شرح الميكروتك للمبتدئين

[karim6666]

كل الشكر والتقدير للاخ طاهر

شرح روعه....

حبيت اسأل سؤال بسيط........
لو انا مش عايز اربط الابى بالماك ادريس ....فهل ساتبع الخطوات الست الاولى فقط

ولا اطبق شرح الجزء السابع سابعا : احدد المشتركين( ادخل بيانات المشتركين )

ولا لازم تسطيب ال dhcp

لان كل ماحتاجة فى الماكروتك ....
فصل النت عن مشترك
و
ارسال رسائل دعائيه للشبكة


وشكرا لك

[TaHeR.NaBiL]

لو انا مش عايز اربط الابى بالماك ادريس ....فهل ساتبع الخطوات الست الاولى فقط

بص يا حبيبى كل الى هاتعمله هاتدخل بيانات المشتركين فى الهوت سبوت بس ومش هاتستخدم dhcp وباقى الخطوات عادى جدا يعنى كل الى هاتعمله هاتتعتبر الخطوات الى بتستخدم فيها dhcp مش موجوده .

فصل النت عن مشترك

دا انا شرحتها فى ازاى احدد المشتركين عن طريق الهوت سبوت



تمام انا جيبت الماكات بتاعة المشتركين اعمل ايه ...... تابعوا بس معايا

1- هافتح الوين بوكس وادخل على
2 -اول ما الهوت سبوت يفتح هاختار Ip Bindigs
3- هاضغط على علامة +
4- هاتظهر القايمه الى احنا شايفنها ....... تمام وبعدين

1- هاكتب هنا الماك ادريس الى عرفنا هانجيبه ازاى .
2- هاكتب هنا الاى بى الى انا عاوز ه وهاخلى لكل مشترك اى بى انا كاتب 10.0.0.80 وزى ما اتفقنا لو واحد مطلع النت بايبيهات تانيه هايكتب هنا زى الى هو كان عامله قبل كده .
3- Type هنا هلاقى 3 اختيارات
اولا : Regular ودى معناها انى اطلع النت بباسورد طبعا فى الكمبيوتر انا هاعرف اكتب الباسورد سهله بس لو واحد عنده ريسيفر هايعمل ايه مش هايعرف طبعا يعمل اى حاجه
ثانيا : Baybassed ودى معناها انى اطلع نت للمشترك بدون اى باسورد ودا الى انا بفضله
ثالثا : Blocked يعنى اقفل النت وانسى ان النت يوصلك مهما عملت
تمام يبقى اتفقنا اننا هانخليها على Baybassed4- هاضغط Ok

ثالثا : Blocked يعنى اقفل النت وانسى ان النت يوصلك مهما عملت

هى الخطوه دى تحديدا الى هاتقفل بيها النت على اى مشترك انت عاوزه .

وفيه نقطه لو انت استخدمت dhcp وربط الاى بى بالماك ادريس اى مشترك مش هاتكتب البيانات بتاعه ( الاى بى والماك ) فى الهوت سبوت و dhcp مش هايعرف يدخل على النت وكل اما يجى يفتح صفحه هايجله صفحه فيها يوزر وباسورد .

[karim6666]

اشكرك على سرعه الرد والشرح المميز

كنت من حوالى شهرين حاولت فى الماكروتك ولكنى لم افلح ......فصرفت النظر عنه

لانى كل مرة اعمل الاعدادات ولكن لا اجد نت على الاجهزة

حتى قرأت موضوعك وشرحه مبسط قلت ابدأ مرة تانيه...وانشاء الله خير


واحتمال تكون النقطة المهمه...وتكون سبب المشكله عندى.... التى لم افعلها وهى ..... ادخال اى بى وماك ادريس الاجهزة فى الهوت سبوت
بهذة الطريقة هل لو مستخدم غير جهازة هل حيوصله النت عادى


طبعا انا مش عايز اربط الماك بالايبى . لان المشتركين ساعات بيغيروا الاجهزة او كارته اللان .....فمش عاوز وجع دماغ كل شويه اغير الماك ادريس

لكن بسأل نفسى هل لما اضع الابيى والماك ادريس للجهاز فى الهوت سبوت مش كدة يبقى ربطت الماك بالايبى؟؟؟؟؟؟؟.
ام لن يتم الربط بالماك الا اذا وضعت بيانات الاجهزة فى ال dhcp ؟؟؟؟؟؟؟؟

وعلى فكرة انا عامل الايبهات للاجهزة مانيوال....محدد ايبى لكل جهاز ومعطى لكل مستخدم ايبى ....وقافل ال dhcp من الراوتر ...اى ان توزيع الايبيهات ليس اتوماتيك .........فهل هذا يؤثر على عمل الماكروتك


وشكرا

[TaHeR.NaBiL]

هل لو مستخدم غير جهازة هل حيوصله النت عادى

ما فيش حد هايقدر يشغل النت الا لما انت تكتب بياناته فى الهوت سبوت لان انت لما بتكتب البيانات فى الهوت سبوت الاى بى والماك ادريس معنى كده انك حددت ان الماك ادريس ده مش هايوصله نت الا لو كان كاتب نفس الاى بى الى انت كتبته فى الهوت سبوت يعنى لو المشترك غير اى بى اول عملها اوتوماتيك النت مش هايشتغل يعنى من الاخر لازم يكتب نفس الاى بى الا انت حددته فى الهوت سبوت .
انما ربط الماك ادريس بالاى بى فى dhcp دى معناها ان المشترك لو مثلا عمل الاى بى اوتوماتيك هايبقى تلقائيا نفس الاى بى الا انت حددته فى dhcp يعنى كل اما يفتح الجهاز هايلاقى نفس اى بى مش هايتغير .

