أفضل قطع الهاردوير من حيث الآداء مقابل السعر فى السوق المصريه ( مُتجدد )

[r.a.m]

موضوع متميز اتمنى ان يكون شهرى

[moatez]

موضوع جميل جدا اخى العزيز vmidov بارك الله فيك ...

لى اعتراض على شوية حاجات بسيطه :

من الفئه السعريه 200 - 400 جنيه هو AthlonII X2 240 بسعر 330 جنيه

يعنى اللى معاه 400 ج يروح يشترى X2 240 او يزود 150 ج ويشترىX2 550 طيب ما فى حل وسط X3 425 بسعر 420 ج ........

من الفئه السعريه 651 - 900 جنيه هى MSI 790GX-G65 بسعر 700 جنيه
من الفئه السعريه 900 جنيه فما أعلى هى MSI 790FX-GD70بسعر 1000 جنيه

برده هنا اللى معاه 900ج يروح يشترى 790GX او يزود 100 ج ويشترى 790FX ما فى حل وسط يزود 25 ج فقط ويشترى Gigabyte GA-MA790XTA-UD4 انا مستخسراساسا ان الواحد يدفع 1000 ج فى بورده مش داعمه للتقنيات الحديثه SATA3 , USB 3

من الفئه السعريه 801 - 1000 جنيه ASUS P7P55D LE LGA 1156 بسعر 985 جنيه

اعتقد فى وجود GIGABYTE P55A-UD3P السعر 1000 جنيه تقريبا الاسوس متعتبرش الافضل فى الفئه ده .......

[vmidov]

موضوع جميل جدا اخى العزيز vmidov بارك الله فيك ...

شكرا ليك أخى معتز جزاك الله كل خير

يعنى اللى معاه 400 ج يروح يشترى X2 240 او يزود 150 ج ويشترىX2 550 طيب ما فى حل وسط X3 425 بسعر 420 ج ........

كلام سليم بس مش لازم يكون معاه 400 جنيه ممكن يكون معاه أقل لكن عموما أعتقد أنه كان المفروض يكون فى شريحه وسطيه يعنى الشريحه بتاعه 240 تكون 200-350 وشريحه وسطيه من 350-450 ودى تكون ل425 والباقى كما هو

برده هنا اللى معاه 900ج يروح يشترى 790GX او يزود 100 ج ويشترى 790FX ما فى حل وسط يزود 25 ج فقط ويشترى Gigabyte GA-MA790XTA-UD4 انا مستخسراساسا ان الواحد يدفع 1000 ج فى بورده مش داعمه للتقنيات الحديثه SATA3 , USB 3

أعتقد هنا قصدك على G65 الفكره لو هو معاه 900 جنيه يزود 25 جنيه ويجيب UD4 يبقى الاحسن له يزود 75 جنيه كمان ويجيب الGD70 وهى أفضل جدا من UD4 ويبقى خساره أنه يجيب UD4 حتى لو كانت فيها الUSb,Sata3 لأن دول الميزه الوحيده فيها وحتى UD5 مقارنه بGD70 تلاقى أن MSi أحسن يبقى المميز فى الاتنين دول هى USB,Sata3 أضافه ضعيفه للمساعده على شراء لوحات أصبحت ملهاش سوق طبعا البعض يفضل أنه يجيب أى منهم عشان الامكانايات دى لكن ده مش سبب يخليها تاخد مكان GD70

اعتقد فى وجود GIGABYTE P55A-UD3P السعر 1000 جنيه تقريبا الاسوس متعتبرش الافضل فى الفئه ده .......

نفس الوضع بتاع بوردات AMD مفيش أى شئ مميز فى UD3P غير USb,Sata3

[moatez]

نفس الوضع بتاع بوردات AMD مفيش أى شئ مميز فى UD3P غير USb,Sata3

ال UD3P بتتميز على ASUS P7P55D LE بالاتى :
ال UD3P بدعم SATS 3 , USB 3 الاسوس لا تدعمهم
ال UD3P عدد فازات الباور فيها 12 لكن الاسوس 10 فقط
ال UD3P شريحة الصوت فيها افضل وبدعم Dolby® Home Theater الاسوس لا
ال UD3P تصميم اللوحة و نظام تبريدها افضل من الاسوس بكثيرررر ..

