مساعدة فى شراء كيسه كمبيوتر

[vmidov]

بعد الكلام ده لازم اقتنع 1000000%

ولكن وانا بدور قدراً لقيت البروسيسور ده

AMD Phenom X4 9550 2.3 GHZ - 4MB السعر 700 جنية

ايه رأى حضرتك فيه ؟

اذا كان ليا عمر ربنا كاتبهولى لاخر شهر ابريل هجيب الجهاز فالفترة دى انا عارف انى هصدع راسكوا بس استحملونى لحد ما اشترى الجهاز او وانتوا داخلين الموضوع خدوا اتنين اسبرين وكوباية شاى

لا متقلقش خالص انا عن نفسى هاخش على الموضوع قبل مانام على طول زى دلوقتى اقول تعليق وأجرى هههههههههههه
بهذر معاك طبعا قول براحتك لكن متتكلمش على أسعار إلا فى اواخر الشهر غير كده اتكلم فى أى حاجه ولسبب واحد بس لان الاسعار متعرفش أيه اللى ممكن يجرالها لكن الاداء مش هيتغير
البروسيسور اللى حضرتك ذكرته رباعى النواه لكن أدائه أقل من اداء 710 ومتنساش انه Phenom II فهو أفضل صفقه حتى الان
ومستحملينك ان شاء الله لغايه ماتشترى الجهاز بس لما تشتريه متنساناش من دعواتك
تصبح على خير بقى :D:ah22::ah22::ah22::ah22:

[كريم محروس]

انا جيتلك تانى ارخم عليك شويه (انا شكلى كده هطفشك من المنتدى)
بقول ايه خد قرصين الاسبرين كالعاده واقرا اللى جاى

الاول انا قريت خبر بيقول ان شركة انتل داخل اسرائيل وبتخصص ارباحها للجيش الاسرائيلى . بس بصراحه اول ما قريت الخبر ده قولت اكيد الاستاذ معتز والاستاذ ميدو (سرهم باتع) الفاظ سوقيه

تانى شئ معلش ازاى بروسيسور ثلاثى النواة اداؤة افضل من بروسيسور رباعى النواه؟

بالنسبه للاسعار تفتكر هتتغير فى خلال 20 يوم ؟!!

من ناحية الدعوات فطمأن انا بدعيلكوا قبل ما اشتريه فما بالك بعد ما اشتريه

اه نسيت اقولك على حاجه اعمل حسابك ان الموضوع ده هيفضل بإذن الله مفتوح لحد ما اجيب الجهاز لان الضمان عليك واعتبر نفسك فى معتقل العشرين يوم دول

وتصبح على الف مليون خير

[vmidov]

انا جيتلك تانى ارخم عليك شويه (انا شكلى كده هطفشك من المنتدى)
بقول ايه خد قرصين الاسبرين كالعاده واقرا اللى جاى
الاول انا قريت خبر بيقول ان شركة انتل داخل اسرائيل وبتخصص ارباحها للجيش الاسرائيلى . بس بصراحه اول ما قريت الخبر ده قولت اكيد الاستاذ معتز والاستاذ ميدو (سرهم باتع) الفاظ سوقيه
تانى شئ معلش ازاى بروسيسور ثلاثى النواة اداؤة افضل من بروسيسور رباعى النواه؟
بالنسبه للاسعار تفتكر هتتغير فى خلال 20 يوم ؟!!
من ناحية الدعوات فطمأن انا بدعيلكوا قبل ما اشتريه فما بالك بعد ما اشتريه
اه نسيت اقولك على حاجه اعمل حسابك ان الموضوع ده هيفضل بإذن الله مفتوح لحد ما اجيب الجهاز لان الضمان عليك واعتبر نفسك فى معتقل العشرين يوم دول
وتصبح على الف مليون خير

