مراجعتى التفصيليه ل A4tech Oscar Antivibrate +Gigabyte Ghost Mouse pad

[Mostafa Gomaa]

بسم الله الرحمن الرحيم

السلام عليكم ورحمة الله وبركاته

فهرس الموضوع :

-المقدمه
-Gigabyte Ghost Mouse Pad
A4tech Oscar X7 Antivibrate Gaming Mouse
- برنامج Antivibrate Oscar Editor

>>>>>>>المقدمه<<<<<<<

فى البدايه أحب أن أنوه على أن هذه المراجه مميزه جدااااا للأسباب التاليه

1-أنها أول مراجعه لى بعد ثورة 25 يناير وبعد التخلص من حكم مبارك
2-رغم أنها مراجعه لماوس وبده لكنى لم أجد هذه القطع الا فى القاهره ولم أحصل عليها بسهوله
3-أول مراجعه أخطط ليها بالورقه والقلم قبل كتابتها

ثانيا لابد من شكر شركة High End على توفير هذا المنتج بهذا السعر وأيضا شكر كل من الأعضاء

1-إسلام ZEX

2-شريف EL-MARIACHY

3-كريم arteta

منذ أن اشتريت الماوس وكل انسان يعرف ثمنه ينظر لى نظره غريبه جداااااا :D ولهذا أحب أن أعرض فى الأول أهمية هذه القطعه المهمه

الفأره هى من أهم القطه فى الحاسب الآلى فهى تظل فى يدك طوال الوقت سواء كنت تلعب أو تتصفح الانترنت أو تصمم الصور أو تجرى بعض الأعمال المكتبيه
وفى اعتقادى أن هذه القطعه أهميتها من أهمية المعالج ولكن سبب اهمالها أن أى فأره تأدى الغرض أما المعالج فان كان ضعيفا فلن يؤدى الغرض من الأساس

فاذا كنت تبحث عن التميز والرفاهيه وراحة يديك أثناء الجلوس أمام الحاسب لساعات طويله فأسرع واقتنى فأره متميزه
كذلك ال Mouse Pad فلها نفس الأهميه

[Mostafa Gomaa]

>>>>>>> GIgabyte Ghost Mouse Pad <<<<<<<

أولا الإسطوانه أو العلبه الحافظه لل Mouse Pad

من الظريف أن الماوس باد صناعه تايوانى والماوس نفسه صينى :D

بعد فتح غطا الرول بيفكرنى باعدادى هندسه وأيام لوح الرسم

منظره بعد خروجه وتحرره من هذا الالتفاف

يظهر هنا سمك الماوس باد بوضوح وهى فعلا ثقية الوزن

شكل الماوس باد بجانب الكمبيوتر

مقارنة الماوس باد بحجم شاشتى ال 21.5 بوصه

مقارنته بالماوس باد السابق

مقرنته بالماوس باد ال 2B

الأبعاد 29.5 سم * 40 سم * 4 مللى متر







المميزات :

1-مساحه كبيره جدااااا تكفى لأى نوع ماوس وتعطيك مجال كبير جدااااااا للحركه فهى ليست باده بل سجاده
2-سطحها ناعم جداااااااا مما يسهل حركة الماوس عليه
3-الباده لينه وطريه فلا تشعر بأى ارهاق عند وضع يدك عليها لفترات طويله
4-لون غامق وورسم جميل

العيوب :
المساحه الكبيره تحتاج الى مكتب كبير ولذلك هى ليست مناسبه لكثير من الناس

[Mostafa Gomaa]

>>>>>>> A4tech Oscar X7 Anti - vibrate Gaming Mouse <<<<<<<

العلبه من جميع الاتجاهات

الماوس من جميع الاتجاهات

25 رجل احتياطيه :eek:

مقارنة الماوس بالعمله المصريه

حد عارف ايه العمله اللى على الشمال؟:D





هو ده الجنيه اللى غلب الكرنيه :D





صور توضح الأوزان اللتى بداخل الماوس



صوره وأنا ممسك بالماوس بيدى كان نفسى أجد صوره مثلها قبل ماشتريه علشان أقارن بيه هو والأوسكار التانى





