مشكلة محلولة / أرجو المساعدة عملت nand erase all للـNOTE 2 فباظ حد عنده حل؟

**nanonona** · 04-11-2013, 04:36

أنا كنت تعبان ومش مركز وعايز أحط روم أصلي لجهازي الـ NOTE2 فعملت ايه بقى زي الشاطر كده.. علمت على الاوبشن اللي في برنامج الـ Odin اللي هو: Nand Erase All وبعد ما وقعت الفاس في الراس عرفت ان اللي عملته ده كارثة بمعنى الكلمة لأن الخيار ده بيمسح كل حاجه في التليفون.. تقريبا بيمسح تقسيمة البارتشن لذاكرة الهاتف وبيمسح بيانات الهاتف من سريال نمبر وخلافه أنا بحذر الناس.. لأن أنا طول عمري باكون حذر ومبلعبش في حاجه مش عارفها لكن ساعة القدر يعمى البصر يابني ولا حول ولا قوة إلا بالله..
ده في ناس بيقولوا التوكيل مش حيرضى يصلحه لأنه كده بقى زي الصيني من غير سيريال .. طبعا ممكن تكون دي مبالغة.. يا ترى حد عنده فكرة أجربها، ولو مفيش إلا التوكيل أعمل حسابي على كام وأخش أقلهم إيه: والله عملت ناند اريز ال يتصلح بكام ههههههههههههه.. أنا هيست من الكآبه..

**Saddik Rayan** · 05-11-2013, 20:56

هل الجهاز يدخل الى وضع الداونلود مود والريكفري ام لايدخل اطلاقا و جرب تنزيل روم ذو اربع ملفات

**Saddik Rayan** · 05-11-2013, 21:02

راجع الرابط https://forum.xda-developers.com/sho....php?t=2332471

**nanonona** · 10-11-2013, 08:31

المشاركة الأصلية كتبت بواسطة sa-ra

راجع الرابط https://forum.xda-developers.com/sho....php?t=2332471

الرابط اللي حضرتك حطيته مناسب فعلا لمشكلتي وأنا بقالي اسبوع شغال على الـ xda developers والأودين والريكفري CWM لكن مافيش حاجه راضية تشتغل جربت:
official rom with Odin and check the Re-Partition. The rom has 5 files. pit (Re-Partition), bootloader, code, csc and modem
وجربت
Flash a official rom with Odin
وجربت كذا روم rooted , deodexed
وطبعا مش قادر أجرب Custom Rom لأنها محتاجه ريكفري يفلشها
أنا جهازي لم يتجاوز ولا مرة مرحلة شعار سامسونج الملون رغم آلاف التجارب.. وسألت متخصص صيانة قال لي حشغلهولك كتابلت wifi فقط لكن مش حيدخل على شبكة تاني..
بس أنا مستغرب فعلا ان في ناس حصلتلهم نفس مشكلتي لكن جهازهم اشتغل يإما ريكفري فقط أو يشتغل ويقرا ذاكرة الهاتف 0 "صفر" أو يلاقي الـ imei والسريال unknown لكن مايشتغلش خالص والريكفري CWM ما يشتغلش خالص ده السر اللي مش فاهمه!!

على الهامش: رحت التوكيل "راية المهندسين" لقيت كل الموبايلات بايظة قصدي زحمة جدا فبسأل امتى بيفضى؟! قالوا: لما بنقفل!!

**Saddik Rayan** · 13-11-2013, 19:33

راجع الرابط https://www.techhelpfox.com/5078769/...-Flash-Any-Rom

**nanonona** · 15-11-2013, 05:51

أشكرك جدا أنا من ناحية وديته التوكيل خلاص وبشروني برسالة انهم ودوه المركز الرئيسي -يعني ما عرفوش يصلحوه في فرع المهندسين- ومن ناحية تانية تهت في الرابط اللي حضرتك حطه "شايف ناس غلطوا نفس غلطتي لكن مفيش اجابة شافية أو أنا مش واخد بالي".. على العموم أما نشوف كلمة سامسونج..

**nanonona** · 25-11-2013, 12:55

بعد 14 يوم دخول على موقع راية وادخال رقم ايصال الصيانة لمعرفة حالة الهاتف والتي لم تتغير عن: "الهاتف في الصيانة.. لم تحدد التكلفة بعد"
اتصلت بهم:

- اتصلنا بك يا فندم ولكن لم ترد عموما تكلفة الصيانة 2234 جنيه ثمن تغيير البوردة كاملة
طبعا رفضت التصليح وحتصل بيهم يوم الأربعاء لتحديد ميعاد استلام الجهاز.. والبقاء والدوام لله.. بجد كان جهاز ممتاز وفي رأيي أنه أفضل من النوت 3 اللي يعتبر نقطة تحول وتوحش سامسونج ماديا..

