شـــراآء مــوبـاآيـل فـى حـــدود مـيزاآنيــة " 1800 - 2200 " أقــصـى حـاآجـة

[YoUsSeF-Cr7]

سـلامـ عليكمـ و رحمة الله وبركـــاآتــة

يــاآرب تكـونـواآ بخـــير اخــواتـى فـى الله
أنـاآ أسـف أنـى بكتب الموضوع هنـاآ بس ملقتش قسـمـ لـ شراء الموبــاآيلات بس أعتقد شـوفت كـامـ موضوع كده
فـ قولت أكتــب هنـاآ و اتمنــى بجـد أنتــواآ اللى تســاعـدونى لان انتوا أخـر أمل ليـاآ بعد ربـى " سبحانه "

أنـا نـويــت أشتــرى مــوبــاآيــل كـويــس !
و الحمـد لله معـاآيـا المبــلغ زى مـاآ انـا ذاكـر فـى العنـــواأن
مـن " 1800 " لـ " 2200 "
جنــيـةة ~

أنـاآ بصـراحـة كـل الموبايلات اللى مسكتهـا معـلهـاش القيمـة يعنى ده هيكون أول موبايل لـيه قيمـة ان شاء الله
يعنـى بـ معنى الاول مكنتش بفكر فى امكانيات او حاجه
أنمـا ده انا محتاجـة طبعــاً و أهمـ حاجه الامكانيـات
انا نـاوى انزل الشهـر الجـاى اخلص امتحنــاتى بس و هنزل ان شاء الله

دلـوقتـى انا هقـولكمـ كل حـاجـة عـلشـان أسهـل الموضوع عـليكمـ

أنـا نفسـى فـى موبــايل يكــون
" كـاميرا كويسه - التاتش سهل - مش بيهنج ( أهمـ حاجة ) - العـاب - طبعـاً انترنت - صوتوا كويس - يكون شكله حلو - شاشته كبيرة "
طبعـاً نفسـى فـى موبايل يكون بيجمع الحجات ديه كلهـا و بالسعر اللى انا ذاكرة
طبعـاً مفـيش حاجة كـاملة " الكمـال لله وحدة " يعنـى لازمـ هيكون فيه عيوب
بـس انا عـلى " أمـل " ان شاء الله انى الاقـى
أخـويـا جاب من قيمـة سنه بالظبط موبايل " سامسونج جلاكسى " واندر " "
المـوبايل كل حاجه فيه تحفه تاتشة شكله صوتوا كل حاجه بس عـيبه
رمـــاتة قليله اوى فـ بيهنج جداً و هو للأسف قبل ما يجيبوا مكنش يعرف ان الموبايل لازم رماته تكون عالية وكده !
فـ هو حتى الموبايل تاعبه اوى دلوقتى كان هو شاريه ب 1700 انما حاليـاً الموبايل بقى بـ 1450 ..
أنـا بقـى بدور على حاجة كويسه لانى عايزة يعيش معايا سنتين تلاته لان صعب على ما اجيب موبايل تانى
و انا كده كده هحافظ عليه زى عنيا ان شاء الله !

لمـا دورت عـلى النت لقـيت مـوبــايل أسمـة " x508 " من شركة " xtouch "
و هـى شركة صيـنى و مقرهـا فى الامارات
و نزلوا فتحوا فرع فى رمسيس فـى القاهرة !
و بصـراحـة فـى كل حاجه كنت بحلمـ بيهـاآ بقـى بـ زيادة امكانيــاتـة
كاميرا 12 ميجا بيكسل " الخلفية
كاميرا 5 ميجا بيكسل " الامامية "
اندرويد 4.2.1
رامات 1 جيجــا
شريحتـين
الشـاشة 5.7 بوصه .. 1280× 720 بكسل
سرعة المعالج ثنائي النواه 1.2 جيجا هرتز
و نوع المعالج MTK6589
الذاكرة الداخلية 8 جيجا او 4 جيجا , 1 جيجا رام + بطاقة ذاكرة خارجية 8 جيجا
و دة لينك الامكانيات و الصور من الموقع
https://xtouch.ae/plus/view.php?aid=790
طبعـاً امكانيــات وهمـ بجد و الموبايل تقـريبـاً دخل بالى بـ نسبه 99 %
بـس خـايف بردة
و مش عايز ارمـى الفلوس فى الارض
واحد اخو واحده صحبتى كان معاه موبايل من نفس الشركة بس وقع واتكسر
لمـا قولتلها اسأليه قالتلى بيقول انه حلو اوى اوى !
فـ الشركة كويسه و الموبايل معاه ضمان سنه !
بـس ارجع و اقول انا خايف !