لا متخافش مش هطفش بالسهوله دى :D Over My Dead Body
وزى ماقلتلك انا هارد وأخش انام على طول ههههههههههههه تحت أمرك ياباشا
وانا قريت فعلا المقال ده بس مش ده سبب حربى ضد انتل لأن مفيش حاجه مؤكده وبعدين انا عن نفسى عمرى مافكر لو أنسان عادى عمره ماهيخصص دخله لجيش بلده فما بالك بيهودى ياعم دول بخله حتى لو كان صاحبه يهودى صهيونى ابن .......... تفتكر كل اللى هايجمعه فى الاخر يروح يتبرع بيه للجيش دى حاجه محدش يقدر يعملها إلا واحد زى (عثمان بن عفان ) رضى الله عنه ماعلينا ألفاظ أفلاميه وعلى فكره البروسيسورات الانتل بتكون صناعه ماليزى
Made In Malissia وطبعا زى ماحضرتك عارف دى دوله شبه أسلاميه تعصبيه يروحوا هما عندهم وهما يسيبوهم يصنعوا وبالمناسبه الشركتين سواء AMD ,Intel امريكيتان والاتين المركز الرئيسى كاليفورنيا لكن انتل فة سانتا كارلا
وAMD فى سني فال وده لينك Intel وده AMD يعنى جيران
وعموما كل حاجه ممكنه برده

سؤالك التانى ليه عده محاور او بيتقسم على 3 محاور :D
لو كان قصدك ازاى حاجه زى 720 تتفوق على Q6600 فده سببه بسيط جدا
Hyper Transport (HT)
Bigger L Cach
L3
وكل ده لصالح AMD
اما بالنسبه لو تقصد ازاى 720 يتفوق على حاجه زى Phenom X4 9550 برده بسيطه
HT أعلى
Cach أكبر
معماريه أفضل Deneb
لو فى حاجه واقعه فى الموضوع ده اوضحهالك بس بكره ان شاء الله

الاسعار أعتقد ان أسعار كروت الشاشه على الاقل هتتغير الاسبوع الجاى وده بسبب نزول الوحش HD 4890 لكن باقى الحاجات معتقدش هايبقى فى فرق كبير وخصوصا مع عدم وجود أى جديد فى الاسواق بس أحتمل تنزل برده محدش يعرف بكره فيه أيه

جزاك الله كل خير يا باشا ان شاء الله اكون عند حسن ظنك بيا ومخذلكش بأذن الله
ماشى ياعمنا انا فى معتقل يارب نخلص على خير بقى عشان .................. تفرح بالجهاز طبعا :ah50:
اى حاجه انت تأمر يا باشا
تصبح على الف مليار خير حيث ان المليار = 1000 مليون :D

[ahmed-alaa]

لو تسمحلي يا اخ كريم محروس ممكن تسمحلي اقول رايي وممكن لو احتجت اي حاجة انا تحت امرك

[ahmed-alaa]

انا زي حالا تك كده برضه هاجيب واحد بعد شهر انشاء الله فتقدر تقول لافف وعارف الحاجات الجديدة والاخوة بصراحة امو بالواجب معايا وما سبونيش بما فيهم الاخ vmidov ربنا يكرمه والله راجل محترم فانا كنت عايز اسعد بس

[كريم محروس]

انا جتلك تانى مجهز القرصين ولا كالعاده هترد وتنام ؟ انت حر انا حذرتك احسن الصداع بتاع اليومين دول بقى رخم اوى

الاول هقول للاخ ahmed-alaa انت نورت الموضوع واتفضل قول رأيك بكل صراحه ومتخفش الاستاذ vmidov مش هيقول عليك كفته ويير انا بهزر معاك الاستاذ vmidov راجل محترم وعمره ما يقول كده بس انا ليا رجاء ان شاء الله بتكتب كده ( ان شاء الله ) وليست (انشاء الله) هذا للعلم فقط.

