صفحة 1 من 14 1 2 3 4 5 6 7 8 9 10 11 ... الأخيرةالأخيرة
النتائج 1 إلى 15 من 199

الموضوع: شرح الميكروتك للمبتدئين

  1. #1
    مشرف سابق الصورة الرمزية TaHeR.NaBiL
    تاريخ التسجيل
    Apr 2009
    المشاركات
    2,321
    الدولة: Egypt
    معدل تقييم المستوى
    60

    شرح الميكروتك للمبتدئين



    شرح الميكروتك للمبتدئين

    فى البدايه احب ان اشكر استاذى ومعلمى فى المايكروتك ا / حازم عامر


    اخوانى الافاضل مشرفى واعضاء المنتدى الكرام

    انا حبيت اعمل موضوع الميكروتك لان كثير من الاعضاء بتتطلب شرح الميكروتك .
    فى البدايه ان شاء الله هايكون الشرح مبسط وساهل على قد ما اقدر لانى لما جيت اتعلم الميكروتك انا قعدت اكتر من شهرين بحاول افهمه وعلى فكره هو صعب جدا لسبب انك لو غلط فى خطوه واحده مش هايكمل معاك الميكروتك ومعظم الى بيشرح الميكروتك بيشرح لناس فاهمه يعنى لو واحد مبتتدئ صعبه عليه انه يفهمه ....... علشان كده انا ان شاء الله هابسط شرحى على قد ما اقدر.



    خطوات عمل سيرفر ميكروتك

    بداية هالخص الخطوات فى عدة عناصر وهاشرح كل عنصر او اتنين فى موضوع نظرا لكثرة عدد الصور.


    اولا : ما هى متطلبات عمل سيرفر ميكروتك
    ثانيا : اعداد vmwear لعمل جهاز وهمى
    ثالثا : Setup Mikrotik
    رابعا : التاكيد من دخول النت الى الاكستيرنال ( الكارت الى متوصل بالراوتر )
    خامسا : ازاى اطلع نت للمشتركين
    سادسا : ازاى اخلى البرنامج يشتغل مع الويندوز
    سابعا : احدد المشتركين( ادخل بيانات المشتركين )
    ثامنا : منع النت كت
    تاسعا : تحديد السرعه




    اولا : ما هى متطلبات عمل سيرفر ميكروتك

    الميكروتك عباره عن جهاز سيرفر بدخل عليه نت من الراوتر وبعدين اخد النت منه واطلعه على سويتش والسويتش يوزع للناس ( المطلوب كيسه سيرفر يكون بيها عدد 2 كارت لان )
    المفروض هنا انى هاخد سلك من الراوتر ادخله فى احد كارتى اللان ( External ) والسلك التانى هايطلع من كارت اللان الاخر (Internal ) وهاوصله بالسويتش وطبعا السويتش ده الى انا موزع منه نت للمشتركين .

    طيب تمام انا حبيت استغنى عن الكيسه الى هاستخدمها فى عمل السيرفر واستغل الكيسه بتاعتى واعملها سيرفر يعنى الجهاز بتاعى هايبقى هو السيرفر .
    يبقى كده جهازى اركب فيه عدد 2 كارت لان هاجيب سلك من الراوتر وادخله فى احد الكروت واوصل الكارت الاخر بسلك واوصله فى السويتش الى انا موزع منه نت للمشتركين ....... طيب انا لما عملت التوصيلات دى مبدئيا انا بس الى عندى نت لانى موصل من الراوتر مباشرة اما باقى المشتركين الى متوصلين بالسويتش ماعندهمش نت لان السويتش متوصل بكارت اللان الاخر الى فى الكيسه . يبقى المطلوب هنا ازاى اخلى كارت اللان الى متوصل بالسويتش يطلع نت للمشتركين ....... تابعوا معايا للاخر
    يبقى المطلوب هنا انى اخلى جوا جهازى جهاز تانى وهمى ( بدل الكيسه التانيه السيرفر ) اطلع عن طريقه النت
    طيب تمام ايه المطلوب ......... هنا بقى هاستخدم برنامج لعمل جهاز وهمى داخل جهازى




    VMware.Workstation.v6.0.4.93057


    البرنامج ده وظيفته عمل اجهزه وهميه

    لحد كده تمام : احنا ركبنا كارتين lan واحد متوصل بالراوتر والتانى متوصل بالسويتش فى كيسه واحده ( وعلى فكره ترتيب السلوك عادى جدا مافيش اى تغيير يعنى خلى الترتيب واحد فى كل السلوك ) .

    يبقى احنا هانحتاج برنامج : VMware.Workstation.v6.0.4.93057

    ودى روابط التحميل


    https://www.mediafire.com/?yjmwbznyxym

    https://www.mediafire.com/?jyzyyfggcwn

    وهنحتاج ايضا نسخة ميكروتك

    Mikrotik 2.9.27

    https://www.mediafire.com/?55zrd8v4s5404b5

    Mikrotik-3.30

    https://www.mediafire.com/?r32tb1bddxcf0h8

    وهنحتاج برنامج يخلينا نتصل بالسيرفر
    winbox


    https://www.mediafire.com/?4chwpirxo79hghv

    لحد كده تمام .






    ثانيا : اعداد Vmwear


    قبل ما نسطب برنامج Vmwear
    فيه بعض اعدادات هانعملها
    انا طبعا هاخلى جهازى سيرفر وهايكون فيه نت داخل من الرواتر ونت طالع للسويتش الى بيوزع للناس تمام .
    هنا بقى انا هاعمل اعدادت الراوتر وهاخد ايبيهات خاصه بيا لوحدى وهاطلع ايبيهات تانيه للمشتركين طيب تمام ودى هاعملها ازاى تابعوا بس معايا
    انا هاخلى الجيت واى بتاعى 7.7.7.7 وهاخد اى اى بى من نفس ارقام الجيت واى هاخد مثلا 7.7.7.8

    زى الى فى الصوره دى





    على فكره ممكن نعمل اى ايبيهات تانيه بس انا عملتها كده زى الشرح مش اكتر

    طيب فيه ناس عندها الجيت واى 10.0.0.2 , 192.168.1.1 , 192.168.16.1 ..... الخ طيب هل ممكن انى اغيرها لاى ارقام تانيه انا عاوزها ممكن طبعا ودا من الراوتر .
    لاحظو معايا الصوره الى جايه




    هافتح الرواتر وبعدين
    اولا : Interface Setup
    ثانيا : lan
    ثالثا : Ipaddress
    هنا بقى هاكتب الجيت واى الى احنا اتفقنا عليه الى هو 7.7.7.7
    رابعا : Starttig Ip Address
    هنا بداية الاى بى ولازم يكون من نفس الجيت واى احنا هانعمله 7.7.7.3
    كده معناه ان معايا اى بيهات من اول 7.7.7.3 الى 7.7.7.255
    خامسا : Save للاعدادت
    لحدكده تمام

    هابدا اسطب برنامج vmwear
    والسيت اب ساهل زى اى برنامج مش محتاج شرح الاهم ازى اعمل الاعدادت فيه .




