۩(●̮●)۩ ماذا ينقص السوق المصرى ..؟؟ ۩(●̮●)۩

[Islam XTrack]

احييك جوكر على الموضوع الجامد دا
هو فعلا احنا ناقصنا حاجات كتير في السوق وكثير ما تكون المنافسه بين التوكيلات جميله جدا بس تكون منافسه شريفه اكيد هتفرق كتير لان مثلا دخول اكثر من توكيل في منتج واحد اكيد هيكبر رقعه هذا المنتج لظهور هذه التكنولوجيا امام العملاء مما يجعله يفكر في هذا الامر او ان ليه اجيب كيسه ب مثلا 150 وفي كيسه ب 300 جنيه طب ايه الفرق اكيد هيفكر ايه الفرق بين دا ودا , ودا انا شوفته في السوق كتير جدا ان عميل يقدر يدفع فلوس زياده شويه وياخد حاجه احسن لكن عدم متابعة العميل لما هو جديد في السوق يجعله بقليل من الجهل تجاه هذا الشئ وهنا بترجع للبائع يبيعله اللي هو عايزه ودا وشفته فعلا .
تاني حاجه ننزل لمحلات التجزئه وهو اللي الجمهور بيتعامل معاه .
اول حاجه ممكن ننزل السوق ونشوف في كام مول فيهم كام محل والكام محل مول فيهم كام بياع بيفهم وببيبع تكنولوجيا زي ما بيتاجر او تاجر فاهم كويس ويقدر يوصل المعلومه للعميل في اطارها الصحيح اكيد عارفين ان الكلام دا قليل جدا بس موجود . ولو كثرت هذه الفئه اكيد الدنيا هتتغير كتير .
جوكر انا معاك في الموضوع دا واحييك عليه.

[ahmadmassoud]

السوق المصرى ناقصه اولا امكانيات ماديه ووعى عند المشترى
وضمير عند التاجر
:ah30::ah30::ah30::ah30::ah30::ah30::ah30:
لان كثير من المصريين وللاسف يعتقدوا ان الكمبيوتر مهمته الوحيده فى الحياة انه حل محل (الفيديو والكاسيت اللى انقرضواااااااااااااااااااااااااااااااا)
وبما ان معظم المصريين بيشتغلوا م 7 ل7
ومش فاضيين فطبعا هاييستفيد ايه من من جهاز امكانياته عاليه مبيقعدش عليه غير نص ساعة فى اليوم _ احسن له يجيب بوتجاز هههههههههههه

وطبعا بما ان الشعب المصري يعيش فى ترف وبزخ فاللى بفكر يجيب جهاز احترافى لشغله او للالعاب مع تحفظى على كلمة للالعاب دى لو مش مستريح
ماديا هتلاقيه داخل جمعييتين ومستلف من الحاره وتلاقيه بيطلع القرش ولا فريد شوقى فى البخيل وانا
طبعا مش عايز يتلك فى حاجه يندم عليها بقيت عمره
طبعا ده يدى ربع مبرر للتاجر(انه يجيب حاجات على القد ماهو عايز يشتغل م7ل7 هو كمان ويصرف على عياله ) اللى يقولك ياعم الحاجات دى مالهاش سوق هنا الزبون لمل اقوله الجهاز ده محترم وامكانيات عاليه يقولى يعنى هو هيقول ماما وبابا طبعا مجبناش سير ة التجار الشطار اللى متخصصين فى نفخ وسلخ الزبون
وللاسف معظمهم ميعرفوش اى حاجة فى اى حتة
ونخلى بالنا ان اللى بيخش على المنتدى ويسال ويستفسر(اسال استشير) ده يعتبر فلته
لان معظم الناس يروح المول ويخش على التاجر ويضع فيه كل ثقته وفى الاخر التاجر ييييييى
ولا بلاش عيب

:ah38::ah38::ah38::ah38::ah38::ah38:

وكمان ان يكون فى ضمير شوية عند التاجر لاننا بنلاقى بعض اسعار القطع خرافية وبعض القطع تكون رخيصة وترجع تغلى تانى(يقولك اصل المركب الكوتش بتعها ضرب فهتتاخر فعشان كده الحاجة غليت)
مع ان نفس القطعة من شهر كان سعرها ارخص (زى الcore 2 quad 9550 ) كمثال
مع ان نفس القطعة هى هى فى البترينة ده انت ممكن حتى تلاقى التاجر منفضش التراب اللى عليها