دلوقتى عندكمـ كل المعلومـات فوق !
و عايزكمـ ترشحـولى موبايل لو مش اللى فوق رشحوا انتوا حاجه وانا هجيبها لانى بثق فى رأيكمـ !
و انا مش فارق معايا " اندرويد ولا ويندوز فون ولا اى شركه "
المهمـ يكون فيه عربـى
و يكون مش بيهنج و النت تمام و الالعاب و هكذا !
منتـظركمـ ان شاء الله و اسف انى طولت ..

[YoUsSeF-Cr7]

للـرفــع بعـد أذنــكمـ ..

[sniper_2090]

بص من الاخر افضل حاجة فى حدود الامكانيات دى
واماكنيتها علية وكويسة جداااا
الاكسبريا C
رام 1 جيجا
بروسبيسور 4 النواة
كام 8 ميجا
شاشة كلبرة 5 بوصة
الذاكرة الداخلية 4 جيجا
هتقولى مشكلة هقولك لا لان الجهاز دة سونى ضيفة فية امكانية نقل التطبيقات والالعاب للذاكرة الخارجية
فا الموضوع دة هيحل المشكلة
السعر فى حدود 2150 جنية

[Ahmedmas1]

بص جبلك موبيل ضمان دولي أفضل بكتير
ممكن تجيب Samsung galaxy grand 2150
او galaxy core 1600

تم الإرسال من جهازي GT-I9500 بواسطة تاباتوك 2

[McLaren]

لو جبت Xperia c
أو Galaxy Grand
أو lumia 625

أنت كده في السليم

[YoUsSeF-Cr7]

أولاً بشــكر كـل واحـد رد عليــآ !
ربنــاآ يسعــد أيــامكمـ دايمــاً ..
دلوقــتى حضرتكمـ رشحتم ليــا كذا موبايل بـ نفس السعـر اللى انا طلبه تقـريـباً
و كـان ترشيحكمـ للموبايلات هـو
sony xperia c
و ده بصـراحـة شكـلة مش عجبنى من قبل ما ابص على الامكانيـات حتـى
و glaxy grand
وده مش كبير زى مـ انا حابب !
وسمعت انه بيهنج و بصراحه زى منا قايل اخويا معاه سامسونج جلاكسى واندر
روعه بس بتهنج عقدتنى من كل سامسونج -_-
و nokia lumia 625
و دية بصراحه كانت داخلة دماغى اوى اوى !
بس سألت ناس كتير من اللى معاهمـ ويندوز فون قالولى التطبيقات صعبة انك تنزلها وبفلوس
وغير كده الموبايل جودة الشاشة مش حلوة و الكاميرا كمان !

كتـر خيركمـ طبعـاً بس انتوا حضرتكمـ ركزتوا انكمـ تجبولى موبايل بنـفس سعرى طيب انتوا ليه مش شوفتوا الموبايل اللى انا ذاكرة انا دورت كتير ملقتش حد بيشتكى منه على النت حتى !
و الفرع فى رمسيس معاه ضمان سنه غير ان الشركه فى الامارات يعنى هى الشركة اماراتية اصلاً و تبع شبكة " اتصالات " بس اللى بيشتغلوا فيها من الصين !
بصراحه هو اكتر واحد داخل دماغـى بكـل معانى الكلمـة على امكانياتة
شوفوا كده ولو فى حاجه تانيه انا مستنى ولو فى موبايلات تانية رشحوها ليا وبردة هفكر فى الموبايلات اللى حضرتكمـ ذاكرنـهـا انا لسه قدامى شهر هستنى وهشوف وهفكر و ابص لـ حد ما اوصل للى انا عايزة ان شاء الله ..
تاعبكمـ معايا اخواتى فى الله

[YoUsSeF-Cr7]

للـ رفع بعد أذنكمـ .. للضـرورة

[McLaren]