كل ده فى مقابل 15 ج فقط ايه الميزه بقى اللى موجوده فى الاسوس مش موجوده فى الجيجابايت ؟؟

[vmidov]

ال UD3P بتتميز على ASUS P7P55D LE بالاتى :
ال UD3P بدعم SATS 3 , USB 3 الاسوس لا تدعمهم
ال UD3P عدد فازات الباور فيها 12 لكن الاسوس 10 فقط
ال UD3P شريحة الصوت فيها افضل وبدعم Dolby® Home Theater الاسوس لا
ال UD3P تصميم اللوحة و نظام تبريدها افضل من الاسوس بكثيرررر ..

كل ده فى مقابل 15 ج فقط ايه الميزه بقى اللى موجوده فى الاسوس مش موجوده فى الجيجابايت ؟؟

كل اللى حضرتك قلته كنت متوقعه بطريقه أو بأخرى المهم
‘USb,Sata مفيش داعى أتكلم عنهم تانى
النقطه التانيه هى الاخيره أو الاتنين مندمجين تحت أجابه واحده من إمتى جيجابايت تتفوق على أسوس فى أى حاجه وبلاش نعممها من أمتى جيجابايت تتفوق على أسوس من ناحيه التبريد أو القابليه لكسر السرعه أو الثبات أو الحراره
عن نفسى وعن أراء تانيه كتير لو كنت هاجيب واحده منهم هجيب الأسوس لأن البورده مبشتريهاش كل يوم
كارت الصوت المدمج مينفعش يكون أحترافى أصلا ولو حد بيدور على كارت الصوت يبقى يهمه الصوتيات أو على الاقل حاجات معينه فى الحاله دى عنده حلول تانيه غيرها
انا عارف أن الكلام كأنى بحاول أبرر أى حاجه لصالح الأسوس لكن مش هى دى الحقيقه انا لو هشتريها هقول نفس الكلام وأكيد انا مش عايز أخسر
عموما لو ثبت فى أستفتاء مثلا أن نسبه اللى يفضلوا UD3P عن P755D يبقى أحطها مكانها على طول
صحيح نسيت أن معظم اللى هيشاركوا من مصر إذن هتكون الاغلبيه لجيجابايت بالتالى مفيش فائده لعمل الأستفتاء
عموما الرأى مش شخصى ومفتوح للجميع ومادامت الغلبه للوحه دى إذن توضع فى اللائحه
لكنها لا تزال لا تستحق الشراء

[RRM]

مساء الفل يا استاذى
هو مفيش اخبار عن الرامات فى الموضوع ده

[moatez]

النقطه التانيه هى الاخيره أو الاتنين مندمجين تحت أجابه واحده من إمتى جيجابايت تتفوق على أسوس فى أى حاجه وبلاش نعممها من أمتى جيجابايت تتفوق على أسوس من ناحيه التبريد أو القابليه لكسر السرعه أو الثبات أو الحراره

جمله دائما بكررها مينفعش اعمم واقول ان الاسوس افضل من الجيجابايت من ناحية كذا وكذا خصوصا ان الشركتين من كبرى الشركات المصنعه للوحة الام طبعا بجانب شركات اخرى لكن المنطق بيقول ان نحدد موديلات معينه ونقارنها مع بعض .......

[vmidov]

مساء الفل يا استاذى
هو مفيش اخبار عن الرامات فى الموضوع ده

يا مساء الجمال رفعت بك
المشكله أن الرامات هنا محدوده جدا طيب قولى أقارن أيه بأيه :D

جمله دائما بكررها مينفعش اعمم واقول ان الاسوس افضل من الجيجابايت من ناحية كذا وكذا خصوصا ان الشركتين من كبرى الشركات المصنعه للوحة الام طبعا بجانب شركات اخرى لكن المنطق بيقول ان نحدد موديلات معينه ونقارنها مع بعض .......

والله يا باشا انا بكررها برضه كتير بس فى حاجات أقدر أقول فيها الكلمه دى
فى ناحيه لما أقارن بين بوردتين من نفس الشريحه ينفع أقول أن أسوس أفضل من جيجابايت + انا خصصت أفضل منها فى أيه دائما وأبدا لوحات أسوس أفضل من معظم الباقى وخصوصا جيجابايت فى التبريد أو الاداء أو الثبات
اما لو حضرتك عرضت عليا بورده جيجابايت بشريحه 790 مثلا فى مقابل لوحه أسوس بشريحه 785 والسعر متقارب ساعتها أشوف الموديلات وأقارن بينهم وقتها تكون اللوحه الجيجابايت تكون أفضل
وأعترض فى كلام حضرتك فى نقطه إذا كانت أسوس من كبرى الشركات فهذا حقها لكن جيجابايت أقل من توضع فى نفس المقام أو أن يقال عنها أنها من كبرى الشركات
تحياتى لك

