بسم الله الرحمن الرحيم
السلام عليكم
لو سمحتم عاوز تجميعه هو انا لسه ما حددتش ميعاد للشراء بس عاوز أخد فكره التجميعه هيبقى شكلها ايه بالنبسه لأحتياجاتى وهيبقى السعر كام؟ وعلشان اشوف لو هأغير رأيى فى حاجه او كدا
التجميعه: (كيسه بدون Dvd + شاشه) وممكن لو فى كيبورد وماوس هيفيدوا فى اﻷداء مش فى الشكل يتضافوا برضه مافيش مانع
التجديد مره تانيه: ممكن اغير جزء معين كل فتره (أزود رامه / أعلى بروسيسور / أشترى او أعلى كارت شاشه ...) ده لو هحتاج التغيير
الميزانيه : 2000-2500
انا مش عاوز أربط نفسى فى سعر معين
فمثلا ممكن التوزيعه الضروريه تبقى فى المعدل ده والحجات الى ممكن تتأجل زى كارت الشاشه تتأجل مؤقتا علشان مش عاوز الميزانيه تقيدنى وتخلينى ما أعرفش اجيب الى محتاجه
بالنسبه للأستخدام: البرمجه والأستخدامات العاديه التقليديه تصفح و افلام وهكذا وبالنسبه للألعاب يفضل لو يشغل الألعاب بأداء معقول مثلا ( لعبه Dirt2 , Gears of war)
بس لو ده هيعلى السعر كتير مش مهم كارت الشاشه دلوقتى وابقى اشترى الكارت فى وقت تانى او اجيب كارت متوسط وابقى ابيعه واجيب اعلى بعدين ﻷن الألعاب مش ضروريه اوى
الهارد: يفضل 640 جيجا ﻷن سعره معقول على ما أظن وهيكفينى ولو احتجت اغيره هأغيره بعدين
والشاشه: تكون فى حدود 20 بوصه او ما تزدش تمنها عن 900 على ما أظن الزياده فى سعرها تتحط فى حاجه تانيه احسن
ويفضل تجميعه ال Amd او بمعنى اصح التجميعه الى تريحنى لما اجى ازود حته حته مش أضطر فيها اغير اكتر من حته مع بعض مثلا (لو حبيت أغير البروسيسور اضطر اغير البورده معاه )
ملحوظه: انا فاهم احيانا لازم أغير البورده علشان أغير البروسيسور بس قصدى التجميعه الى تقلل الموضوع ده مش تلغيه.
ومش هأقيد نفسى بالسعر هأقيد نفسى بالحاجه الكويسه مثلا فى التجميعه (ان لو محتاج التجميعه تخش على 3500 بكارت الشاشه فمثلا نأجل كارت الشاشه بحيث اوصل السعر لميزانيتى الى ذكرتها وبعدين أجيب كارت الشاشه بعدين )
او مثلا اجيب بروسيسيور أقل شويه وأغيره بعدين والبروده تبقى تنفع للأتنين وهكذا
شكرا للجميع واسف على اﻷطاله بس حبيت أوضح الموضوع وما أسيبهوش عايم :D
المفضلات