:ah41::ah41::ah41::ah41::ah41:

وبس يعنى انا وجهة نظرى اننا ينقصنا امكانيات ماديه ووعى وضمير عند التاجر

[mostafa741]

السلام عليكم
ينقصنا منتجات Logitech و Corsair و SilverStone و RAZER

[AL_ISLAM_333]

جزاك الله خيرا ... و موضوع رائع جدااااااااااااااااا ...... و أسأل الله تعالى أن يهدي تجارنا الى التطوير ... والتشكيل ... وما يقولوش انو مفيش فلوس في مصر.....لانه أصلا المنتجات الجديدة مش كلها غالية ... و بأكد انه في ناس و الحمد لله معها فلوس و عايزة تشتري ...بس المشكلة في المحلات التي لا تحسن العرض ... ولا يكون عندها المصداقية و الامانة .... يعني معلش محل لأغراض كمبيوتر و حجم 3*3 متر:ah46: ....يعني ازاي المشتري حيشوف الحاجات ....الدعاية ضعيفففففففففففففففففففففففففة جدا في محلات الكمبيوتر ....و لا توجد حجة (مفيش فلوس) الي عايز فلوس بيجيبها من تحت الأرض باذن الله و يصفي النية ... وربنا كريم

[AL_ISLAM_333]

والله الموضوع دا من الأخر وزي ما قال الفنان (محمد صبحي) On The Ceramic :D
احنا بقي عندنا في صعيد مصر أوعي تتخض دي بلد حلوة هع هع هع هع :D :D :D
هما يدووب محلين فقط اللي في البلد واخيرا في عام 2009 واحد منهم جاب مشتت 2B :D وميعرفش اسمه (مشتت) وليهم في السوق حوالي 4 سنين أو أكتر والسعر اوعي وشك :ah40:
من الأخر محتاجين توعية جامدة وكمان استغلال السعر دا هيجيبلي ضغط
بجد عاوزين السوق المصري يشوف نفسه ويقارن بينه وبين الأسواق الدولية اسف اجد (( جهل بالسوق وجهل في التخصص ))
يعني مش نفسك تروح تشتري كيسة أو VGA وتلاقي البائع بيفهم مش فهلوة لأ .. بيفهم ويديك معلومة وتروح من عنده وانت مطمن زي المنتدي هنا تمام
ارجو الأهتمام من الأدارة وباقي الأخوة الزملاء وربنا يستر
نفسي انزل القاهرة واشوف سوق بجد شامل في ( الكمبيوتر ) ( وكمالياته )
أما بقي الحل: الحــل:rolleyes:الحــــل :rolleyes:الحـــــــــل :rolleyes:الحــــــــــــــــــــــــل:ah22:

كلامك عجبني بجد

[lovebird27]

هو موضوع قيم ولى بعض الملاحظات على حاجات السوق المصرى من العتاد الكمبيوتر واتفق مع كثير من الاخوة الذى وضعوا ان الدخل الفرد فى الاول الاشياء حيث ان الغالبية من الشباب يعتبر دخلهم متوسط وفى نفس الوقت هناك اولويات عند كل شاب واولها هو الزواج والاستقرار وتكوين اسره
ثانيا بالنسبة ال ىنقص بعض الاشياء فى السوق المصرى واقتصاره على عدد محدود من الخيارات وخصوصا اللوحه الام هناك عوامل تحكم هذه الاشياء:1- غالبية المستوردين يبحثون على السلعه التى تناسب الغالبية العظمى من المشترين وليس فئة معينة تعتبر بالنسبة له غير مربحية بالمفهوم التجارى فيتم التركيز على نوعية سريعه الطلب والسعر المعقول
اما بالنسبة للاسوس اللوحة الام فهى ذات جوده عالية ولكن سعرها مرتفع بالنسبة للغالبية العظمى مثلها مثل لوحات supermicro,tyan,dfi,هذه اللوحة قوية جدا ولكن سعرها مرتفع جدا لاتناسب الغالبية العظمى من المشترين ولهذا تجد المستورد لايركز عليها لانها بطيئة الحركة عنده وكذلك هناك معالجات xeon من الانتل وopteron من ايه ام دى لاتجد لها مشترى فى غالبية الدول العربية لانها باهظة الثمن وتحتاج نوعية معينه من اللوحات الام وخصوصا معالج xeon الذى تستخدمة apple فى اجهزتها
واى مستورد يرغب فى دوران راس المال بسرعة ولا يتبقى عنده مخزون فى ظل تسارع التطورات فى المعالجات بين الانتل وال ايه ام دى