    اعدادات vmwear

    انا هنا بدخل اعمل ماكينه وهميه جديده




    1- File

    2 - New

    3 - Virtual Machine

    وبعدين





    هنا هاختار Custom

    وبعدين





    هاختار : Workstation 6

    وبعدين




    هاختار : Other

    وبعدين





    1- هانختار اى اسم للماكينه بتاعتى انا اختارت Mikro Tick Test
    2- هاختار المكان الى هاحفظ فيه الماكينه
    الماكينه عباره عن جهاز وهمى هاسطب عليه بعد كده الميكروتك فيفضل انه يكون فى مكان غير الويندوز.

    تمام لحد كده وبعدين




    هنا هايطلب اعمل كام بروسيسور للجهاز الوهمى اختار اتنين افضل .

    وبعدين




    هنا هايطلب منى مساحة الرام المستخدمه فى الجهاز الوهمى انا عملها 128 والى عاوز يزودها مش هاتفرق لانه تقريبا مش هايحتاج رامات اكتر من كده .

    تمام وبعدين




    هنا هايطلب منى اعدادات النت ورك اعملها Dont Use Network Connection لانى هاغيرها من جوه بعدين.

    تمام وبعدين




    هاسيب الاختيارده على Bus Logic

    تمام وبعدين




    الى يهمنى هنا اول اتنين
    الاختيار الاول : Creat Anew Virtual Disk معناه انى اعمل جهاز وهمى جديد انا طبعا هاختاره لانى لسه بعمل جهاز جديد .
    الاختيار الثانى : Virtual Disk Use An Existing ودا معناه انى استخدم جهاز وهمى انا كنت عامله قبل كده ودا ان شاء الله هانعرفه فى اخر المواضيع ازاى نعمل نسخه ونرجعها تانى يعنى زى الجوست .

    تمام وبعدين



    هنا هاختار نوع الهارد : هاختار Ide

    تمام وبعدين




    هنا هاحدد مساحة الهارد الى فى الجهاز الوهمى يعنى انا لو اخترت 80 جيجا هاتبقى عباره عن مساحه وهميه الحقيقى فيها الى فعلا انا مستخدمه وتفتضل المساحه تكبر معايا على حسب استخدامى انا عن نفسى عاملها 10 جيجا لانى ما بحتاجش اكتر من كده

    تمام وبعدين



    هنا نهاية السيت اب هايقلى احفظ الاعدادت فين اختار نفس المكان الى حددته قبل كده .

    طيب لحد كده تمام
    انا سطبت الماكينه الوهميه طيب اظبط اعدادات البرنامج ازاى . تابعوا بس معايا




    دى واجهة البرنامج عباره عن جهاز وهمى به هارد وبروسيسور ورامات وفلوبى وسى دى يعنى جهاز وهمى متكامل داخل جهازى وعلى فكره انا ممكن اعمل عليه اى حاجه يعنى ممكن اسطب ويندوز او اعمل اى حاجه بس احنا فى الاساس عملناه علشان نعمله سيرفر .

    طيب فيه بعض حاجات انا مش هاستخدمها فى الجهاز طيب الغيها ازاى .

    زى الصوره دى




    انا هنا هالغى الفلوبى كل الى هاعمله هاشيل علامة الصح من على الاختيار Connect At Power On واضغطok
    يعنى كل الفكره الحاجات الى انا مش محتاجها اعلم صح على الاختيار السابق واضغط اوكى والصوت كمان مالوش لازمه ممكن الغيه ولو مالغيتش حاجه مش هاتفرق .

    نكمل اعدادات البرنامج





    ادخل على الادوات من فوق واختار
    Edit وبعدين Preferences

    تمام وبعدين




    الغى الابديت اخلى Check For Ubdates اخليه Nver
    علشان ما يقرفنيش كل شويه الافضل انى اخليه كده بدون ابديت

    تمام وبعدين



    هادخل اظبط اعدادات النيت ورك الى احنا اتفقنا فى الاول اننا هانعملها بعدين
    هاختار Edit وبعدين Virtual Network Setinges

    تمام وبعدين




    هادخل على Automatic Bridging واشيل علامة الصح من Automatikly Choose

    تمام وبعدين




    هادخل على
    1- Host virtual Network Maping
    2- هنا بقى ادانى انى ممكن اعمل اكتر من كارت لان من Vmnet 0 to Vmnet 9 منهم 2 حقيقى الى انا كنت مركبهم والباقى كروت وهميه .
    هاختار الاختيار الاول Vmnet 0 اول ما اضغغط على السهم الى على يمينه هايظهرلى هنا كارتين اللان الى انا ركبتهم فى الكيسه الى منهم واحد متوصل بالراوتر والتانى متوصل بالسويتش .
    هاختار هنا احد الكروت انا اخترت كارت Realtik

    كده انا خلصت الاعدادات اضغط ok

    تمام وبعدين





    1- هنا هادخل على Mikro Tik Test ( دى الماكينه الوهميه الى انا عملتها ) واختار Edit Virtual Machine Setinges

    تمام وبعدين





    1- هاضغط على Add
    2- هاضغط على Athernet Adabtor

    3- Next


    تمام وبعدين



    هاختار
    هاعلم على Custom Specific Virtual Networ
    VMnet 0 Defult Brediged -1
    خدوا بالكوا انا كده بعرف الكارت Realtic الى انا اختارته قبل كده فى الاعدادات بعرفه فى الجهاز الوهمى يعنى بخليه يقراه .