أنت محتاج تروح محل موبايلات
وتشوف التلات موبيلات
لأن Xperia C شكله مش وحش
وجالاكسى جراند مش صغير خالص
واللوميا كاميرته وشاشته مش وحشين زى ما أنت متخيّل

طبعاً هي في النهاية أذواق وأراء
بس هتستفاد لمّا تعاين الأجهزة على الواقع

دي على سبيل المثال إمكانيات وخيارات كاميرة اللوميا الكثيرة:

[YoUsSeF-Cr7]

طـب بص اخويا
انا فعلاً شوفت فيديوهات كتيرة ل السونى اكسبيريا و عجبنى نسبياً !
بس انا كنت طالب منك حاجه !
انت ليه مش بتبص على الموبايل اللى انا ذاكرة فوق يعنى ..
امكنياته رهيبه بجد وفيه كل حاجه !
فهمنى !
وهل مفيش غير الموبايلات اللى انتوا ذاكرتوها دول بس ؟
و بعدين اللوميا كويس بس عيبة انه ويندوز
انا عايز اندرويد لانه احلى بصراحة ..
منتظرك

[McLaren]

بخصوص أن عيبه ويندوز فدى أذواق
أن شخصيا امتلكت Lumia 625 فترة
ولقيت أن الويندوز فون له مميزات مش موجودة في الأنظمة التانية

أبرز حاجتين عجبونى في النظام أنه مبيهنّجش فعلاً
وأن متصفّح النت بتاعه سريع وخفيف جداً مهما تكون المواصفات ضعيفة

بخصوص توفّر الألعاب فأكيد طبعاً مش هتبقى زى الأندرويد
بس فيه الحاجات المهمة:



في النهاية الاختيار لك حسب مزاجك


أمّا بخصوص ال xtouch فمعرفش عنّه حاجة خالص!

بس اخر حاجة كنت أعهدها على الصيني
أن واحد صاحبي كان عنده موبايل صيني نوع غريب كده

وكان عشان يسمع في ال Head phone كانت السمّاعات بتسخن في ودانه
لحد ما حصل أن السلك بتاعها ساح

المواصفات اللى أنت كاتبها جميلة طبعاً
بس لو حقيقية ولو الجهاز مضمون
وخصوصاً أنك لازم تعمل حسابك أن فيه حاجة أسمها
high copy في السوق وده يعتبر كابوس

لازم تتكلّم مع حد يكون عنده خبرة ومجرب في ال xtouch
عشان يفيدك, ممكن يطلع حلو في الآخر!

تعليقى أنا على المواصفات من خلال قرأتى لها

البروسيسور cortex A5 مش قوي
بس البطارية هي اللى قوية

وبالتوفيق في الشراء

[YoUsSeF-Cr7]

طـب تمـامـ
أنـا هسـأل عن الأكس تاتش فى واحد جارنا جايبه بس مليش كلام معاه خالص :/
بس الضرورات تبيح المحظورات بقى !
هسـألة واشوف
أمـا بخصوص اللوميــا 625 معـلش ابعدنى عنه كده !
سؤالى معـلش
شايف ايه تانى موبايلت من 1800 لـ 2200 جنيه قولى شويه موبايلت وانا هشوف مراجعتهمـ على النت و احدد وقتهـا هجيب ايه
و ابقى قولى بترشح انهـوا فيهمـ
منتظرك اخوى

[YoUsSeF-Cr7]

طـــب بصـ أخويــا !
اية رأيك لو أجــيب s3 أو نوت 2 مســـتعمـل يكون فى حدود السعـر المذكور و لـ يكن 2200 جنية ؟؟

[McLaren]

طـــب بصـ أخويــا !
اية رأيك لو أجــيب s3 أو نوت 2 مســـتعمـل يكون فى حدود السعـر المذكور و لـ يكن 2200 جنية ؟؟

أنا شخصياً لو مكانك هعمل كده
(Note 2 لو تقدر)
بس توّقع حاجة نضيفة

ولو هختار من الجديد هختار
Xperia C

وبالتوفيق في الشراء

[zikobasha]

