كارت الشاشة ATI HD5670 توقف عن العمل بعد فكه وتنظيفه !

[the-storm]

السلام عليكم ورحمة الله وبركاتة
كارت الشاشة ATI 5670HD كان يعمل بكفائه ولكن عندما قررت-للاسف- فك الجهاز وتنظيفه بالبلور من التراب كما افعل كل فترة ...وبعد تركيب كارت الشاشة والرامات مرة اخرى اجد مشكلة غريبة وان الجهاز عند الضغط على زر الباور الجهاز يفتح مرة وعشر مرات لا..وعندما يفتح فهو يعمل بكفائه...ولكن ما ان اعيد التحميل او اغلقه وافتحه مرة اخرى يتوقف عن العمل ولا يبوت وتظهر الشاشة سوداء تماما..جربت تغير كارت الشاشة بكارت اخر عندي فعاد الجهاز للعمل مرة اخرى دون اي مشاكل...اخذت الكارت لمحل تصليح بجوار المنزل قالي الكارت سليم امامي ولا اجد اي سبب للعطل ..وقال انا عملتله -شبلنة- وطلب مني تجريبه ..وللاسف لم يعمل الكارت الا انه ظهر صوت جديد عند فتح الجهاز...صوت صفارة لمدة مرتين ..ويختفي...ما العمل ؟
لو احد يعرف طريقه للحل فليخبرني رجائا !
واذا لم توجد طريقة فهل احد يعرف محل تصنيع جيد في القاهرة او المحافظات ؟

[Dr_Hema2017]

و الله أنا اللي اعرفو ان صوت الصفارة ده بيكون عيب في الرامات....جرب تفك الرامات و تنضفها و تركبها تاني
و بالنسبة للكارت فعلا غريبة يكون العيب منو

[belalnine]

كان عندى مشكله شبيه ليدى و بسبب دخلو التراب دالخ فتحة ال pci جرب التنظيف ببنزم عطرى

[the-storm]

و الله أنا اللي اعرفو ان صوت الصفارة ده بيكون عيب في الرامات....جرب تفك الرامات و تنضفها و تركبها تاني
و بالنسبة للكارت فعلا غريبة يكون العيب منو

الصوت مختلف عن صوت الرامات..فهو لا يستمر ..فقط مرتين وينتهي (بييم-بييم) وخلاص
ده بجانب ان لما بركب الكارت التاني الجهاز بيشتغل طبيعي

كان عندى مشكله شبيه ليدى و بسبب دخلو التراب دالخ فتحة ال pci جرب التنظيف ببنزم عطرى

بس لما بركب كارت الشاشة التاني بيشتغل طبيعي !..هل التراب هيمنع كارت ويسيب كارت ..ومنين اجيب البنزيم العطري ده وهل يغني الاسبراي عنه ؟

[the-storm]

مش كدا يا جماعة اخوكوا مزنوق..الكارت دا كنت شاريه ب700 جنية ..xD
اي محل بيصلح طيب..أي نصيحة

[Abreimann]

مش كدا يا جماعة اخوكوا مزنوق..الكارت دا كنت شاريه ب700 جنية ..xD
اي محل بيصلح طيب..أي نصيحة

انت فكيت الكارت من البوردة بس وبعدين نضفت؟ ولا فكيت الكارت ذات نفسه؟؟ بمعنى فكيت مروحة الكارت والمشتت بتاعه ونضفت؟
لو كان الكارت فى الضمان حاول تعمل له صيانة فى الضمان ولو ما كانش: نضف سنون الكارت نفسها اللى بتدخل فى البوردة.. نضفها كويس وجرب
وما تنساش تنضف فتحة كارت الشاشة فى البوردة كويس

وكمان جرب تركب الكارت فى جهاز تانى وتشوف النتيجة (ده مهم)

ولو مركب رامتين فك رامة منهم وجرب، ولو ما اشتغلش برضه شيل الرامة دى وركب التانية وشوف
ولو عندك رامة واحدة حاول تستلف رامة من حد وتجربها مكانها
وفيه احتمال كمان لو كان الباور بتاعك باور تجارى م المضروبة دى.. جايز يكون شحر وجاب آخره ومش قادر يقوم الجهاز بالكارت، والكارت التانى اللى جربته من نوع مش محتاج طاقة عالية عشان كده الجهاز قام.. ده احتمال برضه

نوع الكارت إيه؟ والكارت التانى اللى جربته كان إيه؟
ونوع الباور إيه؟؟

وبخصوص بتوع الصيانة هم كتير فى مولات البستان وسوق العصر وأى مول.. بس انت ونصيبك عشان فيه منهم كويسين وفيه منهم حمير

[Abreimann]

آه معلش آسف ما خدتش بالى انك قلت ان الكارت 5670.. مش عارف ازاى عينى عدت عليها :D
جرب بس اللى قلت لك عليه ده وان شاء الله بإذن الله تطلع بسيطة

[the-storm]

انت فكيت الكارت من البوردة بس وبعدين نضفت؟ ولا فكيت الكارت ذات نفسه؟؟ بمعنى فكيت مروحة الكارت والمشتت بتاعه ونضفت؟
لو كان الكارت فى الضمان حاول تعمل له صيانة فى الضمان ولو ما كانش: نضف سنون الكارت نفسها اللى بتدخل فى البوردة.. نضفها كويس وجرب
وما تنساش تنضف فتحة كارت الشاشة فى البوردة كويس