    2- اعلم على Concte
    At Power On

    3- Finish


    بكده اكون انتهيت من شرح الدرس الاول والثانى
    ونكمل ان شاء الله .

    ثالثا : Setup Mikrotik

    فى وقت لاحق ان شاء الله

    مع وافر تحياتى

  2. #2
    عضو فضي الصورة الرمزية redha360
    تاريخ التسجيل
    Jun 2008
    المشاركات
    839
    الدولة: Algeria
    معدل تقييم المستوى
    18

    رد: شرح الميكروتك للمبتدئين

    ما شاء الله على الشرح المبسط
    بارك الله فيك اخي
    tahernabil على الشرح
    منتظرين بقية الشرح




    Perfect people aren't real, and real people aren't perfect. So you can either love people for their flaws, or hate them because they're real.



  3. #3
    مشرف سابق الصورة الرمزية TaHeR.NaBiL
    تاريخ التسجيل
    Apr 2009
    المشاركات
    2,321
    الدولة: Egypt
    معدل تقييم المستوى
    60

    رد: شرح الميكروتك للمبتدئين




    ثالثا : Setup Mikrotik
    احنا فى الموضوع السابق عملنا اعدادات البرنامج هنا بقا هانشرح ازاى نعمل Setup Mikrotik

    تابعوا معايا بالشرح






    1- اضغط على السى دى
    2- اعلم على CONECT AT POWER ON وعلى فكره الاختيار ده اعلمه فى كل الاختيارات ( الهارد , السى دى .... الخ )
    ودا معناه انهم يقوموا بالاتصال اول ما البرنامج يشتغل .
    3- SePhyisical Drive انا مش هاستخدمه وانا بحتاجه لو عندى نسخة الايزو على اسطوانه موجوده بالسى دى .
    4-5 - Browes واحدد مكان النسخه من على الهارد
    use iso image هنا بقا انا هاستغنى عن السى دى واختار نسخة الايزو الى موجوده على الهارد ( نسخى الميكروتك Mikrotik 2.9.27 )
    6 - ok
    كده تمام انا كده دخلة نسخة الايزو فى البرنامج بس عاوز اسطبها
    تمام تابعوا معايا





    1- اعمل كليك يمين على Mikrotik Test
    2- اختار Power On علشان ادخل على نسخة الميكروتك اسطبها .

    تمام وبعدين

    اول ما اضغط Power On هايظهر الاتى




    دى بداية تسطيب المايكروتك
    1- هانضغط A لاختيار الكل
    2- هانضغط I لبدا السيت اب

    تمام وبعدين





    1- فى الاختيار ده بيقولى هل احتفظ بالاعدادت القديمه طبعا احنا اول مره نسطب يعنى ما فيش اعدادات قديمه يبقى هانختار NO
    2- CONTINUE هاضغط YES

    وبعدين اسيبه لما يخلص لحد لما يظهر اضغط لعمل ريستارت هانضغط انتر
    وبكده احنا سطبنا الميكروتك لسه فاضل ضبط الاعدادات

    تابعوا معايا

    ضبط اعدادات الميكروتك




    اول ما يعمل ريستارت هايفتح على الصفحه دى
    هاكتب اليوزر ادمين وبعدين انتر والباسور مش هاكتب فيه حاجه هانبقى نعمله بعدين وبعدين اضغط انتر

    تمام وبعدين




    اول مااوصل للخطوه دى هاكتب SETUP وبعدين ENTER من الكى بورد

    تمام وبعدين




    لاحظوا هنا فيه عدة اختيارات وبجوار كل اختيار الاختصار بتاعه
    1- هاضغط على حرف ( A ( configure ip adsress an getway
    2- هاضغط حرف a مره اخرى add ip address

    تمام لحد كده




    1- هاكتب هنا Ether1 وبعدين Enter

    2- Ip ddress هاكتب ايه


    قبل ما اكتب الابى فيه حاجه لازم نعملها







    احنا قبل كده عرفنا كارت Realtik على الجهاز الوهمى تمام
    الصوره واضحه قدامكم ماتشغلوش بالكم بباقى الكروت الى موجوده دلوقت هانركز فى Realtik الكارت ده هاسميه External يعنى كارت خارجى والكارت ده هو الى متوصل بالراوتر والى ايبيهاته نفس الى احنا عملناها فى الراوتر انا عملتله اى بى 7.7.7.8تمام لحد كده .

    تمام انا هنا عاوز اطلع كمان اى بى ممكن استخدمه من كارت اللان انا هاخليه 20.20.20.20 طيب هاعملها ازاى

    هانضغط على الشاشتين بتوع external كليك يمين وبعدين proparties وبعدين Internet Protocol tcp / ip وبعدين Proparties وبعدين advanced وبعدين هاضغط على كلمة Add وبعدين اعملوا زى الى فى الصوره الى جايه بالظبط




    1- هاكتب الاى بى 20.20.20.19 الرقم ده بديل علشان لو حصلت مشكله فى اى بى الراوتر ده يفتح معايا هاتيجى بعدين .
    2- الساب ماسك 255.255.255.0

    اكتبوا بس الاعدادات زى ماهى وبعدين اوكى
    تابعوا معايا




    هنا هاكتب الجيت واى الجديد بتاعى 20.20.20.20/24 تمام وبعدين Enter

    تمام وبعدين





    1- هاكتب هنا Ip Address Print وبعدين Enter دا ليه علشان اتاكد ان كل الى انا عملته تمام
    2- لو ظهر معانا كده يبقى كله تمام.
    وكد انا عرف كارت External فى الميكروتك فاضل الكارت الى هايخرج النت للمشتركين .










    بكده اكون انتهيت من شرح الدرس الثالث
    ونكمل ان شاء الله .

    رابعا : التاكيد من دخول النت الى الاكستيرنال ( الكارت الى متوصل بالراوتر ) .

    فى وقت لاحق ان شاء الله

    مع وافر تحياتى



  4. #4
    مشرف سابق الصورة الرمزية TaHeR.NaBiL
    تاريخ التسجيل
    Apr 2009
    المشاركات
    2,321
    الدولة: Egypt
    معدل تقييم المستوى
    60

    رد: شرح الميكروتك للمبتدئين


    رابعا : التاكيد من دخول النت الى الاكستيرنال ( الكارت الى متوصل بالراوتر ) .

