ببساطة جدا اللى كتبته دا كان ملخص الأداء والتجربة من 24/1/2013 لحد النهاردة ..
الخدوش بالنسبة لى غير ملحوظة (عادى) ، المشكلة اللى بتواجهنى دلوقتى هى أن الجهاز بيقرأ كارت الشاشة الداخلى ، حتى لو مشغل اللعبة او البرنامج على كارت الشاشة الخارجى بيفضل يقرأها على الداخلى كمثال لعبة pes 2013 أو برنامج الـ Revit الـ Gpu قارى كارت الشاشة الداخلى بس ، لكن بيعمل بالخارجى ..
انا عايز احول انه يقرأ خارجى على طول بس لحد دلوقتى مش لاقى حل للمشكلة دى ..
بيأثر ف حاجات معايا ف البرامج التقيلة اوى ..
أممممممممم هي دي كل المشاكل كويس أوي الجهاز شكله قليل المشاكل ربنا يباركلك فيه :-)
بس انا عاوز اسألك في بعض النقط: 1- واضح انك تملك الجهاز مع إنك قلت انك بحثت في جوجل لو الأثنين يبقى قولى نتائج البحث في جوجل :-)
2- هل هناك اي مشاكل مع الهاردوير؟
3- هل التاتش باد بتجيب الشاشة كلها؟
4- ما أخبار الشاشة هل الألوان واضحة؟
-لأ مفيش مشاكل الحمد لله ف الهاردوير ..
-مش فاهم يعنى ايه التاتش باد بتجيب الشاشة كلها ، بس لو تقصد ممكن اتحرك بالتاتش باد على أى حتة ف الشاشة اه ودا طبيعى ف اى لاب !
-الشاشة سيئة فى انها عاكسة ، اللابات الجديدة بتنزل ماصة وغير عاكسة للرؤية ، زى شاشات الـ LED ..
بس انصحك لو هتشترى تشترى البروسيسور QM مش Ultra لأن الـ Ultra انا مش شايفله ميزة خالص بالعكس دا كفاءة أقل ..
يعنى لو هتستخدم برامج تقيلة وكده منصحكش بالجهاز دا ..
حد شغل بيه watch dogs?
الكلام ناقله من واحد صاحبي عنده نفس الجهاز ب نفس المواصفات ده كلامه وانا ان شاء الله هشتريها و اجربها بعد اسبوعين اكون خلصت امتحانات
أنا متفاجئ والله بس فرحان إن اللابتوب ده يقدر يعمل كدة
على كدة GTA V,FAR CRY 4 هيشغلهم بدون مشاكل !!! :D
المهم يشغلهم و خلاص :D
بالتوفيق فى الإمتحانات
اجماعة بتتكلموا ف ايه بس الجهاز ماشاء الله عليه حمار شغل مفيش لعبه قالتله لا انا لسه مقفل واتش دوجز عليه من كام يوم على الترا وكانت روعة مش بترمش
يا جماعة هو الجهاز دة (Dell 5521) بس نسخة Core I5-3317U و كارت AMD 8750M هل يحصل عنق زجاجة و كارت الشاشة ميشتغلش باقصى قوته؟!
الجهاز معايا من 20 يونيه 2013 لغايه دلوقتى شغال ممتاز الحمدلله
بعض المشاكل اللى ظهرت فيه خط رفيع فى الشاشه مش ظاهر خالص الا وانا بفتح اللاب
البطاريه باظت بعد سنتين من استخدامه اعتقد اهمال
بلعب عليه بيس16 على الهاى وشغاله طلقه ما شاء الله
لكن عندى مشكله غريبه بيقرى فى الالعاب كارت الشاشه الداخلى مش الخارجى لكن وانا بلعب بيكون خارجى لانى مستحيل اللعبه تشتغل على الداخلى بسرعه دى
فياريت لو حد عنده المشكله دى وحلها يعرفنى
المفضلات