انا كنت عايز اسأل بالنسبه للنيفيديا وخاصيه Physics هل دى مهمه ولا ايه بالظبط؟

تانى حاجه مفيش حاجه افضل شويه من الكارت SAPPHIRE HD 4670 1GB DDR3 ؟ وبسعره الله يكرمك

السؤال الاخير هل هذه المكونات تقبل التحديث فيما بعد ؟

وما لا نهايه شكراً ليك ( عشان متعرفش تجيب حاجه اكتر من كده )

[vmidov]

انا جتلك تانى مجهز القرصين ولا كالعاده هترد وتنام ؟ انت حر انا حذرتك احسن الصداع بتاع اليومين دول بقى رخم اوى

الاول هقول للاخ ahmed-alaa انت نورت الموضوع واتفضل قول رأيك بكل صراحه ومتخفش الاستاذ vmidov مش هيقول عليك كفته ويير انا بهزر معاك الاستاذ vmidov راجل محترم وعمره ما يقول كده بس انا ليا رجاء ان شاء الله بتكتب كده ( ان شاء الله ) وليست (انشاء الله) هذا للعلم فقط.

انا كنت عايز اسأل بالنسبه للنيفيديا وخاصيه Physics هل دى مهمه ولا ايه بالظبط؟

تانى حاجه مفيش حاجه افضل شويه من الكارت SAPPHIRE HD 4670 1GB DDR3 ؟ وبسعره الله يكرمك

السؤال الاخير هل هذه المكونات تقبل التحديث فيما بعد ؟

وما لا نهايه شكراً ليك ( عشان متعرفش تجيب حاجه اكتر من كده )

ههههه لا أبدا انت بتتكلم فى أيه (فى المنتدى طبعا) :D
لا لا أبدا انا برده أقدر أقول على شاب هاردوييرى كفته ويرى اللقب ده مخصص للنسبه 97% من التجار فقط وحصريا :D:D

الPhysics وما ادراك ما الPhysics
بص ياباشا الخاصيه دى مش زى ماحضرتك متوقع او زى ما توكيل XFX عايز يوهم الناس انه بتاع نيفديا
ده خاصيه موجوده عموما فى المعالجات الخاصيه دى مسئوله عن كل التغيرات الفيزيائيه الموجوده فى أى لعبه هى اللى بتخلى الانفجار يأخد شكل الانفجار بتخلى الهوا يتحرك ويحرك معاه الملابس مثلا او المياه تتحرك معاه هى اللى بتمثل صوره الغبار
لكنها هنا بتعتمد على البروسيسور فى العمليه دى اللى بيكون أساسا مشغول بتشغيل اللعبه نفسها او اى تطبيقات أخرى معاها + انه مش متخصص فى الموضوع ده
هنا بقى يظهر حاجتين 1 - حاجه أسمها كارت Physics (PPU) وده بيتركب مع كارت الشاشه ويبقى مسئول عن العمليات دى انه يعالجها وهى دى فايدته بس ومش موجود منه فى مصر على حد علمى
2- الشئ اللى أخترعته Nivdia وهو أسمه Physx مش Physics
الPhysx فايدته انه لما يحصل انفجار او غبار او كسر زجاج والتركيز اكتر فى الحالات دول وتقدر تقول ان هما دول اللى بيعمله الPhysx تقريبا
بدل من أرسال البيانات دى للبروسيسور عشان يعالجها فى صوره بيانات بيبعتها على الGPU وحده معالجه الرسومات اللى بيكون متخصص فى العمليه دى بعكس البروسيسور فيظهر العمليه دى بشكل أفضل ويوفر على البروسيسور عناء معالجه الجزء ده
توفيرا للكلام ده كله وجود خاصيه الPhysx بتزود اداء الكارت كحد أقصى 10% إلى 15% من عدم وجوده

طبعا ال4670 فى أفضل منه لكن كله بتمنه انت مستعد تزود كام ؟؟؟؟؟؟؟
المكونات ان شاء الله تقبل التحديث إلا لو قررت AMD مستقبلا عكس كده وده حاجه متجيش من AMD ولو حصلت يبقى بعد حوالى 2-4 سنين ساعتها لما تيجى تحدث تغير البورده كلها
والله أعلم برده محدش يعرف أيه ممكن يحصل :rolleyes:
ماشى ياعم غلبتنى فى حته مالانهايه دى
أى خدمه يا صديقى

[كريم محروس]

جميل افهم من كلام حضرتك ان البرنامج بتاع النيفيديا ( Physx ) بيزود من اداء الكارت ؟ والله شئ رائع