وكمان جرب تركب الكارت فى جهاز تانى وتشوف النتيجة (ده مهم)

ولو مركب رامتين فك رامة منهم وجرب، ولو ما اشتغلش برضه شيل الرامة دى وركب التانية وشوف
ولو عندك رامة واحدة حاول تستلف رامة من حد وتجربها مكانها
وفيه احتمال كمان لو كان الباور بتاعك باور تجارى م المضروبة دى.. جايز يكون شحر وجاب آخره ومش قادر يقوم الجهاز بالكارت، والكارت التانى اللى جربته من نوع مش محتاج طاقة عالية عشان كده الجهاز قام.. ده احتمال برضه

نوع الكارت إيه؟ والكارت التانى اللى جربته كان إيه؟
ونوع الباور إيه؟؟

وبخصوص بتوع الصيانة هم كتير فى مولات البستان وسوق العصر وأى مول.. بس انت ونصيبك عشان فيه منهم كويسين وفيه منهم حمير

الكارت مش في الضمان للاسف ...انا فكيته فقط ونضفته من عند السنون ونضفته الفانه بالبلور وفقط..النهاردا نضفت السنون بالاسبراي وبفرشة اسنان و نضفت السوكيت pci وبرده ما فيش فايدة..انا مركب رامة واحدة فقط واعتقد ان المشكلة مش فيها لان الجهاز بيفتح طبيعي بالكارت التاني..الباورسبلاي كويس لان انا فاكر انه كان غالي (الكيسة كانت بحوالي 400 جنية)

[the-storm]

دا فيديو للي بيحصل لما افتح الجهاز..لاحظ صوت الصفارة الغريب
https://www.youtube.com/watch?v=w5seMb5t_fI

[the-storm]

صورة للكارت بعد رشه بالاسبراي وتركه لفترة من الوقت ليجف...الشيئ الغريب بقى هو اني اثناء تنظيف الكارت للمرة الاولى تنظفت السنون الخاصة بالكارت بشكل غبي ..ولاحظت انه بعض السنون مختفي من مكانه..اعتقد انه مختفي حتى قبل التنظيف ...لكن انا اشك ان دا ممكن يكون مشكله....فيه سنين تظهر فيهم المشكلة عليهم مربع احمر في الصورتين..هل دول ممكن يكونوا هما المشكلة ؟

[youssef_elgbaly]

صورة للكارت بعد رشه بالاسبراي وتركه لفترة من الوقت ليجف...الشيئ الغريب بقى هو اني اثناء تنظيف الكارت للمرة الاولى تنظفت السنون الخاصة بالكارت بشكل غبي ..ولاحظت انه بعض السنون مختفي من مكانه..اعتقد انه مختفي حتى قبل التنظيف ...لكن انا اشك ان دا ممكن يكون مشكله....فيه سنين تظهر فيهم المشكلة عليهم مربع احمر في الصورتين..هل دول ممكن يكونوا هما المشكلة ؟

لا يااخى السنون عادية مش مقطوعة انا اشتيريت كذا كارت جديد وكان بشكل التقسيمة ديه عادى
بص جرب تعمل كلير بطارية بيوس شيل بطارية البيوس او غير مكان الجنبر والجهاز مقفول بعدين شغل الجهاز كده المفروض عملت كلير بطارية خش على البيوس اعمل f9 and f10 بعدين اقفل الجهاز ورجع الجنبر زى الوضع الاول وشغل ان شاء الله هايشتغل

[Abreimann]

جرب زى ما الأخ يوسف الجبالى شار عليك بخصوص البيوس
بس برضه زى ما قلت لك جرب توصل الكارت فى جهاز تانى وتشوف إيه الحياة هيقوم ولا مش هيقوم.. صدقنى مهم عشان نحدد العيب من الكارت ولا م البوردة ولا من غير كده

[KEEMO24]

دا فيديو للي بيحصل لما افتح الجهاز..لاحظ صوت الصفارة الغريب
https://www.youtube.com/watch?v=w5seMb5t_fI

الصوت الذي يصدر من الجهاز معانة خلل في كرت الشاشة .
وياريت تذكر بالتفصيل كيف سويت بالكرت عندما قمت بتنظيفة وهل قبل تنظيف الكرت كانت هناك مُشكلة في الكرت

[Abreimann]

أحب اضيف ملحوظة برضه ان كل بوردة هتلاقى فى الكتالوج بتاعها - لو ضاع منك ممكن تجيبه من موقع الشركة المصنعة بسهولة - جدول فيه أكواد الصفارات بتاعة الـErrors يعنى مثلا صفارتين ورا بعض ليهم معنى، صفارة واحدة طويلة ليها معنى وهكذا
اتأكد من الحكاية دى زى ما قال الأخ KEEMO24 ولو ثبت بشكل نهائى ان الصفارة دى معناها مشكلة فى الكارت يبقى الكارت محتاج صيانة يا إما للأسف هيكون عمره الافتراضى انتهى

[KEEMO24]

انا بسئلك اسئلة وانت جاوب عليها :

1: قبل ما تنظف الجهاز هل كان الكرت شغال وبدودن مشاكل ؟

2: كيف سويت لما نظفت الكرت ؟ , عشان اساعدك