فكرة لادخال موديلات جديدة من الهيدفونات بناء على اختياراتنا للسوق المصرى ,, شارك معنا

[SeeNoEvil]

طيب ايه الفرق بينها وبين ال202

[I-IEMA]

طيب ايه الفرق بينها وبين ال202

اسمحلى يا سمير باشا ارد انا على الدكتور حسام :D

الفرقان الاساسيان بينهم :
1- الراحة للأذن--> لصالح الـ HD201
بسبب تصميمها الـ Full Size اللى بيحتوى الاذن بكاملها داخل مخدة الاذن
بينما الـ HD202 اطار طبلة الاذن الخارجية ( انت بقى اللى تقولنا إذا كان دا اسمها ولا لأ :p ) + شحمة الاذن بيكونوا على اطار "مخدة" الهيدفون مش بداخله ,,,,, باختصار : تصميم الهيدفونات العادية المنتشرة

2- الــــ Bass --> لصالح الـ HD202
لإن السماعة دى اكثر ما يميزها هو قوة و حدة الـ Bass ,, لكن الـ HD201 فـ الـ Bass اقل منها

دا طبعا غير ان الـ HD202 اغلى بـ حوالى 5 دولار

المعادلة بقت Bass vs. Comfort

بصراحة أنا اميل للـ Bass ,, لإن من ناحية الـ Comfort انا شغال بالتصميم العادى للهيدفون و مش حاسس انها متعبة فى الساعات الطويلة ( انا صبح وليل بيها :D )
و لكن إن كانت الاغلبية تميل للـ HD201 علشان نقطة راحة الاذن فيها ,, فأنا مع الاغلبية

انت رأيه ايه يا دكتور ؟ علشان لو هاتتجه للـ Bass نحاول نقنع سمير بيها إن امكن :D ؟

*-*-*-*-*
انا اللى خلانى اتذبذب شوية بخصوص الموديلين انى قرأت شوية ريفيوهات عليها النهاردة
و كتيــــــــر قالوا انها مش للـ Bass ,, و قيل انها للـ Classic أكتر منها للـ Rock

[MF88]

و قالو انها مفيده للقولون كمان :D

انا عايز سماعه تتوصل على كارت صوت كرييتف و تدى صوت محيطى جبار

ده كل اللى انا عايزه .

و على فكره . السماعه اللى متحتويش الأذن بداخلها . بتكون جهنم الحمراء فى الألم و الحراره

انا بكلمكم و على راسى واحده اهو . و مع الضغط بتخللى الودان لازقه فى الرأس

بتبقى avatar وش

ناقصلك علبه بلاستيك زرقا من سايبيس او Juten و وشين معجون :D

[I-IEMA]

ههههههههههههههههههههه
ماشى يا عم محمود

انا زى ما قولتلك , إلى الآن ماجربتش احساس الصوت المحيطى
انت صحيح وصلت لإيه مع الـ لوجيتيك ؟ استقريت عليها ولا غيرت رأيك ؟

انت الهيدفون اللى عندك نوعه ايه ؟
انا شغال بواحد Sony ,
مفيش ضغط على ودنى و لما بحس بألم بيبقى علشان ما حطيتش الهيدفون بشكل صحيح على ودنى
و فى ظرف 20:30 ثانية , الالم بيروح

بالنسبة للحرارة , اكيد اى هيدفون هايكتم الحرارة
و لو ان برضه الموضوع دا مش بيشكل عائق مع الهيدفون الحالي اللى عندى !!

هو انا متحيز للهيدفون ذات التصميم التقليدى , ولا متجيز للهيدفون اللى عندى , و الهيدفون اللى عندى جامد و انا مش واخد بالى :p


---- Edit ----
بقرأ ريفيو للـ HD201 ,, لقيت الراجل قايل فيها كلام جامد جدا عن ان الصوت نقى
و لقيته ضرب مثال بـ (Adagio for Strings) ,, أنا كنت طاير من الفرح لإن دا تراك ترانس لـ Tiesto
معنى انه هايتكلم عليه يبقى السماعات حلوة فى الترانس و الـ Bass جامد
لقيته بيقول ان الصوت فيها كان رائع , تمــــــــــــــــــااام
و انه صوت الكمان فيها نقى جداا وسامعه بوضوح , كمان!! كمان ايه يا مان !؟؟
التراك ماكانش فيه كمان خالص , قولت يمكن هو سمع حاجة انا ماسمعتهاش :D ؟
شغلت التراك و مافيهوش كمان نهاائى