[peterlover]

يجماعه انا هقلوكم فضيحه بمعني الكلمه في اخر اجازه ليه في القاهره رحت سوق الكمبيوتر ... ولقيت شركه Asus عامله عرض بريزنتاشين زي xfx وكده المهم سالت الراجل اللي واقف قلتله انا كنت عايز اعرف ايه اللي يميز او ايه اللي يخليني اشتري مزربورد Asus عن جيجابيت ... قلي حاجات كتير ومنها ان انا ممكن قبل مادخل علي الويندوز من عن طريق البيوس ممكن اعمل شات ..
المهم .... قلتلو طب ايه انواع المزربورد اللي بركب عليها core i 7 او ارخصهم لاني كنت عايز اجمع جهاز وقتها ومفيش غير Gigabyte ud3 x58 اللي سعرها رخيص من Ud7 و السوكيت بتاعها 1366 المهم قام الراجل قلي بس كده بص باه انا عندي واحده تمام اوي تشغل اي بروسيسور من الجداد دول ... قلتلوا عامله كام ؟؟
قلي في حدود 700 جنيه قلت الحمد الله اخيرا هقدر اوفر انا طبعا استغربت للسعر قلت يمكن يكون عرض ولا حاجه.. قام قيلي ده كمان بتدعم core 15 هنا باه كانت ليا وقفه !!!
ازاي بتدعم core 15 , core 17 قلتله هيا دي تكنلوجيا جديده !!! منزلاها Asus ؟؟
قلي خليني كده ابص علي الاعلان بتاع الكرتونه .. المهم الراجل ولا فاهم يعني ايه سوكيت مختلف ولا اي حاجه هو كان فاكر عشان ان المزربورد جديده يبقي بتشغل اي حاجه \
وكله في الهطل يعم ... واصبحت انا قاعد بفهم اثنين من بتوع شركه asus وعامل قعده والناس اتلمت عمال اشرح ... وحسيت ان انا واحد جاي من بره والناس كانت بصراحه فرحانه بيه جدا ...(( مش عارف ليه )) وادوني في الاخر رقم المبيعات بتاع الشركه عشان اكلمهم بعد مفهموا عشان اشوف ايه البورد الجديده اللي بدعم core 17 وسعرها مناسب
توته توته خلصت الحدوته

[amink]

ياجماعة انتم علي حق انا كنت اعمل علي مازربورد abit al8v وكانت بوردة ممتازة واحببت ان احدث
واتي بالجديد المهم لفيت في السوق والنت وكان لي مشكلة انني من كثرة القراءة تشتت بين asus
و الجيجابايت والانتل وللاسف الasusكانت غير موجودة وفي نفس الوقت كنت اشتريت DVD asus ولم يعمر معي حيث بدا يقرأ اسطوانات الDVD ولا يقرأ اسطوانات CD وسالت عن توكيلها ومن اكثر من محل قالوا ان ال اسيوس مضروب هذه الايام ففكرت في الجيجا بايت كبوردة واشتريت GA-X58A-UD7
ولكن هناك مشاكل في الرامات العالية فهي غير موجودة بالسوق اطلاقا وحاليا انتظر قدوم الرامات
فانا معكم السوق ينقصة الكثير والمصداقية

[comp_ali]

Crosair Power Supplies
Crosair Rams
30inch screens 2560*1600 resolution
Logitech keyboards , Mice and gamepads
SteelSeries headsets

[neoman007]

اللي بيقولو عايزين logitech و crosair الحاجات اسعارها كبيرة و خيالية يعني مثلا لو سماعات logitech z-5500 ب 4500 من ثمنها و شحنها اقل حاجة 1500 جنيه و تخليص جمركي و مكسب يبقي مين هيشتري منتجات اللي يقدر يشتري ديه يقول و اكيد الناس تقدر توفر هاله لو هيدفع..!!
و اللي هيقول نجيب حجات صغيرة ممكن متعجبكوش يعني جيبنا و متباعتش ده كلام البياع و كل يوم بتنزل حاجة جديدة تموت اللي قبليها اعتقد ان المشكلة في مستوي الحالة المادية في مصر و التفكير مش في السوق نفسه.

