السلام عليكم
المشكله دى عباره عن 3 شكوى منى عن المشرف احمد السيد المشرف ده قفلى 3 اكونتات ظلم لانه مشرف
الاول لانى انا وهو اتخانقنا على منتدى dvd4arab بصفتنا عضوين هناك واتشاكلنا على مشكله وشتمنى وهددنى انه مشرف على منتدى تانى وبعدها بخمس دقائق ارسل لى الرساله دى على المنتدى هنا وخصملى 100 نقطه ظلم
med7at33,
لقد تلقيت مخالفة في
منتديات عرب هاردوير.
السبب: سبام
-------
Spam
-------
وبسببها حصلت على 100 نقطة وقد تكون سببا في منع دخولك للمنتدى حتى تنتهي. وحقيقة المخالفة لن تنتهي.
مع تحيات إدارة,
منتديات عرب هاردوير
عملت اكونت وسميته med7at 44
ودخلت هنا عالمنتدى وارسلت رسائل لاربع مشرفين عالخاص اشتكيته هنا فى الموضوع ده ومحدش رد عليا ولا حد شاف اذا كان كلامه صح ولا ولا وبيقوللى انى كنت عامل اكتر من اكونت بالرغم من انى مكنتش عامل غير اكونت واحد فقط وواحد قديم كنت نسيت الباسورد الخاص بيه ومبقتش ادخل عليه من زمان
ومن يومين دخل تانى وقاللى انى اخطات فى 4 مخالفات 2 منهم هو اللى مخظئ فيهم مش انا والحكم بينا قانون المنتدى
المهم قلتله حاضر ومش هكرر المخالفتين التانيين اللى هى كانت انى بكتب بخط رقمه 5 مش رقمه 4 زى ما القانون بيقول واكدت انى مش هكررها بالرغم من ان هو بيدخل يحذر الناس قبل مايديهم مخالفه الا انه معايا انا دخل ادانى مخالفتين من غير اى تحذير وواضح جدا السبب وواضح انه بيكيل بمكيالين مش بمكيال واحد
تانى يوم لاقيته قفلى الاكونت وارسل رساله مضمونها اهو
med7at44,
لقد تلقيت مخالفة في
منتديات عرب هاردوير.
السبب: مخالفة قوانين القسم
-------
أولاً يمنع أستخدام خط أكبر من الحجم 4
ثانياً مكان البيع أساسى فى نموذج العرض ومع ذلك لا تذكره بداخل أى موضوع لك
ثالثاً يمنع رفع الموضوع غير بعبارة للرفع
-------
وبسببها حصلت على 2 نقطة وقد تكون سببا في منع دخولك للمنتدى حتى تنتهي. وحقيقة المخالفة لن تنتهي.
اتنتاقشت معاه عالخاص وقلتله مش هكررها تانى وكتبت بخط رقم 4 ومجاليش تساؤلات عالعام تانى وتانى يوم رفعت الموضوع عادى لاقيته باعتلى الرساله دى
med7at44,
لقد تلقيت مخالفة في
منتديات عرب هاردوير.
السبب: تجاهل تنبيهات الإدارة
-------
لقد نبهتك سابقاً وأخبرتك بالمخالفات المسجلة على مواضيعك ومع ذلك تقوم بأرتكاب نفس المخالفات وفى السابق تم حظر حسابك الأساسى القديم لأستخدام أكثر من حساب للدخول على المنتدى وللأساءة الشخصية لى ومع ذلك قمت بعمل حساب جديد بدون الأعتذار الشخصى لى وعن مخالفاتك السابقة وقمت بأرتكاب أكثر من مخالفة فى مواضيعك ووضحت لك هذه المخالفات على العام وعلى الخاص ومع ذلك تتهمنى بأنى أقوم بأعطاءك مخالفات بدون وجه حق مع أنى وضحت لك المخالفات المسجلة عليك وقام المشرف العزيز Lion_Heart بتنبيهك أيضاً وعليه أستحققت الحظر من المنتدى ولن يتم أعطائك فرصة أخرى لعمل حساب جديد إلا بعد الأعتذار الرسمى للأدارة عن سلوكك الماضى والوعد بعدم أرتكاب مخالفات جديدة والأعتذار الشخصى لى للأساءة لى على الخاص والتنكيل بى على العام.
-------
وبسببها حصلت على 5 نقطة وقد تكون سببا في منع دخولك للمنتدى حتى تنتهي. وحقيقة المخالفة لن تنتهي.
مع تحيات إدارة,
منتديات عرب هاردوير
والموضوع موجود وحضارتكوا مشرفين وتقدروا تدخلوا تشوفوا فين ده التنكيل بيه مش هتلاقوا حتى انى كلمته فى اى حاجه عالعام وتقدروا تجيبوا الرسائل بينى وبينه وهتلاقوا انه مضهدنى من ساعة المناقشه اللى اتناقشناها على منتدى dvd4arab
وكأن المنتدى هنا هو الااداره وان هو صاحب المنتدى يطرد على مزاجه ويسيب اللى على مزاجه
وبيدخل مشاكله الشخصيه فى المنتدى
المهم انه حظر لى الاكونت بالرغم من انى مكررتش اى مخالفه وادى رسالة الحظر
لقد تم حظرك للسبب التالي:
مخالفة القوانين وتجاهل تنبيهات الأدارة
التاريخ الذي سيتم رفع الحظر فيه: 16-11-2012,الساعه 17:00
وزى ماهو واضح الساعه عدت 5 ولغاية دلوقتى الحظر ماترفعش برغم ان النهارده 17 والساعه 2 صباحا
دخلت عملت اكونت وسميته med7at 22
وارسلت رساله ل 3 مشرفين منهم المشرف lion heart وهو الوحيد اللى رد عليا والمشرفين الباقيين مردوش عليا
لاقيت المشرف احمد السيد داخل يقفلى الاكونت لتالت مره والرساله اهى
لقد تلقيت مخالفة في
منتديات عرب هاردوير.
السبب: سبام
-------
عضويتك القديمة تم حظرها لأرتكابها العديد من المخالفات ومع ذلك لم تنتظر حتى ينتهى الأيقاف من العضوية المحظورة وقمت بعمل عضوية جديدة وقمت بزيادة عدد المشاركات بطريقة مخالفة فأنتظر حتى ينتهى الحظر من العضوية القديمة ولا تقم بعمل عضوية جديدة.
-------
وبسببها حصلت على 100 نقطة وقد تكون سببا في منع دخولك للمنتدى حتى تنتهي. وحقيقة المخالفة لن تنتهي.
مع تحيات إدارة,
منتديات عرب هاردوير
وزى ماهو موضح انى ماستنتش لما المخالفه تترفع
لا استنيت والساعه 11 بالليل اى بعد 6 ساعات من التاريخ المذكور فى الرساله ولسه الحظر ماترفعش
وادينى دا رابع اكونت اعمله وبقدم الشكوى دى فيه وياريت حد من المشرفيين اللى فوق المشرف ده يتدخل لان ده اكل عيش والراجل ده مضطهدنى...وكل اللى واضح من الرائل بتاعته سواء هنا او اللى مذكرتهاش علشان التطويل انه عاوز يدخل الموضوع اللى حصل على ال dvd4arab هنا ويربط الاتنين
بالرغم من ان هو هناك عضو زيه زيي بل انه هناك خالف القوانين لما دخل ناقش السعر عالعام والمشرف مسحله الرد بتاعه من موضوعى وحذره..وقاللى بلاش اتكلم معاه واسيبه
وشكرا
المفضلات