    هنا بقى هايجى دور برنامج WINBOX


    دى واجهة البرنامج





    هاكتب الجيت واى الاحتياطى بتاعنا 20.20.20.20
    LOGIN : Admin
    تمام وبعدين كونكت
    او ممكن المربع الصغير الى جنب كلمة كونكت هايظهرلى ماك ادريس اضغط عليه وبعدين كونيكت
    وبكده احنا فتحنا الوين بوكس

    تمام وبعدين




    اول ما يفتح معايا انا محتاج اعرف النت جواه تمام طيب هانعمل ايه

    هاختار ip وبعدين Address
    تمام وبعدين





    1- هاضغط على علامة +
    2- هاكتب اى بى من نفس رينج الايبيهات الى انا عملتها فى الراوتر هاكتب 7.7.7.100/24
    3- Inter Face اخليها Ether 1 الى انا عملتها وانا بسطب الميكروتك .

    وبعدين اوكى

    تمام وبعدين




    لاحظوا هنا انا عندى 2 اى بى ل Ether 1 وممكن ادخل بيهم من الوين بوكس ( 20.20.20.20 , 7.7.7.100 ) .
    لحد كده تمام وبعدين





    هادخل على ip وبعدين Route تمام دى فايدتها انى ادخل الجيت واى انا لسه عامل اى بى 7.7.7.100 والجيت واى بتاعه 7.7.7.7 خدوا بالكوا الجيت واى ده الى احنا دخلناه فى الراوتر فى الاول .

    كده تمام وبعدين




    هادخل على Tools وبعدين Ping علشان اتاكد من دخول النت





    هنا هاكتب فى خانة Ping هاكتب Dns بتاعى وكل شركة نت ليها Dns خاص بيها الى انا كاتبه خاص بشركة Tedata - Egynet
    4.2.2.5 وبعدين اضغط Ping

    تمام لحد كده





    تمام كده البينج شغال تمام كده النت داخل للجهاز بدون اى مشاكل




    بكده اكون انتهيت من شرح الدرس الرابع
    ونكمل ان شاء الله .

    خامسا : ازاى اطلع نت للمشتركين

    فى وقت لاحق ان شاء الله

    مع وافر تحياتى






  5. #5
    عضو فضي
    تاريخ التسجيل
    Jan 2009
    المشاركات
    530
    الدولة: Egypt
    معدل تقييم المستوى
    18

    رد: شرح الميكروتك للمبتدئين

    السلام عليكم ورحمة الله وبركاته

    الحقيقة مش عايز اقاطعك من مدة لحد ما تكمل الى النهاية
    ولكن حبيت اشكرك على هذا المجهود الكبير
    وهذا الشرح المبسط بطريقة سهلة جدا للمبتدئين للتعامل مع المايكروتك

    وفقك الله لكل خير وجعل الله هذا العمل فى ميزان حسناتك
    جزاك الله خيرا اخى الفاضل ونفع بك الناس اجمعين
    اللهم انصر الشعب الليبى والسورى واليمنى وارنا فى الظالمين اية يارب العالمين

  6. #6
    عضو الصورة الرمزية eslamhamdy
    تاريخ التسجيل
    Sep 2009
    المشاركات
    631
    معدل تقييم المستوى
    16

    رد: شرح الميكروتك للمبتدئين

    لو واحد بقاله سنه بياكل فول:D هيفهم برده
    شكرا على الشرح

  7. #7
    عضوية جديدة
    تاريخ التسجيل
    Jul 2008
    المشاركات
    11
    معدل تقييم المستوى
    0

    رد: شرح الميكروتك للمبتدئين

    السلام عليكم انا عندى مشكلة انا جبت رسيفر شيرنج وعندى وصلة نت بس بسيرفرالمايكروتك فا النت مبيشتغلش عندى الى ببرنامج ويوزر نيم وبسورد فوصلته بل كمبيو تر
    وجبت كارت شبكة ووصلتها بس موصلة شبكة بس فسالت صاحب الوصلة ينفع اوصل كارت الشبكة بل نت فرد علييا لا مينفعش مع انى دفعت 300 ثمن الباقة ارجو الافادة ينفع تتوصل ولا لا ولو ينفع فببرنامج ولا بطريقه معينة فارجو المساعدة مع ان فات 5 شهور على كد ah26

  8. #8
    مشرف سابق الصورة الرمزية TaHeR.NaBiL
    تاريخ التسجيل
    Apr 2009
    المشاركات
    2,321
    الدولة: Egypt
    معدل تقييم المستوى
    60

    رد: شرح الميكروتك للمبتدئين

    اخى الفاضل النقطه الى انت بتتكلم عليها انا كنت هاشرحها فى المواضيع الى جايه ....... بس انا هاوضحهالك ,, طبعا ممكن يوصلك نت على الريسيفر وفى اقل من ثوانى انا هاشرحلك الطريقه فى الصوره الى جايه علشان انت تكون عارفها ولما تروحله تعرف ترد عليه وانت الى تقوله اعمل كذا وكذا





    بس فيه نقطه انا لسه فيه خطوات فى الشرح قبل ما اوصل للصوره دى فما حدش من الى متابع الشرح يشغل باله بيها انا بس بوضح المشكله لصاحبها فقط .
    بص يا اخى انا لما بطلع نت للمشتركين باختار 3 اشياء من الميكروتك
    اولا : النت خارج بس بيحتاج باسورد
    ثانيا : النت مش واصل ليهم يعنى مهما عمله مش هايعرفوا يشغلوا النت
    ثالثا : النت خارج بدون اى باسور يعنى بمجرد ما اشغل النت يشتغل عادى جدا ودا الى المفروض انت تعمله تابع بس الشرح فى الصور وانت تعرفها
    1- انا هادخل على IP
    2- هادخل على Hotspot
    3- هاختار Ip Binding
    4- هنا بقى هادخل على المشترك الى انا عاوزها وكنت فى السابق مدخل الاعدادات بتاعته ( الابى والجيت واى )
    يعنى هنا هايختار الريسيفر بتاعك ويعمل عليه دابل كليك هاتظهر القايمه الى جايه
    5- هنا بقى ياباشا ممكن احدد المشترك اعمل معاه ايه اطلعله نت بباسورد ولا اقفل عليه النت ولا اطلعله نت عادى جدا بدون اى باسورد ودا منين من كلمة Tayp
    هلاقى عندنها 3 اختيارات
    اولا : Regular ودى معناها انى اطلع النت بباسورد طبعا فى الكمبيوتر انا هاعرف اكتب الباسورد سهله بس انسى فى الريسيفر
    ثانيا : Baybassed ودى معناها انى اطلع نت للمشترك بدون اى باسورد ودا طبعا الى هو المفروض يعمله مع الريسيفر بتاعك
    ثالثا : Blocked يعنى اقفل النت وانسى ان النت يوصلك مهما عملت

    يبقى كده عرفنا ايه المطلوب يتعمل اننا نخلى Tayp على
    Baybassed
    وان شاء الله هايشتغل على طول المهم جرب الريسيفر الاول عند واحد صاحبك ممكن يكون عاوز سوفتوير انت بس اتاكد عند واحد صاحبك .