بدور على اليوتيوب لقيته قصده على السيمفونية مش تراك الترانس

[Mshadow.me]

يا هيما متتعبش نفسك خليك مع الأغلبية (و الأغلبية اللي هي مش أنا طبعا:D أغلبية مجتمع الصوتيات بتقول أن دي أحسن واحدة في رنج السعر ده)

بالنسبة للBass , ال201 فيها باس نقي أنما مش عالي, ال202 فيها باس عالي أنما مكتوم(عقدتلك الأمور مش كده؟:D)

تصدق أنا النهاردة دخلت علي منتدي و دورت علي موضوع عن الأتنين, لقيت عجب

-واحد بيقول أن 201 صوتها واطي و مفيهاش باس

-اللي بعديه بيقول أنه جاب ال202 عشان الباس و طلع مكتوم, بخلاف أنها حمرته له ودنه

-اللي بعديه قال أن ال202 الباس بتاعها عالي أوي بالنسبة للطبيعي, و أن الأصوات الواطية و المتوسطة فيها مكتومة( يعني لازم تعلي عشان تسمع صح)

-اللي بعديه قال أن ال201 ممتازة و مفيهاش عيب مع كرت صوت محترم, و أن الباس بتاعها في الأول كان واطي و بعدين بعد 50-60 ساعة شغل عليها بقي الباس perfect

الخلاصة أن الباس مسألة نسبية و أحساس الaudiophiles غير أحساس الناس اللي زينا

فالموضوع كله أراء (حاجة زي ATI و أنفيديا كده:D) بما أن مفيش طريقة تقيس بها جودة صوت الهيدفون

فكده يتبقي عامل السعر, و الهيدفون الغالية (الكلام ده ليك يا محمود) حتتعبك معاها أكتر من الرخيصة, حتعاملها بكل رفق عشان مالهاش بديل في مصر, لو وقعت منك مثلا و أكسرت منها حتة مش حاقولك أنت ممكن تعمل أيه, لو السلك أتقطع, لو واحدة من السماعتين وقفت, الهيدفون مشاكلها كتير يا صاحبي

و بس (أنا اتكلمت كتير قوي)

المهم يا هيما أنك مع كرت صوت محترم لا يمكن تحس أن الباس واطي

انا بكلمكم و على راسى واحده اهو . و مع الضغط بتخللى الودان لازقه فى الرأس

(نفس الموقف) أنا الهيدفون بتاعتي creative ,بتتباع دلوقتي ب14 جنيه:D

[I-IEMA]

هايبقى يوم طويـــــــل

:ah2:
:ah49:
:ah1:

https://www.google.com.eg/search?q=S...HD202+vs+HD201

هاقرأ المراجعات و راجعلكم تانى
.
.


A-Bomb ,, انت فين من امبارح ماظهرتش ؟؟

[SeeNoEvil]

شكرا ياهيما ليك تقييم جميل زيك
وفعلا ال201 احسن عشان حجمها الكبير
بس المهم ازاي نعمل طلبيه من السماعه دي

[I-IEMA]

شكـــــــرا على تقييمك

انا برضه شكلى هارجع للـ HD201 تانى علشان من الريفيوهات ان الـ sound quality فيها افضل

لكن لقيت انى مشترك فى الموضع ده , قولت برضه آخد رأيهم :
which to choose : Sennheiser [ HD201 or HD202 ] for Trance ?

