النوت 2 بيشحن فى 8 ساعات !

**mido hamdy** · 21-01-2014, 02:38

السلام عليكم ورحمة الله وبركاته ,,,

لو سمحتم انا الحمد لله لسة جايب النوت 2 بعد نصائحكم ليا والحمد لله الجهاز بسم الله ما شاء الله روعة
انا جبت الجهاز مستعمل 15 يوم بس من بره وزى الجديد تماما . البطارية ادائها كان مش كويس فى
اول يوم وكانت بتخلص بسرعة لدرجة مكالمة عادية 5 دقايق نزلت 3% من البطارية لكن ده تالت يوم
وادائها اتحسن بنسبة كويسة . لكن المشكلة الكبيرة هى ان الشحن بيقعد 8 ساعات من 3%-100 %
وده لما بكون قافل الجهاز لكن لو فاتح الجهاز بتشحن ال 10% فى ساعة يعنى تاخد تقريبا 10 ساعات
اكيد ده مش طبيعى ! هل ده عيب البطارية ولا الشاحن علما بأن الجهاز لسه جديد بأكياسه ومش معاه
ضمان . انا نسخة الاندرويد 4.1.1 لسه لم احدثها .

**medo2_0** · 21-01-2014, 04:04

اخى العزيز العيب فى نوع الشاحن انظر الى المكتوب على الشاحن اذا وجدت المكتوب OUTPUT: 5.0V --1A فإعلم ان الشاحن الخاص بك سيأخذ وقتاً طويلاً لشحن الجهاز اما إذا كان الشاحن الخاص بك يشحن بقدرة 2A ستجد فارق كبير فى سرعة الشحن

**Saddik Rayan** · 21-01-2014, 13:26

أخي العزيز جرّب شاحن أخر لكن بنفس الجهد الكهربائي للشاحن الأصلي فإذا كان الشاحن جهده الكهربائي أكثر فهذا سيضر بالبطارية على المدى الطويل أو القصير
ثانيا أخي العزيز أنصحك بأن تشتغل على الجهاز حتى نفاذ البطارية تماماً ثم تشحن الموبايل بشاحنه الأصلي و سيأخذ وقت طويل لا بأس و كرر هذه العملية و ان شاء الله حترجع لوضعها الطبيعي

**linux.egypt** · 21-01-2014, 15:16

هذه صورة حقيقية للشاحن
إن لم يكن هو قم بتبديله
و كما قال الأخ medo2_0
يجب أن يكون 2.0A
مدة الشحن من 0 إلى 100%
3 ساعات و نصف تقريباً
و بعدها تأكد من البطارية قد تكون المشكلة منها

**arrow92** · 21-01-2014, 15:57

المشاركة الأصلية كتبت بواسطة linux.egypt

هذه صورة حقيقية للشاحن
إن لم يكن هو قم بتبديله
و كما قال الأخ medo2_0
يجب أن يكون 2.0A
مدة الشحن من 0 إلى 100%
3 ساعات و نصف تقريباً

انت غير الشاحن وهاته من سامسونج من اى فرع ليهم اضمن

**mido hamdy** · 22-01-2014, 00:48

متشكر ليكم جدا . وفعلا انا عندى نفس الشاحن اللى فى الصورة لكن مكتوب عليه 1.0A
يعنى كدة عيب الشاحن مش البطارية . صح ؟
انا هاغيره وأشوف شاحن 2 امبير من اى مركز واخد توكيل سامسونج . شكرا ليكم وجزاكم الله كل خير .

**medo2_0** · 22-01-2014, 01:29

اخى العزبز اذا كان الهاتف جديد فيحق لك ان تذهب لمن اشتريت الهاتف منه لان النوت 2 معروف بأنه بأتى بشاحن 2.0A
ولا تقوم بشراء الشاحن من المحلات التجارية او محلات بيع الهواتف لانها تبيع شواح غير اصلية وسوف تخدغ فيها لانها تكون بنفس شكل الشواحن الاصلية تماماً
واذا قمت بشراء شاحن 2.0A قم برفع صورته لكى اتأكد لك من انه اصلى ام لا.
وعامتاَ الافضل ان تقوم بشراء الشاحن من التوكيل..

