سلام عليكم
كنت بجرب حاجة فى المعالج وهى انى اكسر سرعته واقفل نواتين من المعالج عشان اقلل الحرارة واشوف هوصل لحد فين بالمشتت الافتراضى :D
طبعا نتيجة الكسر مكنتش متتوقعها ونفسى اوصل لتردد ده للمعالج بالاربع انويه بس استهلاكه سىء ومش هينفع
عموما المعالج بتاعى هو PHENOm II x4 965 النسخة c3
اولا كنت بجرب اوصل لاعلى تردد مع فولت 1.4 لانى مجرب قبل كده نسخة ال x2 550 وكانت بتوصل لتردد 3.7 مش اكتر وطبعا الحرارة وصلت ل 50
الغريب فى الامر درجة حرارة المعالج لما تصل الى 50 الا بعد الوصول لتردد 4.4 وكمان حرارة مكونات اللوحة لما تصل لدرجات عالبة زى ما كنت متوقع لانى توقعت ان تكون درجة حرارة المعالج هتكون نفس درجات ال X2 لكنها كانت اقل
وحصل زيادة فى الاداء للبرامج اللى بتعتمد على جودة المعالج وليس تعدد انويته فقط لكنها كانت ملحوظة
انا وصلت للتردد ده على فولت 1.525 وعلى مشتت افتراضى ولما اواجه اى مشاكل حرارة مرتفعة على الرغم اللوحة على قد حالها
عمموما ديه نتايج
اولا مع تقيم النظام انخفض التقيم من 7.3 الى 6.9 عشان تعدد الانوية
صورة توضح الاعدادت
فى البرنامج ده انا اختبرت على تردد 4.3 نسيت اعمله على 4.4 بس النتيجة كانت احسن من المعالج فى وضعه الطبيعى تماما كانت النتيجة 16.و كسر من الثانية بس النتيجة احسن من المعالج وهو رباعى :D
ديه نتيجة المعالج وهو رباعى 20 ثانية وكسر
اختبار للمعالج ببرنامج fritz , وبصراحة النتيجة لمعالج dual core انا شايفها جيدة جدا
نتيحة المعالج وهو رباعى على Fritz , وكانت نتيجة المعالج على وضعه الطبيعى
بخصوص الالعاب مكنش فى فرق جوهرى بس هحاول اجرب تانى بس بعد ما انزل نظام 7 لان نظام 8 فى هبوط عندى فى الاداء للجهاز ككل
فى انتظار تعليقاتكم وملاحظاتكم
التعديل الأخير تم بواسطة connect01 ; 17-09-2013 الساعة 18:35
طيب انت ليه مجربتش تكسر المعالج بدون الحاجة لأنك تلغي 2 Core ؟
يعني اكسره وهو رباعي
اكيد هتحصل على تردد افضل
انا على المشتت الافتراضي وبالفولت الافتراضي وصلت لتردد 3.8 بثبات تام
ووصلت لـ3.9 بفولت اعلى بدرجة بسيطة
وموصلتش ابداً لتردد 4 بأي حال من الاحوال حتى مع وصول الفولت الى 1.425
مع العلم ان البوردة عندي احترافية الى حد ما
لان اكتر حاجة هكسرها على المشتت الافتراضى فى الوضع الطبيعى هى تردد 3.7 بفولت 1.4 يعنى من الاخر كسر ليس له داعى ولا يوجد من فائدة سوى حرارة زيادة
انا شايف لو الكسر اقل من 30 % ليس له داعى لانه غير مؤثر
طبعا المعالج بتاعى مستحيل يوصل لتردد 4.4 لانه محتاج فولت 1.6 :D
;انت وصلت لتردد 3.8 بفولت 1.4 طيب انت عملت اختبار ثبات كام ساعة
لو اقل من ساعتين اشك ان فى ثبات
التعديل الأخير تم بواسطة connect01 ; 17-09-2013 الساعة 20:42
نت ممكن ترفع cpu ratio ل 3.8 بس نصيحة الاداء مش هيرتفع بنسبة فوية لان لما كنت كاسره 3.8 كان عندي عنق زجاجة كما هو لكن وده اكيد لكا ترفع ل3.9 و مش شرط 4 هتلاحظ ان الاداء العام و اللودينج في الالعاب احسن بفرق بسيط جدا لكن يستحق المحاولة لان عنق الزجاجة عندي اختفى على التردد ده بس ...بعد كده ممكن ترفع ل 4ghz مع مشتت قوي
لا لا الفولت الافتراضي بيبقى 1.325المشاركة الأصلية كتبت بواسطة connect01