لو احنا اللى هانعمل الطلبية يبقى هاندفع ضعف تمنها :eek:

احنا عاوزين شركة كبيرة تكون هى اللى ماسكة الموضوع ده
انا بشوف منتجات كتير بدأت تدخل علشان اعضاء بيطلبوها فى الموضوع الرئيسى , فعندى امل دى تكون حاجة منهم
مثال على ذلك : انواع وموديلات كيسات كتير

بس انا مش متابع اوى الكيسات و الناس اللى بتطلبها ( لإن ماليش اى اهتمام بالكيسة :p )
لذلك انا مش عارف الناس اللى بتطلبها ,, ولا الناس اللى بينطلب منها :D

لو تعرف حد استجوبهولنا و خليه ييجى معانا فى الموضوع يعرفنا نكلم مين

[Mshadow.me]

دا أنت دماغ يا هيما, عامل عضوية و موضوع علي overclock.net , أنا بصيت علي الردود اللي علي الموضوع و قعدت أضحك

-أول واحد قال هات حاجة وسط بين الأتنين

-تاني و تالت واحد رشحوا الSony و الKoss , السوني صوتها وحش مقارنة بال201 أو 202 , و الKoss دي مش هيدفون أساسا دي earphone :D

عايز تشوف ناس بتفهم يعني أيه صوت بجد شوف ده

https://www.head-fi.org/search.php?s...hd201+vs+hd202

بس زي ما بأقولك حتلاقي نص الناس بتقول خد ال201, و النص التاني بيقول خد ال202:D

[A-Bomb]

اسف يا شباب النت فاصل عندي من يومين...هاشوف كدة الموضوع هنا وصل لإيه و لو في حاجة او اضافة هاقولها ان شاء الله


تعديل:

بدور على اليوتيوب لقيته قصده على السيمفونية مش تراك الترانس

دا في حد ذاته كويس جدا, واحد لأني بسمع classical كتير جدا, تاني حاجة طالما السماعة صوتها كويس في الكلاسيكال اللي هو كله الات ففي الخبط و الرزع(اسف) المسمي electronica هاتبقي مقبولة من الاخر هاتبقي احسن من احسن حاجة موجودة هنا
ال202 صوتها حسب كلام الناس الbass في جامد بزيادة و دا مش حلو خالص خالص, احسن وصف بيتقال انها muddy و دا مش حلو خصوصا لو الموضوع فيه حاجات واطية كتير (ترددات يعني) دا غير ان رأي dfkt فيهم كان :

Sennheiser HD 201 / HD 202 - Closed design, somewhat isolating. HD 201 is circum-aural, HD 202 is supra-aural. The HD 201 sound better when played through a stronger amplifier.

فلو الواحد جاب معاها مثلا FiiO e5 او حتي الe3 و دولواحد ب 20 دولار من امازون نفسة و التاني ب 10 دولار, فكدة يبقي دا احسن كومبو ممكن ندخله مصر و نبدأ و اللي لو نفع نقدر بقي نكلم الناس و تدخل بقي حاجات متنوعة اعلي....سوق الصوت فاضي تماما الا من كام محل و بيستغلوا النقطة دي في بيع حاجات مش قد كدة ة بأسعار مبالغ فيها و هو شوق مهم مع ان المستهلكين عددهم اقل علشان اصلا ودان المصرين بايظة بفعل التلوث السمعي لكن دا مايمنعش ان وجود منتج متخصص في السوق و بسعر مناسب فدا يعتبر شئ اكتر من ممتاز.

الKoss دي مش هيدفون أساسا دي earphone :D

أنا عندي الksc75 و مش هلاقي زيها بصراحة الا لو جبت حاجة عالية دا غير انها بmod ممكن اغير صوتها او كمان اركبها في بتاعة و تبقي مشclip-on خالص تبقي over head بس أنا عايز حاجة كبير للجهاز هنا و ال201 كويسة و مناسبة, و الkoss برضوا في منها سماعات كبيرة كتيرة
https://www.amazon.com/Koss-JKO-UR20.../dp/B00005N9D3
https://www.head-fi.org/forum/thread...nnheiser-hd202
و الكلام بيتجه ناحية ال212 في الاخر يعني حاجة تانية , و غالية شوية
دا غير انه بعد حبة الموضوع بقي اوضح:
https://www.head-fi.org/forum/thread...2#post_4817561
و بنسبة كبيرة لف و لقي نفسه هايجيب الksc75 متخفية في شكل تاني ليس الا....الdriver بتاع الksc75 عجيب فعلا لأنه بصراحة مش ممكن الصوت دا بالسعر دا و متوازن بالدرجة دي فوق و تحت و في النص بيطلعوا كويسين منها....
المهم ال201 هي الاحسن في السعر دا في الحجم دا.

