بجد ربنا يكرمك انا شغال مهندس فويب بقالي كدا سنتين وشغال علي نورتل وافايا وبدرس سيسكو دلوقتي عشان اوسع معلوماتي وان كان الاساس من زمان كان سيسكو لما كنت لسه في تالته جامعه
بسم الله الرحمن الرحيم
موضوع دراسه الVOIP علم مش حديث اوي بس يمكن مش منتشر في مصر اوي,,فكرته انك تستخدم Call Manager او PBX كسنترال
الكول منجر دا سيرفر عليه السوفت وير وبيستخدم شبكه ال IP يعني السيرفر متصل بسويتش ومن السويتش الي التليفونات او الانترنت والمكالمات بتمر عبر شبكه ال IP
وال IP Phones بتعمل register مع السيرفر عشان تكلم بعضها.
وممكن نربط السيرفر بشبكه الاتصالات الارضيه او شبكه الموبايل باستخدام Voice Gateway او تربطه بالانترنت وتعمل مكالمات دوليه مثلا باستخدام VOIP Provider,,
الميزه في النظام دا انه بيديلك اختيارات كتير اوي اوي بالذات لو عندك عدد مستخدمين كتير وفروع لشركتك,بعكس السنترالات ال Analog بتاع زمان اللي لها عدد مستخدمين محدد ومش بتسجل مكالمات ولا تقارير مثلا.
فيه شركات كتير غير سيسكو بتعمل Call Managers عملاقه زي Avaya او بتعمل PBX صغير ممكن يشيل لحد 500 تليفون وله Web Graphical Interface بيسهل التعامل معاه اوي زي منتجات Digium او Grandstream او Linksys..
ولكن منهج وشهاده سيسكو بيدرس علم الVOIP بالاضافه طبعا لتطبيقه علي اجهزه سيسكو.
فيه شركات تانيه بدرس مناهج لاستخدام اجهزتها فقط وليس علم ال VOIP .
بيبقي الشخص اللي دارس وفاهم حاجه زي CCNP Voice تقدر تقول عليه VOIP Engineer
والشخص اللي قرأ بس او اشتغل علي جهاز معين بيبقي Administrator او User وفيه فرص شغل كتير في المجال دا جوه وبره مصر...
بالنسبه لامتحانات سيسكو اولا لازم يكون معاك CCNA ودا شرط اساسي بعد كدا عندك:
CCNA Voice
640-461 ICOMM v8.0 Introducing Cisco Voice and Unified Communications Administration v8.0 (ICOMM)
المنهج بتاعها اسمه ICOMM v8.0 والامتحان رقم 461-640
مده الدراسه 40 ساعه والمنهج بيكلم عن البروتوكولات المستخدمه في نقل الVoice وانواعها وايه منها اللي تبع سيسكو بس وايه اللي Standard وال Infrastructure بتاع اي VOIP System ومصطلحات كتير بنستخدمها في مجال الVOIP وتقريبا سعر الامتحان 150 دولار.....
CCNP Voice
دي بتحتاج 5 امتحانات وهم:
642-437 CVOICE v8.0 Implementing Cisco Voice Communications and QoS v8.0 (CVOICE v8.0) 642-447 CIPT1 v8.0 Implementing Cisco Unified Communications Manager, Part 1 v8.0 (CIPT1 v8.0) 642-457 CIPT2 v8.0 Implementing Cisco Unified Communications Manager, Part 2 v8.0 (CIPT2 v8.0) 642-427 TVOICE v8.0 Troubleshooting Cisco Unified Communications v8.0 (TVOICE v8.0) 642-467 CAPPS v8.0 Integrating Cisco Unified Communications Applications v8.0 (CAPPS v8.0)
مده دراسه كل امتحان 40 ساعه وسعر الامتحان 200 دولار والمنهج الموجود حاليا V8 دا لسه نازل قريب 28\2\2011 عشان كدا مش هتلاقيله كتب كتير علي الانترنت
وعموما في المنهج دا بيبدا بيكلم عن استخدام سيسكو بتعمق اكتر الاوامر وال Configurations والبروتوكولات وبيشرح Call Manager اللي هو بيبقي Software اللي نازل علي جهاز Server IBM ودا يعتبر ال Core اللي بيقوم بدور السنترال وبيتحكم في كل حاجه...والبروتوكولات وانواع ال Voice gateway وطرق ضبطهم وربطهم بالسيرفر وتقسيم المستخدمين وصلاحياتهم وتصميم الموقع الخ....
اي حد عاوز ياخد معلومات اكتر عن الماده اللي موجوده في المتهج دا ممكن يزور موقع سيسكو وهيعرف معلومات كتير...
فيه سنترات في مصر بدرس VOIP بس كل فين وفين علي مابيتكون جروب الا لو ممكن تعمل انت جروب وتبدا او تاخد الكورس لوحدك...
وتقريبا سعر الامتحان الواحد لو في جروب في المتوسط بيكون 1500 ولو لوحدك ممكن 6000 او حسب اتفاقك مع السنتر.
انا اخدت CIPT1 في 3 ايام وذاكرتها في 3 ايام وامتحنت في اليوم السابع بينما ال CVoice اخدتها في 3 شهور..وحاليا بجهز ل CIPT2
لو هتذاكر لوحدك فيه حاجات كتير مش هتعرف تطبقها واعتقد برده حاجات هتقف معاك مش هتفهمها وهتاخد وقت كتيييييير اوي وللاسف مش كل حاجه هتعرف تعملها Simulation ماعدا ال Call Manager نفسه ممكن تنزله علي Vmware وتتدرب عليه.. وبرده هتحتاج تسال حد في حاجات كتير.. انا مش بحبط الناس بس المنهج كبير وعشان تلحق تخلص قبل الامتحانات ماتتغير.
بصراحه مش بحب الناس اللي بدور علي الحاجه اللي ببلاش الاول..علي اد العلم دا ماهو محترم علي اد مالازم نحترمه ونقدره ونتعب فيه عشان نستحقه...
ربنا يوفق الجميع...
التعديل الأخير تم بواسطة moh_sob ; 16-06-2013 الساعة 15:00
بجد ربنا يكرمك انا شغال مهندس فويب بقالي كدا سنتين وشغال علي نورتل وافايا وبدرس سيسكو دلوقتي عشان اوسع معلوماتي وان كان الاساس من زمان كان سيسكو لما كنت لسه في تالته جامعه
جزاك الله خيرا
بجدشكرا كثيييير ... جاوبتني على السؤال اللي كنت بدور عليه
بس عندي سؤال
هل مازال الى الان المنهج اللي وضعته مثل ما هو اقصد الامتحانات تبع سيسكو هل حصلت تحديثات ؟؟
ياريت تجاوب عسؤالي
وشكرا
المفضلات