ارجوكم ساعدوني في تأسيس وتركيب شبكة وايرلس تغطي 5 كيلو من الادوات للتركيب للتكلفة

[mhshahen]

بسم الله الرحمن الرحيم
:cdcd:


الاخوة الافاضل
:cdcd:


السلام عليكم ورحمة الله وبركاتة
:cdcd:



انا اوراكل ديفولبر ومهندس كهرباء ولكن علاقتى بالشبكات ليست عميقة وخاصة اللاسلكية لاهتمامي بالاوراكل والتطبيقات المحاسبية
ولله الحمد لا ادخر جهدا في خدمة من يطلب المساعدة منى في مجالي وفي ما اجيده وهذا ما دفعني للتوجه للمنتدى اليوم
لابحث عن من يقدم لي العون بعد الله سبحانه وتعالي في طلبى الذي هو عبارة عن تركيب شبكة وايرليس بحيث تغطي مساحة حوالي 5 كيلو كتر مربع
من حيث المكونات وطريقة التركيب والوسفتوير المطلوب لتوزيع الخدمة وكذلك السكيورتي المناسب وما هي افضل موديلات المكونات التى تعطي كفاءة
عالية لتخدم عدد فوق من 150 مستخدم


:ah4:



اخوتي اخواتي
اعلم ان زكاة العلم هي نشره
وكان الله في عون العبد ما دام العبد في عون اخية المسلم
ارجو ان اجد شرح مفصل من ذوي الخبرة في المجال ولو تم تدعيمة بالصور او الفيديو او احالتي لصفحات توفر الشرح اكون شاكر جدا لكم لان هذا سوف يكون مصدر رزق لاشخاص
جدد نسال الله ان يعيننا ان نوفر لهم مصدر دخل محترم (فأعينوني بقوة ) جزاكم الله خيرا واحسن اليكم
:ah34:

[ahmed_taha]

5 كليو
يبقى روكيت ام فايف + انتنا 13 ايرماكس
والاستقبال ب لوكو ام فايف
الاسعار بقا
روكيت + انتنا فى حدود 2500 جنية مصرى
لوكو فايف فى حدود 550 جنية

[ahmed_taha]

اولا حتحتاج على السطح عندك التالى

عدد واحد روكيت اومنى مع انتنا 13 Dbi عشان فيه اكتر من نوع للانتنات فى القوه
عدد ماسوره 6 متر أو 11 متر أو برج 18 متر مكون من برج بسلم 10 متر مع ماسورتين كل ماسوره 6 متر واجمالى ارتفاع من 18 الى 21 متر ودا على حسب المنطقه
لفه سلك ترمو بلاستيك محترمه للكهربه
سلك نت محترم
وسلك نت متأرج جاهز
عدد 3 لفه شريط لحام
اكياس بلاستيك من النوع المحترم او مشمع قوى
عدد واحد اكسيس بيكو ستيشن تو هاى باور عشان تعمل اعلانات فى منطقتك اولا
ننزل بالسلك دا على الشقه عندك حنلاقى عدد راوترات بعدد الخطوط ويستحب نوع راوتر واحد
عدد واحد راوتر بورد 750 جى ال للدمج ومثلها للتوزيع
بورده التوزيع عليها كل الفنيات
ويمكن الاستغناء عن بورده الدمج وتوزيع العملا على الخطوط الموجوده على نفس بورده التوزيع
ويمكن الاستغناء عن بورده التزيع لحين وجود اكتر من خط
عدد واحد سويتش 8 بورت فى البيت لزوم المرونه فى التعامل مع الشبكه ويكون زيك زى الناس على الشبكه حاسس بكل مشاكلها لحظيا
نطلع على محطات الاستقبال الفرعيه
كل محطه تختلف من مكان الى الاخر
وحسب العوائئق حنقول فى المتوسط
يلزمك لعمل محطه فرعيه استقبال فقط على بعد 2 كيلو التالى
عدد واحد لوكو ام فايف
عدد واحد سويتش 5-8-16-24 حسب العدد اللى حيستقبل النت
عدد 2 وصله نت واحد متر متأرجه جاهزه
عدد واحد بكره شريط لحام
ماسوره حسب الطللب من متر الى 6 متر وحسب المكان


يلزمك لعمل محطه فرعيه استقبال ثم اعاده ارسال مره اخرى على بعد 2 كيلو التالى
عدد واحد لوكو ام فايف
عدد واحدبيكو ستيشن تو هاى باور لاعاده الارسال
عدد واحد سويتش 5-8-16-24 حسب العدد اللى حيستقبل النت
عدد 3 وصله نت واحد متر متأرجه جاهزه
عدد واحد بكره شريط لحام
ماسوره حسب الطللب من متر الى 6 متر وحسب المكان



