كيفيه تفعيل التسريع العتادى لعرض الفيديوهات عاليه الدقه بإستخدام K-Lite codec pack

[MF88]

السلام عليكم ورحمه الله وبركاته

فى البدايه اهدى هذا الموضوع لأول من طلب منى هذه الطريقه وهو العضو KHALED.KHALIL

و الشكر موصول ايضاً للأستاذ الأيوبى و الأستاذ محمد الجوهرى و لأعضاء عرب هاردوير بصفه عامه

============================

إذا كان لديك بطاقه رسوميه متوسطه و معالج ضعيف

او امكانيات جهازك ضعيفه

و تريد تشغيل الأفلام عاليه الدقه بطريقه طبيعيه و بدون بطـء فهذه الطريقه هى الأفضل لتحقيق ذلك

============================

الموضوع فى مجمله هو شرح لتثبيت الكودك K-Lilte Codec Pack

لتحميل نسخته الأخيره

K-Lite Codec Pack



بعدما ينتهى التحميل . تابع معى التثبيت خطوه بخطوه و من خلالها سنضبط الإعدادات للحصول

على افضل مزيج ممكن لإستغلال قوه البطاقه الرسوميه فى عرض الفيديوهات عاليه الدقه



next



next

الخطوه القادمه من اهم الخطوات . حيث سنفعل بعض الخيارات و نختار كوديكس محل كوديكس اخرى

كل ما هو مظلل بالأزرق او الأصفر يتم اختياره . و تم تقسيم القائمه على صورتين للتسهيل





بعد الإنتهاء اضغط next



next



اوعى تتهور و تلعب فحاجه :D

نأتى لأهم خطوه و هى تفعيل الـ DXVA لعرض الفيديوهات عاليه الدقه عن طريق التسريع الرسومى

قبل ان اعرض الصوره احب ان اعرفكم كلمه DXVA هى اختصار لـ

DirectX Video Acceleration



بعد الإنتهاء اضغط next

اختر الإمتدادات لـ MEDIA PLAYER CLASSIC



NEXT

الصوره القادمه هى لمصغرات الأفلام " يعنى تفضل عرض صوره بدل ايقونه الفيلم ام لا " فقط اتركها كما هى



الصوره القادمه تحوى خطوه مهمه لكل من يمتلك نظام صوتى و يريد ان تكون كل اعدادات البرنامج مضبوطه

على نظامه الصوتى بدون ان يضبطها كل مره



طبعا اختر حسب نظامك الصوتى ثم اضغط NEXT



اضغط Install (( المره دى رحمتكو من Next اهو :D ))




متلعبش فحاجه لحد ما يخلص :rolleyes:



بكده تم تثبيت البرنامج بنجاح و بفضل الرحمن

المشاركه القادمه بها تظبيط البرنامج من الداخل فتابعونا

[MF88]

بعد الإنتهاء من الليله اللى فوق دى نبتدى فى اعدادات البرنامج




عارف عارف هبقى احط الخلفيه فى موضوع سطح المكتب حاضر :D

بعد ما تفتح البرنامج اضغط على حرف O عشان يفتح قايمه الإعدادات و افتح من الشمال قائمه اسمها

أول قائمه Playback أختر منها output ثم إجعل الإعدادات كالتالى


Internal Filters



اى حاجه امامها سهم تأكد انه متعلم عليها لضمان عمل خاصيه الـ dxva و تفعيل الـ DTS/AC3 اختيارى

=========================

ادخل معايا على قائمه SUBTITLES لضبط خيارات الترجمه



الريزوليوشن ده مش بتاع عرض الفيديو . لكنه خاص بدقه عرض الترجمه . و لو جهازك ضعيف اووووى سيبه زى

ما هو . لكن لو متوسط او زى بتاعى كده فأعلى خلى الريزوليوشن مطابق لريزوليوشن عرض سطح المكتب

فى حالتى عامله على 1080 * 1920 و ده بيخلى الترجمه شارب جدا و نقيه اوى

============================

ادخل على القائمه اللى تحتها و اضغط على كلمه ARIAL للدخول على الصفحه الخاصه بالخط font



اهم شىء فى الصفحه القادمه هو اختيار الـ scribt يكون ARABIC و إللا الترجمات العربى هتكون عباره عن علامات

و حروف غير مفهومه



بعدها اضغط OK

و اضغط اوك لإنتهاء جميع الإعدادات الخاصه بصفحه الإعدادات

=========================================

بعد كل ده هتعمل كليك يمين على واجهه البرنامج و هتلاقى تحت كده خيار اسمه Renderer settings

