طرائف و فكاهات

[EL-MARIACHY]

البنت احسن من الولد

بعض التدقيق والتدوير والتنقيب

اثبتت التحريات ان البنت احسن من الولد والاسباب :



- تتكلم براحتها في التليفون وابوها او جوزها اللي هيدفع الفاتوره

- البنت مش ملزمه تجهز نفسها ابوها او خطيبها اللي هيدفعو دم قلبهم

- مفيش حد بيبص علي بدله العريس كله بيركز في فستان العروسه

- لو واحده عملت مخالفه مرور تعيط شويه للظابط وهو يعديها لو راجل هياخد علي دماغه

- البنت مش ملزمه تدفع ضرايب ابوها او جوزها بيدفعوها

- لو واحده مدتش لقرايبها عديه مفيش حد هيتكلم ولا يقول ياه دا راجل تبت وبخيل

- لو واحده متاخره علي المحاضره ممكن الدكاتره يدخلوها لو ولد يقولوله روح يا بابا كمل بره في الشمس

- لو حصل زعل بين البنت وباباها مش هيطردها بره البيت بس هي يدوب دتخل الاوده وتعيط شويه وبابا يروح يصالحها أما الولد فيدوب يلحق مكان ينام فيه جنب البواب

دلع البنات :
ياختي قميله (سنتين)
يا عسوله (5 سنين)
يا عروسه (12سنه)
يا هانم (40سنه)
يا ست الكل (50سنه)
يا أم العيال (60سنه)


دلع الأولاد:
انت ياض (10 سنين)
انت يا شحط انت بقيت طول الباب اهوه (18 سنه)
يا راجل (40 سنه)
يا عم الحج (50 سنه)
يا راجل يا عجوز منخيرك اد الكوز (60سنه)

[EL-MARIACHY]

طفله ترفع الضغط

التلفون يرن ...

الطفلة : الوووو

الامرأة : الووو مرحبا

الطفلة : اهلين

الامرأة : وين الوالدة ؟

الطفلة : ما في عندنا وحدة والدة

الامرأة :لا لا عيب لا سمح الله الله يخليلكم اياها

الطفلة : وشو لا سمح الله ما لا سمح الله اقولك ما في عندنا والدة

الامرأة : كم عمرك يا شاطرة؟؟

الطفلة : وشلون عرفتي اني شاطرة

الامرأة : تضحك وتقول مبين عليك خفيفة دم

الطفلة : انتي الي خفيفة دم لا تقولين عني هيك

الامرأة : مبين عليك صغيرة؟

الطفلة : انا اطول منك..

الامرأة : طيب يلا اعطيني ماما.

الطفلة : ليش هي امك عندنا؟

الامرأة : خلاص نادي امك.

الطفلة :أمي ما عندها نادي.

الامرأة : الله يصبرني.

الطفلة : يصبرك مع شوك ولا بدون شوك؟

الامرأة : تصرخ " اعطيني حدا كبير"

الطفلة : كبير , بالحجم ولا بالطول ولا بالعمر.

الامرأة : اعطيني واحد برميل اتكلم معااه.

الطفلة : استغفر الله العظيم تبين تتكلمين مع برميل. بس البرميل جماد.

الامرأة : الحين باجي عندكم. اعطيني احد كبير.

الطفلة :لا تجي عندي لان صديقاتي عندي لما يروحون تعالي.

الامرأة : طيب بس لو اشوفك لا أسوي منك بطاطا

الطفلة : بطاطا مسلوقة ولا مشوية بالفرن؟

الامرأة : احسنلك اسكتي لانك زعلتيني.

الطفله : مين الي زعل الثاني اصلا

الامرأة :خلاص زودتيها عاد.

الطفله : وين عاد الى بيته ؟ ولا عاد ولا ثمود كخخخ حلوه هذي

الامرأة :عاد الى بيته .

الطفلة : الصراحة مب مستانسه.. في شي مزعلني.

الامرأة : خليه يزعلك يمكن تنفجرين مثل البالون.

الطفلة :شو لون البالون الي بنفجر مثله؟

الامرأة : تصرخ باعلى صوتها.. " وين الوالــــــدة ؟؟؟ "..

فتاخذ الام التلفون من الطفلة .

وتقول الووووو. مين معي.

الامرأة : ول علينا . شنو هالبنت هاي اطلعت لي قرن براسي.

الأم : قرن وشو , قرن الغزال ولا قرن موز.

الامرأة : زي دايما رايقة وبتحبي تمزحي . لا اطلعتلي قرن ثور .

الأم : شو حجمه الثور؟

الامرأة تغلق السماعة.وتذهب الى بيت صديقتها.. ترن الجرس.