[elite gamer]

للاسف ياعزيزى هذا ما قد يعتقده البعض
لو أعتمدنا على نتائج البرامج

زى ما حضرتك شايف إن السيجات أعلى فى الTransfer Rate
لكن المهم فى القصه هو الAccess Time
لو قارنت بين هارد SSD و 4 هاردات 640 Caviar Black فى وضعيه Raid0
فى الموضوع ده
https://www.arabhardware.net/forum/s...d.php?t=158572
هتلاقى الTransfer Rate بتاعهم متساوى ومع ذلك لا يتساوى الاثنين فى الاداء وده لسبب بسيط إن الاربع هاردات الAccess Time بتاعها 6.7ms فى حين إن الSSD 0.1ms فقط

لاحظت أثناء قرأه هذا الموضوع إن حضرتك بتقارن بين نتائج الهارد ال500بلو اللى معاك بالهارد البلاك وده غلط لأن الهارد البلو ده 500 جيجا فى حين إن التانى 1000 وممكن توصل لنتائج مقاربه لأداء التيرا البلاك بالهارد بتاعك لأنه أقل فى المساحه بالتالى السرعه اللى فيه بتتقسم على مساحه أقل
الهارد التيرا البلو للأسف مش موجود ليه أى نتائج فمقدرش أقارنه بالبلاك
وكل ده عن نتائج البرامج العاديه
لكن بالنسبه للأداء على أرض الوقع للأسف مقدرش أقول فيه حاجه لأنى مجربتش غير التيرا البلاك فقط

بالمناسبه مش فاهم أيه قصد حضرتك بالموضوع اللى فى الرابط ؟
صاحب الموضوع بيقول أن فى فرق بين البلاك والبلو والجرين وده الطبيعى

السلام عليكم
بالنسبة للنتيجة اللي حضرتك واضعها , فأنا شفت أفضل منها


العوامل اللي بتحدد أداء الهارد كثيرة
ومن أهم العوامل زمن الوصول ومعدلات القراءة و سرعة الدوران
فمفيش عامل أهم من التاني . كلها عوامل مهمة ,
بالنسبة لزمن الوصول فهو متوسط زمن الوصول علي كامل الهارد
ميزة ssd هو زمن الوصول المنخفض للغاية =0.1 ملي ثانية مقارنة بالبلاك الذي يبلغ 12.2 ملي ثانية
أما عندما نقارن بين السيجيت والبلاك فالنسبة 13.8 إلي 12.2
الاثنان لهما معدل وصول مرتفع لأن كليهما أقراص ميكانيكية

-بالنسبة لمقارنة الأقراص ذات السعات المختلفة فالسؤال هو ليه غلط
مع العلم أن البرنامج يقوم بقياس معدلات القراءة علي كامل أجزاء الهارد
ولا نقوم بقسمة السرعة علي المساحة
نحن نبحث عن الأفضل في الأداء وليس الحجم :rolleyes:
ومواقع المراجعات تقوم بمقارنة الأقراص ذات السعات المختلفة (يبقي فين الغلط:confused


فارق الأداء ليس كبيرا للغاية
مقارنة بين الأثنين

ما جعلني أقترح إزالة الهارد البلاك من القائمة هو التالي
1-من حيث السعر يبلغ 600 جنيه (السعر المرتفع )
2-من حيث الأداء أقراص مثل البلو 640 والبلو 500 تقترب بشدة من أداء البلاك
3-من حيث الحجم.يمكن الحصول علي 1تيرا الجرين بحوالي 490 جنيه

وفي النهاية كنت ذكرت في مشاركتي
ان هذا مجرد إقتراح وليس إلزاميا في شييء
دي مجرد مناقشة في سبيل الحصول علي الأفضل من حيث السعر مقابل الأداء
النقطة التي أحببت أن يتم إيضاحها في الموضوع(الرابط)
هي أن أقراص البلاك هي عبارة عن مجرد تسويق ولا تعطي أداءا متفجرا كما يعتقد الشباب :D

[محمد الجوهري]

موضوع رائع و متعوب عليه
المتابعه لحظيه ... امر جيد فى الحقيقه

أتمنى :

