تعديل , أنا أملك كارت شاشة بمخرج DVI , و مرفق صورة للكيسة من الخلف , فهل هناك أى مخرج عندى HDMI أم أننى سأحتاج لمحول DVI To HDMI ؟
الصور :-
https://www.box.com/s/aw9oy1gw6h6avhwzsw0v
https://www.box.com/s/5s5lx7pos18y9d7ct40k
السلام عليكم ,
أولاً شكراً للمعلومات الغزيرة اللى القسم هنا بيفيض بيها , فعلاً أنا فهمت حاجات كتير جداً من هنا
أما بعد , فبعد إذنكم محتاج ترشيحات لشاشة 23 بوصة LED , سعر من 1000 إلى 1500 جنيه مصرى.
أنا مش غاوى ألعاب أوى , لكن أحب الأفلام جداً و أشاهد أفلام HD بإستمرار , لكن مش عاوز 3D.
و بناءً عليه لا يهمنى كثيراً زمن الإستجابة _ فهمت إنه هيفرق بس فى الألعاب_ و فى الأفلام مش هيدى تأثير جوستنج بشكل ملحوظ للعين المجردة.
يهمنى أعلى تباين ألوان ممكن _ Contrast Ratio_ عشان جودة الصورة ف الأفلام تهمنى جداً.
و يرجى وضع كل الكروت ذات البانل الـips أولاً , لإنى أفضل جداً أشترى ips عن TN.
ما تهمنيش سماعة مدمجة مع الشاشة.
علماً بإن نظام تشغيلى هو : Linux Mint 15 - 64 Bit
و كارت الشاشة هو : Built-In AMD - Nee ATI RS740 [Radeon 2100](Prog-if 00[VGA controller])AMD
أرجو السرعة على قدر الإمكان لإنى هنزل أتفرج النهاردة بالليل إن شاء الله.
و شكراً جزيلاً
التعديل الأخير تم بواسطة blazingamr ; 26-05-2013 الساعة 07:24 سبب آخر: 3D
تعديل , أنا أملك كارت شاشة بمخرج DVI , و مرفق صورة للكيسة من الخلف , فهل هناك أى مخرج عندى HDMI أم أننى سأحتاج لمحول DVI To HDMI ؟
الصور :-
https://www.box.com/s/aw9oy1gw6h6avhwzsw0v
https://www.box.com/s/5s5lx7pos18y9d7ct40k
اهلا وسهلا يا عزيزى
مبدئيا معظم شاشات التى تأتى بتقنية IPS PANEL تأتى بمعدل استجابة عالى 5MS
وهذه ابعض الشاشات المتوفر ة حاليا فى مصر بتقنية IPS PANEL
1-ASUS VS239HR IPS 23 inch LED LCD monitor السعر 1500
فلا تقلق يوجد بيها 3 منافذ
DVI
HDMI
D.SUB
معدل الاستجابة بها _____5MS
معدل التباين بها _______80000000.1 مليون
3- زواية الرؤية بها ______178
2- AOC i2353Ph 23 inch IPS LED Monitor السعر 1225
يوجد بها 3 منافذ
2X HDMI
D.SUB
معدل الاستجابة بها _____5MS
معدل التباين بها _______50000000.1 مليون
3- زواية الرؤية بها ______178
تحياتى
الف شكر للرد السريع , أى فكرة ممكن اشتريهم منين بعد إذنك ؟ ... وبشكل عام إيه أفضل أماكن أروح لها عشان الشاشات ؟... و شكرا مرة تانية.
شكراً للنصيحة , أنا رحت بالفعل النهاردة و إشتريت شاشة Asus - VS239HR بـ1500 جنيه , لكن مواجهانى مشكلة كبيرة محتاج حلها بعد إذنك , على الشاشة ال17 بوصة الCRT القديمة كنت موصل بكابل فيجاو ماكانتش عندى المشكلة دى , أنا طبعاً موصل بكابل DVI دلوقت _ و نفس المشكلة واجهتنى برضه مع كابل الفيجا مع الشاشة الجديدة_ , دلوقت الوضع كالآتى :
- الأفلام بتقطع جامد جداً و بشكل ملحوظ عند تشغيلها Full Screen , لكنها تشتغل بسرعتها الطبيعية ع تشغيلها ف البلاير بحجم ربع الشاشة مثلاً , و تبدأ تدريجياً بالتقطيع كلما كبرت حجم البلاير.
