انصحونى نويت اشترى Seagate Barracuda ST2000DM001 2TB 7200 RPM 64MB Cache

[ميدو قنابل]

السلام عليكم ورحمة الله وبركاته:-

ارجو من كل من يقرأ رسالتى ان يقدم لى النصيحة ---- انا ان شاء الله نويت اشترى هارد ديسك
Seagate Barracuda ST2000DM001 2TB 7200 RPM 64MB Cache

بس انا ماعرفش عنه اى معلومة غير انه فى المتجر عرب هاردوير بـ 670جنيه وعشان كده عندى سؤالين:-
1- هو المتجر لازم اكون معايا حساب بالبنك عشان احول الفلوس يعنى ماينفعش اتصل ويجيلى مثلا فى مكان عملى مندوب ويسلمنى الحاجة؟
2- انا جهازى HP ديسك توب intel core 2 quad q9400 2.66 ghz وراماته 2g والسؤال هل الهارد كده يكون متماشى مع الكيسة ولا لأ وهل يسخن منى (عشان الكيسة الديسكتوب بتبقى ضيقة) وهل محتاج اغيرله الباور سبلاى

اشكر كل من اهتم برسالتى واسف على الاطالة

[أبو قصي]

وعليكم السلام.

1- الهارد الذي تنوي شراءه يقدم أداء رائع وأنصحك به.

2- بإمكانك الاتصال بمتجر عرب هاردوير والاستفسار عن آلية الدفع.

3- بإمكانك تركيب الهارد بدون مشاكل ولكن بالنسبه للحرارة فيجب عليك تهوية الجهاز بشكل جيد اذا كانت درجات الحرارة مرتفعة ويتم معرفة ذلك برفع صورة درجات الحرارة ببرنامج HW Monitor.

مبروك الهارد.

[BAZOOKA_N2O]

1- هو المتجر لازم اكون معايا حساب بالبنك عشان احول الفلوس يعنى ماينفعش اتصل ويجيلى مثلا فى مكان عملى مندوب ويسلمنى الحاجة؟
2- انا جهازى HP ديسك توب intel core 2 quad q9400 2.66 ghz وراماته 2g والسؤال هل الهارد كده يكون متماشى مع الكيسة ولا لأ وهل يسخن منى (عشان الكيسة الديسكتوب بتبقى ضيقة) وهل محتاج اغيرله الباور سبلاى

اشكر كل من اهتم برسالتى واسف على الاطالة

1- لا يشترط وجود حساب بالبنك

اولا ينبغي تسجيل حساب جديد بالمتجر بأسم وكلمة سر جديدة ولا علاقة بحسابك الحالي بالمنتدى
.توجد 4 طرق للدفع مع متجر عرب هاردوير :
- البطاقة الإئتمانية Credit Card
- الدفع عند الإستلام ( عن طريق مندوب شركة الشحن ) وثمن هذه الخدمة 10 جنيهات بالاضافة الى قيمة السلعة + الشحن
- التحويل بإستخدام حوالة من أي مكتب بريد
- الدفع في مقر عرب هاردوير ( في حالة الشراء المباشر )

2- الهارد سوف يعمل معك جيداً ان شاء الله
-وينبغي ان تتأكد من تنظيم الكابلات داخل الكيس وتنظيفه من الداخل بصفة مستمرة ووضعه في مكان جيد التهوية وخصوصاً في الصيف مع مراقبة درجات الحرارة

[ميدو قنابل]

بصراحة لم اكن اتوقع الرد بمنتهى السرعة ولذلك اخص بالشكر اخوانى (علاء الاردنى) و(بازوكا) واخر سؤوال بقى

افضل تقسيمة ليه تبقى ازاى؟
فين مكان محلات عرب هاردوير فى القاهرة؟

معلش بدور على برنامج hdtune وشرحه لانى قريت كتير عليه فى المنتدى وبصراحة عجبنى جدا البرنامج

[BAZOOKA_N2O]

يمكنك تقسييم الهارد حسب استخدامك
ويفضل استخدام برنامج partition magic او paragon manager او acronis
ويفضل تهيئة ( فورمات لكل قسم فقط وليس تقسييم ) الهارد بإسطوانة ويندوز 7

ادخل هنا للتعرف على المتجر
ويمكنك الاستفسار عن طريق الارقام في اعلى الصفحة

[kingmanamr]

افضل تقسيمة ليه تبقى ازاى؟

افضل تقسيم للهارد بكون حسب احتياجاتك

واقترح عليك ان كان مناسبا - التقسيم الاتى :-

50 جيجا (c) لتكون للويندوز و البرامج فقط

100 جيجا (d ) لملفات العمل الخاصة بك و ملفات الاحتياطية backup للنظام الملفات الدينية و الكتب العملية والموسوعات - ملفات السورس للبرامج .... الخ
500 جيجا ( e ) قسم للالعاب و تنصيب جميع الالعاب المطلوبة على هذا القسم

1000 جيجا ( f ) لجميع ملفات ( الصور - الافلام - الاغانى - لقطات الفيديو- تنزيلات النت او الدونلود - ....)