    مع وافر تحياتى

  9. #9
    عضو
    تاريخ التسجيل
    Dec 2006
    المشاركات
    167
    الدولة: Egypt
    معدل تقييم المستوى
    0

    رد: شرح الميكروتك للمبتدئين

    شكرا وبارك الله فيك

  10. #10
    عضوية جديدة
    تاريخ التسجيل
    Feb 2009
    المشاركات
    17
    معدل تقييم المستوى
    0

    رد: شرح الميكروتك للمبتدئين

    بصراحه سيدي الفاضل جزاك الله كل خير وزادك الله من العلم وجعلك دائما من اهل الخير وبارك الله فيك وفيه اصحاب هذا المنتدي الجميل البارع ويارب دائما النجاح والتقدم في هذا المنتدي الاكثر من رائع

  11. #11
    مشرف سابق الصورة الرمزية TaHeR.NaBiL
    تاريخ التسجيل
    Apr 2009
    المشاركات
    2,321
    الدولة: Egypt
    معدل تقييم المستوى
    60

    رد: شرح الميكروتك للمبتدئين





    خامسا : ازاى اطلع نت للمشتركين


    اخوانى الافاضل تكلمنا سابقا فى شرح اعدادات برنامج VMware.Workstation وشرحنا ايضا Setup Mikrotik طيب تمام ازاى اتاكد انى سطبت الميكروتك ... احنا اتفقنا لما نخلص سيت اب الميكروتك هانفتح برنامج الوين بوكس وهانكتب 20.20.20.20 وبعدين Conect لو فتح معايا يبقى كل الى احنا عملناه تمام .
    وبعدين شرحنا ازاى نخلى الميكروتك يقرا النت الى داخله عن طريق كارت external تمام والخطوه دى اتاكد منها ازاى لو البينج اشتغل معايا اعرف انى كل اعداداتى تمام وبكده اقدر ادخل على المرحله الى بعديها .

    ازاى اطلع نت للمشتركين

    اولا هادخل على Edit وبعدين Virtual Network Setinges
    تمام وبعدين هادخل على القايمه الى جايه




    1- Host virtual Network Maping
    تمام احنا دخلنا على القايمه دى قبل كده لما عرفنا كارت External الى هو ( Realtik ) الى هو متصل بالراوتر خليناه على Vmnet 0 تمام وبكده اقدرنا نخلى السرفر يقرا النت الى داخله من الراوتر.......
    تمام يبقى الخطوه الى جايه اخلى السيرفر يقرا الكارت التانى الى هو Sis طيب تمام هادخل على اى Vmnet احنا عندنا لحد 10 الى مكتوب قصاده Not Bridged هو الى ممكن اخليه على كارت Sis انا هنا اخترت Vmnet 3 وهاختار منه الكارت الى فاضل عندى Sis الى هو هايخرج النت للمشتركين .
    تمام لحد كده وبعدين



    1- احنا اتفقنا اننا هانخلى Vmnet 2 هو الكارت التانى Sis
    2- هاضغط على السهم الى انا محدده هايظهر كلمة Subnet هاضغط عليها هاتدينى القايمه الى جايه




    هنا بقى جينا للمهم عاوز تركيز من نار اوعوا تتوهوا منى
    كل الى انا عاملته قبل كده اعملوا زيه بالظبط انا دخلت ايبيهات للسيرفر من رينج 7.7.7.1 حتى 7.7.7.255 تمام انا ممكن استخدم اى اى بى منهم دى مش هاتفرق معاكم المهم انا هاطلع اى بى للمشتركين ايه ..... دى بقى مالهاش اى علاقه بالايبيهات بتاعة الراوتر لانى هاطلع ايبيهات مختلفه تماما هاطلعها من السيرفر نفسه .
    1- Ip Address طبعا فيه ناس هنا محتارين من الى انا كاتبه انا كاتب ايبيهات 10.0.0.0 دى من الرينج الى انا هاطلع بيه نت للمشتركين طيب تمام واحد يقولى انا عامل شبكه ومطلعلها ايبيهات غير الى انا كاتبه فيه ناس عامله ( 192.168.1.2 حتى 192.168.1.255 - وناس تانيه عامله 192.168.16.2 حتى 192.168.16.255 ) . شئ جميل يبقى هنا تحديدا كل واحد يقرر مع نفسه هوا هايطلع انه ايبيهات للشبكه لو هو عامل الشبكه بتاعته 192.168.16.1 يبقى هايكتب هنا 192.168.1.0 تمام ....... طيب لو انا مطلع 192.168.16.1 يبقى هنا هايكتب 192.168.16.0 تمام .
    معنى كده ان فى الشرح الى جاى كله انا لما هاكتب 10.0.0.2 ودا الجيت واى بتاع الشبكه الى انا مخرج النت بيه انتوا هاتكتبوا 192.168.1.1 او 192.168.16.1 او تخلوها زى ما انا عامل دى ترجع لكم تمام وانا هوضحها عند كل خطوه علشان محدش يتلخبط ..

    2- Subnet Mask دا بقى هاسيبه زى ماهوا مافيش اى حد يغيره .