-متعة ال Gaming Mouse أنه يمكنك تغيير السرعه وانت فى وسط المعركه فلو مثلا بتهرب من الأعداء تزود سرعة الماوس حتى تنحنى سريعا وان كنت فى مهمة قنص تقلل السرعه حتى تتمكن من تحديد الهدف
-أما بالنسبه للتصفح على النترنت والكمبيوتر فأصبح أكثر سرعه مع الزر اللذى يؤدى ضغطتين فى ضغطه واحده ومع سرعة الماوس العاليه

المميزات :

1-سرعه عاليه تصل الى 3600 DPI
2- حجم كبير مريح فى الألعاب
3-زر مخصوص للتحكم فى السرعات مع اضائه لتوضيح السرعه
4-كاوتش مخطط فى الجانب الأيسر عند اصبع الابهام مما يعطى راحه مع عدم تمكن أكبر من مسكة الماوس
5-سلك طويل جدااااااااا
6-الزرين الموجودين باليسار لا يمكن الضغط عليهما بطريق الخطأ فهم فوق الإبهام
7-التحكم فلى وزن الماوس
8-زر ال X2 أو النقره المزدوجه يسهل الوصول اليه
9-شكل جذااب وأحسن من اللى كان فى مخيلتى
10-برنامج سهل التحكم
11-زر يمنع الماوس من العمل عند رفعه عن السطح
12-خامات لا بأس بها
13-سعر ممتاز
14-حركة البكره ليس لها أى صوت أما الأزرار فصوتها منخفض عن باقى الماوسات


العيوب :

1-لا يوجد كتالوج يشرح أى شئ فى البرنامج
2-شكل العنكبوت غير مريح للبعض ولكنه ليس ظاهر على أية حال وانت جالس على الكرسى
3-الماوس لا يمكن استخدامه باليد اليسرى
4-وجود وضعين مختفين فقط نظرا لصغر حجم الذاكره 64 كيلوبايت فضلا على أن تكون 128

[Mostafa Gomaa]

>>>>>>> شرح البرنامج القادم مع الماوس <<<<<<<<

أولا البرنامج يأتى بوضعين أو two Profles كل وضع تغير به الأزرار كيفما تشاء ويمكن الانتقال بين الوضعين عن طريق زر Scroll Lock قى ال Keyboard ولكن لا حظ الآتى :

1-زر تحكم سرعة ال DPI لا يمكن استخدامه فى أى وظيفه أخرى ويكون تظبيطه فى الوضعين متشابه
2-زر LMB واتجهات الماوس لا يمكن تغييرها أو التحكم بهافهى ثابته
3-جميع الأزرار الباقيه يمكن التحم بها وأن تفعل بها ما تشاء كفتح برنامج أو تخصيصها لغرض ماتيميديا أو انترنت أو حتى لغلق الجهاز
ولكن دعونا أولا نرى واجهة البرنامج

وهذه الاختيارات المتاحه لكل زر

انه برنامج بسيط ولكنى فى أول وهله انزعجت عندما رأيته وحسبته معقد جدااااااا

حسنا سأحاول قدر المستطاع شرحه وكلما أكتشف شئ جديد سأضيفه باذن الله

سأشرح لكم الآن كيفية تخصيصى ل Profile 1 للويندوز و Profile 2 للعبة Call Of Duty Black Ops وحفظ هذا على الماوس وفى ملف على الكمبيوتر

نلاحظ أننا فى برفايل 1

سأبرمج المفتاح رقم 4 ليقوم بوظيفة Home والمفتاح رقم 5 ليقوم بوظيفة End

اخترت اختيار لوحة المفاتيح



هاهى اللوحه تظهر وأختار منها المفتاح المراد



الآن أظبط مفتاح 5 لوظيفة End بنفس الطريقه السابقه



عند الضغط على مفتاح 6 تظهر هذه القائمه ولا يوجد أى خيارات أخرى

القائمه توضح كل سرعه وما يشير لها من اضائه

حسنا أنا لا أريد كل هذه الاختيارات أنا فقط أريد ثلاث اختيارات 1-600 بدون لون 2-1200 بلون أحمر 3-2000 بلون أخضر

شألغى علامة الصخ من أمام الاختيارات الثلاثه الأخيره وأظبط السرعه كما أريد والاضائه أيضا





هذه خيارات أى مفتاح ولكن مفتاح رقم 7 يأتى مظبوط على Triple Click وهذه الخاصيه لا تستطيع عملها الا ببنامج ال Macro وفى الصوره السابقه بض لأمثلة البرنامج وتأتى جاهزه من الشركه