يلزمك لعمل محطه فرعيه استقبال ثم اعاده ارسال مره اخرى على بعد اكثر من 3 كيلو الى 6 كيلو حسب العوائق ايضا التالى
عدد واحد نانو ستيشن ام فايف
عدد واحد بيكو ستيشن تو هاى باور لاعاده الارسال
عدد واحد سويتش 5-8-16-24 حسب العدد اللى حيستقبل النت
عدد 3 وصله نت واحد متر متأرجه جاهزه
عدد واحد بكره شريط لحام
ماسوره حسب الطللب من متر الى 6 متر وحسب المكان



ويمكن الاستقبال حتى 8 الى 12 كيلو حسب العوااااائق واكررها حسب العوائق باستخدام النانو بردج لكن بصراحه انا مجربتهاش


مميزات الشبكه وعيوبها
اعتبر عدد مشتركين لانهائى
الاكسيس الواحده اللى بتستقبل لو عليها 20 عميل الجهاز المرسل بيعتبرهم عميل واحد فقط
داتا ريت تصل الى 200 ميجا فى الثانيه مع بعضالترددات
امكانيه عمل مجله شير وتحميل ملفات- وفيديو داخلى زى الصاروخ بدون تقطيع - وشات داخلى وصوت داخلى ببرامج الصوت الخاصه بالشبكات ومنتدى داخلى وقنوات دش مدفعه الاجر لبعض العملاءاو للجميع
امكانيه عمل السابق كله ويعتبر جديد فى عالم الشبكات بالنسبه للى عاملين شبكات عاديه يعنى اللى عامل شبكه عاديه صغيره ممكن ميعرفش يعمل الكلام دا كله
امكانيه تحديد العطل بسهوله لان الجهاز المرسل هو قطعه واحده فقط
تجنب الشوشره التى تحدث بسبب وضع اكثر من قطعه ارسال جنب بعضهم لان دا جهاز واحد بس هو اللى بيرسل كمحطه رئيسيه
تجنب ثقل البرج وسهوله الصيانه وطلوع ونزول المواسير
عيوب السيستم دا
غالى على العميل ولكن تكلفه العميل قليله ومساويه لاى سيستم كلما بعد العميل عن نقطه الارسال يعنى هوغالى على الناس القريبه وعشان كده حطينا اكسيس ارسال عاديه مع البرج الرئيسى
غالى على اللى بيعمل شبكه فى بدايه حياته مع ان انا شايف ان مشاكل السيستم دا صفر بالنسبه لسيستمات محترمه كتير
راس مال مبدئى غالى بالنسبه للى بيعمل شبكه عاديه وبعدين يكبر معاها واحده واحده
صعوبه اشتراك 3 مستخدمين مثلا وانتظار عدد يفوق ال6 مثلا عشان يجمعوا حق الجهاز اللى حيستقبلو بيه يعنى حيكون عندك ويتينج الا لو انت اللى حتشترى الاجهزه للناس


طيب حلول مشاكل الغلاء ايه ؟
ممكن تشارك انت مع الناس فى حق الاكسيس
ممكن تاخد مقدم ثابت من الناس وتتولى انت شراء الحاجه كلها حتى لو عدد المشتركين زاد او قل حتاخد نفس المقدم
ممكن تحزم المنطقه بعدد معين من اجهزه الاستقبال وبعدين تنزل وتمشى سلك على سوتشات عادى جدا
باقى الحاجات اللى حضرتك طلبتها من كنترول وتحكم والكلام دا كل الناس حنا تتمنى تساعد
انا قولت اللى لينا واللى علينا واللى نعرفه
الله أسال لك التوفيق ان شاء الله

[alexandrien]

والله أنا قلت إن حضرتك إنسان محترم
يعني لو واحد بيدور على مشروع يعمله يدور على مشاركاتك ويبقى علامه
الله يبارك فيك ويبارك في علمك ونفعك به يوم العرض على رب العالمين
ممكن أطلب من حضرتك طلب لو حضرتك ما عندكش مانع لو تضيفني عند حضرتك على السكايب لأن حضرتك شجعتني على مثل هذا مشروع
alexandrien5

[ahmed_taha]

والله أنا قلت إن حضرتك إنسان محترم
يعني لو واحد بيدور على مشروع يعمله يدور على مشاركاتك ويبقى علامه
الله يبارك فيك ويبارك في علمك ونفعك به يوم العرض على رب العالمين
ممكن أطلب من حضرتك طلب لو حضرتك ما عندكش مانع لو تضيفني عند حضرتك على السكايب لأن حضرتك شجعتني على مثل هذا مشروع
alexandrien5

اهلا بيك فى اى وقت اتفضل شرفنا فى المعادى

[alexandrien]

والله يا أستاذ أحمد أنا من اسكندرية لو تقدر تفيدني يبقى كتر خيرك لو عن طريق السكايب

[ahmed_taha]

ياباشا اهلا بيك فى اى وقت فى المنتدى
اسال وانا معاك

[twimi]

ممكن تضيفني انا كمان يا بش مهندس

هذا سكايبي تبعي bahaddou.muhammed