[beutimind]

عشان تبقى عارف برضه ال segate حرارته اعلى من ال wd لكن تبقى فى حدود المعقول انا جربت ال wd كان فى الصيف عندى مش بيوصل ل 32 و seagate بيتخطى ال 38 وعموما بمروحة بسيطة تقدر تحل مشكلة الموضوع ده لو الكيسة عندك ضيقة وان شاء الله مش هيبقى فيه مشاكل
لكن اداءه اكتر من ال black لكن برضه لازم تبقى عارف انه مينفعش يشتغل اكتر من 100 يوم متواصل
وانا حاليا باستخدم ال segate بس ال 1 tb وهو فعلا سريع
ولو هتشتريه ياريت تتاكد انه مش صينى حاول تلاقى التايلاندى ولو لقيت صناعه احسن فلا مانع
مبروك مقدما

[Dark shadow]

الهارد ده انا ناوى اشتريه قريب بس ياريت سعرو ميغلاش اكثر من كدا :D . اشتريه وانت مطمن متقلئش

[ميدو قنابل]

فعلا ياجماعة انا كنت راسم فى دماغى انه اقسمه بنفس تقسيمة الاخ kingmanamr واشكره بشدة على التفاعل معى

سؤال للاخ beutimind هو لو الحرارة مثلا للهارد وصلت 50درجة هل ده عادى فى الصيف او بمعنى اخر ايه هى درجات الحرارة للهارد ده بالذات وتكون فى حدود الامان والمفروض ما تعلاش عن كده؟

اخى dark shadow اشكرك انا خلاص باذن الله نازل بكرة اشترى الهارد شد حيلك انت كمان واشتريه لانى لقيت كل الناس بتشكر فيه وانا حاسس ان سعره هاينزل فى الاسابيع اللى جاية ربنا يوفقك

[BAZOOKA_N2O]

هو لو الحرارة مثلا للهارد وصلت 50درجة هل ده عادى فى الصيف او بمعنى اخر ايه هى درجات الحرارة للهارد ده بالذات وتكون فى حدود الامان والمفروض ما تعلاش عن كده؟

أقصى درجة حرارة في حدود الامان هي 60 ودرجة الحرارة المثالية لا تزيد عن 45
الهارد معايا من اخر الصيف ودرجة الحرارة تتراوح بين 33 - 42
ولا يمكن ان ترتفع درجة الحرارة اكثر من 45 الا في وجود سوء تهوية وتركيبه بجوار مصدر حراري مباشر

إطمئن من الحرارة طالما تحافظ على تهوية جيدة داخل الكيس
والتهوية هامة لجميع انواع الهاردات من مختلف الشركات وليس هذا الهارد على وجه الخصوص ولا يفرق عن الويسترن في درجة الحرارة

درجة الحرارة عندي حالياً 26 وهو يعمل اكثر من 12 ساعة متواصلة

[ميدو قنابل]

معلش ياجماعة سؤال على الماشى

اخى المشرف بازوكا هاتعبك انا الحمد لله جبت الهارد وقسمته بالبارتيشن ماجيك وبعد كده نزلت نسخة اكس بى ولغيت كل التقسيمات وقسمت من اول وجديد باسطوانة الاكس بى ولحد كده كله تمام بعد كده سمعت انه احسن فورمات يكون NTFS من النسخة السيفن رحت نزلتها لقيت ان فى بارتيشن مش ظاهر دخلت الى manage ولقيت ان البارتشين موجود وعملت عملية تغيير الحروف وتمت العملية وظهر بس للاسف مش عايز يتفرمت خالص ولا حتى delete partion واعيد تقسيمه من جديد

[ميدو قنابل]

اتاخرت كتير يابازوكا لعل المانع خير

[متجر عرب هاردوير]

معلش ياجماعة سؤال على الماشى

اخى المشرف بازوكا هاتعبك انا الحمد لله جبت الهارد وقسمته بالبارتيشن ماجيك وبعد كده نزلت نسخة اكس بى ولغيت كل التقسيمات وقسمت من اول وجديد باسطوانة الاكس بى ولحد كده كله تمام بعد كده سمعت انه احسن فورمات يكون NTFS من النسخة السيفن رحت نزلتها لقيت ان فى بارتيشن مش ظاهر دخلت الى manage ولقيت ان البارتشين موجود وعملت عملية تغيير الحروف وتمت العملية وظهر بس للاسف مش عايز يتفرمت خالص ولا حتى delete partion واعيد تقسيمه من جديد

اخى العزيز ارجوك وضح ما يظهر لك حين محاوله تنفيذ امر format او delete partion
وهل حاولت ذلك من اسطوانه windows 7 دون تنصيب الويندوز

[eyad apdo]

هل البارتشن ده حجمة 100 ميجا