[amir abdalla]

جزاك الله كل خير على هذا الشرح النادر والرائع
كنت عايز اعرف هو الجهاز السيرفر (الى عليه الميكروتك)هيشتغل علطول؟...واذا كان كده..
1-لو الكهرباء انقطعت عن الجهاز النت يفصل عن المشتركين؟
2- على حسب اعتقادى مفيش جهاز يتحمل شغل دائم إلا بمواصفات عالية
اسف على الاطاله

[TaHeR.NaBiL]

لا يا حبيبى لازم تريح الجهاز طبعا هو النت هايفصل طول ما السيرفر مش شغال انت عود نفسك ريحه كل يوم ساعه مثلا .

[amir abdalla]

اشكرك على سرعه الرد والتوضيح
معلشى يابشمهندس انا تعبك معايه ..
لو فيه اى برنامج تانى او طريقة معينة هقدر اعمل بها باسورد ويوزرنيم لكل مشترك على الشبكة منعاً للسرقة (اى حد يوصل من دون علمى)
طبعا برنامج الميكروتك جميل بس محتاج كيسه كيسرفر وحجات مش متوفرة حاليا ..وهكون شاكر جداُ

[TaHeR.NaBiL]

ما فيش للاسف طريقه تعمل بيها باسوردات للشبكه الا عن طريق السيرفر بس فيه طريقه بدون سيرفر تقدر تمنع اى حد يدخل على النت ودا فى بعض انواع الروترات بانك تمنع بعض الاجهزه انها تدخل على النت بانك تقفل الماك ادريس بتاعها من الراوتر انا كنت بعملها على الراوتر الروبيتك القديم كنت بعمل ربط بين ماك ادريس الراوتر وماك ادريس الجهاز الى عاوز اقفله وكان عمره ما بيعرف يفتح صفحة نت وفيه بعض انواع الراوترات الحديثه فيها الخاصيه دى ......... يبقى انت كل الى عليك تعرفه الماكات بتاعة المشتركين الى معاك على الشبكه وتستخدم اى برنامج بيبحث عن الماكات واى ماك ادريس غريب يظهر اقفله .
فيه طريه تانيه واحد صاحبى عاملها عندنا فى الشركه بس انا للاسف مش عارف بتتعمل ازاى هو بيحد الايبيهات الى ممكن تفتح النت مثلا لو عاوز يشغل 10 اجهزه فبيخليها فى حدود من 10.0.0.20 الى 10.0.0.30 كده اى جهاز تانى هاياخد اى اى بى غير دول مش هايعرف يفتح النت ويفضل انك تقفل الاوتوماتيك اى بى من الراوتر وتدى لكل واحد من الشبكه اى بى محدد وتلزمه انه ما يغيروش .

طبعا برنامج الميكروتك جميل بس محتاج كيسه كيسرفر وحجات مش متوفرة حاليا

لا يا حبيبى انت مش هاتحتاج اى حاجه هما كارتين لان فقط لاغير والشرح الى انا عامله انك تعمل السيرفر على نفس الكيسه بتاعتك .

[NASA Science]

جميل أخى طاهر الشرح
ولكن
لماذا لم تشرحه فيديو ؟
هيكون أفضل هيكون نظرى وعملى أيضا

[TaHeR.NaBiL]

ان شاء الله هاعمل شرح فيديو وعلى فكره انا واضع روابط فى الردود للفيديو الى انا اتعلمت منه لان فيه بعض الاعضاء طلبت منى الفيديو .

[amir abdalla]

شكراً يا أخ طاهر عالرد

لا يا حبيبى انت مش هاتحتاج اى حاجه هما كارتين لان فقط لاغير والشرح الى انا عامله انك تعمل السيرفر على نفس الكيسه بتاعتك .

انا فاهم حضرتك بس الشبكة مش كبيرة مش مستهاله اعمل سيرفر على الجهاز
وشكراً للتوضيح

[amir abdalla]

كنت بعمل ربط بين ماك ادريس الراوتر وماك ادريس الجهاز الى عاوز اقفله وكان عمره ما بيعرف يفتح صفحة نت وفيه بعض انواع الراوترات الحديثه فيها الخاصيه دى ......... يبقى انت كل الى عليك تعرفه الماكات بتاعة المشتركين الى معاك على الشبكه وتستخدم اى برنامج بيبحث عن الماكات واى ماك ادريس غريب يظهر اقفله .

ارجو توضيح كيفية الربط بين الماك ادريس للجهاز الى عاوز اقفله والماك بتاع الروتر ولو حتى بالصور او اى موقع يكون موضحها
الروتر الى عندى JUSTEC

[amir abdalla]

أرجوا الرد يا بشمهندسين هذه النقطة حاولت حلها وبحثت عنها ولكن
لم اجد اى حلا مفيداً

[amir abdalla]

أرجوا الرد يا بشمهندسين هذه النقطة حاولت حلها وبحثت عنها ولكن
لم اجد اى حلا مفيداً
:ah2: =====> :ah46:

[TaHeR.NaBiL]

بص يا حبيبى الخاصيه دى مش موجوده غير فى راوتر الريبوتك القديم وراوتر اسمه كونكست الاتنين دول بس انما فى الراوترات الحديثه فى بعضها مش كلها هاتدخل على الفلتر من الراوتر هاتلاقى جدول اعمل اضافه للماك ادريس واعمله disable .