استفسارات الميكروتك

[TaHeR.NaBiL]

اخوانى الافاضل كل عام وانت بخير

بمناسبة افتتاح قسم الميكروتك واهداء منى لجميع الاعضاء سيتم يوميا بمشيئة الله الاتصال عن طريق التيم فيور لحل جميع مشاكل الاعضاء باذن الله كل ما عليك سوى وضع المشكله وسيتم التواصل مساء كل يوم بعد الساعه الثامنه بمشيئة الله .

[TaHeR.NaBiL]

اولا اشكرك على هذه الاستفسارات
اولا - بالنسبه لحساب كمية التحميل للمشتركين الطريقه الوحيده الى اشتغلت معايا كويس جدا وكنت بحسب الكمية لمدة شهر كامل انك تكون مخرج النت منة الهوت سبوت من اليوزر users وهاتظهر bytes out وهاتلاقى فيها كل الكميات التى تم تحميلها حتى تقوم انت بعمل reseet بس فيه ملحوظه لازم اليوزر يسجل دخول ويدخل الاكتيف علشان تتحسب كمية التحميل لو انت عامل اى مشترى bybased مش هاتتحسب اى كميه حملها والصوره الاتيه للتوضيح .





1- users دى طبعا هاضيف منها المشتركين عن طريق عمل اضافه مع ادخال البيانات المطلوبه الاى بى - الماك ادريس واسم اليوزر والباسورد .
2 - هاتظهر هذا الاختيار bytes out ودا الى هايكون فيه كمية التحميلات .
3 - ولو عاوز اخر الشهر تعمل ريسيت للكميات التى تم تحميلها او رفعها هاتضغط على reset all counters

ثانيا - بالنسبه للدمج + الهوت سبوت انا عن نفسى شغال بيهم كويس جدا بقالى حوالى 6 اشهر وزى الفل صراحه .
ثالثا - بالنسبه للطريقه المذكوره فى اخرى الموضوع انا صراحه اول مره اسمع عنها .
عموما هاحاول ان شاء الله ابحث عن طريقه اخرى .

[BLALBMW721]

السلام عليكم ورحمه الله وبركاته
اولا شكرا عرب هاردوير على قسم الميكروتيك ..
ثانيا شكرا TaHeR.NaBiL على مشاركتك وردودك السريعه
كان عندى عده استفسارات بعد اذنك
اولا: عاوز اعرف طريقه لحساب تقسيم سرعه الانترنت على المشتركين
فى طريقتين الاولى انك بتحدد عدد سرعات معين مثلا ( 30 او 50 او 100 كيلو )
الطريقه التانيه بطريقه الاولويه ( حسب فهمى ) مثلا ( 24k/128k 32k/256k 24k/196k 30/30 8 16k/64k )
الوقتى انا عاوز اعرف استخدم اى طريقه وايها فعاله .. والارقام دة على اى اساس تم اختيارها ؟
ثانيا: كل عميل واحد 50 كيلو تحميل .. بس اليومين دول الناس كلها ما شاء الله نازله تحميل ولو 10 مشتركين فاتحين مع بعض بتلاقى البنج عالى وريكوستات .. فكنت عاوز اعمل تحديد للدونلوود فى الشهر مثلا كل واحد يكون ليه جيجا بس تحميل ولو استنفذها السرعه تنزل ل 20 كيلو بايت مثلا ... ازاى ؟؟؟ :D
الاسئله كتير وانا بفحر كتير .. بس فى حاجات مابعرفش ادور عليها .. اتمنى انى اجد لها اجابه

عندى ميكروتيك 5.18 وبقاله معايا 4 شهور وخط الانترنت 2 ميجا

وشكرا مقدما ..

