هل إختيارك محصور في سامسونج فقط أم لا مانع عندك في شركات أخرى ؟
السلام عليكم ورحمه الله وبركاته
مقبل على شراء موبايل جديد والميزانية من 1800-2200
انا قدامي كذا اختيار
galaxy s3 mini مشكلته حجم البطارية والمعالج ابطأ من galaxy core
galaxy core بشريحتين مشكلته انه مع اخويا والتاتش بتاعه مش سريع واحيانا بيهنج .. وكمان خايف من موضوع الشرحتين ده ليكون بيهنج او بيسقط شبكة
Samsung Galaxy Grand بضمان دولي- الموبايل ده مع واحد صحبي وقالي ده موبيال زبالة وبيهج وبيسقط شبكة
ياريت تساعدوني لإني بجد محتار
التعديل الأخير تم بواسطة samehhero ; 12-12-2013 الساعة 18:51
هل إختيارك محصور في سامسونج فقط أم لا مانع عندك في شركات أخرى ؟
أول شخص اشوفه بيشتكى من سامسونج جراند الموبايل ده رائع جدا والأفضل samsung mega 5.8
لو مش عجبك الجراند عشان بيهنّج
ممكن أنصحك ب Lumia 625
مبيهنّجش خالص لأنه ويندوز فون
وشاشته كبيرة 4.7 بوصة
ومتصفّح النت بتاعه ممتاز
وبيصوّر 1080p فيديو
وبطاريته ممتازة
وثمنه يبدأ من 1950 جنية
(كلامى عن تجربة)
شكرا ياجماعة على ردودكم.. وانا الحمد لله اشتريت galaxy s3 mini.. موبايل امكانياته كويسة وشيك ومش بيهنج خالص الحمد لله .. وبالنسبة للجراند والله مندوب من شركة اتصالات هو اللي قالي كدة لما سألته على نوع موبايله قعد يقولي ده بخطين ومنصحكش انك تجيبه وبيهنج.. وفعلا لما انا اخدت الموبايل منه واتعاملت معاه لقيت فيه سنة تهنيجه بسيطة اوي...
كنت مستغرب اوى انك متضايق من معالج اس ثري ميني
وكنت لسة هاقولك دة موبايل عملى جداً يعنى تفحته لعب وبرامج والعاب تقيلة جدا اللى هى الالعاب الحديثة وبردو هايفضل شغال من غير تهنيج
عكس موبايلات تانية ممكن تهريها لعب تلاقيها ابتدت تهنج
بس لقيتك جبت الموبايل وأكدت الرد اللى كنت هاكتبهولك انك بتستخدم برامج كتير ورغم ذلك مبيهنجش معاك
مبروك عليك الموبايل ياغالى .. انا بردو هاجيب نفس الموبايل بعد اسبوعين إن شاء الله ..
بس عاوز اسألك على حاجة
جبتوا بكام .. ومنين .. وخدت فاتورة ضريبية ولا لأ .. والالوان اللى كانت متاحة للموبايل من المحل اللى انت جبته كانت الوان اية ؟
حمل برنامج clean master
شوف الالعاب والبرامج اللى على الذاكرة واخدة حجم قد اية ؟ حاول تسيب حوالى 750 او 1 جيجا فاضية من غير لعب وبرامج
عشان يفضل شغال زى الفل من غير تهنيج
لان اى موبايل اندرويد ايا كان هو نوعة اية سواء رخيص ولا غالى لو مليته على الاخر هاتلاقيه ابتدى يهنج
فعشان كدة بقولك اعمل النقطتين اللى انا قلتلك عليهم وهو مش هايهنج معاك إن شاء الله
الف مبروك على الموبايل
[CENTER][SIZE=3][B] (( وقل ربى ارحمهما كما ربيانى صغيرا ))
[URL="https://www.facebook.com/egykingdrift?ref=hl&ref_type=bookmark"]EGY KING DRIFT[/URL] .... خليها رياضة ليها اسم !!! [/B][/SIZE][/CENTER]
المفضلات