سؤال خبيث بيزن فى ودانى : هل ممكن استخدم البرنامج ده مع ATI ؟ ولو لا يبقى ليه ؟

بالنسبه للتزويد فمستحيل ولكن انا بقول ان مدام الاسعار هتنزل يبقى نشوف الافضل فى نفس الميزانيه بس السؤال ده سابق لاوانه فمعلش دى غلطه منى وسامحنى :o

الاخ ahmed-alaa كان بيقول عايز يقول رأيه انا خايف لا يكون زعل منى انا بهزر والله وياريت اشوف ردك الكريم

نسيت كنت عايز اقولك ربنا يزيدك من علمه ويبارك فيك

[vmidov]

جميل افهم من كلام حضرتك ان البرنامج بتاع النيفيديا ( Physx ) بيزود من اداء الكارت ؟ والله شئ رائع

سؤال خبيث بيزن فى ودانى : هل ممكن استخدم البرنامج ده مع ATI ؟ ولو لا يبقى ليه ؟

بالنسبه للتزويد فمستحيل ولكن انا بقول ان مدام الاسعار هتنزل يبقى نشوف الافضل فى نفس الميزانيه بس السؤال ده سابق لاوانه فمعلش دى غلطه منى وسامحنى :o

الاخ ahmed-alaa كان بيقول عايز يقول رأيه انا خايف لا يكون زعل منى انا بهزر والله وياريت اشوف ردك الكريم

نسيت كنت عايز اقولك ربنا يزيدك من علمه ويبارك فيك

لا لا يصلح أستخدامه مع ATI لانه مش برنامج بس فيه جزئيه كبيره منه بتعتمد على الهاردويير كمان ودى لسه ATI لم تقم بتوفيرها ولكن مستقبلا ستضيف الموازى له وهى تقنيه أسمها Havok
ولا يهمك بالنسبه للكارت لسه حالا نازله تخفيضات فى كروت الشاشه خصيصا خش على اول صفحه فى الموضوع المثبت بتاع اسعار واخبار الهاردويير فى مصر

الله يكرمك يا أستاذ كريم و زادك الله علما يارب
واى حاجه تانى ربنا يقدرنى واقدر أساعدك بأذن الله

[كريم محروس]

معلش اخر حاجه انهارده انا قريت ان المعالج احادى النواة وليكن ترده 2000 لا يتساوى مع معالج ثنائى النواة ترددة وليكن 1000 ليه ؟ والفارق بيكون لصالح مين ؟

وكفايه كده صداع انهاره وبكرة نكمل

[vmidov]

معلش اخر حاجه انهارده انا قريت ان المعالج احادى النواة وليكن ترده 2000 لا يتساوى مع معالج ثنائى النواة ترددة وليكن 1000 ليه ؟ والفارق بيكون لصالح مين ؟

وكفايه كده صداع انهاره وبكرة نكمل

فعلا دى حاجه طبيعيه وبترجع لعده اسباب منها تردد المعالج لأن مع المعالجات القديمه الاحاديه كان التردد عند مستوى معين ميعلاش عن كده واعتقد كان أخره 667Mhz لكن مع المعالجات الثنائيه زى ماحضرتك شايف الترددات أعلى
سبب أخر طريقه ضخ البيانات
المعالجات القديمه كانت طريقه الضخ مزدوجه يعنى تبعت فى المره الواحده اكنها بعتت بيان مرتين
اما المعالجات الحديثه بدا من Pentim فهى بتعتمد ضخ رباعى يعنى بدل 1Byte مثلا تبعت 4 Byte فى المره الواحده عشان كده لو عايز تعرف تردد المعالج الحقيقى بتقسمه على 4
+ شغل البروسيسور لما يتقسم على نواتين أفضل جدا من انه يتقسم على نواه واحده هتلاقى سرعه أكتر
معلش انا حاسس ان كلامى مش مفهوم يمكن عشان عايز انام ومش مركز لو لسه النقطه موصلتش يبقى بكره ان شاء الله اوضحلك كل حاجه
تصبح على خير :ah22::ah22:

