ايه الصحراء دى كل دى مشاهدات مفيش ولا رد حتى
السلام عليكم
مراجعة شاشة تلفزيون ال جى
47la6210
مراجعة شاملة
1- الصورة رائعة بمعنى الكلمة بخاصية فول اتش دى بالنسبة لمشاهدة الافلام او المقاطع اللى فعلا بتقنية الفول اتش دى الشاشة 200 هرتز
- بالنسبة للمشاهدة على قنوات التلفزيون العادية الصورة مبكسلة بدرجة بسيطة عند الجلوس قريبا جدا من الشاشة ولكن يوجد معالج لتقليل التشويش فى الشاشة ومفيد للغاية
وعند الجلوس على مسافة تزيد عن 2 متر لا تحس بهذا التشويش مقارنة بموديلات اخرى
2 - الصوت جيد للغاية الا انه يعيبه انها غير متوفر بها صب ووفر وموجود فى موديلات اعلى وده بيفرق فى السعر طبعا ولا ارى ان زيادة السعر يستاهل هذا الفرق
3- نقنية السينما الثرى دى رائعة بمعنى الكلمة مع الافلام الفول اتش دى وافضل من السامسونج والتوشيبا وعن تجربة - النظارات الخفيفة - وياتى مع الشاشة 8 نظارات 3 دى
4- خاصية السمارت ودى هنحكى عليها كتير وكتير التلفزيون بدون مبالغى يعتبر جهاز كمبيوتر فى ايديلك
- خاصية السمارت شير ودى عن طريقها تقدر تعمل شيرنج بين جهاز بى سى او لاب توب اوكاميرا لعرض جميع ملفاتك من على الكمبيوتر ( فيديوهات صوتيات صور الخ ) على التفزيون عن طريق سيرفر بليكس برنامج رائع للغاية - ويابتى لك بكل المعلومات عن الملفات
- خاصية تصفع الانترنت الكامل تقدر تشتغل عن طريق الماجيك ريموت اللى مع الجهاز كماوس وتدخل على اى موقع او تشاهد اليوتيوب فيس بوك تويتر ودى مخصصلها ابلكيشن جيدة لغاية خصوصا يوتيوب لا يوجد تقطيع عند مشاهدة الفيديوهات من البرنامج على سرعة انترنت 512
5 - خاصية التايم مشين ودى بتسجلك اى حاجة اثناء عرضها على التفزيون وهو فيها زاكرة داخلية 4 جيجا نصها طاير فى السوفت وير والباقى تقدر تسجل عليه - وومكن بره تسجل على اى هارد اكترنال او فلاش ميمورى
6 - خاصية الميرا كاست - وال widi ودى بتخليك تقدر توصل اجهزة السمارت فون ديركت على التلفزيون يعنى ممكن تقدر تعرض شاشة الموبايل على التلفزيون - وتعرض شاشة التلفزيون على الموبايل
ملحوظة - وفى مع الشاشة لازقة صغيرة كده ودى الحاجة الواحيدة اللى جاية كورى مع الشاشة بتقربها من التلفزيون وتحط الموبايل عليها يعمل كونكت مع التلفزيون وتقدر تشاهد من خلاله
طبعا لازم السمارت فون يكون متوفر قيه خاصية nfc - وتم التجربة على جالكسى نوت 2
طبعا تقدر شاشة الموبايل على التلفزيون - وتعرض شاشة التلفزيون على الموبايل فى محيط شبة الواى فاى الخاصة بيك ودى ميزة قوية جدا
7- خاصية الدويل بلاى ودى بتقسملك الشاشة نصين مع الالعاب الزوجية لم يتم تجربتها بعد
8- خواص اضافية الشاشة فيها ايضا بعد الخواص مثل تقليل التشويش - خاصية الترو موشن ودى بتحسن الصور جامد كانها لايف - خاصية حماية العين - وتوفير الطاقة
فمثلا لو قفلت الرسيفر والتفزيون شغال التلفزيون اوتوماتيك بيعمل تخفيض لاضاءة الشاشة الليد ويقفلها تماما عند عدم الاستخدام
9 - توصيلات الشاشة من الناحية الجانيبية بها 3 مخارج يو اس بى 2 و 3 مخارج فول اتش دى من ضمنهم واحد لتوصيل الموبايلات
ومن الجهة الخلفية تختوى على مخرج كابل انتر ار حى 45 - مخرج سماعة الاذن وينفع برده توصل منه على صب وووفر عن تجربة - ومخارج الصوت والصورة العادية اوديو وفيديو للرسيفر - مخرج للهاوئى مخرج للصوت الديجتال الليزر الاخمر
10 تشغيل الملفات - الشاشة بتشعل كل الصيع الفيديوهات والصوت والصور اللى ممكن تتخيلها بما فيهم صوت dts اللى فى ناس كتير اشتكت منه
نيجى بقى للميزات والعيوب
اولا : المميزات
السعر / جيد : سعر 42 بوصة 5000 : سعر 47 بوصة 6300 بعد كده ال 50 بوصة ب 7500 وده يعتبر عالى