1- متابعه الموضوع بإستمرار و إستمراريه النقاش حول أفضل القطع للوصول الى أفضل سعر مقابل آداء و من ثم
تحديث القاشمه الرئيسيه

2- تحديث الموضوع بكافه المستجدات و المنتجات الجديده فى الأسواق و خصوصا الشاشات و كروت الجرافيك

3- الإبتعاد عن التعصب و النظر للأمور بموضوعيه شديده و منهجيه تتيح التوصل لأفضل المنتجات بشكل سليم

يُثَبَّت

[vmidov]

السلام عليكم

وعليكم السلام ورحمه الله وبركاته

ومن أهم العوامل زمن الوصول ومعدلات القراءة و سرعة الدوران
فمفيش عامل أهم من التاني . كلها عوامل مهمة ,

بالنسبه للثلاثه هما مهمين لكن أهمهم زمن الوصول لأن هو اللى بيحدد الوقت المستخدم لأستقبال البيانات وأرسالها وده أهم ما يكون فى الهارد لأن هو المستخدم طوال الوقت لسبب بسيط مهما كان أستخداماتك نقل الملفات من الهارد إلى أخر أو ألى نفسه لا يحدث يوميا ولكن أرسال وأستقبال البيانات من وإلى الهارد يحدث فى كل خطوه تقوم بها

-بالنسبة لمقارنة الأقراص ذات السعات المختلفة فالسؤال هو ليه غلط

اقول لحضرتك ليه غلط
فرضا أنى جبت كرسى وضعته فى أحدى فى شقه متكونه من 6 غرف فى طابق يتكون من 4 شقق وأردت منك البحث عنه
ثم أخذت نفس الكرسى ووضعته فى شقه أخرى ولكن أخبرتك أن نطاق هو دورين بدل من دور واحد ويجب أن تبحث فى الدورين لأيجاد الكرسى
ومره أخرى قمت بأعاده التجربه ولكن مع أربعه اداور هذه المره

وعلى فرض سرعه بحثك متساويه فى أى تجربه ولنقل 15 دقيقه فى الشقه
هل يتساوى الوقت المأخوذ فى التجربه الاولى مع الثانيه والثالثه ؟؟؟؟

هذا هو حال 3 هاردات بسرعه واحده أو موديل واحد Blue ولكنهم بسعات مختلفه ولنقل 500-750-1000

ولكن لك صديق يبحث أسرع منك ولنقل 12 دقيقه فى الشقه وقمت بنفس التجربه عليه
لا يتساوى أيضا فى الثلاث تجارب
ولكنك عند التجربه رقم أتنين ستحقق وقت 120 دقيقه للبحث فى الشقق كلها مع العلم إنك وجدت الكرسى فى أخر شقه فى أخر غرفه
وفى نفس الوقت قام صديقك بالتجربه الثالثه فى وقت 144 دقيقه مع العلم أنه وجد الكرسى فى أخر الوقت تماما ايضا
ولكن هنا قام صديقك بالبحث فى عدد 12 شقه فى حين قمت أنت بالبحث فى 8 شقق فقط
أتمنى تكون وصل رأيى

فارق الأداء ليس كبيرا للغاية

وكذلك فرق السعر

2-من حيث الأداء أقراص مثل البلو 640 والبلو 500 تقترب بشدة من أداء البلاك

وضحت رأيى فوق

3-من حيث الحجم.يمكن الحصول علي 1تيرا الجرين بحوالي 490 جنيه

وفارق الاداء ؟ 500 جنيه تقريبا فى جرين ولا 600 فى بلاك

ان هذا مجرد إقتراح وليس إلزاميا في شييء
دي مجرد مناقشة في سبيل الحصول علي الأفضل من حيث السعر مقابل الأداء

هذا ما يجعلها إلزاميا أن أكون أخطأت فى تقدير شئ وليس كل ما أكتبه صحيح 100% فأنا أنسان أولا وأخيرا وقد يقع البعض فى مشكله بسبب سوء حكمى على شئ معين

هي أن أقراص البلاك هي عبارة عن مجرد تسويق ولا تعطي أداءا متفجرا كما يعتقد الشباب :D

لا تعطى اداء متفجرا هذا سليم فالاداء المتفجر من نصيب SSD يليها Raptor
لكنها ليست مجرد تسويق وادائها أفضل فى مقابل فرق السعر