فتقول الام للطفلة :قومي شوفي مين على الباب.

تركض الطفلة نحو الباب , تجلب كرسي وتصعد عليه ثم تنظر الى اعلى الباب وتقول ما في حدا على الباب في وحدة وراه..

فتقول الأم : خلص خليها ترن على الجرس كثر ما تبي..

الطفلة : اي جرس؟ جرس المدرسة؟ او جرس البيت

الأم : لا جرس البيت

الطفلة : جرس بيتنا هذا ولا البيت الجديد الي بنبنيه

الأم : لا جرس بيت الجيران.

وبعد ربع ساعة حصلوا المرأة ماتت عند منزل صديقتها بسبب ارتفاع حاد بغضط الدم والسكر وانفجار بالمرارة وتمزق بالمصران الأعور

[medo_hadi2020]

روعه بتاعت البنت دي

[EL-MARIACHY]

روعه بتاعت البنت دي

شكرا والله كان فى غيرها كتير عن البنات بالذات بس كل ما أحط حاجه تحذف!!:mad:

[EL-MARIACHY]

معلش كان عندى امتحان دولى والحمد لله نجحت اتفضلوا

[EL-MARIACHY]

حشاش وقف امام القاضى فقاله لو قولت 10 اشياء بتبدأ بحرف ال أ هاديلك براءه

الحشاش قال اجبها اسخنها افردها افوكها الفها اولعها اشربها امخمخ اتصطل
انااااااااااااا م القاضى قاله اعدااااااااااااااااام

* غبي اتقدم لواحده قالتله اسفه جوايا شخص تاني قالها بلاش فلسفه ........وقولي انك حامل

* غبي خطف غبيه ركبها العربيه فضلت تصوت قالها : هتسكتي ولا انزلك؟ قالت له :لا هسكت

* واحد بلدياتنا اشتري لابنه اله حاسبه وشال منها الصفر............ عشان ميتصلش دولي

* عجوزه نزلت حمام السباحه فحصل برق في السما قالت ...........يووووه هو الشباب بدا يصور

* بلدياتنا قاعد على الشط شاف واحد بيغرق كل مايرفع ايده يقوله :............... وعليكم السلام!!!!

* واحد مسطول شاف قطة اخدها البيت لمراته وقالها : شايفة القرد؟؟ قالتله : دى قطة يا منيل قالها :................... انا بكلم القطة هو حد كلمك

* عروسة هبله دخلت القاعة بتجرى بيسالوها ليه بتجرى ؟؟؟ ...................قالتلهم بلحق كرسى

* بلدياتنا بيسال صاحبه ايه رايك في تجاره المخدرات............ قاله لاء تجارة عين شمس احسن

* مجموعة بلدياتنا ماتوا غرقانين في غواصة بعد التحقيق في الحادث اكتشفوا أن واحد فيهم سمع خبط بره فتح يشوف مين

*



*بخيل عمل شوربه لحمه فسالوه فين اللحمه ..................قالهم هو شاي العروسه فيه عروسه!!!!!؟

.


*بلدياتنا سمعوا عن اختراع أسمه السيفون حبوا يعرفوا هو إيه بعتو واحد منهم القاهرة لما رجع قالهم أما السيفون ده حتة اختراع يا رداله تدوس على السيفون تنزلك الميه ويا تلحق تشرب يا متلحقش.
*بلدياتنا قال لأبوه أنا عاوز موبايل قاللوا هادبهولك بس تركب أخواتك معاك.

*بلدياتنا بيعمل كشف نظر طلع نظره 6/6 فصاحبه بيقوله مش كده تمام قاله
أنا كنت ممكن أجيب أكتر من كده بس الدكتور اللي لخبطني .


*بلدياتنا مات خبي على أهله .

*بلدياتنا أشترى تاكسي كل لما حد يقوله تاكسي يقوله أيوه تاكسي.

*واحد بلدياتنا حب يعمل روش كتب على الشومة أديداس .

*واحد بلدياتنا بيدهن الحيطة ..قالوله حط جرنال تحتيك ..قالهم لأ أنا كده طايل كويس .

*بلديتنا عايز يعلم ابنه انجليزى راح ابتدائي منفعش، راح ثانوى منفعش، راح الجامعة منفعش، قال لازم اوديه انجلترا واجوزه واحدة من هناك عشان يعرف يتكلم انجليزى، راح فى الصباحية بيقولها "مستر هريدى موجود؟" قلتلوا "نجولو مين؟"

*
الواد: بتعمل اية يابا؟؟

ابوه: بكتب جواب لعمك .

الواد: هو انت بتعرف تكتب؟؟

ابوه: يعني هو عمك اللي بيعرف يقرا يا فالح .