    تمام وبعدين


    1- هاضغط كليك يمين على Mikrotik
    2- هاختار Settinges

    تمام وبعدين




    الاعدادت الى هنا انا كنت عاملها قبل كده انا ذكرتها تانى للتوضيح انا هنا خليت Ethernet خليته Vmnet 0 ودا طبعا احنا اتفقنا انه كارت الاكستيرنال ( Realtik ) الى انا واخد النت منه من الراوتر ....... تمام يبق هنا انا عملت اول حاجه انى عرفت الكارت الى متوصل بالراوتر فاضل اعرف الكارت التانى الى متوصل يالسويتش الى هو موزع النت للمشتركين تمام ودا فى الصوره الى جايه




    1- هاختار Athernet الى هو الكارت التانى Sis
    2- هاختار هنا Vmnet 2
    ودا زى ما احنا عملنا قبل كده لما اخترنا Vmnet 2 اخترنا كارت Sis
    واضغط ok كده احنا عرفنا الكارت التانى فى السيرفر فاضل انى اخليه يخرج نت تابعوا معايا

    هاندخل بقى على الوين بوكس
    هانكتب 20.20.20.20 او 7.7.7.100 او اضغط على المربع هايظهر ماك ادريس اضغط عليه وبعدين Conect
    تمام لحد كده تابعوا معايا الصوره الى جايه لما ندخل على الوين بوكس




    1- هادخل على ip واختار Addrees
    2- اضغط على علامة + الى هى هاتعملى New Address
    3- هنا بقى اهم خطوه احنا اتفقنا قبل كده كل واحد يختار الى هو عاوزه انا كنت كاتب قبل كده 10.0.0.0 تمام هنا بقى هاكتب الجيت واى / الساب ماسك هاكتبه 10.0.0.2/24 تمام ......... كل واحد هنا يكتب الجيت واى الى هو عاوز يطلع بيه النت للمشتركين .
    4- هاعمل Interface هاخليه Ather 2 تمام خدوا بالكوا كده Ather 1 خاص بكارت الاكستيرنال الى ايبيهاته 7.7.7.100 ......... و Ather 2 خاص بكارت Sis الى ايبيهاته فى رينج من 10.0.0.0 حتى 10.0.0.255 تمام لحد كده .
    وبعدبن ok
    تمام وبعدين




    احنا قبل كده غيرنا اسم كارت Realtik الى متوصل بالراوتر وسمناه External .......... هانغير كمان كارت Sis الى متصل بالسويتش الى هايوزع النت للمشتركين هاخليه Interna .
    تمام واحد يقولى هو لازم اغير اسامى الكروت .. ممكن عادى جدا اسيبها زى ماهى تمام افرض ان واحد جاب الكارتين نفس النوع هايلاقيهم مكتوبين بنفس الاسم تقريبا وكل اما يعوز يفتح كارت هايفتح واحد ويطلع مش هو الى عاوزه علشان كده احنا نغير اساميهم افضل نخلى External هو الى متصل بالراوتر و Internal هو الى متصل بالسويتش الى هاوزع منه النت للمشتركين . تمام
    1- هاغير الكارت Sis واخليه Internal
    2- هاكتب البيانات الى هاطلع بيها نت للمشتركين
    اولا الابى : اتفقنا معايا من 10.0.0.3 الى 10.0.0.255 ودى نفس الارقام الى هاتكون عند المشتركين طبعا كل مشترك هايكون ليه اى بي خاص بيه ...... وهنا الى عاوز يخليها 192.168.16.3 حتى 192.168.16.255 ........او 192.168.1.3 حتى 192.168.1.255 ....... تمام
    ثانيا : Subnet Mask دا طبعا لازم اكتبه زى ما هو ما فيهاش خلاف 255.255.255.0
    ثالثا : الجيت واى انا هاكتبه 10.0.0.2 عندى وعند جميع المشتركين ...... والى عاوز يغير هايخليه 192.168.16.1 .. او 192.168.1.1 ....... زى ماانت تحب على حسب انت هاطله نت بايه ......... تمام لحد كده

    3- اضغط ok

    تمام وبعدين



    1 - هادلخ على IP واختار Dns وبعدين
    2- اول ما افتح صفحة Dns هاضغط على علامة + تمام وبعدين
    3- هاكتب Dns بتاعى دا اساسا بتاع شركة النت الى انا موصل منها انا ما اعرفش اغيره دا خاص بشركة النت كل شركه ليها رقم كل واحد يكتب الرقم الخاص بيه
    هاكتب زى ما فى لصوره primary : 4.2.2.5 ,, secondey : 4.2.2.6
    واضغط ok

    فى ملحوظه هنا : انا لما عرفت Dns فى المايكروتك هاذهب مره اخرى للصوره السابقه لو انت لاحظتوا انا كتبت الايبيهات وماكتبتش Dns ممكن اكتبه دلوقتى 4.2.2.5 , وبعدين 4.2.2.6 .
    تمام وبعدين

    هنا بقى هاختار الطريقه الى هاطلع بيها النت اما عن طريق الهوت سبوت او الفايرول .... الخ
    انا هنا هاختار طرية الهوت سبوت Hotspot طريقه سهله وكويسه وما عملتش معايا اى مشاكل ........




    1- هادخل على IP واختار منها Hotspot تمام وبعدين
    2- هاعمل SET UP لـــ Ather 2 الى احنا اتفقنا انه هايخرج النت للمشتركين
    3- هنا وانا بسطب هالاقى نفس الاعدادات الى انا كنت مدخلها قبل كده هافضل اعمل Next مافيش اى حاجه هاغيرها لحد ما اخلص لحد اخر خطوه .
    بكده احنا خرجنا نت فعلى للمشتركين ولو رحنا عند اى مشترك وشغلنا النت هانلاقيه اشتغل تمام مافيش اى مشاكل.




    بكده اكون انتهيت من شرح الدرس الخامس
    ونكمل ان شاء الله .

    سادسا : ازاى اخلى البرنامج يشتغل مع الويندوز .
    سابعا : احدد المشتركين( ادخل بيانات المشتركين )

    فى وقت لاحق ان شاء الله

    مع وافر تحياتى

  12. #12
    مشرف سابق الصورة الرمزية TaHeR.NaBiL
    تاريخ التسجيل
    Apr 2009
    المشاركات
    2,321
    الدولة: Egypt
    معدل تقييم المستوى
    60

    رد: شرح الميكروتك للمبتدئين



    سادسا : ازاى اخلى البرنامج يشتغل مع الويندوز .