وفي النهاية شكر خاص لمشرفنا sa-ra على اهتمامه ومساعدته لي..

**nanonona** · 30-11-2013, 07:08

:cool:أستاذ sa-ra يسعدني أن أخبرك أنه حدث تطور هائل.. الجهاز بقى يشتغل لكن لا يتصل بالشبكة.. no register network

:D كانت المشكلة إننا مكنتش عارف ان الدخول على الريكفري المعدل بعد تفليشه بيكون بـ "الباور والهوم ورفع الصوت".... "كنت بدوس خفض الصوت وفاكره بيحل محل البوت لودر".. المهم بعد تفليش ملف البايت والروم أبو اربع ملفات سطبت ريكفري وعملت كل فورمات ووايب لاقيته وبعدها فلشت روم "مصر" أصلي من سام موبايل فكل حاجه -بعد شهر من التوقف:o- اشتغلت في الجهاز ما عدا الشبكة..
واكتشفت حاجه مهمة جدا.. الـ IMEI بتاع الجهاز اتغير وبقى غير المكتوب على ظهر الجهاز أعتقد هو ده سبب المشكلة.. مع ان السريال مظبوط يا ترى ممكن أعمل إيه ؟!

**himaalex** · 30-11-2013, 07:39

المشاركة الأصلية كتبت بواسطة nanonona

:cool:أستاذ sa-ra يسعدني أن أخبرك أنه حدث تطور هائل.. الجهاز بقى يشتغل لكن لا يتصل بالشبكة.. no register network

:D كانت المشكلة إننا مكنتش عارف ان الدخول على الريكفري المعدل بعد تفليشه بيكون بـ "الباور والهوم ورفع الصوت".... "كنت بدوس خفض الصوت وفاكره بيحل محل البوت لودر".. المهم بعد تفليش ملف البايت والروم أبو اربع ملفات سطبت ريكفري وعملت كل فورمات ووايب لاقيته وبعدها فلشت روم "مصر" أصلي من سام موبايل فكل حاجه -بعد شهر من التوقف:o- اشتغلت في الجهاز ما عدا الشبكة..
واكتشفت حاجه مهمة جدا.. الـ IMEI بتاع الجهاز اتغير وبقى غير المكتوب على ظهر الجهاز أعتقد هو ده سبب المشكلة.. مع ان السريال مظبوط يا ترى ممكن أعمل إيه ؟!

معلش علشان مش فاهم يعنى ايه imei اتغير لكن السريال مظبوط؟ لان المعنى واحد
اولا طالما ال imei اتغير معناها حاجة من اتنين
1- كان فيه محاولة لتغيير السريال عند محاولة الاصلاح
2-البوردة نفسها اتغيرت
الحل ان سيادتك تشوف حد عنده بوكس Z3X او بوكس RIFF
ويفضل البوكس الثانى لانه بيعمل عمليه ريبيير للبوت وهو الوحيد القادر على اصلاح بوت اجهزة سامسونج الديد

**Saddik Rayan** · 30-11-2013, 11:46

المشكلة الان هي الن الجهاز لا يتصل بالشبكة ام هناك مشاكل اخرى

**Saddik Rayan** · 30-11-2013, 11:50

الحل
قم بتركيب الرووم البريطاني
من موقع 4shared (التحميل سريع و التسجيل في الموقع بسيط جدا)
sharedBTU-N7100XXDME6-20130603102621 - Download - 4shared -

من موقع هوت فايل
Hotfile.com: One click file hosting: BTU-N7100XXDME6-20130603102621.zip

**Saddik Rayan** · 30-11-2013, 11:55

التفليش عن طريق الاودين من جهاز الكومبيوتر
الرووم يدعم القراءة و الكتابة و القوائم بالعربي

**nanonona** · 30-11-2013, 17:15

المشاركة الأصلية كتبت بواسطة sa-ra

المشكلة الان هي الن الجهاز لا يتصل بالشبكة ام هناك مشاكل اخرى

فقط لا يتصل بالشبكة

**Saddik Rayan** · 30-11-2013, 19:02

انت تقول ان

imei تغير و ان الجهاز لا يتصل بالشبكة
حل المشاكل هو باعتقادي تنزيل الرووم البريطاني الذي حاطه فوق

**nanonona** · 30-11-2013, 20:22

حجرب بالليل واقول لحضرتك.. بس اعلم على pda فقط ولا على phone و csc

بس هو بريطانيا عندها إيه زيادة عننا "هههههههههه"؟! يعني ايه ميزة الروم البريطاني؟!