*

[EL-MARIACHY]

[EL-MARIACHY]

المدرس يسأل الطلاب :- حيوان بيزحف ببطء شديد !؟؟

أجاب محمد وقال :- السلحفاة .

قال المدرس:- أحسنت يا محمد وين يشتغل أبوك ؟

قال محمد:- أبوي دكتور .

قال المدرس:- شفتوا أولاد الدكاترة شو أذكياء .

سأل المدرس سؤال ثاني:- ماهو الطائر الذي يتكلم ؟

فأجاب عبدالله: - الببغاء .

فقال المدرس: - أحسنت يا عبدالله وين يشتغل أبوك ؟

قال عبدالله : - أبوي مهندس .

قال المدرس :- شفتوا أولاد المهندسين شو أذكياء .

وبعدين سأل المدرس : - ماهو الطائر الذي يبدأ بحرف الــ الباء ؟؟

فأجاب أحد الطلاب : - بقره .

قال له المدرس : - وقف وقف ياغبي أبوك وين يشتغل ؟؟

قال الطالب : - أبوي بيشتغل بالمخابرات !!

قال المدرس : - أحسنت !!! .. البقرة إذا شدت حيلها ممكن تطير ... بارك الله فيك يا ولدي .. سلم لي علي أبوك !!!؟

[EL-MARIACHY]

[Mshadow.me]

جامدة جدا قايمة المطعم دي

أيه العنجليزي الكفاءة ده؟:D

[EL-MARIACHY]

اثنين متزوجين من عشرين سنة

قرروا يصيفوا عالبحر بنفس الفندق

اللى قضوا فيه شهر العسل زمان ،

لكن الزوجة كانت مشغولة !! فاتفقت

مع زوجها إنه يسافر لوحده وهي

تلحقه بعد يومين ...

وصل الزوج الفندق ودخل الغرفة وجد

كمبيوتر بالغرفة وموصل بالانترنت

فقال: ابعت ايميل لزوجتي اطمنها

على أحوالي.

بعد ما كتب الرسالة ، وهو بيكتب

عنوان البريد الالكترونى لزوجته .

. أخطأ في كتابة حرف فى العنوان

وبالطبع راح الايميل لشخص تانى

،،،، تصادف إنه كان لأرملة يادوب

راجعة من (( مراسم دفن زوجها )) اللي

توفاه الله بنفس اليوم ..

الأرملة فتحت كمبيوترها عشان

تقرأ ايميلات التعازي ووقعت على

الأرض مغمي عليها بلحظة دخول

أبنها اللي حاول يسعفها بكل الطرق

وما قدر ش

نظر الابن إلى كمبيوتر أمه وقرأ

الرسالة التالية :

زوجتي العزيزة .. وصلت بخير ..

ويمكن تتفاجئين لأنك تعرفين

أخباري عن طريق الانترنت ، لأنه

دلوقتى بقى فيه كمبيوتر عندهم

ويقدر الواحد يبعت أخباره لأهله

وأحبابه يوم بيوم .. المهم ،، أنا

بقالى لي ساعة واصل وتأكدت إنهم

جهزوا المكان وكل شىء .... وما فضلش

إلا وصولك عندي هنا بعد يومين ..

إشتقت لك كثير ومشتاق أشوفك و

اتمنى تكون رحلة سريعة زي رحلتي ..

ملاحظة : مش ضروري تجيبي هدوم

كثيرة معاك لأن هنا الحر شديد قوى

يعنى جهنم

[S.O.S]

صور من تصويري

صور من الحياه اليوميه مثل (انتا أكيد فى مصر) و أمثالها

:D:D
معلش مسحت رقم العربيه علشان صاحب العربيه ماينضرش

لو حد عاوز الرقم يبعتلي عالخاص:D:D:D





صور كاريكاتير مضحكه من( الصري اليوم للمعلومه ) :D

[EL-MARIACHY]

^^^^^ صور مرعبه فعلا أنا مش مصدق عنيّا:eek:

انتا كمان دخلت حكايه اللغه العربيه الفصحى؟؟؟

[S.O.S]

^^^^^ صور مرعبه فعلا أنا مش مصدق عنيّا:eek:

انتا كمان دخلت حكايه اللغه العربيه الفصحى؟؟؟

الكلام ده ليا :confused::confused: انا حاطط صور عاديه يعني مش مرعبه ولا حاجه :D:D
ئئرا التوقيع كويس بس :D:D:D:D

[EL-MARIACHY]

الكلام ده ليا :confused::confused: انا حاطط صور عاديه يعني مش مرعبه ولا حاجه :D:D
ئئرا التوقيع كويس بس :D:D:D:D

اللى بالروسى و مكتوب they exist صح ولا حاجه تانيه؟؟