    احنا الحمد لله عرفنا ازاى نخرج نت للمشتركين تمام طيب فيه هنا نقطه احنا عملنا السرفر على نفس الجهاز بتاعى الى انا بستخدمه معنى كده ان الجهاز لو عمل ريستارت او انطفى النت مش هايخرج للمشتركين تمام وانا طبعا هاحتاج انى اريح الجهاز بتاعى كل واحد يظبطها مع نفسه انا عن نفسى بطفيه كل يوم صباحا قبل ما اروح الشغل لمدة ساعه تقريبا يعنى الجهاز بيفضل شغال 23 ساعه يوميا ودى ما فيهاش اى مشاكل على الجهاز عادى جدا المهم اننا نريحه كل يوم شويه .
    تمام انا ريحت الجهاز وبعدين شغلته لازم ادخل على السيرفر بتاعى واعمله Power On علشان يشتغل ويخرج النت .... طيب هنا هل ممكن اخلى الجهاز لما يشتغل السيرفر يشتغل لوحده من غير ما ادخل عليه فى كل مره ايوه ممكن تابعوا معايا فى الشرح الى جاى

    ازاى اخلى البرنامج يشتغل مع الويندوز



    انا هنا هادخل على المكان الى انا حفظت فيه الماكينه بتاعتى فى الاول واحنا بنشرح VMware.Workstation
    1- هاضغط كليك يمين على Mikrotik واعمل Copy خدوا بالكوا دا الاسم الى انا حددته فى الاول لما قلت كل واحد يعمل الاسم الى هو عاوزه وعلشان ماحدش يتلخبط هو امتداده Vmx يعنى هاتلاقوه Mikrotik.Vmx لو احنا ظاهرين الامتداد هايبان .vmx تمام
    وبعدين




    1- هادخل على المسار ده C:\Documents and Settings\user\Start Menu\Programs\Startup
    طبعا User دى متغيره كل واحد يدخل على اليوزر بتاعه زى ما هو مسميه .
    2- انا طبعا كنت واخد كوبى من Mikrotik .vmx هاجى فى اى مكان فاضى فى الصفحه الى انا لسه فاتحه واعمل كلين يمين واختار past shortcut .
    هاتظهر قدامنا زى ما احنا شايفين Short cut to Mikrotik

    تمام احنا كده خلينا الماكينه بتاعتنا تفتح اول ما الويندوز يشتغل وهانلاقيها ظهرت تحت فى Taskpar بجوار الساعه .
    هى هاتفتح بس مش هاتشتغل يبقى الى فاضلنا اننا نخليها اول ما تفتح تشتغل لوحدها اوتوماتيك ...... تابعوا معايا



    1- هنا هافتح الماكينه بتاعتى تمام واعمل كليك يمين على اسم الماكينه الى انا عامله Mikrotik تمام
    2- هاختار اخر اختيار Settings .

    وبعدين هايفتح القايمه الى جايه




    1- هادخل على Option تمام وبعدين
    2- هاعلم علامة صح على Power on after opinnig this Virtual Machine
    يعنى شغل الماكينه اوتوماتيك اول ماتفتح وبعدين طبعا ok
    وبكده الماكينه اول ما الجهاز يبدا تشغيل الماكينه هاتشتغل لوحدها والنت هايشتغل عادى جدا

    بكده اكون انتهيت من شرح الدرس السادس ازاى اخلى البرنامج يشتغل مع الويندوز .






    سابعا : احدد المشتركين( ادخل بيانات المشتركين )


    طبعا انا هاخلى لكل مشترك اى بى خاص بيه هنا بقى انا عاوز اذكر حاجه للناس الى بتعمل باسورد للمشتركين وهما بيفتحوا النت عندهم ........ انا عن نفسى عمرى ما عملت كده انى اخلى المشترك يكتب باسورد كل اما يفتح النت عنده ..... مبدئيا فيه ناس بتعملها بباسورد علشان يضمن ان مافيش حد يعرف يدخل على النت بتاعه الا المشتركين يعنى ما فيش حد يسرق واصله نت منه ....تمام
    انا هنا ممكن بكل بساطه احدد لكل مشترك اى بى خاص بيه لو غيره النت مش هايشتغل ولو مثلا ركب كارت لان وكتب نفس الابى برده النت مش هايشتغل ليه لانى هاحدد ان الماك الادريس بتاع المشترك ما يشتغلش الا على الا بى الى انا هاديهوله
    بكد انا حكمت الشبكه بتاعتى لدرجة ان لو مشترك جديد وصل منى مش هايعرف يفتح النت الا لما انا اسمح له من عندى طيب تمام وهاعمل دا ازاى تابعوا معايا بس

    احنا ذكرنا اننا هانربط الا بى بالماك ادريس ..... تمام واحد هنا هايقولى ايه هوا اصلا الماك ادريس وهاعرفه منين
    الماك ادريس ممكن نقول انه زى سيريال لكارت اللان بتاعى وكل كارت ليه ماك ادريس خاص بيه ....
    تمام طيب انا هاعرف الماك ادريس بتاع المشتركين ازاى .




    الماك ادريس بتاعى انا اعرفه ازاى
    هاضغط دبل كليك على الشاشتين بتوعى الى تحت فى التاسك بار تمام وبعدين هايظهر قايمه هادخل منها فوق على Support تمام هايفتح قايمه تانيه هاضغط على Detalis تمام هايظهر قايمه تانيه فيها بيانات النت بتاعى كلها .. اول حاجه مكتوبه Physical Address الى مكتوب قصاده 6C:F0:49:14:2E:7E هو دا بقى الماك ادريس تمام ........
    كده عرفنا نجيب الماك ادريس ازاى وممكن كمان اجيبه عن طريق برنامج WinArpSpoofer
    ودا رابط تحميله
    https://www.mediafire.com/?ddabfj3sdhaad6l

    تمام انا حملته وسطبته اول ما يفتح معايا هاختار الاتى
    1- هايظهر قايمه انه محتاج ابديت هاضغط Cansel
    2- هايظهر قايمه اخرى ادخل على Spoffing وهاعلم صح على < - >Gateway وبعدين ok هايفتح البرنامج
    3- اول ما يفتح البرنامج هاضغط من فوق على Scan وبعدين Start تمام هايظهر الشكل الاتى