التصمبيم الخارجى ممتاز للغايو بالنسبة لشكل القاعدة للتفزيون ودرجة الرؤية وتسطبيع لف التلفزيون دون تحريك القاعدة بدرجة 20 يمين ويسار
تقنية الثرى دى ممتازة
تقنية السمارت ممتازة والتلفزيون سريع مش بطيئ زى مالناس بتقول
الصوت جيد بالنسبة للسعر
تقنية واى فاى جيدة ومستواها كبير
ياتى مع الجهاز ماجيك ريموت رائع - و 8 نظارات 3 دى - وريموت اخر
العيوب
- سمك الشاشة من الخلف كبير حوالى 10 سنتى فى حالة انك علقتها على الحائط
انما لو على الاستاند عادى مش هتحس بيه لان السمك زى مايكون تلت فريمات ورا بعض ( واضحة فى الصورة الثالثة )
وده بسبب ان السمعتين فى اسفل الشاشة عريضة
- قلة منافذ الاخراج - لا يوجد مخر dvi ولا usb 3
- لا يوجد مع الجهاز كاميرا بميكروفون لتشغيل السكايب ولا يدعم الكاميرات الخارجية وتم تجربة عليه 2 كامير وهتحتاج تشترى كامير من ال جى مخصوص
اخيرا السعر
الاسعار
ال 32 بوصة ب 3500 جنيه مستوى السعر جيد
ال 42 بوصة ب 5000 جنيه مستوى السعر جيد جدا
ال 47 بوصة ب 6300 جنيه مستوى السعر جيد جدا
ال 50 بوصة ب 7500 جنيه مستوى السعر مرتفع للغاية
ال 55 بوصة ب 9000 جنيه مستوى السعر مرتفع
ارجو انى اكون وفيت كل حاجة واى اسئلة انا فى الخدمة
وارجوا معذرة على الاخطاء الاملائية لسرعة الكتابة
التعديل الأخير تم بواسطة a_s_a_o ; 29-01-2014 الساعة 10:37
ايه الصحراء دى كل دى مشاهدات مفيش ولا رد حتى
جيد اخى بس كان افضل تدعم الموضوع بفيديوهات عموما لك التقييم
ملحوظة تقنية الديول بلاى دى مش يتقسم الشاشة لصورتين دى بتعمل صورتين تو دى بكامل الشاشة كان فى شاشتين فعلا كبار 47 بوصة وعلى حسب النظارة الى هتلبسها بيظهرلك الصورة الى انت عاوزها يعنى ممكن تلعب انت وصحابك العاب العربيات على الشاشة وكل واحد هيشوف عربيته بكامل الشاشة لما يلبس النظارة المخصصة ليه
بس هو حضرتك عندك الشاشة فعليا ولا عامل المراجعة من على النت لو عندك الشاشة يريت لو تعمل فيديو للمراجعة هيكون افضل كتير خصوصا مع الشرح بالكلام
تسلم انا جبت التلفزيون ده ونفسى تقولى على كل جديد أكتشفته فيه
مراجعة ممتازة اخى الفاصل تسلم ايدك...
أرجو منك أن تقولي لي ما أخبار تشغيل الشاشة ككمبيوتر باستخدام كبل hdmi
وهل لو لعبت على الشاشة ألعاب كمبيوتر بتقطع ولا لأ
وماذا عن الإكس بوكس
أو بلايستيشن
هل فيه تقطيع ولا لأ
تمام
التلفزيون عندى فعلا وهحاول اصوره لخضرتك لعملية الانبوكسينج وكل حاجة معاه
ده تقريبا كل حاجة ولو فى جديد حابب تسال عليه انا فى الخدمة
شكرا لك
على البلاى ستيشن مفيش اى مشكلة ولسة مجربتوش على الكمبيوتر
طيب مفيش منها 32 بوصة
مراجعه شامله كل حاجه الف شكر ليك
ياريت تنزل الصور علشان تشجعني اني اشتريها اكتر لاني محتار بين كذة شاشه
مراجعه جميله
بس نسيت تذكر سعر الشراء
وهيا كام بوصه
رافق كل من أراد الخروج من حياتك إلى الباب ...
وودعه بابتسامة .. وتأكد من أنك أغلقت الباب جيدا
شكرا اخى الفاضل على المراجعة المميزة ونتمنى منك المزيد وياريتك كنت عملت عليها unboxing عشان الناس تستفيد أكتر
فعلا يا ريت كنت عملت
Unboxing
Sent from my GT-N7100 using Tapatalk 2
فى منها وعاملة 3500 جنيه
هنزل الصور قريب ان شاء الله
الشاشة 47 بوصة
الاسعار
ال 32 بوصة ب 3500 مستوى السعر جيد
ال 42 بوصة ب 5000 مستوى السعر جيد جدا
ال 47 بوصة ب 6300 مستوى السعر جيد جدا
ال 50 بوصة ب 7500 مستوى السعر مرتفع للغاية
ال 55 بوصة ب 9000 مستوى السعر مرتفع
ان شاء الله
الشاشة 200 ام سى آي فهل ده بيفرق فى جودة الصورة وخاصة ال 3D
المفضلات