
وأعطائه وقته في غلق ال Services بتاعت النظام

وأشكرك على مُساهمتك وطرحك الموضوع للنقاش

حاجة بس عايز أنبه عليها
وهو أن طريقة ال Hard Reset مماثلة جداً لل Soft Reset
وهي أنّك تضيف على الطريقة اللي فاتت زرار الكاميرا
وتحذير: دي هتطير كل المحتوى اللي على الجهاز لأنها هتفرمت الجهاز ويبدأ الجهاز كأنه جديد.

المصدر:
https://answers.microsoft.com/en-us/...b-30f3afaf824d

ودي طريقة أنا مبحبذهاش خالص للناس اللي عايزة تفرمت (وقت الحاجة)
الطريقة الأفضل طبعاً هي
Settings>>About>>Reset Device
ودي طبعاً هتمسح كل المحتوايات اللي على الجهاز ويبدا الجهاز كأنه جديد
(لازم أوضحها برضوا بشكل صريح عشان محدش يضيع بياناته بالغلط)

وطبعاً الفورمات بشكل عام مبيتعملش إلّا لمّا تكون هتبيع الجهاز
أو أن فيه مشكلة كبيرة في الجهاز ومهما تحاول تعيد تشغيله مش عايز يتظبط خالص
أو الناس اللي بتستعمل Windows Insider للنسخ التجريبية

وفيه ناس بتحب تعمله بعد التحديثات الكبيرة, ومنهم أنا
يعني على سبيل المثال أنا ناوي إن شاء الله أفرمت جهاز بعد تحديث ويندوز 10
إن شاء الله لو لينا عُمر

جزاك الله كل خير اخى والله , سوف افعل ما نصحتني به

[إكس لارج]

لو سمحت يا اصدقاء
هو ينفع اشغل ضوء الفلاش للموبايل كمصباح ؟ يعني ازاى اشغل الفلاش من غير ما يصور
نوع الموبايل XL640 لوميا
شكرا

[manchester]

فية برنامج بيعمل كده
بيشغله كانه كشاف

[ezzat95]

هو لو عايز احدث لويندوز 10 من تليفون لوميا 640 لازم افرمت الجهاز الاول ولا احدث على طول ؟

[ayoub_bob]

ياعم حدث
أنا حدثت على طوول بس للأسف لم اشاهد الشاشة شكل ويندوز 10 كأنها ويندوز 8.1
والجهاز اللى حدثتة هو 630
تحياتى لك

[ezzat95]

سؤال هو فيه حل لمنع الاعلانات اثناء التصفح وايه هو افضل متصفح

[Ahmed_Esmail]

اخوانى الاعزاء
انا عضو جديد فى المنتدى وعندى سؤال
هل ينفع انزل ويندوز 10 لموبايلى Nokia X
ولو ما ينفعش ترشحولى موبايل ايه يكون افضل موبايل يشغل الويندوز 10