[medo_hadi2020]

يا جماعة نحن نعيش في سوق نسبيا متخلف
1- والله تخش عند البياعين تتشل اصلا لان كان اصلهم بتوع دهان وعواطلية وكل صايع ومش فاهم اهو اسهل شغلة تبقي بتاع هرد وير ويقولولك يا بش مهندس من غير 5 سنين كلية هندسة ولا كلام فاضي ويا سلام لو تسطب وندوز يا ربي تبقي بروف ويبوسوا ايدك فين ايام زمان لما كانت التقنية حاجة تفرح والله زمان (بابا مهندس كمبيوتر) كان عندنا محل كانت الناس تيجي من الهرم وغيرة ومع ان المحل كان في مدينة نصر عشان ياخدوا جهاز ولا يشتروا موبايل ولانهم كانوا عارفين بيتعاملوا مع مين وفعلا كان بيبقي في ثقة متبادلة والناس اتعاملت معاك كزة مرة لكن دلوقتي بس تحت بيتك اراهنك متلاقيش مليون محل موبيل ومحلين كمبيوتر ولو دخلت دول ياما هتتشل يا ما هتلاقي كل الي عندهم سماعات وخلاص ويبقي محل كمبيوتر ويا جمالك لو سئلت علي حاجة في الهرد وير يقعد قولك ويفتي وتكرة ابو البياع علي المحل
2- بالنسبة لندرة بعض القطع فدة طبيعي لما سيادتك من يوم ما شوفات كمبيوتر متعرفش غير جيجا بيت وي ويسترن ديجيتال وي انتال وانفيديا هتجيب ام ادي اوي اتي اي اوي سيجات وي مسي اوي ecs اوي اسوس لية دي حاجات جربانة بتسخن وغالية المصيبة تلاقي البياع يقولك كدة ومصدق نفسة ولا لما تسال علي 5770 يقولك معنديش 570 عندي 512 ولا سيبك بقي كل كروت اي تي اي زبالة والفين جنية اية بقي خدلك 9600 وتبقي مية مية تقدر تقولي اسوس هتنزلك منتجات لية بلاش دي لو نزل هاردات سيجيت اتحدي حد انو اكتر من نسبة 10 في المية تتباع اصلا دي ثقافة تلاقي واحد بيقولك واجيب الي معرفوش لية وهوا ميعرفش حاجة اصلا بس سمع كلمتين من واحد صحبة عيزين الخلاصة
1-اتاكدوا انو الي يشتغل في الهاردوير يا ما مهندس كمبيوتر (يعني واخد 5 سنين هندسة) او عندة فهم وثقافة عشان يصلح او يبيع اجهزة
2-بعد مفجرتوا البياعين نضفوا دمااغ كل فئات الشعب وفهموهم مفيش حاجة احسن علطول ولو الدماغ الحجرية قبلت النضافة ساعتها قولي سوق هاردوير كامل ينافس السوق الأوروبي ولكم كل تحياتي

[fahd_628]

نفسى فى باور سبلاى و رامات Corsair !!!!!!!!