[ahmed-alaa]

لا يا حبيبي ما ز علتش ولا حاجة دانا بس نمت بدري اميارح بص كدا علي التجميعة دي
PROCESSOR AMD Phenom II X3 710 2.6GHz 1.5MB/6MB = 750 EGP
M.B Gigabyte GA-MA74GM-S2 = 300 EGP
VEGA SAPPHIRE HD 4830 1GB GDDR3 = 800 EGP
RAM Kingston 2GB 2X1GB DDR2 bus 800MT/s = 110 EGP
H.D Western Digital (WD3200AAJS) 320GB, Buffer 8MB, SATA = 250 EGP
DVD/RW NEC Optiarc 7200S = 110 EGP
CASE GAMMA Mini Server 350W = 340 EGP
TOTAL = 2660 EGP

[ahmed-alaa]

ال hd 4830 ادائه اعلي من ال 9800gtx يعني تحفة
لو غالية عليك التجميعة دي ممكن تبدل الAMD Phenom II X3 710 2.6GHz 1.5MB/6MB = 750 EGP بال amd phenom x 4 9550 =680 بس مانصحكش تعمل كده عشان ال Phenom II X3 710 ادائه اعلي بكتير
ولو احتجت اي حاجة انا تحت امرك

[THE PRO KING]

السلام عليكم أستأذن من صاحب الموضوع أنى أشارك معاكم وأنا بحب أوى الراجل vmidov راجل محترم أووووووووووووى بس أنا تعبتله دماغه على الآخررررر وأنا جاى أبيع كفتة (حد عايز) هههههههههههههههه :D

[vmidov]

لا يا حبيبي ما ز علتش ولا حاجة دانا بس نمت بدري اميارح بص كدا علي التجميعة دي
PROCESSOR AMD Phenom II X3 710 2.6GHz 1.5MB/6MB = 750 EGP
M.B Gigabyte GA-MA74GM-S2 = 300 EGP
VEGA SAPPHIRE HD 4830 1GB GDDR3 = 800 EGP
RAM Kingston 2GB 2X1GB DDR2 bus 800MT/s = 110 EGP
H.D Western Digital (WD3200AAJS) 320GB, Buffer 8MB, SATA = 250 EGP
DVD/RW NEC Optiarc 7200S = 110 EGP
CASE GAMMA Mini Server 350W = 340 EGP
TOTAL = 2660 EGP

طيب الاول صباح الخير
ثانيا البورده دى AM2 ودى مرديتش أحطها نظرا لأن دعمها للبروسيسور دعم مبدئى بمعنى أخر البورده مش هتشغله بكامل قوته والله أعلم + شريحه البوردات 780 أفضل وأسرع وده المطلوب

ال hd 4830 ادائه اعلي من ال 9800gtx يعني تحفة
لو غالية عليك التجميعة دي ممكن تبدل الAMD Phenom II X3 710 2.6GHz 1.5MB/6MB = 750 EGP بال amd phenom x 4 9550 =680 بس مانصحكش تعمل كده عشان ال Phenom II X3 710 ادائه اعلي بكتير
ولو احتجت اي حاجة انا تحت امرك

فعلا ال4830 أفضل لكن ال9800 اساسا مش فى المقارنه و عموما فى حاجت كتيره بقت تضرب ال9800 فى مقتل أعتقد مفيش أى ميزه تخلى الواحد يشتريه وطبعا مش هو بس

السلام عليكم أستأذن من صاحب الموضوع أنى أشارك معاكم وأنا بحب أوى الراجل vmidov راجل محترم أووووووووووووى بس أنا تعبتله دماغه على الآخررررر وأنا جاى أبيع كفتة (حد عايز) هههههههههههههههه :D

ههههههههههه 2 كيلو مشكل وكتر سلاطه الطماطم
جزاك الله كل خير على الكلام الجميل ده يا أخى بارك الله فيك ووفقك وعلى فكره انا متعبتش ولا حاجه أى حاجه عايزها أساعدك فيها ان شاء الله على قدر معرفتى