فى النهايه نحفظ هذه الاعدادات الى الماوس بالضغط على Download To Mouse ونحفظها على الهارد من قائمة File و Save as



نحفظها الى الماوس حتى يستطيع الماوس العمل بها
ونحفظها الى الهارد لانك لو بتلعب ألعاب كتير فى نفس الوقت ممكن تحفظ ملفات كتير خاصه بكل لعبه وتفتح الملف المراد من البرنامج وتقوم بتحميله الى الماوس قبل اللعب

ان كنت لا تريد استخدام الأزرار الاضافيه فى الويندور من الممكن ظبط بروفايل 1 للعبه وبروفايل 2 للعبه أخرى والتبديل بيهم فقط بضغطه على مفتاح Scroll lock حتى وانت داخل اللعبه

ملحوظه عند تغيير سرعة الماوس أو تغيير البروفايل يظهر البرنامج مستطيل أسود صغير بجانب السعه يخبرك فيه بما حدث





نلاحظ أيضا تغير رقم الأيقونه فى شريط المهام Task Bar

طبعا بالنسبه لأزرار الماوس لو عايز تخصصهم مثلا لارتفاع وانخفاض مستوى الصوت هتضغط على نفس القائمه وبدل ماتختار Keyboard هتنزل على Multimedia وهتظهر قائمه أخرى فيها كل اللى تريد Play Pause Volume Up .....
كذلك الانترنت

قد يعيب البعض على الماوس لقلة الأزرار ولكنى لا أرى أنه عيب فهذا القدر كافى فهو فى النهايه ماوس وليس كى بورد وزياده عدد الأزرار يؤدى الى خطا المستخد سواء بالضغط بدون قصد أو استعمال زر مكان الآخر

خاصية ال Macro

وظيفة هذه الخاصيه فى الأساس هو جعل زر واحد يقوم بعمل مجموعة أزرار متتاليه مثل زر الدبل كليك أو مثلا فى ألعاب المصارعه قد تحتاج الى الضغط على مجموعة أزرار بترتيب معين وفى وقت معين حتى تتمكن من أداء حركة ال Combo مثلا
هذا البرنامج الخطير يلخص كل هذا فى ضغطة زر

ببساطه شديده اضغط على الزر المراد برمجته واختار Macro Manger وبعدها أدخل مجموعه الأزارار المتتابعه اللتى تريدها سواء من الكى بورد الوهمى أوى الحقيقى وأيضا يوجد ماوس وهمى فى البرنامج وبعد ظبط ماتريد قم بالاغلاق

طبعا البرنامج به مميزات أكثر تعقيدا بكثير كبرامج البرمجه مثل الوقت وال Loop وأن يقفز من سطر وينفذ أمر فى سطر آخر بصراحه لم أتعمق به ولكنى أجده ممتع بصراحه

[Mezoxin]

ألف مبروك , أنا عندي نفس الباد و رأيي حجمها ممتاز جدا للمكتب وبتديله شكل جميل و حاطت عليها عليها الماوس و التراكبول و وحدة التحكم للسماعه ال roccat و لسه في مساحه :D

[hm90memo]

ايه الحلاوه ديه يا مصطفى مراجعه 100 100
مجهود جبار

[S@M]

روعة يا جمعة ...:ah7:


مبروك عليك يا مان ...وشكرا على التقرير يا عزيزى

[fanto]

مبروك على الباد والماوس الجمال يا درش ...

انا عندي نفس الباد وهى من أجمل البادات اللي شوفتها بصرااحة ...

وفي خلال أيام هشتري الماوس دة ...

تسلـم على التقرير المميز والتفصيلي ...

[Black-Edition]

الف الف مبروك يا جمعة ... ومنتظر منك تقرير عن كارت الدش بفارغ الصبر :D

[arteta]

مبروك عليك وشكرا على المراجعه الجميله

[محمد الجوهري]

" يا خائن العشرة " .. هكذا قالت البادة المحترمة المكتوب عليها Chicken عندما دخلت ضرتها على الماوس الجديد :D :D



الله ينور يا مصطفى, مراجعة ممتازة .. كالعادة.

عندي نفس الماوس, و نفس البادة. بس بحس ان الماوس بيبقى خفيف جداً لدرجة إني لما بضغط على أحد الأزرار بيتحرك لوحده !