اختار منه GPU Control ثم تأكد ان الـ 3 اختيارات مفعّلين

و بكده اكون انتهيت من شرح البرنامج و يكون باقى حاجتين اخيرتين

وهى كيف يمكننى التأكد ان الفيديو يستخدم طريقه الـ DXVA ؟؟؟ بكل بساطه هتفتح معايا فيديو

لكن يكون بلوراى طبعا لأن الطريقه للبلوراى

و عند تشغيله ستجد فى اخر نافذه البرنامج مكتوب مثل الصوره



الصوره من فيلم AVATAR 1920 * 1080

===========================

الشىء الثانى وهو ان غااااااااااالبا الترجمات لا تعمل تلقائياً عند تشغيل الأفلام البلوراى فى حاله تفعيل الـ

DXVA لذلك عند بدايه الفيلم اعمل كليك يمين والفيلم شغال ثم اختار SUBTITLES و ستجد اسم الترجمه موجود

قم بإختياره و ستعمل الترجمه فورا




و بكده اكون اتميت الشرح للطريقه و انا اعمل بها من حوالى 7 شهور و هى ممتازه جدااااااااااااااااااااا

ملحوظه : لا اضع اى طريقه اللا بعد تجربتها تجربه شخصيه . لذلك ارجو من الجميع الإطمئنان على اجهزتهم

اى استفسار انا تحت امر الجميع

[TEch Zone]

شكرا على الموضوع ولك تقييم
كنت عايز اسئلك سؤال فى البرنامج انا النسخة دية سطبتها بس مش بتشغل الفيدوهات RMVB مع ان النسخ القديمة كانت بتشغلة فهل هى مش بتدعمة؟

[MF88]

مبشتغلش على فيديوهات rmvb لكن من نفس الموقع اللى فى الشرح ممكن تنزل كودك اسمه real alternative

اعتقد بيخليك تشغل الصيغه دى كمان على الميديا بلاير كلاسيك

نورتنى ياباشا

[TEch Zone]

مبشتغلش على فيديوهات rmvb لكن من نفس الموقع اللى فى الشرح ممكن تنزل كودك اسمه real alternative

اعتقد بيخليك تشغل الصيغه دى كمان على الميديا بلاير كلاسيك

نورتنى ياباشا

شكرا ياغالى انا نزلت الكودك وشغل الافلام RM على الميديا بلاير

[MF88]

خدام سعادتك ياباشا . و تحت امرك دائما

[Brigadier]

بارك الله فيك موضوعك قيم.

[MF88]

بارك الله فيك موضوعك قيم.

الله يخليك استاذ نادر

الموضوع منور بمن شرفه

جزاك الله كل خير

[alayoubi]

محمود ايه الجمال ده مش ممكن ..

1000 شكر لحضرتك وتستاهل بوسة عالشغل الجامد ده :D

جاري التجربة وجزاك الله ألف خير .

تعديل :

محمود أنا عملت زي الشرح تمام لكن بالنسبة للخيارات الثلاثة بتوع الـ GPU Control مش مفعلين وفي واحد منهم مش عليه اشارة صح ومش قادر أغير فيهم حاجة .

[MF88]

محمود أنا عملت زي الشرح تمام لكن بالنسبة للخيارات الثلاثة بتوع الـ GPU Control مش مفعلين وفي واحد منهم مش عليه اشارة صح ومش قادر أغير فيهم حاجة .

يبقى انت حاولت تغير الخيارات اثناء ما كان الفيديو شغال . مش هتقدر تغيرهم اللا اول ما تفتح الميديا بلاير كلاسيك

و تعمل كليك يمين على واجهه البرنامج ( المنطقه السوداء التى بها شعار البرنامج و يعرض فيها الفيديو )

و ساعتها هتقدر تغيرهم بكل سهوله .

===============================

و بلاش حضرتك دى :D

و الف شكر على القُبله الحلوه دى :D:D:D

جزاك الله عنّا كل خير

[alayoubi]

الحمد لله كله اشتغل تمام ,

كان في حاجة ناقصة بضبط الاعدادات الـ Playback - Output على VMR-9 بدل Overlay Mixer من داخل البرنامج للنظام XP بالاضافة للـ Audio Render للي عندهم كرت صوت خارجي .

وهذه بعض الصور :

https://img168.imageshack.us/img168/8569/012932.png

https://img718.imageshack.us/img718/1893/15107.png

وصورة تثبت استهلاك كرت الشاشة خلال تشغيل البرنامج ونركز على الـ Video Engine Load

https://i41.tinypic.com/350te9x.gif

[المبرمج المصرى]

موضوع رائع بارك الله فيك

[أبو فوفو]

مشكور أخوي وجاري التحميل والتجربة ..

[coolhero]

شكرا على الموضوع الرائع اخى محمود

تم التقييم

[shadow1]

مجهود رائع
تسلم الأيادي