انا اتعاملت مع اندرويد قبل كده بس عيبه القاتل البطارية
ويندوز فون بصراحة مااتعاملتش معاه بس عادي مش هتفرق
المهم الدعم والامكانيات والجيمز والانترنت
عاوز اشتري تليفون ومحتار
الميزانية بين 1200 و 1500
ومحتار اشتري ايه لوميا 520 ولا الكاتيل 997D
دي اقرب حاجة شفتها لميزانيتي
موضوع الشريحتين مهم بس ممكن اتنازل عنه لو الامكانيات تستاهل
ولو في حاجة تانية ممكن ترشحوهالي او لو عاوزيني ازود الميزانية ممكن استنى شوية
برجاء المساعدة للضرورة
ولو حد يعرف حد بيتعامل بالقسط وما يكونش معقد يبقى كتر خيره
انا من شبرا
وشكرا
انا اتعاملت مع اندرويد قبل كده بس عيبه القاتل البطارية
ويندوز فون بصراحة مااتعاملتش معاه بس عادي مش هتفرق
المهم الدعم والامكانيات والجيمز والانترنت
انصحك في هاتف Alcatel ot 997 سواء كان شريحة أو شريحتين لا يوجد فرق في الامكانيات ..
وفعلا الويندوز قليل الالعاب والتطبيقات .. والجهاز الحمد لله بيشغل اخر الالعاب انا لسه امبارح منزل أسفالت 8 واشتغلت تمام ..
وبخصوص البطارية بتعد معايا 8 -10 ساعات تقريبا شغل تقيل .. لو استخدام خفيف ان شاء الله تكمل يوم كامل ..
لو عاوز اي حاجة ان شاء الله انا موجود .. انا مشتريه من كارفور ألي في 6 اكتوبر ب 1589 جنيه ..
Alcatel Ot-997d وسعره 1500 جنية
والموبايل مواصفاته جيدة بالنسبة لسعره فهو يحتوى على معالج ثنائى 1 جيجا ورام 1 جيجا ومساحة تخزينية 4 جيجا وكاميرا 8 ميجابيكسل وتستطيع التصوير فيديو عالى الجودة HD
وشركة الكاتيل شركة فرنسية الأصل وتقدم أفضل منتجات كسعر مقابل أداء لكنها ليست مشهورة فى مصر ولا يتوفر أكسسورات لها.
الويندوز العابه محدودة و بفلوس كفاية ان ملوش Subway surfers و طبعا غيرها كتير من الالعاب لو عايز جيمز روح للاندرويد و موضوع البطارية ده بيختلف من موبيل لموبيل و انا فعلا مع Alcatel Ot-997d كل اللى اشتراه بيشكر فيه الصراحة
انا بشكر المجهود من رجالة المنتدى
طب يا ترى ايه اهم عيوب اللوميا 520
لاني شايف ان سعره مناسب جدا وناس كتير جدا بتشكر فيه
انا مامسكتوش في ايدي عشان احكم بس انا مسكت الالكاتيل مع اصحابي موبايل كويس جدا بالنسبة لسعره بس صوته واطي حبتين
والنهاردة الموبايل وصل سعره ل 1750 واصحابي واحد جابه ب 1500 والتاتي جابه بعدها بشهر تقريبا ب1625
ودلوقتي وصل 1750 بصراحة كده يبقى كتير عليه خصوصا انا Ace3 اغلى منه ب 100 جنيه بس وسامسونج
ولا انتوا ايه رايكم
أسئل عن سعره فى أى فرع من فروع محلات Dream2000
مكتوب في دريم 2000 انه 1500
بس مش مصدق بصراحة ممكن يكون سعر قديم او مش موجود
وفي عيب في التليفون ده الكاميرا بتاعته مع اقل اهتزاز سواء التليفون او الاشخاص الصورة بتطلع بوووووووووووووووووووووووووووووووم بايظة بايظة
Ace 3 ماشي حلو .. سعره 1800 جنيه ..
ايوة هو ده اكبر عيب فيه .. أقل هزة وتبقى الصورة وحشة ..
لوميا 520 عيبه مفيش كاميرا امامية .. نظام الويدوز فيه تطبيقات قليلة .. ممكن كمان لازم تدفع عشان تشتري التطبيقات مفيش زي الاندرويد تحمل apk ..
بس انا لو لقيت التليفون ده بالسعر ده فعلا مش هاجيبه
1750
حرام كده استغلال
المفضلات