أنا لقيت طبعا كام حاجة احسن بكتير من ال201 بس السعر علي الاقل الضعف حتي الارخص زي دي مثلا فهي أنا شايفها مناسبة للحركة أكتر من استخدامها للكمبيوتر.
و حتي اقرب منافسين ليها زي الباناسونيك دي فأنا افضل ال201 دا غير انها اصلا اغلي بحدود 10 دولارات

و لو الموضوع فعلا تم ان شاء الله يمكن بعد كدة يبقي الgrado او الaudio-technica ان شاء الله:D

لو حد عنده اي افكار او اقتراحات تانية يقول.

[I-IEMA]

msshadow.man


ومش اى عضوية , دى عضوية اثرية Join Date: Jul 2008
من ايام ما كنت عاوز اعمل OC لكارت الشاشة القديم بتاعى "فقيد الشباب " :D

انا خلاص استقريت على الـ 201 إن شاء الله




A-Bomb

طالما انت شايف انها فى الخبط و الرزع هاتبقى مناسبة :p , يبقى خلاص كلنا كدا متفقين عليها

انا فكرت فى موضوع الـ amplifier ,, دا حتى انا كتبته فى موضوعى على overclock.net
لإن فعلا و انا بلف فى امازون لقيت الـ FiiO e5 قدامى ,,

على العموم لو عرفنا ندخل amplifiers كمان يبقى عسل جدا
دا ممكن يتباع اكتر كمان من الهيدفونات علشان الاجهوة الـ portable اكتر

بس كلامك بيوحى انك ناوى تشترى معانا الـ 201 ؟؟
فعلا ولا استنتاج خاطئ

[Mshadow.me]

يعني أحنا كده خمسة, و كويس أنك أستقريت يا هيما

و ممكن صح نجيب amplifiers مع ال201 حتخلي صوتها أكتر من رائع و تحل مشكلة الباس تماما

بس أحنا حنكلم توكيلات زي QDS مثلا؟ و لا موزعين زي ماكسيمم أو هاي أند؟

[I-IEMA]

يعني أحنا كده خمسة, و كويس أنك أستقريت يا هيما

و ممكن صح نجيب amplifiers مع ال201 حتخلي صوتها أكتر من رائع و تحل مشكلة الباس تماما

بس أحنا حنكلم توكيلات زي QDS مثلا؟ و لا موزعين زي ماكسيمم أو هاي أند؟

خمسة ازاى :D ؟؟

احنا الاول نجمع العدد ( 10 اشخاص ) و بعدها ندخل على الموضوع الكبير ,, و نعمل مشاركة باننا عاوزين كذا و محتاجين حد من الشركات الكبرى علشان ننسق معاه الموضوع ده ,

حد رد عليها , خير .
ماحدش رد , هاكلم مشرفنا العزيز محمد الجوهرى يقولى على عضويات اعضاء الشركات اللى هنا , و نبعتلهم رسالة خاصة و نشوف ردهم .

و إن شاء الله نوصل لنتيجة ,,

و فيه طرق تانية كمان ممكن نلجأ ليها لو اضطرينا

[Mshadow.me]

ايوه خمسة يا هيما

أنا و أنت و A-Bomb و SeeNoEvil و The E-Evil و يمكن Scorprion9003 كمان

صح؟

بس فعلا محتاجين كمان كام واحد

و فيه طرق تانية كمان ممكن نلجأ ليها لو اضطرينا

لو غير قانونية أنا معاك:D

[MF88]

انتو ليه حاصرين نفسكم فى سماعتين بس ؟ ما الدنيا حلو و احلى سنين :D

سماعه ماركه نانسى عجرم :D:D

شكلى هغامر بمستقبلى و اجيب اللوجيتيك

السماعه كانت ب 850 يا شباب

دلوقتى بقت بـ 770

:D