ودة اللي كسرت عليه المعالج لحد 3.8
ووصلت بالسرعة لـ3.9 على فولت 1.358 ودرجة الحرارة كانت بتوصل ما بين 53 و 54 لسطح المعالج وما بين62 و 65 للانوية لكن طبعاً في وجود تكييف في الاوضة
وتم اختبار الثبات لمدة 5 دقائق فقط لضيق الوقت
لكن حتى ولو هيزيد تاني مش هيزيد اكثر من 60 لسطح المعالج ودة برضه امان للمعالج لأنه اقصى درجة 62
ومع تردد 4GHz محصلش كام ثانية والجهاز فصل حتى مع الفولت 1.425
5 دقايق اختبار ثبات مستحيل يكون عندك ثبات وانا كده متاكد ان كسرك فى اعدادت غلط 3.9 على فوت 1.358 شبه مستحيل وعموما جرب تعمل اختبار ثبات ببرنامج prime لا اتوقع انه يكون فى ثبات نهائى للفولت ده على التردد اللى انت عامله 3.9 ولو ل 15 دقيقة
لازم الاختبار ميقلش ساعتين
فعلاً كلامك مظبوط
بعد عمل اختبار اخر
موصلش حتى للـ7 دقائق وفصل
وحتى بعد وصول الفولت لـ1.875 مستحملش اكثر من 13 دقيقة وفصل
1.875 ,وماله كلام جميل ما تجرب بالمرة 220 او وصله بالعمومى اللى فى الشارع عشان الاستقرار برضه ولا انت ايه رايك
:cool:
هههههههههههههه
لا غلطة مطبعية :D
اقصد 1.387
التعديل الأخير تم بواسطة roby2010 ; 18-09-2013 الساعة 02:57
عموما تردد 3.9 اغلب النتايج كان الفولت بتاعه ما بين 1.425 و 1.475
اقصى تردد على الفولت الافتراضى اللى هو 1.4 كان مابين تردد 3.7 و 3.8 ومشفتش حاجة تانية على النت غير كده وحتى هنا برضه كانت نفس النتايج
دي صورة للجهاز عند الضغط عليه لمدة 17 دقيقة بتردد 3.8GHz وفولت 1.33
برضه مش صح لانى متاكد لو زودت مدة الاختبار حيحصل عدم استقرار انا جربت الموضوع ده بنفسى واكتر من مرة شوفت ناس بتكسر المعالج ده هنا اقل من ساعتين اختبار موضوع فاشل
لو مش مصدقنى خلى التردد اقل مثلا 3.7 وعلى نفس الفولت اللى انت عامله واعمل اختبار ساعتين ونشوف
انا مش خسران حاجة لو انت وصلت لتردد عالى بفولت قليل
اتفضل يا معلم دي النتيجة بعد كسر المعالج لـ3.7GHz زي ما طلبت ومع نفس الفولت 1.33 لمدة ساعتين و3 دقائق
ماشاء الله معاك معالج بباتش نادر فعلا اتمنى ان يكون معاك مشتت كويس فيما بعد لان يبدو ان المعالج ممكن يكسر حاجز ال 4 جيجا بفولت كويس
يعنى ممكن توصل لتردد 4.2 او 4.4 بفولت صحيح ممكن يبقى مرتفع لكن وارد
عموما فى انتظار نتايج احسن لان ديه اول مرة اشوف حد على التردد ده بالفولت اللى انت عامله وجرب تعمل بحث على جميع المراجعات
:D فعلا اول مرة اشوف كده
ماشاء الله
واعتقد موضوع ان المعالج حصل انهيار معاك فى تردد 3.9 ممكن ميكنش بسبب الفولت القليل لكن بسبب الحرارة لانك وصلت لدرجة 61 على تردد اقل فممكن انت محتاج تبريد اعلى
فى انتظار نتائج اعلى منك بعد كده :ah7:
انا ان شاء الله بحاول اشوف مشتت كويس الفترة دي وهحاول اكسره تاني بعد ما اجيبه واشوف هوصل لتردد كام
بالنسبة لموضوع 3.9 هو بسبب الفولت مش بسبب الحرارة خالص لأن الحرارة مكنتش بتوصل حتى ل58 درجة
وانا جربت من فترة الكسر على تردد 3.9 لكن على فولت 1.425 وكان تمام بعد الضغط عليه لمدة 15 دقيقة اعتقد بس كانت الحرارة عالية ووصلت لـ60 درجة تقريباً
وطبعاً مع تردد 4 البروسيسور مرضيش يكمل حتى 3 ثواني مع فولت 1.425 :D
ضوابط المشاركة
المفضلات