- بشكل عام فيه بطء فى الأداء و تحميل الجرافيكس , لكن للأمانة مش عارف أحدد هل ده حقيقى و لا ده مجرد إحساس شخصى كاذب.
- آخر حاجة علوز أسأل عليها هل شاشتى الجديدة Backlit ولا Edge-Lit , و إيه هو الـrefreshment rate الخاص بيها بعد إذنك ؟
- فيه عندى قسم فى اللينوكس ف الـsystem settings إسمه Color , بيقول لى على الشاشة Calibration : uncalibrated , زى ما هو موضح ف البرينت سكرين المرفقة) _بس أنا هحاول أحل الموضوع ده بنفسى و هقول لك ع النتيجة _:
https://postimg.org/image/5c364gyfl/
التعديل الأخير تم بواسطة blazingamr ; 26-05-2013 الساعة 23:36 سبب آخر: الصورة.
مشكلة غريبة جدا اخى الكريم
عمتا جرب تشغل الافلام على كودك اخر مختلف جرب كودك kmplayer
جرب كبل d.sub وجرب كبلhdmi
جرب كل الاحتمالات لتعرف المشكلة منين
وجرب ايضا تعرف كرت الشاشة من جديد وتنزل اخر اصدار لتعريف كارت الشاشة
وجرب ايضا تغير وندز
عايزك تجرب كل الاحتمالات
بالنسبة للشاشة تستخدم الإضاءة الخلفية back-lit LCD،
بالنسة لــRefresh Rate
هو معدل التجديد"التنشيط او الانتعاش هو مقياس يدل على قدرة الشاشة على تحديث او تجديد الصورة خلال الثانية الواحدة وتقاس بالهرتز/ ثانية و كلما زاد معدل الإنعاش ساعد على تحسين الصورة
فايدته مهمة فى الالعاب و بتظهر اوى فى الالعاب اللى فيها خطوط مستقيمة زى الفيفا والبيس
ونلاحظ هنا ان بيحصل تكسير و تمويج فى الخطوط لما بيكون ال Refresh Rate قليل وغالبا ما يكون ال Refresh rate فى معظم الشاشات من 60Hz الى 72Hz
ولكن فى بعض الشاشات وفى شاشات 3d بيوصل لــ 120. و 200
تحياتى
أنا قصدت أسألك على الـRefreshment rate الخاص بالشاشة دى , أصل إن ف الspecs الخاصة بالشاشة , مذكور فقط التالى :
Signal FrequencyAnalog Signal Frequency : 30~83 KHz(H)/ 50~75 Hz(V)
Digital Signal Frequency : 30~83 KHz(H)/ 50~75 Hz(V)
المصدر :
https://www.asus.com/Monitors_Projec...specifications
فهل ده معناه إن معدل التجديد عندى قليل بحيث إنه هيعمل مشاكل مع تشغيل الأفلام ذات الجودة العالية مثلاً ؟
النقطة الثانية , إنى أساساً مش بستعمل ويندوز , أنا بستعمل نظام تشغيل إسمه لينوكس مينت سينامون 15 ( أحد التوزيعات المشهورة لنظام التشغيل لينوكس).
النقطة الأخيرة , أنا كرت الشاشة بتاعى built-In من سبع سنين ما غيرتوش , أعتقد إنه 128 MB , و كان بيشغل الأفلام بشكل عادى جدا مع الشاشة الCRT , فهل الشاشة الFULL HD بتتطلب منه معلومات فوق قدراته مثلاً ؟ _لاحظ إنه الأفلام بتشتغل عادى مع حجم بلاير صغير _.