بص يا باشا .. أولا الجراند كبير على فكرة بس ما ارشحوش .. ليـه ؟
عشـان ناس كتير اوى جابت الجراند واشتكت من وضوح الشاشه الوحش جداً دا غير ان الموبايل بطئ احياناً مع البرامج والالعاب الكتير.
فى برنامج أسمه Antutu دا بيعمل Test لأى موبايل وبيديك النتيجه فى الاخر .. الجراند جاب Score 9000 "دى حاجه مش حلوه خالص بالنسبه لسعره"
قدام ان ال xperia c زى أستــاذ McLaren ما قال موبايل ممتاز وجاب فى الرنامج Score 13700 فرق الرقم دا يبان مش كبير لكن هو فى الحقيقه كبير :]
أنصحك بالxperia
بالنسبه لل xtouch مع احترامى لأى حد .. ال Xtouch اجهزه اه مقرها فى الامارات وليها شركه بقا وكده بس صينى
أخويا كان معاه الجهاز دا xtouch x508
اول ما جابه كنا منبهرين بيه .. "زى أى موبايل حتى لو نوكيا 1100 " لما لسه بتبقا فاتحه من العلبه بتنبهر بيه :D
بعد كده لقينا شاشتة قمّه فى عدم الوضوح .. ال رزلوشن بتاعها انا اسف يعنى .. يقرف :] .. الالوان مفيش أى نقاء
دا غير ان ال الاندرويد بتاعو مش نقى .. يعنى مش بيور كده تحسو ملعوب فى اساسو .. ملكش دعم من الشركه ولا اى حاجه
دا غير ان عايز اديك فكره بس عن الموضوع دا .. الامكانيات بتفرق كا كتابه .. عن كا امكانيات فعليه
طب ماهو ال الxperia c امكانياتو 1.2 Quad core والرامات 1g
والاكس تاتش دا 1.2 Quad core والرامات 1g بردو
بس من البديهى ان الماتريالز والشركات اللى بتصنع امكانيات سونى وبتديخا الخامات
غير اللى بتدى لأكس تاتش ودا اكيد هو اللى باين فى فرق السعر كده :] ماهما مش هيبيعو بالخساره مش بيحبونا هما اوى كده
هتستغرب لما أقولك وصدقنى والله العظيم .. الاكس تاتش فى البرنامج كان جايب Score 6000 !!
شايف الفرق اد ايه :] وفى الاخر الشاشه اتكسرت من اقل واقعه ودوخنا على ما لاقيناها وبعناه من غير ما نصلحه !
ما انصحكش بأى حاجه من دى .. وأى حاجه هاى كوبى ولا كوبى ولا الكلام دا
الاصلى مافيش احلى منو
أرجو اكون افدتك وانا رأي من رأى الاستاذ McLaren

[YoUsSeF-Cr7]

والله ما عارف أشكـــرك أزاى حقيقــى
ربنــا يباركلك وانا كان قلبى حاسس وحيات ربنــا و كنت خايف بس شكله وامكانياتة و كمان الكاميرا كنت منبهر بجد
الحمـد لله انى لقيت حد كان جايبة !
طـيب بص اخويا انا بينى وبينك بحب الجديد ومش عايز المستعمل خالص
بس أخويا قالى سامسونج نوت 2 تانى اعلى موبايل فى العالمـ بعد النوت 3 " من رأية يعنى "
بيقولى اصحابى جايبينه و ملوش حل بمعنى الكلمـة !
وانا عارف سامسونج طبعـاً
بس حتة مستعمل مخوفانى لان انا هحافظ على الموبايل زى عنيا بس معرفش اللى قبلى كان محافظ عليه ولا لا !
فـ ده اللى مخوفنى !
و الاكسبيريا برده شوفت ليه فيديوها بس مش هو اللى انا عايزة بالظبط يعنى بمعنى انا كان نفسى فى حاجه شبهه ال s3 كده و سعرها زى منا كاتب فهمنى
الاكسبيريا جميل و كل حاجه بس مش هو برده اللى انا عايزة كـ شكل !
أنـا عايزك ترشحلى موبايلات تانية تكون جديدة بنفس السعـر كده يعنى لو 2200 جنيه مش مشكله بردة ..
قولى كل الموبايلات اللى فى السعر ده سواء الكتل او الشركات ديه يعنى
و هل السامسونج s3 مينى لو جديد مش هيكون بالسعر ده ؟ ! بس هو كبير ولا صغير اوى ولا ايه !
بس كده واسف بجد انى طولت بس انت لحقتنى لان الاكس تاتش كان داخل دماغى اووووى بس الحمد لله