**mido hamdy** · 22-01-2014, 06:09

المشاركة الأصلية كتبت بواسطة medo2_0

اخى العزبز اذا كان الهاتف جديد فيحق لك ان تذهب لمن اشتريت الهاتف منه لان النوت 2 معروف بأنه بأتى بشاحن 2.0A
ولا تقوم بشراء الشاحن من المحلات التجارية او محلات بيع الهواتف لانها تبيع شواح غير اصلية وسوف تخدغ فيها لانها تكون بنفس شكل الشواحن الاصلية تماماً
واذا قمت بشراء شاحن 2.0A قم برفع صورته لكى اتأكد لك من انه اصلى ام لا.
وعامتاَ الافضل ان تقوم بشراء الشاحن من التوكيل..

هو الموبايل جاى من بره بس الشاحن عليه السريال بتاعه وشكله الأصلى لأنه زى اللى فى الصورة تماما
لكن 1 امبير . بالنسبة للتوكيل هو الفرع الرئيسى بتاعه فين ؟ انا فى 6 أكتوبر وفيه محل كبير مكتوب عليه
سامسونج فقط ومش بيعمل اى خدمات غير لسامسونج بس . مش عارف ده فرع رئيسى ليهم ولا ايه .
متشكر ليك جدا على المتابعة .

**medo2_0** · 22-01-2014, 14:38

لا شكر على واجب توكيل سامسونج فى 6 اكتوبر هو رينج فى داندى مول

ودى صورة لشاحن ليس اصلى جايبه بــ 20 جنيه واخر اصلى وشوف فيه فرق ولا لأ
للأسف جشع التجار بيخليهم يعملوا اكتر من كده فينا...

**xfive** · 27-01-2014, 05:39

جهازي نوت 2 وبيشحن في 5 ساعات من 3% الى 100% في حاله انه موصل بالكهربا وهو مفتوح لكن بقفل الصوت وبقفل الانترنت علشان يشحن وبخلي في وضع حفظ الطاقه
الشاحن المستخدم هو 2 ملي امبير

جهازي لي سنه اشتريته جديد

اللي بيخلي الشحن سريع او بطئ نوع الشاحن بالاضافه الى التطبيقات اللي تعمل في الخلفيه لو طفيت لاجهاز بيشحن في 4 ساعات الى 5 ساعات لكن المشكله مش في الشحن المشكله الحقيقه معاه هو المده اللي بتفرغ فيها البطاريه

مثلا جهازي اول ما اشتريته كان بيفرغ في 13 ساعه الان بقى يفرغ في 10 ساعات 9 ساعات ونص طبعا الحكم هو الاستخدام فقط والروم اللي عليه بتفرق كثير

بس صاحب الصوره كيف افرق بين الشاحن الاصلي والشاحن الصيني ولك الشكر

لاصوره ماتبين غير لون لاكتابه غامقه والاخرى لاء

بعدين انا شاحني الاصلي ما ثلاثي الرؤوس ثنائي الرؤس فقط ده صورته

https://www.lsoutlet.com/images/samsung_phone_2A_charger_ls820.JPG

**medo2_0** · 27-01-2014, 11:19

هى دى المشكلة ان الفرق فى لون الكتابه وان الاصلى مكتوب صنع فى فيتنام والتانى مكتوب صن فى الصين وده طبعا مش مقياص لان فيه شواحن كتير سامسونج صنع فى الصين واصلية
وايضاَ الشاحن ذو الكتابة الباهتة هو الشاحن الاصلى !! اما الاخر ذو الكتابة الغامقة هو شاحن غير اصلى
اما بالنسبه للشاحن ذو الرأس الثنائى كل الشواحن الغير اصلية التى صادفتنى تكون الكتابة عليها اما بالروسى او الصينى فبالتالى سيكون التفرقة بينهم وبين الشواحن الاصليه سهل..