وشكرا لك أستاذى على المناقشه المفيده ومجهودك بارك الله فيك

@محمد الجوهرى
أبو حميد أيه الاخبار يا أستاذنا
نسيت أقولك ألف مبروك على النتيجه لسه شايف التوقيع وعقبال النهائيه

لى سؤال

تحديث الموضوع بكافه المستجدات و المنتجات الجديده فى الأسواق

هل تقصد إضافه الجديد وقت نزوله ولا أيه؟

شكرا ليك على التثبيت ولو أنه حمل كبير ربنا يقدرنى عليه

[elite gamer]

مبروك عليك أخي ميدو تثبيت الموضوع
وأعتذر منك عن إستمرار النقاش في هذا الموضوع فوجهة نظري موجودة بالمشاركات أعلاه
والسبب في إعتذاري عن الإستمرار أن ذلك الجدال قد يكون فيه تشويه للموضوع
هأدعك تكمل الموضوع في سلام
تم التقييم للموضوع ولك :D
لكن كلمة صغيرة. بالنسبة لمثال الكرسي ؟ فلا يوجد وقت للبحت عدد القطاعات مهههول للغاية ليتم البحث فيه !!

[vmidov]

ال UD3P بتتميز على ASUS P7P55D LE بالاتى :

للأسف مخدتش بالى من نقطه أن حضرتك بتقارن بين LE و ud3p والجيجابايت هنا سعرها 1200 أو أكثر وأعتقد أن حضرتك تقصد UD3 بكلامك لأن هى دى الى سعرها 975 جنيه وفى الحاله دى هى لاتقارن أصلا بASUS LE خصوصا مع المشكله المذكوره لبوردات جيجابايت P55 مع سرعه USB,Sata3 اللى بتخليك مظطر أنك تنزل سرعتهم عشان الجهاز يشتغل بدون تأثير على باقى القطع
غير أن التبريد بتاعها وتصميمها ضعيف جدا مقابل LE بالتالى اللوحه الاسوس أفضل
وتم تغيير القائمه

مبروك عليك أخي ميدو تثبيت الموضوع
وأعتذر منك عن إستمرار النقاش في هذا الموضوع فوجهة نظري موجودة بالمشاركات أعلاه
والسبب في إعتذاري عن الإستمرار أن ذلك الجدال قد يكون فيه تشويه للموضوع
هأدعك تكمل الموضوع في سلام
تم التقييم للموضوع ولك :D
لكن كلمة صغيرة. بالنسبة لمثال الكرسي ؟ فلا يوجد وقت للبحت عدد القطاعات مهههول للغاية ليتم البحث فيه !!

بارك الله فيك شكرا لك يا عزيزى
ولا يهمك أخى إذا لم ترد إكمال النقاش فكل له مشاغله أعانك الله
ولا يهمك أيضا إذا أردت إستمرار النقاش فلن يشوه الموضوع خصوصا أنه موضوع عام والنقاش فى صالح الموضوع وصالح الاخوه الاعضاء أولا وأخيرا للوصوصل للأنسب

هأدعك تكمل الموضوع في سلام

I Came In Peace :D

[ashmawy1901]

كم سعر البروسيسور ده

3.16 Intel Core2 Duo E8500
سوال اخر

هو ينفع بروسيسور لاب توب يركب علي PC و العكس

شكرا

[RRM]

أفضل حاويات Case

أفضل Case
من الفئه السعريه 100 - 200 جنيه هى Dolphin Without PSU بسعر 170 جنيه
من الفئه السعريه 201 - 300 جنيه هى Gamma Mini Server HEC350W بسعر 285 جنيه كأفضل Case+PSU و Cooler Master Elite 335 بسعر 235 جنيه كأفضل Case فقط
من الفئه السعريه 301 - 400 جنيه هى Cooler Master Centurion 5بسعر 360 جنيه
من الفئه السعريه 401 - 500 جنيه لايوجد

من الفئه السعريه 501 - 600 جنيه لايوجد

من الفئه السعريه 601 - 700 جنيه لايوجد

من الفئه السعريه 701 - 1000 لايوجد

من الفئه السعريه 1001 - 1200 جنيه هى Antec Twelve Hundred بسعر 1100 جنيه
من الفئه السعريه 1201 - 1500 جنيه هى Cooler Master Cosmos S بسعر 1400 جنيه

صباح الفل يا محمد بيه
ممكن تعدلنا الكيسات بعد اذنك