[bika08]

شكرا جمعة على المراجعة
و الخطوة القادمة ان شاء الله هو الاتجاة الى Gaming Mouse
للاسف لا يوجد سمعات

[ZEX]

الف شكر على المراجعات الممتازه يا مصطفى باشا
بس كنت تستنى شويه على ماعرف اديك تقيم على المراجعه الى قبل كده :D

تعديل : العمله الى بجوار الماوس على الشمال ( جنيه مصرى صح )

[Mostafa Gomaa]

ألف مبروك , أنا عندي نفس الباد و رأيي حجمها ممتاز جدا للمكتب وبتديله شكل جميل و حاطت عليها عليها الماوس و التراكبول و وحدة التحكم للسماعه ال roccat و لسه في مساحه :D

الله يبارك فيط فعلا ده سجاده مش باده مساحتها كبيره جدا جدا جدا

ايه الحلاوه ديه يا مصطفى مراجعه 100 100
مجهود جبار

الله يخليك ده من ذوقك

روعة يا جمعة ...:ah7:


مبروك عليك يا مان ...وشكرا على التقرير يا عزيزى

ربنا يخليك يا سمسم وألف شكر على التقييم

مبروك على الباد والماوس الجمال يا درش ...

انا عندي نفس الباد وهى من أجمل البادات اللي شوفتها بصرااحة ...

وفي خلال أيام هشتري الماوس دة ...

تسلـم على التقرير المميز والتفصيلي ...

بارك الله فيك فعلا الباده جميله جداااا ومافيش غيرها الا الروكات وده أغلى وأصغر
مبروك على الماوس مقدما

[Mostafa Gomaa]

الف الف مبروك يا جمعة ... ومنتظر منك تقرير عن كارت الدش بفارغ الصبر :D

قريبا باذن الله بس أريح يومين أصل المراجعه ده طلعت عينى وبعدين احنا كده كده فاضيين والجامعات شكلها مش هتفتح خااااااااالص:D

مبروك عليك وشكرا على المراجعه الجميله

ربنا يخليك ياكريم وألف شكر على مساعدتك ليا ونصيحتك وانا سعيد جدا انى اتعرفت عليك انت ومحمد ومحمد وانتم شركه فى غية الاحترام وفقكم الله

ميروك اخى على الماوس بس كام سعر البادة وهل هى فى هاى اند

الله يبارك فيك الباده موجوده لدى هاى اند بسعر 50 جنيه فقط سارع قبل نفاذ الكميه :D

" يا خائن العشرة " .. هكذا قالت البادة المحترمة المكتوب عليها Chicken عندما دخلت ضرتها على الماوس الجديد :D :D

عمرك شوفت واحد يشتر باده على شكل فرخه وخمس بيضات :mad: بس هعمل ايه ماكنش قدامى غير الباده أم 5 جنيه اللى بتتقشر بعد شهر أو الباده ال 2B وده كانت عندى ولونها فاتح ومش لايق على الجهاز فقلت أغير:rolleyes:

عندي نفس الماوس, و نفس البادة. بس بحس ان الماوس بيبقى خفيف جداً لدرجة إني لما بضغط على أحد الأزرار بيتحرك لوحده !

أعتقد ان ده مشكله فى موسات الليزر وهى الحساسيه العاليه لان الشاشه بعد ماتطفى أجد انها اشتغلت لوحدها تانى أكن راكبها عفريت برضه وأنا بتفرج على فيديو أجد ان الماوس بيظهر ويختفى ساعات من غير مالمسه أصلا غالبا ده من تأثير اهتزاز مراوح الجهاز والحل الوحيد هو تقليل ال DPI

شكرا جمعة على المراجعة
و الخطوة القادمة ان شاء الله هو الاتجاة الى Gaming Mouse
للاسف لا يوجد سمعات

ان شاء الله مش هتندم على الخطوه ده أبدا يا بيكا

الف شكر على المراجعات الممتازه يا مصطفى باشا
بس كنت تستنى شويه على ماعرف اديك تقيم على المراجعه الى قبل كده :D

تعديل : العمله الى بجوار الماوس على الشمال ( جنيه مصرى صح )

وأخيرا سأل عضو عن العمله ايه يا جماعه هى مالفتتش انتباهكم ولا كلكم عارفينها؟؟؟؟؟؟
هو فعلا جنيه مصرى من طباعة سنة 65
وشكرا ليك يا اسلام على مساعدتك وتحمل عبأ المشوار الى القاهره جزاك الله خيرا