[TaHeR.NaBiL]

اشكرك اخى الفاضل على المشاركه

عاوز اعرف طريقه لحساب تقسيم سرعه الانترنت على المشتركين

بالنسبه لاول استفسار طريقة تحديد السرعه افضل حاجه تحددها من الكيوز لو انت شغال بالهوت سبوت بيندينج او البرودباند هاتحدد السرعه من الكيوز كالاتى



على اليمين هاتلاقى المشتركين الى انا ضايفهم فى hotspot ip binding طيب لو احنا عاوزين نحدد لاى حد منهم سرعه معينه هانفتح الكيوز زى الصوره الى على الشمال هاتضغط على علامة + علشان تضيف بيانات المشترك الى انت عاوز تحدد له السرعه هاتكتب اسمه وتكتب الاى بى الى انت مخرجله النت بيه سواء فى الهوت سبوت او البرودباند وسواء هو عامل اوتوماتيك اى بى عنده او مش عامل كل دا مش هايفرق لانك محدد ان الماك ادريس بتاعه ليه اى بى معين وبعدين هاتحدد target upload - target download زى ما انت عاوز وعلى فكره لو عاوز تغير فى الارقام المكتوبه غيرها عادى اختار اى رقم موجود وظلله وغيره لاى رقم انت عاوزه ولو عاوز تحسب السرعه كالاتى مثلا عاوزه تحددله يحمل بسرعه 40 كيلو يبقى تضرب 40*8 = 320 يبقى تكتب 320 فى target download .......... فيه نقطه اخيره ساعات تعمل كل ده وتلاقى تحديد السرعه مش شغال والمشتركين بيحملوا بسرعة الخط عادى علشان التحديد يشتغل تمام هاتلاقى مستطيل طويل انا محدده باللون الاحمر مكتوب فيه hs -hotspot1 احذفها عن طريق الضغط عليها وتظليلها ثم الضغط على delet من الكى بورد او من علامة - الموجوده اعلى من المستطيل انا مظللها ايضا باللون الاحمر .

طيب نفترض انك مخرج النت عن طريق hotspot user وعاوز تعمل بروفايلات سرعه هاتعملها ازاى كالاتى




هاتدخل على hotspot user profile وهاتضيف بروفايلات سرعه عن طريق الضغط على + هاتكتب اسم السرعه الى انت عاوزها انا مثلا كاتب السرعه 50 كيلو وهاتنزل تحت عن rate limet rx/tx وهاتكتب السرعه الى انت عاوزها الابلود الاول وبعدين الداونلود كالاتى 512k/400k وزى ما قلت ان السرعه 50 كيلو يعنى 50*8 = 400 ودى الى انا كاتبها وبكده المشترك هايحمل بسرعه 400 كيلو وهاتعمل اكثر من بروفايل زى ما انت عاوز وبعدين تعمل الاتى .




هاتدخل على hotspot user الى انت ضايف فيها بيانات المشتركين الاى بى والماك والباسورد الى هايدخلوا بيه على النت ( ملحوظه انت ممكن تخرج النت عن طريق اليوزر فقط - وممكن تخرج عن طريق البيدينج ) ... المهم هاتضغط على العميل الى انت عاوز تحددله السرعه وهاتروح profile هاتلاقى السرعات الى انت عملتها اختار منها الى انت عاوزه ونفس الملحوظه لو لاقيت تحديد السرعه ما اشتغلش احذف hs -hotspot1 من الكيوز لانها بتنضاف اوتوماتيك حتى لو انت مش محدد السرعه من الكيوز ودى بتعملها مره واحد بس .

باذن الله سيتم الرد على باقى الاسئله ليلا

[BLALBMW721]

بجد الف شكر على المعلومات القيمه دة
جزاك الله خيرا
انا لاحظت ان عندك الاصدار 6.1 وانا عندى 5.18 .. ياترى هيكون فى فرق كبير ولا فى اى اضافات زياده ؟؟
انا اشتغلت بال hotspot user profiles والحمد لله شغاله تمام
والف شكر مرة تانيه .. وربنا ينفعك بعلمك ويعلمك مالم تعلم

[TaHeR.NaBiL]

شكرا اخى الفاضل
بالنسبه للنسخه 6.1 انا لسه محدثها من حوالى اسبوع وصراحه لم ابحث فى مميزاتها حتى الان بس انت خليك فى النسخه الى عندك انا بحدث النسخه لاى فيرجن بكل سهوله لايستغرق عدة ثوانى لانى عندى رواتر بورد اصلى من شركة ميكروتك وبيبقى فيه خصائص اكثر من النسخ الى بتتسطب على الكيسه يعنى انا ممكن احدث النسخه بكل سهوله جدا وومكن اعمل اجهزه وهميه جوا السيرفر وحاجات كتير .

[BLALBMW721]

الف شكر يا بشمهندس
معلش انا هقرفك شويه
ازاى اعرف الشخص اللى بيحمل فى اللحظه اللى هى بيحمل فيها ؟؟
يعنى ايام ماكان عندى switch sniffer كنت بلاقى العداد شغال بسرعه .. الوقتى فين المكان اللى من خلاله اعرف كدة ؟؟
انا بدخل على Hotspot > active > والاقى العدادات شغاله .. بس مش مقياس .. ياترى فى حاجه تانيه ؟؟
معلش وانا اسف على الازعاج

[TaHeR.NaBiL]

دى سهله جدا كما فى الصوره التاليه



هاتدخل على hosts من الهوت سبوت وهاتظهر حاجه اسمها tx rate ودى هاتلاقى فيها سرعة التحميل طيب ودى هاتظهرها ازاى كما فى الصوره التاليه



هاتضغط على المثلث الصغير الى انا محدد عليه هاتظهر قائمه هاتتضغط منها على show columns هاتظهرلك قائمه اخرى فيها جميع الاضافات الى ممكن تضيفها فى hosts هاتضغط منها على tx rate الخاصه بالتحميل وهاتظهرلك ارقام عند كل مشترك ودى السرعه الى بيحمل بيها بس خد بالك لو الرقم ظهر مثر 542.25 كيلو دا معناه انه بيحمل بسرعة 54 كيوا وتحذف الرقم الى قبل العلامه الى هو رقم 2 ومثال اخر لو لاقيت الرقم 1346.35 زى ما قلنا هاتشيل الرقم الى قبل العلامه الى هو رقم 6 هايتبقى الرقم 134 ده معناه ان العميل بيحمل بسرعة 134 كيلو وهكذا .

[BLALBMW721]

الف شكر .. ربنا يجازيك كل خير
طيب وبالنسبه لانى عاوز ادى كل مستخدم فى الشهر 5 جيجا بس مثلا ولو زاد المعدل بتاعه عن كدة السرعه تنزل ل 10 كيلو
مثلا .. انا مدى العميل سرعه 50 كيلو بايت وانا عارف ان العميل دة مقرف وبيحمل كتير .. اقوم مديله ليميت 5 جيجا بس فى الشهر ولو زاد عليهم السرعه بتاعته تنزل ل 10 كيلو بايت .. ازاى ؟؟

[TaHeR.NaBiL]

تمام اخى الفاضل هاتدخل على هوت سبوت يوزر وتضغط على اليوزر هاتظهر نافذه جديده هاتدخل على limits وتحدد منها المده وكمية التحميل زى ما انت عاوز بس خد بالك ان الكميه بالبايت يعنى لو انت عاوز تحدد 1 جيجا مثلا هاتضرب 1 × 1024 × 1024 ×1024 =1073741824 والرقم دا 1 جيجا بس بالبايت .

[BLALBMW721]

تمام اوى كدة .. تسلم على ردك والف شكر

[Saadpop]

السلام عليكم و رحمة الله و بركاته
دلوقتى يا جماعة جبت وصلة نت
معمولة بسيرفر ميكروتك
عندى فيها شوية مشاكل
1 - لما بحمل حاجة مافيش اى تصفح بيشتغل خالص .. لازم اوقف التحميل عشان اتصفح اى موقع !
2 - مافيش ولا لعبة اون لاين عايزة تشتغل معايا . و مثال بيس 6 اونلاين مش عايزة تخش خالص
دايما تجيبلى رسالة error during verification .. مع العلم انها شغالة كويس لما بروح عند صاحبى وبخش على النت
عنده من الراوتر بتاعه بدون سيرفر يعنى ولا حاجة
3 - انا عندى لاب و بى سى .. مش عارف اشغل الاتنين مع بعض
اللاب بس اللى شغال بيه .. و لما افصل اللاب و احب اشغل البى سى يجيبلى رسالة No more sessions
على الرغم من ان صاحب الشبكة بيقوللى انه مش عامل حكاية الماك ادريس ديه و مش محدده

انا مش عارف اعمل ايه .. اول مرة اتعامل مع شبكات الميكروتك ديه
و خنقانى جدا .. فلو حد خبرة بالشبكات ديه او اشتغل على وصلات منها قبل كده يقوللى اعمل ايه
و فين اسباب المشاكل ديه و ايه الحلول
اسف على الاطالة و منتظر ارائكم
سلام عليكم

[BLALBMW721]

وعليكم السلام اخى الكريم
مرحبا بك فى عالم الميكروتيك
اولا بالنسبه لسؤالك الاول: فعلا لازم توقف التحميل عشان تعرف تتصفح ( يعنى تصفح او دونلود ) عشان صاحب السيرفر محددلك سرعه معينه بتاخدها كلها يا اما تصفح او تحميل .. ممكن تخلى صاحب السيرفر يرفعلك السرعه شويه
ثانيا بالنسبه للالعاب الاون لاين جربت تخش من متصفحات تانيه ؟ والمتصفحات دى متحدث فيها الجافا والفلاش ؟
ولو عندك السرعه بطيئه شويه ممكن الالعاب تاخد وقت على اما تفتح وممكن ما ترضاش تفتح خالص
بس جرب الاول تحدث المتصفحات وتشوف لو ما ظبطتش كلم صاحب السيرفر يرفعلك السرعه شويه
ثالثا مش هتعرف تشغل الاتنين مع بعض لازم يكون فى اتنين يوزر نيم عشان تعرف تستخدمهم فى نفس الوقت حتى لو مش رابطه بالماك .. الحل انك تطب منه يوز تانى او ما تدخل من اللاب والبى سى مع بعض

شوف كدة وقولى

[Saadpop]

وعليكم السلام اخى الكريم
مرحبا بك فى عالم الميكروتيك
اولا بالنسبه لسؤالك الاول: فعلا لازم توقف التحميل عشان تعرف تتصفح ( يعنى تصفح او دونلود ) عشان صاحب السيرفر محددلك سرعه معينه بتاخدها كلها يا اما تصفح او تحميل .. ممكن تخلى صاحب السيرفر يرفعلك السرعه شويه
ثانيا بالنسبه للالعاب الاون لاين جربت تخش من متصفحات تانيه ؟ والمتصفحات دى متحدث فيها الجافا والفلاش ؟
ولو عندك السرعه بطيئه شويه ممكن الالعاب تاخد وقت على اما تفتح وممكن ما ترضاش تفتح خالص
بس جرب الاول تحدث المتصفحات وتشوف لو ما ظبطتش كلم صاحب السيرفر يرفعلك السرعه شويه
ثالثا مش هتعرف تشغل الاتنين مع بعض لازم يكون فى اتنين يوزر نيم عشان تعرف تستخدمهم فى نفس الوقت حتى لو مش رابطه بالماك .. الحل انك تطب منه يوز تانى او ما تدخل من اللاب والبى سى مع بعض

شوف كدة وقولى

اشكرك يا اخى على ردك ..بس حابب اوضح لحضرتك شوية حاجات
انا واخد وصلة بسرعة 2 ميجا و بحمل على 200 كيلو او اقل قليلا
ثانيا انا الالعاب اللى اقصدها مش العاب الفلاش و الكلام ده اللى بيتلعب بالمتصفحات
انا اللى اقصده لعب Call of duty & PES6 Online و هكذا .. اللعب اللى بتعتمد على الاتصال بسيرفر اللعب
اما مشكلة الجهازين فعلا عرفت كده و عرفت انى لازم اعمل لوج اف على السرفر الاول قبل ما اشغل النت على الجهاز التانى بنفس اليوزر

[TaHeR.NaBiL]

بص يا غالى انا عن نفسى بلعب الالعاب الاون لاين عندى بدون اى مشكله اكيد صاحب الشبكه قافل الالعاب الاون لاين كلمه وخليه يفتحها .