[ayseaf]

where i can buy cisco routers and switches

[Maximum_G]

يا جماعة نحن نعيش في سوق نسبيا متخلف
1- والله تخش عند البياعين تتشل اصلا لان كان اصلهم بتوع دهان وعواطلية وكل صايع ومش فاهم اهو اسهل شغلة تبقي بتاع هرد وير ويقولولك يا بش مهندس من غير 5 سنين كلية هندسة ولا كلام فاضي ويا سلام لو تسطب وندوز يا ربي تبقي بروف ويبوسوا ايدك فين ايام زمان لما كانت التقنية حاجة تفرح والله زمان (بابا مهندس كمبيوتر) كان عندنا محل كانت الناس تيجي من الهرم وغيرة ومع ان المحل كان في مدينة نصر عشان ياخدوا جهاز ولا يشتروا موبايل ولانهم كانوا عارفين بيتعاملوا مع مين وفعلا كان بيبقي في ثقة متبادلة والناس اتعاملت معاك كزة مرة لكن دلوقتي بس تحت بيتك اراهنك متلاقيش مليون محل موبيل ومحلين كمبيوتر ولو دخلت دول ياما هتتشل يا ما هتلاقي كل الي عندهم سماعات وخلاص ويبقي محل كمبيوتر ويا جمالك لو سئلت علي حاجة في الهرد وير يقعد قولك ويفتي وتكرة ابو البياع علي المحل
2- بالنسبة لندرة بعض القطع فدة طبيعي لما سيادتك من يوم ما شوفات كمبيوتر متعرفش غير جيجا بيت وي ويسترن ديجيتال وي انتال وانفيديا هتجيب ام ادي اوي اتي اي اوي سيجات وي مسي اوي ecs اوي اسوس لية دي حاجات جربانة بتسخن وغالية المصيبة تلاقي البياع يقولك كدة ومصدق نفسة ولا لما تسال علي 5770 يقولك معنديش 570 عندي 512 ولا سيبك بقي كل كروت اي تي اي زبالة والفين جنية اية بقي خدلك 9600 وتبقي مية مية تقدر تقولي اسوس هتنزلك منتجات لية بلاش دي لو نزل هاردات سيجيت اتحدي حد انو اكتر من نسبة 10 في المية تتباع اصلا دي ثقافة تلاقي واحد بيقولك واجيب الي معرفوش لية وهوا ميعرفش حاجة اصلا بس سمع كلمتين من واحد صحبة عيزين الخلاصة
1-اتاكدوا انو الي يشتغل في الهاردوير يا ما مهندس كمبيوتر (يعني واخد 5 سنين هندسة) او عندة فهم وثقافة عشان يصلح او يبيع اجهزة
2-بعد مفجرتوا البياعين نضفوا دمااغ كل فئات الشعب وفهموهم مفيش حاجة احسن علطول ولو الدماغ الحجرية قبلت النضافة ساعتها قولي سوق هاردوير كامل ينافس السوق الأوروبي ولكم كل تحياتي

انا عاجز تماما عن شكر حضرتك لتوضيحك في معالجة وفهم وتشخيص الحالة العلمية في المجال دا فيكي يا قاهرة :rolleyes:
الف شكر ليك علي التوضيح مين بس اللي هيقدر يعمل كدا الحكومة مش عاوزة حد يتخصص في شيء ومش عاوزين حد يفهم ويكون متعلم لأنه لو اتعلم وفهم هيعرف اللي امر من مجال التكنلوجيا اللهم إجعل كلامنا خفيف عليهم :D
هي لفة أو زي ما نقول كدا حلقة دائرية مابين ثلا مراحل وبتنتهي عندهم باردو مستورد وكيل بائع وتلف عليهم تاني

[Lt.Price]

ياااااااااه
كتييييييييييير
Logitech , Razer , Thermaltake , asus , coolermaster
coolermaster موجوده بس مش بتنوع زي بره
وطبعاً A4Tech
و BioStar (نفس حالة Cooler master)
و Corsair , وتنوع الCPU coolers اهم شئ
وفين باوارات وكيسات Antec و Rosewill و RAIDMAX و NZXT
وفين فارات Cooler master
ولا شاشات Acer
والCasefans اللي محتاجه تنوع اكثر
الصراحه انا لو قعدت اعد الحاجات اللي السوق المصري محتاجها قرن مش هخلص
وعلي فكره 80% من الحجات اللي قولتها دي موجوده هنا, بس هتلاقيها بعد اد ايه من البحث والعناء؟
ده غير ان الواحد عمره ما بيلاقي الموديل اللي هو عايزه , في ماركات كتيره جداً في مصر
بس مشكلتنا الوحيده هي
تنوع المنتجاااااات
و شكراً!