السؤال الأساسى : هل تعتقد إن الشاشة فيها عيب _ سواء عيب صناعة أو إن معدل الإنتعاش بتاعها قليل مثلاً و إنها غير مناسبة للأفلام الإتش دى_ , و لا تعتقد إن دى مشكلة من كمبيوترى أنا نفسه ؟
و ألف شكر ليك على المتابعة المتواصلة
المشكلة إنه حتى ما بيفرقش بين الإتش دى و غيره , حتى الأفلام اللى جودتها قليلة فيها نفس المشكلة
الشاشة هتلاقي معاها اسطوانة تعريف عرف بيها واختار ديجيتال واخبرنا بالنتائج
اللهم اغفر لسيد سعيد جنيدي ذنوبه وتجاوز عن سيّئاته و ارحمه برحمتك الواسعة
برجاء الدعاء لاستاذي / سيد سعيد جنيدي بالرحمة والمغفرة
ف الحقيقة مافيش إسطوانة مع الشاشة خالص !
المشكلة اعتقد فى الكويديكس شيل كل الكويديكس المثبتة على الجهاز وثبت برنامج ميديا بلاير كلاسيك ميجا اخر اصدار منه ولازم اخر اصدار
وممكن يكون بسبب تعريف كرت الشاشة لان انت اساسا مش مثبت ويندوز مثبت ليونكس فكرت الشاشة يعتبر مش متعرف اساسا
الحمد لله تم حل مشكلتى بشكل كبير , العيب ليس فى الشاشة نفسها , العيب فى جزئين : 1- كارت الشاشة نفسه قديم جداً 2-و بسبب كدة تعريفه على اللينوكس صعب و كل ما يفعله نظام التشغيل هو تشغيله بشكل طبيعى لا يلفت الإنتباه أن الـhardware acceleration أو التعريف الفعلى للكارت بكل قدراته فعلياً غير موجود .
لم أنجح حتى الآن فى الحصول على تعريف كامل له على لينوكس , لكن حليت المشكلة بتبديل النظام إلى Linux Ubuntu 13-04 و تثبيت VLC Player تم حل المشكلة.
للإفادة , :
إختار الدرايفر المناسب لـ AMD من هنا : https://support.amd.com/us/gpudownload/Pages/index.aspx
غالباً لن أجد تعريف الشركة نفسها للكارت بتاعى AMD Built-In ATI NEE RS740 X1200. لأن شركة AMD أسقطت من حسبانها التحديثات الرسمية له وو اجهت المشكلة المذكورة هنا
: https://askubuntu.com/questions/1011...i-video-driver و لم أجد لها حلاً , لكن التعريف مفتوح المصدر (Open source ) يبلي بلاء حسناً مع التوزيعة الجديدة
لم يتم التجرية بعد على ويندوز , لكن أنا واثق إن بعد تثبيت التعريفات عليه ستكون النتيجة طبيعية جداً
الآن سأشد الرحال على قسم كروت الشاشات عشان أشوف حاجة كدة على أدى
تحديث للإفادة :
بعد عمل Update للـ Kernel (النواة البرمجية للينوكس ) بشكل غير رسمى إلى النسخة 3.9.4 , و تثبيت حزمة الكودكس Ubuntu Restricted extras الموجودة هنا https://apps.ubuntu.com/cat/applicat...ricted-extras/ :
الآن كل شيء يعمل بشكل طبيعى تماماً , لا تهنيج و لا غيره حتى مع البلاير العادى تحسن الأداء جداً , و على VLC كل حاجة حلاوة
ألف ألف شكر لكم جميعاً , إنتو ساعدتونى فى إختيار شاشة رائعة و شكر خاص للأستاذTERGAAAA
التعديل الأخير تم بواسطة blazingamr ; 03-06-2013 الساعة 07:16
ابتعد عن الشاشة ASUS VS239HR لا يوجد بها خاصية trace free الخاصة بتشغيل اللالعاب بدون اشباح فى الصورة انا جبة الشاشة asus mx239 لدعمها هذا الخصية
المفضلات