    1- اى بى 10.0.0.2 دا الجيت واى ودا خاص بالرواتر وباقى الارقام خاصه بالمشتركين
    2- Host name الاسم الى انا مسمى بيه الجهاز بتاعى
    3- Macaddress هو دا بقا الى انا عاوزه اجيب منه ماكات المشتركين
    4- Status هنا بقى Gatway دا خاص بالراوتر ..... This الجهاز بتاعى ... Forward دول المشتركين
    5- Sent Traffic حجم الابلود الى بيترفع
    6- Recv Traffic حجم الداونلود الى بيتحمل

    تمام انا كل الى هاحتاجه من هنا انى اجيب ماكات المشتركين قبل ما اعمل السيرفر ليه

    خدوا بالكو البرنامج هنا جاب المشتركين لانهم من نفس رينج الايبيهات بتاعتى طيب احنا اتفقنا انى هاخلى ايبيهاتى 7.7.7.7 من الرينج ده وهاطلع للمشتركين ايبيهات تانيه هنا انا لو شغلت البرنامج مش هايظهرلى اى حد من المشتركين لانهم ليهم ايبيهات تانيه علشان كده انا هاجيب الماكات بتاعتهم قبل ما اعمل اى حاجه .

    تمام انا جيبت الماكات بتاعة المشتركين اعمل ايه ...... تابعوا بس معايا




    1- هافتح الوين بوكس وادخل على
    2 -اول ما الهوت سبوت يفتح هاختار Ip Bindigs
    3- هاضغط على علامة +
    4- هاتظهر القايمه الى احنا شايفنها ....... تمام وبعدين





    1- هاكتب هنا الماك ادريس الى عرفنا هانجيبه ازاى .
    2- هاكتب هنا الاى بى الى انا عاوز ه وهاخلى لكل مشترك اى بى انا كاتب 10.0.0.80 وزى ما اتفقنا لو واحد مطلع النت بايبيهات تانيه هايكتب هنا زى الى هو كان عامله قبل كده .
    3- Type هنا هلاقى 3 اختيارات
    اولا : Regular ودى معناها انى اطلع النت بباسورد طبعا فى الكمبيوتر انا هاعرف اكتب الباسورد سهله بس لو واحد عنده ريسيفر هايعمل ايه مش هايعرف طبعا يعمل اى حاجه
    ثانيا : Baybassed ودى معناها انى اطلع نت للمشترك بدون اى باسورد ودا الى انا بفضله
    ثالثا : Blocked يعنى اقفل النت وانسى ان النت يوصلك مهما عملت
    تمام يبقى اتفقنا اننا هانخليها على Baybassed4- هاضغط Ok

    تمام وبعدين

    هادخل على IP من الوين بوكس واختار Dhcp Server تمام هايفتح القايمه الى جايه





    1- هادخل على Networdk
    2- هاضغط دبل كليك على 10.0.0.0/24 هاتظهر القايمه الى جايه
    3- هادخل هنا بيانات Dns الى هى 4.2.2.5 ,, 4.2.2.6 واحنا قلنا دول خاصين بشركة النت بيختلفوا من شركة للاخرى
    وادخل الايبيهات لو مش مكتوبه اكتبها زى الصوره تمام وزى ما اتفقنا على حسب ما انت عاوز تخرج النت باى ايبيهات زى ما عملنا فى الاعدادت السايقه
    5- هاضغط OK

    تمام وبعدين


    1- انا طبعا فاتح قايمة Dhcp Derver هاختار منها Leases
    2- اضغط على علامة +
    3- هاكتب الايبيهات الى انا دخلتها فى الهوت سبوت لكل مشترك يعنى هاكرر الموضوع ده لكل مشترك هنا وفى الهوت سبوت
    4- هاكتب الماك ادريس
    5- Server هاخليها All
    6- هاضغط OK

    وبكده احنا خصصنا لكل مشترك اى بى خاص بيه وربطناه بالماك ادريس بتاعه....... يعنى لو المشترك غير اى بى مستحيل النت هايشتغل عنده لازم يكتب نفس الايبيهات الى انا اداتهاله فى Hotspot - Dhcpserver




    بكده اكون انتهيت من شرح الدرس السابع
    ونكمل ان شاء الله .

    ثامنا : منع الت كت
    تاسعا : تحديد السرعه

    فى وقت لاحق ان شاء الله

    مع وافر تحياتى



  13. #13
    عضو فضي الصورة الرمزية event88
    تاريخ التسجيل
    Aug 2009
    المشاركات
    5,421
    الدولة: Sudan
    معدل تقييم المستوى
    52

    رد: شرح الميكروتك للمبتدئين

    ماشاء الله الله يحفظك ويبارك فيك أخي tahernabil , موضوعك لا غبار عليه
    سأقوم بقرائته من جديد وأعطيك رأيي الكامل عنه

  14. #14
    عضو
    تاريخ التسجيل
    Nov 2004
    المشاركات
    8
    معدل تقييم المستوى
    0

    رد: شرح الميكروتك للمبتدئين

    بسم الله ما شاء الله جزاك الله كل خير

    جارى التجربه وان شاء الله اذا يشتغل معاية بدون اى مشاكل

  15. #15
    عضو
    تاريخ التسجيل
    Sep 2005
    المشاركات
    21
    الدولة: Egypt
    معدل تقييم المستوى
    0

    رد: شرح الميكروتك للمبتدئين

    بسم الله ماشاء الله
    شرح وافي
    كنت اتمني ان يكون عمري 20 وليس 50 علشان الواحد يستمتع بهذا المنتدي ورجالة
    ادعوا الله لكم بطول العمر ان شاء الله

صفحة 1 من 14 1 2 3 4 5 6 7 8 9 10 11 ... الأخيرةالأخيرة

المواضيع المتشابهه

  1. استفسارات الميكروتك
    بواسطة TaHeR.NaBiL في المنتدى نظام تشغيل Linux و ميكرو-إيزا تك
    مشاركات: 42
    آخر مشاركة: 18-03-2016, 16:15
  2. طريق المبتدئين فى الميكروتك
    بواسطة TaHeR.NaBiL في المنتدى نظام تشغيل Linux و ميكرو-إيزا تك
    مشاركات: 13
    آخر مشاركة: 25-11-2014, 19:36
  3. الى خبراء الميكروتك العمالقة
    بواسطة saher772 في المنتدى الأرشيف
    مشاركات: 0
    آخر مشاركة: 15-01-2010, 14:16

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •