أسئلة الانترفيو وأجوبتها في حقل سيسكو

[م/ أحمد بخيت]

السلام عليكم يا جماعة زي م وعدتكم انا حطيت الأسئلة وراح اجاوبها باذن الله تعالى وعاوزين كدا نشوف تجارب من ناس تانية ف المجال دا.
بالنسبة للأسئلة باذن الله يا جماعة راح نتناولها سؤال سؤال واكيد الاجابات اللي راح احطها مش منزلة زي القرآن يعني - اللي اقصده ان احتمال كبييير يكون فيها غلط او يكون في ناس بتفكر من زاوية اوسع شوية وتشوف الأمر بصورة أوضح

- اتكلم شوية عن نفسك وعن تعليمك.

هنا انت لازم تاخد بالك من حاجة - اول شئ انت لازم تكون منظم واكيد حاول انك تتدرب ع السؤال دا لأنه بيتسألك بنسبة كبيرة كمان - وبعد كدا لو كان اكتر من واحد بيسألك حاول انك وانت بتتكلم تبص لدا شوية والتاني كمان عشان تحسسهم انك متابع معاهم وانك مش هايب الموقف كمان - وكمان حاول انك تظهر اقوى نقاطك وانت بتتكلم عن تعليمك او شهادتك او خبرتك او حتى بلدك كمان
بس اهم شئ انك تحاول تظهر بالتنظيم ف الكلام واكيد اتقان اللغة

- لو الريس او المدير بتاعك ف الشغل واحدة بنت هتتصرف ازاي ؟؟؟

على فكرة السؤال دا بقى م النوع اللي بيعصب شوية لأنه بيستفز فينا الراجل الشرقي وكمان انا كنت عاوز اقول ان الراجل اللي سألني السؤال دا كان بيحاول يستفزني كمان وهو بيقوله لأنه قال السؤال دا وراح ابتسم ابتسامة كأنه منتظر نكته عشان كدا انت حاول تلتزم وتسيطر شوية على اعصابك بهدف انك تلاقي جواب دبلوماسي - ومش تحاول انك تسيب اي حاجة عايمة - لكن جاوب جواب مقنع ومش تخليه يدخل معاك على نقطة اصعب زي م حصل معايا - ع العموم انا قلتله وايه المشكلة عادي بتحصل كتيير وبالعكس لم الريس او المدير بيكون بنت الادارة بتكون منظمة اكتر بس اهم شئ انها تكون بتستحق المنصب دا

- لو الريس او المدير بتاعك ف الشغل واحد اقل منك ف الخبرة هتتصرف ازاي ؟؟؟

هنا المشكلة ودا عشان اجابتي ف السؤال اللي فاتت تقريباً كدا مش كانت مقنعة لكن هنا الحمد لله ربنا هداني لأجابة كويسة وقلتله اكيد الادارة ليها وجهة نظر ف الراجل دا - اول شئ انا لازم اعرف النقطة دي من خلال تصرفاته وكمان اتعلم منه لو هو افضل منه - طيب لو مش افضل مني اكيد لازم انصحه بالأفضل واتعلم من اخطائه - على فكرة بعد الاجابة دي الراجل انبسط وكان عاوز يقوف يسقف كمان من كتر الفرحة - تقريباً كدا انا كنت قاعد مع واحد مش موزووووون خالص شكله كان لاسع بس المهم ان المقابلة تعدي على خير

- لو صاحبك ليه فضل عليك وكان تحت منك ف الشغل وغلط هتتصرف معاه ازاي ؟؟؟

طبعاً تكملة للأسئلة الرخمة - طلع م الراجل السؤال دا - اكيد انت هنا لازم تكون فاير وتظهر انك حقاني ولو حتى مع ابوك - حتى لو انت مش كدا ف الواقع وتقوله المفروض مدام صاحبي يبقى اخاف عليه اكتر واتخذ اللازم معاه اكتر م الغريب - بس خد بالك حاول مش تكون اووووفر زيادة

- ازاي تقدر تساعد اصحابك ف العمل لو طلبوا منك خدمة صغيرة مش ف مجال عملك ؟؟؟

هنا تبين انك الواد اللي مالوووووووش زي وتقول انك مش راح تنتر ان حد يطلب منك المساعدة - مدام العملية ف الشغل يبقى احنا فريق واحد ولازم نتعاون في سبيل اننا ننجز المطلوب مننا - طيب دا في مجال العمل - لكن لو خارج مجال العمل المفروض انك تبين ان العمل اهم شئ وانك راح تساعد اصحابك بس بعد انتهاء مواعيد الدوام الرسمية وانكم اصحاب داخل العمل وخارجه كمان

- كلما شوية عن شركتك اللي فاتت سبتها ليه وكان ايه دورك معاهم ؟؟؟

اياك ثم اياك تعيب ف الشركة اللي فاتت وكمان مش تعطي اي اسباب تأثر عليك - بس انا كنت جاوبت جواب عبيط شوية وقلت اني مذاكر سيسكو عشان اشتغل على روترات وشبكات والكلام دا وكنت مش اعرف ان الحقيقة انك ممكن تشتغل ع الحاجات دي مرة كل فترة يعني مش متواصل وكدا - المهم انت حاول تكون دبلوماسي وتقول انك وصلت لمرحلة لا تستطيع فيها الاضافة ولا يستطيعوا ان يضيفوا لك ولذلك قررت ان تبحث عن فرصة تحدي في مكان آخر

- لو انت ماسك مدير خدمات دعم فني اتكلم عن تنظيم تقديم خدماتك للناس وتنظيم عمل الناس اللي معاك.

هنا انت لازم تتكلم شوية عن طبيعة خدمات الدعم الفني ويا سلام لو كنت قاري شهادة ITIL لأن الشهادة دي بتنظم الكتيير م الحاجات دي ف الموضوع دا - لكن ع السريع كدا انت ممكن تقول انك راح تتعامل بنظام التذاكر او التيكيت نمبر وكمان تقسم الموظفين تحت منك الى خطين حسب الخبرة وحسب ضغط الشغل زي Level 1 Support - Level 2 Support واكيد المكالمة اول م بتوصل بتدخل ع المستوى الأول اللي بيكون في ناس مستواهم مش كبير لكن لو حسيت ان العميل فاهم او دارس يبقى لازم تحوله بسرعة للمستوى التاني وكمان حاول تستفيد من خبرتك بالتعامل مع خدمة العملاء ف مصر مع اي شركة كدا زي شركات الاتصالات او الانترنت - ومافيييش اي لزوم انك تفشر او تقول كلام م الأفلام

- معاك شبكة شركة فيها اكتر من VLAN واكتر من خط انترنت ISP واحد ازاي تحدد خط معين لخروج بيانات مجموعة من VLANs معينة ؟؟؟

بالنسبة للموضوع دا طبعاً انت كدا قاعد مع واحد تكنيكال وكمان مش ضروري انك تحكي بالتفضيل لكن هو بيطلب بس انك تحط خطوط عريضة للموضوع دا واجابتي كانت انك بتستخدم 3 أشياء لاتمام الموضوع دا وانك بتعمل (Route Map) عشان تعلم كل في لان وبعد كدا لازم تعمل ACL عشان تحدد كل في لان تروح فين واخر حاجة تطبق الكلام دا على اي بورت واي اتجاه والكلام دا موجود في شهادة CCIE RS بتاعة عم جيرمي.
لكن مش تدخل وتقول انك ممكن تستخدم BGP لأنك هنا مش عاوز توزع الخدمة دي ع الشركة كلها او عاوز تعمل توزيع احمال والكلام دا لكن العملية دي سويتشنج زي م تقول كدا

- ليه بتستخدم الـ Multicast بين افرع شركات والمكتب الرئيسي ؟؟؟

اكيد المتوقع انك راح تقول ان الكلام دا بنستخدمه ف ارسال كمية م البيانات لمجموعة م المستخدمين مشتركة ف جروب معين - تمام لكن السبب ؟؟؟ بسيطة انك اول حاجة بتوفر كمية الBW ف الشبكة وبعد كدا بتوفر موارد الشبكة نفسها - ولو سألك ع البروتوكول المستخدم يبقى تقوله وانت بتضحك كدا PIM
طيب بالمرة كدا لو سألك عن تطبيق للحكاية دي يبقى اتكلم عن الفيديو

- لو معاك شبكة من حوالي 40 راوتر ايه البروتوكول المفضل انك تستخدمه وحدد السبب ؟؟؟

هنا اكيد انت عاوز توفر ف الشبكة وتختار بروتوكول ابن ناس كدا مش يتعب الراوتر عشان كدا توضح له لو الشبكة كلها سيسكو يبقى عليك وعلى البروتوكول EIGRP لكن غير كدا انت تستخدم OSPF or Ripv2 بس خد بالك ان البروتوكول OSPF بيرهق الراوتر حسب م سمعت

================================================== ========

بالطريقة دي يا جماعة اكون بفضل الله عز وجل وفيييت بوعدي ليكم وربنا يقدرنا نرد ولو شئ قليل من فضل المنتدى دا وفضل الاعضاء علينا واسأل الله عز وجل ان يوفق كل منا الى ما يحبه ويرضاه وارجو ان تسامحوني على لغتي العامية لكن انا افضلها لأني احس انها مفهومة للمصري وغير المصريين م العرب - اللي خلا الهنود بيفهموها العرب مش هيفهموها
ها ها ها
منتظرين نسمع كدا عن مشاركات تانية
وبالتوفيق

[ahab]

موضوع جميل جدًا وفي غاية الأهمية

المقابلة اليتيمة اللي عملتها في سيسكوا

قابلت فيها المدير في الشركة بإصرار مني ( كنت رايح على شخص معين وحصل معي لبس في الأسماء وأصريت إني أقابله بعد ما قدمت الكارنيه بتاع شهادة ال CCVP ) استقبلني المدير وأخذ ال cv

أول شيئ اهتم فيه هو شغلي السابق واسم الشركة اللي كنت شغال فيها لأنها بتعطي انطباع إذا كان لديك خبرة في نفس المجال أم لا وسألني:
- ليه اخترت سيسكوا
- لو عندك مشكلة في الشبكة هتتصرف ازاي
- لو معرفتش تحل المشكلة هتعمل ايه

ثم حول ال cv إلى مدير التركيب وقالي هنتصل بيك تاني ولكن هتكون المقابلة الثانية تيكنيكال شويه عن كده

اتصلوا علي وتم تحديد موعد ووجدت أكثر من شخص عنده مقابلة

كل شخص يجلس من 3 إلى 5 دقائق

الأسئلة:
كلمني عن خبرتك في المجال

لو شغلتك دلوقتي في مشروع فويس ، ايه اللي هتعمله ( باختصار )

[ozy026]

موضوع رائــــــــــــــــتع جزاكم الله كل خير

[To be or not]

رائع يا م أحمد والله
وربنا يوفقك يارب
وبانتظار المزيد من المشاركات
وطبعا ,اكيد الشكر موصول الي حكومة المنتدي قصدي مشرف المنتدي أخي ahab جزاكم الله خيرا

[سعيد يوسف]

جزاك الله خيرا يا أخ ايهاب
بس لو تكمل فضلك وتضع الردود اللي حضرتك رديتها أو أفضل الاجابات لو امكن كما فعل المهندس أحمد بخيت

موضوع جميل جدًا وفي غاية الأهمية

المقابلة اليتيمة اللي عملتها في سيسكوا

قابلت فيها المدير في الشركة بإصرار مني ( كنت رايح على شخص معين وحصل معي لبس في الأسماء وأصريت إني أقابله بعد ما قدمت الكارنيه بتاع شهادة ال CCVP ) استقبلني المدير وأخذ ال cv

أول شيئ اهتم فيه هو شغلي السابق واسم الشركة اللي كنت شغال فيها لأنها بتعطي انطباع إذا كان لديك خبرة في نفس المجال أم لا وسألني:
- ليه اخترت سيسكوا
- لو عندك مشكلة في الشبكة هتتصرف ازاي
- لو معرفتش تحل المشكلة هتعمل ايه

ثم حول ال cv إلى مدير التركيب وقالي هنتصل بيك تاني ولكن هتكون المقابلة الثانية تيكنيكال شويه عن كده

اتصلوا علي وتم تحديد موعد ووجدت أكثر من شخص عنده مقابلة

كل شخص يجلس من 3 إلى 5 دقائق

الأسئلة:
كلمني عن خبرتك في المجال

لو شغلتك دلوقتي في مشروع فويس ، ايه اللي هتعمله ( باختصار )

[سعيد يوسف]

جزاك الله خيرا بشمهندس أحمد بخيت

بس لو أمكن نبذة عن ما هو برتوكول PIM

وبالنسبة للفبديو اللي في المقطع ده

لو سألك عن تطبيق للحكاية دي يبقى اتكلم عن الفيديو

يعني ايه اتكلم عن الفيديو لو امكن الشرح

وبجد جزاكم الله خيرا

[ahab]

صراحة أخي anabolics2020 دي كانت أول مقابلة لي في شيء متخصص
وفوجئت بالأسئلة ولكن كانت إجاباتي كالتالي

ليه اخترت سيسكوا
حبي للتخصص في شيء
فقال لي يعني ايه

قلت له احنا في مصر نخرج من هندسة بلا تخصص ( مهندس عام ) فحبيت أتخصص في شيء كويس وبدأت ب CCNA فحبيت المجال جدًا وكملت فيه

قالي مستواك في الانجلزي عامل ايه لأن خريجي الأزهر تقريبًا بيدرسوا بالعربي
قلت له عندي ال reading و ال writing تمام وال speaking الممارسة بتزود من إمكانياتك
أما بالنسبة للأزهر فالدراسة بالإنجليزي ومناهج سيسكوا اللي أنا درستها أيضًا بالإنجليزي والحمد لله أنا دارس ال CCNA و ال CCNP بطريقة self study ومن كتب وفيديوهات انجليزية

- لو عندك مشكلة في الشبكة هتتصرف ازاي
دايما أي مشكلة المفروض نبدأ فيها ال physical connection وبعد كده تصرف الشخص بيختلف من مشكلة إلى أخرى
مثال
يعني مثلاً لو عندي تليفون لا يأخذ IP فالمفروض هشوف موقع ال dhcp هل هو بعد ال default gateway يبقى لازم أتأكد من ال IP helper-address والبورت موضوع في ال VLAN الصحيحة أم لا

جاله تليفون وبعدين قالي - لو معرفتش تحل المشكلة هتعمل ايه
هحاول فيها لغاية ما أحلها قالي معرفتش أكيد أنا في فريق عمل ولي رئيس فالمفروض إني هرفع له المشكلة - ثم انتبهت هو عايز ايه ) فقلت له لكن قبل ذلك هبحث على النت على حل ( يبدوا إنه كان عايزني أقول له إني ممكن أخاطب سيسكوا )

بعد هذا السؤال حول الأوراق إلى مدير التركيب وعملت مقابلة تانية بعد أسبوع


طبعًا اسم الشركة اللي أنا كنت فيها شركة تعليمية فسأل

ايه شركة التقوى دي

دي شركة عندها مجموعة من المدارس ومؤسسات أخرى

ايه خبرتك في المجال
طبعًا أنا خفت أكذب اتفضح لأن شغل التركيب ونزولك للمواقع غير شغلك على ال GNS3 وخاصة إن الشهادات اللي معاي لو طلبها هيلاقي تاريخها من سنتين إلى سنة ونصف
في شغلي السابق الشبكة موجودة وأنا كنت مدير لها
أما بالنسبة لسيسكوا فأنا كنت بشتغل حر

يعني عملت ايه

عملت مشروع داتا في شقراء في وزارة التربية والتعليم ( صراحة بيني وبينكم هو لم يكن مشروع وإنما كان إضافة سويتش للشبكة وعمل بعض التعديلات )
واشتغلت في مشروع فويس في أبها ( ايضا بيني وبينكم دا كان طبعًا حوالي 10 أيام فقط رحت لأخي warrior10 وعملنا حاجات كتير في شبكة الفويس )
فحكيت له على كل اللي شفته في المشروع وكأني أنا اللي عمله

يعني لو نزلتك مشروع فويس دلوقتي تقدر تعمله

نعم

هتعمل ايه

مشروع الفويس مشروع كبير لكن باختصار
نبدأ بالسويتشات ونظبط ال dual vlan بحيث الفويس في vlan منفصلة عن ال data علشان السيكيوريتي وال qos
ونعمل Intervlan ولا ننسى وضع ال ip helper address للوصول إلى ال DHCP
وطبعًا ال DHCP ممكن أعمله على ال call manger لكن دا لو الشبكة صغيرة لكن الأفضل إنه يكون مستقل إما server وإما على الراوتر
وأثناء إعدادت ال DHCP نظبط ال option 150 الذي سيخبر التليفونات من أين يقوموا بتحميل الملفات الخاصة بهم
صراحة قلت له على كل ما يمكن عمله
مثل redundancy سواء بين ال core أو بين ال cucm
و تبديل اسم cucm بال ip حتى لا نعتمد على ال DNs
ولو هنشغل ال auto registration يبقى أظبط إن كل التليفونات توضع في css Internal ) وكذلك البارتشن( حسب سيساسة الشركة وبعد كده أشوف التليفونات اللي لها صلاحيات لمكالمات بين المناطق أو دولية

والأفضل إن التليفونات تعمل registration مع ال subscriber وليس مع ال publisher

يعني كنت جالس أحكيله على الأشياء المهمة

صراحة لا أدري إن كانت إجاباتي سليمة أم لا

سأترك لكم التعليق

[م/ أحمد بخيت]

بس لو أمكن نبذة عن ما هو برتوكول PIM

اخي الكريم البروتوكول دا خاص بالشبكات اللي بيحصل فيها Multicast بس تكون شبكات IP Networks تقريباً الموضوع دا ف شهادة CCNP or CCIE مش فاكر والله لكن البروتوكول يعني حاجة ديناميك وبيغنيك انك تلف ع الشبكة راوتر راوتر وتعمل الاعدادات بطريقة يدوية - م الآخر البروتوكول دا بيظبط لك كل حاجة - روح ع الجوجل واكتب وشوف النتايج اللي راح تظهرلك عليه

يعني ايه اتكلم عن الفيديو لو امكن الشرح

شوف هو السؤال كان هل تستخدم الكلام دا يقصد البروتوكول او عملية Multicast نفسها مع عمليات زي FTP Connections لأن الراجل اللي كان بيسأل دا كان تكنيكال يعني معلش كدا كان صايع وفاهم هو عاوز ايه - لكن انا طلعت اجدع منه ف الحتة دي وافتكرت موضوع كدا كنت قريته ف سيسكو عن الفيديو وطبعاً اغلب التكنيكال بيكون متخصص ف حاجة بعينها وانك تفتح معاه موضوع زي الفويس او الفيديو ممكن يضطر اسفاً انه يسكت احسن - الحكاية دي انا جربتها مع واحد واخد CCIE RS وكان الكلام عن الوايرلس والفويس وفوجئت برد فعله.
المهم شوف المقال دا وانت هتفهم انا اقصد ايه
https://www.cisco.com/en/US/products...logy_home.html

[م/ أحمد بخيت]

اخي الكريم اسف لو اعطيك تعليق ولو صغير لكن من واقع الاحتكاكات هو مش يقصد انت هتعمل ايه - لأن في ساعات كدا بتظهر مشكلات غريبة فعلاً - هو يقصد نظرتك للمشكلة ازاي وكمان منهجك في علاج المشكلات تكون ازاي

- لو عندك مشكلة في الشبكة هتتصرف ازاي

عشان كدا اعتقد انك لو كنت تقول ان الاجابة بالخطوات النظرية مثل:

اول شئ لازم اجمع معلومات عن المشكلة واعراضها وامتى ظهرت وظهرت ف اي جزء من الشبكة وأثرت على اي جزء
بعد كدا انت لازم تبتدي تحلل مسببات المشكلة نتيجة للأعراض اللي حصلت دي
اخر مرحلة هي انك المفروض وجدت السبب مش تبتدي بقى ف العلاج على طول - انت لازم تاخد فرصة تشوف ايه الحل النهائي من خلال البحث ع النت
وبعد المرحلة دي انت لازم تعمل توثيق للكلام دا عشان لم يحصل مرة كمان تكون جاهز وتوفر الوقت

بكدا انت مش تكون ضيعت وقتك لأن الوقت اللي راح انت وفرته بأنك عملت توثيق للمشكلة
الكلام دا من واقع خبرتي في مجال خدمة العملاء والدعم الفني - والناس بتتبسط بجد اول م تسمع النقاط دي لأنه مش يهمه انك هتحل المشكلة وخلاص - هو عاوز واحد فاهم ايه معنى مشكلة
اسف كمان مرة لكن دا منتدى وادينا بنتبادل خبراتنا فيه
ونقطة مني ع البحر اللي عندك اكيد راح نستفيد ونفيد غيرنا

[ahab]

بجد أخي م/ أحمد بخيت أنا زعلان منك ، علشان عمال تتأسف

أنا كتبت ردي ( لأني معنديش خبرة في المقابلات ) وعلشان واحد طيب زيك كده يديني النصيحة وكلنا نستفيد

دا انت لو علقت على جميع الأسئلة أكون متشكر ليك جدًا

ربنا يبارك فيك يا أحمد ، وتنتفع بعلمك وتنفع به غيرك

[ahab]

ونقطة مني ع البحر اللي عندك اكيد راح نستفيد ونفيد غيرنا

والله يا م / أحمد يا إما دا تواضع جامد منك

يا إما إنت مغشوش في كلمة ( مشرف الشهادات العلمية )

ويبدوا إنهم الاثنين مع بعض :D

[م/ أحمد بخيت]

اخجلنا تواضعكم :cool:

[سعيد يوسف]

بجد ألف شكر للأستاذ ايهاب وجزاك الله خيرا
علي الردود

وألف شكر للمهندس أحمد بخيت
وجزاك الله خيرا
وياريت الشباب تحاول تدعوا باقي الأخوة مثل

م ياسر رمزي ( يعني هو اسكندراني زينا والمفترض ينفعنا بحاجة من خبراته أو حتي روتر يمشي الحال ):D

و م محمد سمير والانترفيو اللي تم معاه في شركة الاتصالات التي يعمل بها

وبقية المهندسين والشباب أو مقال وجده جيد في هذا الأمر

أنا وجدت مقال ممتاز في هذا الأمر وكيفية ردود أفعالك تكون ازاي

بس أدور عليه واليوم ان شاء الله يكون مرفوع

وربنا يجعله في ميزان حسناتكم يوم القيامة


ولكم فائق الاحترام

[م/ أحمد بخيت]

بارك الله فيك اخي الكريم
لو سمحت ليا طلب حاول انك تحط جميع مقالاتك مرة واحدة لسهولة المتابعة
واحد زيي بيتعب قوي قوي عشان يتابع اكتر من مقالة
باحس اني فصلت شوية

[م/ أحمد بخيت]

لا انت فهمتني غلط
يعني انت لو شفت اخر 3 او 4 مقالات ليك
هتلاقيهم ورا بعض مع انك مش واخد اي اقتباسات
اللي اقصده انك تتابع المواضيع او الردود كلها ف الأول وبعد كدا تحط الرد المنظم
بس كدا