مساعدة فى شراء Asus X42JY-VX 220
السلام عليكم
أنا فى جهاز لقيته عند راية و سعره خرافى, هو نوعه Asus x42jy-VX 220 و الجهاز موجود فى كل حتة من 5700 جنيه لحد 6200 جنيه بس عند راية لقيته بسعر 3888 جنيه بس. أنا سألت هو معاد تصنيعه ولا لأ و هو مش معاد تصنيعه و جديد و كل حاجة و ما فيهوش أى عيوب على الاطلاق ما عدا الشاشة 14" بس البروسيسور Core I7 و أنا مش عارف اشتريه ولا لأ لأن حاسس أن فيه حاجة غلط لأن السعر ده أقل من سعر الأصلى بحوالى 2000 جنيه و أكتر. هو أنا ما لقيتش الجهاز على موقع Asus و هو ده اللى مخلينى مش مطمن, بس راية معروفة و بتعامل معاهم من زمان و ما حصليش أى مشاكل قبل كده.
ممكن حد يشوفه و يقولى اشتريه ولا لأ, اللنك أهو بس فيه _ فى الآخر مش عارف احطها, فزودها بعد Y فى الآخر : https://www.rayashop.com/ShowProduct....ID=D/PMJXlGTEY
التعديل الأخير تم بواسطة speed525 ; 22-07-2012 الساعة 16:07
سعر اللابتوب منطقي جدا لان اللابتوب ده قديمالمشاركة الأصلية كتبت بواسطة speed525
و موضوع في كل حتة موجود من 5700 جنيه لحد 6200 ديه اسعار قديمة
و اللابتوب كويس , اخويا معاه واحد زيه بس i3 كان مشتريه السنة اللي فاتت و مفهوش اي مشاكل و الحمد لله شغال معاه تمام
و اللابتوب موجود عادي في موقع اسوس
https://www.asus.com/Notebooks/Versa...formance/K42JY
بس اسمه بيختلف من بلد للتانية
يعني اول حرف هو بس اللي بيتغير حسب البلد يعني في بلد اللابتوب بيبدأ بحرف ال K و في بلاد بحرف ال A و في حرف ال X
التعديل الأخير تم بواسطة md3000 ; 22-07-2012 الساعة 17:00
طب قصدك ازاى قديم؟ ده I7. و بعدين ده هيفرق معايا فى حاجة ولا ايه؟ يعنى أعتقد أن كل الدايفرات بتاعته لسا زى ما هى بيتعملها تحديث ولا لأ؟
طب برضه حتى لو قديم سعره منخفض أوى ليه؟ عاوزك بس توضحلى هى هتفرق فى اىه لو اللاب موديل قديم؟
وهو اللى على موقع Asus ازاى I5 مش I7؟
بص يا أبو الكباتن الموديل ده قديم يعني البرويسور الآي سيفن إلي فيه يساوي الآي فايف الموجود دلوقتي وكمان بيطلع حرارة أعلى بالإضافة لكرت الشاشة طعيف شوف ميزانيتك كام وإحنا نشوفلك أحسن حاجة في ميزانيتك
برضه مش فاهم قصدك ايه! ازاى بروسيسور I7 3rd Generation يساوى I5؟؟ و بعدين كارت الشاشة اللى فيه مش ضعيف خالص لأن أنا لسا شايف جهاز HP كارت الشاشة بتاعه موديل أقدم و سعره 5099.مش عاوزك تقولى و السلام, فهمنى بس أنت بتقول كده ليه؟؟ أصل ده 3rd Generation يعنى!!عامة أنا ميزانيتى 4500 ايه أفضل حاجة أقدر أجيبها؟ و تقولى ليه أحسن من اللاب ده.
وحتى لو هو زى ما لتقول, أعتقد برضه يبقى كويس, ولا رأيك ايه؟
ولا كويس ولا حاجة الموديل ده من الجيل الأول مش من الجيل الثالث وكرت الشاشة غلي فيه ضعيف زي الإتش بي لو عاوز واحد بكرت محترم فيه ديل 15r 5220
ده نازل زي الفل مفيهوش مشاكل حرارة ولا غيره وكرت الشاشة عالي والبروسيسور آي فايف من الجيل الثالث أقوى من الآي سيفن إلي في الأسوس بالإضافة لإن الهارد تيرا وده عامل 4300 في كومبيو داتا بمصر الجديدة وأزيد قليلاً في إيجيبت لابتوب في مول البستان
كلام الاستاذ Khaled Khattab مضبوط 100% :ah7:
تمام, بس أنا مش عاجبنى أصلا 15R و أنا عامة أهم حاجة عندى البروسيسور لأن أنا معظم الوقت بعمل بيلدات أندرويد و I5 من I7 تفرق حوالى 25 دقيقة فى البيلد, فأنا عاوز جهاز البروسيسور بتاعه يبقى 2threads/core يعنى I7 2nd بس هو I7 2nd أفضل ولا I5 3rd؟
و أنا لقيت فعلا جهاز I7 3rd عند كمبيوتر شوب عامل 5099 بس أنا شايف أن كده كتير. أنا مش مهم عندى كارت الشاشة ولا الرامات ولا أى حاجة ما عدا البروسيسور, فأيه أرخص حاجة I7 2nd or 3rd أقدر أجيبها؟
https://www.computershopegypt.com/en...2630qm-blackهو ده أفضل حاجة لقيتها عندهم In Stock اشترى ولا فيه أفضل من كده؟
مش عاجبك 15R القديم ولا إلي لسه نازل جديد
الجديد تحفة والآي سيفن منه عامل 5200 والآي فايف منه عامل 4300 والإتنين كرت الشاشة عالي بالإضافة لبروسيسور من الجيل الثالث
أرخص حاجة آي سيفن حتلاقيها في N5110 من ديل وده مشاكله كتيرة جداً أحسنلك تزود الميزانية وتجيب إلي بـ5200 أو تتوكل على الله وتجيب الآي فايف إلي 4300 وحيقوم معاك بالواجب وزيادة
ما هو فعلا N5110 اللى نويت أجيبه بس مشاكله كتيرة ازاى, أدينى مثال يعنى مشاكل زى ايه؟
و ممكن تبعتلى لينك على 15R الجديد اللى بتقول عليه لأن أنا أعتقد اللى شوفته ما كانش I7.
https://www.e g p r i c e s.com/product.php?id=15309
شيل كل المسافات لأن موقع عرب هاردوير لا يقبل هذا الموقع
ده الآي سيفن والآي فايف زيه بس رامات 4
طب N5110 مشاكله ايه؟ ليه ما أجيبوش؟ أنا شايف ان امكانياته ممتازة وسعره كويس, ايه مشكلته بقى؟
بيسخن جامد وممكن يفصل من السخونة
مواد مصنعة رديئة
مرتجعاته كتير
موجود منه مضروب في مصر
المفضلات