مشكلة !! حرق ال Voltage Regulator ف كارت Sapphire HD 6950 Toxic edition

[Shehab Saad]

السلام عليكم

و رمضان كريم عليكم جميعا
صديقى عنده كارت Sapphire HD 6950 Toxic Editio
شم رائحة شياط فجأة و الجهاز توقف عن العمل
و الكارت بقى يطلّع دخان و الجهاز مفتحش تانى
شال الكارت الجهاز إشتغل عادى
;باقى مواصفات الجهاز :
i5-2500
Gigabyte Z68x Ud3
Cooler Master Extreme power plus 650
نا حاسس إن السبب هو الباور سبلاى هو الجهاز معاه بقاله سنة و نص
و بيلعب ألعاب تقيلة طول المدة دى
و مش على دقة HD
تقريبا 1600x1200أو 1366x768
المشكلة حصلت بعد ما فتح الجهاز ب 5 دقايق !
و كان يدوب فاتح فيسبوك على البراوزر بس !
المهم فتحنا الكارت و شيلنا الكولرو لقينا شريحة ال Voltage Regulator ضاربة !
ال IC بتاع ال Voltage Regulator فى الكارت إسمه :
Volterra VT262BWF
و طبعا الكارت كدة كدة خارج الضمان
فهل دة ممكن يتغير و يتصلّح فى التوكيل أو أى مكان و مش مهم التكلفة ؟

ولّا خلاص كدة الكارت مات ؟

[amr_elmasry]

هو احتمال كبير يكون الباور خصوصا و ان عائلة EXTREME مشهورة بانها الاسوأ
و من حيث امكانية تصليحه لا اعلم لكن انت روح لتوكيل و شوف لو يقدر يصلحه و إن شاء الله خير

[Ahmad Rady]

الوكيل هو شركة QDS في شارع 74 شارع المحروسة متفرع من شارع أحمد عرابي
اتصل بهم واعرف مواعيد رمضان وروح لهم افضل.

[Shehab Saad]

شكرا أستاذ عمرو المصرى على الإهتمام
شكرا أستاذ أحمد راضى على الإهتمام

[Shehab Saad]

بس يا جماعة هو موضوع التوكيل ده بالنسبالى مشكلة إنى أروح و يقولولى مش حينفع يتصلّح ..أنا من إسكندرية ...أنا كلّمتهم و واحد من الصيانة قالّى إن الكارت ممكن يبات عندهم عشان فحص و كدة و هو أصلا مش عارف حينفع يتصلّح ولّا لأ ! ...يعنى حيبقى مشوار و سفر و كمان مش حعرف أتصرف فى مكان أبات فيه يا ريت لو حد عندة تجربة شبه ديه يحطها و يقول إتصرف أزاى ...و أنا حبقى أكلمهم تانى و أحاول أظبط الموضوع و أعرف تفاصيل أكتر

[amr_elmasry]

ااخى على ما اعتقد ان حتى لو ح واجه المشكلة دى اكيد مش هو الى صلحها فلا مفر من التوكيل ممكن تروح للتوكيل و بعد كده ترجع اليوم الثانى تاخد الكرت سواء اتصلح او لا
او انك تفكر فى شراء كرت جديد

[Ahmad Rady]

على حد علمي بهذا الوكيل، أنهم ليس لديهم صيانة في المقر نفسه لمثل هذه العيوب، وفي حالات الضمان لو حصل مثل حالتك بيتم تخصيم الكارت او استبداله لحين سفر الكروت التالفة للخارج للصيانة ثم يتم بيع الكروت المصينة بسعر اقل تحت مسمى RMA يعني معاد تصنيعه او تمت صيانته.
لذا أنصحك اشترى كارت جديد وخلى الكارت ده لما تيجي القاهرة في وقت انت تقدر تقعد فيه براحتك ابقى اعمل معاهم محاولة عل وعسى انه يشتغل وابقى بيعه وعرف اللي انت ها تبيعه له انه اتعمل له صيانة في كذا وكذا للأمانة
ولو قفلت تماما ولم يتم اصلاحه بامكانك عرضه كما هو كــ قطع غيار لنفس الكارت او كارت مشابه فيمكن أخذ قطع منه مثل التبريد وخلافه

[MohammedsF]

ما في شي اسمه الكرت مات طالما العطل في جزء محدد...

اذا لم ينجح الأمر في التوكيل عليك بالبحث عن كرت كسر يحوي الشريحة ذاتها و ان لم تجدها اطلبها من الخارج..

VT262BWF هو منظم الفولتية للمعالج الرسومي و الذاكرة و لا يمكن أن يحترق هكذا بسهولة ، إما أن الكرت كان تحت كسر سرعة شديد جداً أو أن مزود الطاقة كان يعبث بتيار 12v !

[Shehab Saad]

والله إحنا فى حيرة شديدة أصلا ...مكنش فيه كسر سرعة خالص و حتى قبل كدة لم يتم عمل كسر سرعة و إلغاؤه ..ِو الغريبة أنها حصلت بعد ما الجهاز فتح ب 5 دقايق بس ! و كمان الكارت مكنش تحت ضغط !!! ...بعد الموضوع ما حصل بيوم راجعنا على كابلات المزود لاقينا رائحة شياط من كابلات الكارت ال 6 و ال 8 pin اللى كانوا واصلين فيه ......شكرا أستاذ محمد و إن شاء الله حشوف الموضوع فى التوكيل

[Shehab Saad]

أهو يا جماعة ..نفس صورة أستاذ محمد معلش عشان الجودة قليلة

[ASSEMBLY]

ما في شي اسمه الكرت مات طالما العطل في جزء محدد...

اذا لم ينجح الأمر في التوكيل عليك بالبحث عن كرت كسر يحوي الشريحة ذاتها و ان لم تجدها اطلبها من الخارج..

VT262BWF هو منظم الفولتية للمعالج الرسومي و الذاكرة و لا يمكن أن يحترق هكذا بسهولة ، إما أن الكرت كان تحت كسر سرعة شديد جداً أو أن مزود الطاقة كان يعبث بتيار 12v !

اعتقد ان المنظم ده ممكن يتلقى نفس نوعه فى كرت ديد لكن مفتكرش انه ممكن يكون موجود الشريحة دى فى اى مكان بيبيع قطع هاردوير فى مصر

[MohammedsF]

أهو يا جماعة ..نفس صورة أستاذ محمد معلش عشان الجودة قليلة

الصورة لا تعمل ، أخي ارفعها على موقع خاص و لا ترفعها على سيرفر المنتدى ثم انقل الرابط...

[Shehab Saad]

الشريحة هى هى موجودة بالظبط ف ال 7970 و ال 7950 ال Reference

[Shehab Saad]

شكرا لكم جميعا تم شراء كارت جديد