مراجعة العملاق الكبير LENOVO IDEAPAD Y510P

[ahmadzaza]

مراجعة ممتازه

[mohamedelnhas]

انا من اسكندريه واشتريته من سوق الكمبيوتر (سموحه)
مش من شركه من مخزن لابات (وهو الي بيوزع اللابات علي السوق) وهو مكنش موجود عنده بس بيجيبه بالطلب انا روحتله وهو طلبهولي وجابهولي بعد تقريبا 5 ايام من طلبه
والسعر 7400 رامات 8

تمام ياريت تذكر العنوان تحديدا فى سموحة وهل النسخة الى معاك الاصدار الجديد بكارت Gt755 Sli ولا Gt750 واية اخبار الاب معاك والضمان
ياترى المكان دا مضمون وشكرا ليك ياباشا

[Blues777]

السلام عليكم شباب هحاول اشرحلكم طريقة الباك اب والريكفري وتقسيم الهارد بس يارب اقدر اوصلكم الطريقة...اولا افتح برنامج One Key Recovery دوس علي الزرار بتاع الريكفري او اكتب اسمه فالRun هيفتحلك.

البرنامج به 3اختيارات بالترتيب الاتي: 1- System backup
2-System Recovery
3-Create Recover Disc

اولا اختار الاختيار التالت وهو Create Recover Disc وتكون محضر اسطوانات فاضية (كزا اسطوانة دي في دي تقريبا هياخد 3) وتمشي ورا الخطوات زي مبيقولك وكل ميخلص اسطوانة هيطلعها ويقولك حط وحدة فاضية تاني لحد ميخلص...الخطوة دي مهمة جدا كبداية لانه هيعملك اسطوانات الRecovery بتاعت اعادة ظبط المصنع عشان بعد كدا لو عملت حاجة غلط والدنيا باظت منك تعمل Boot وانت داخل قبل الويندوز بالاسطوانات دي ترجع اللاب توب زي ما كنت لسه جايبة جديد...نصيحة مني وعن تجربة اعمل نسختين من الRecovery دي علي نوعين مختلفين من الاسطوانات لان عموما اسطوانات الRecovery بنركنها فترات طويلة جدا لحد منستخدمها تاني فا ممكن تكون جايب نوع يطلع رديء تيجي بعد فترة تستخدمهم يطلعوا بايظين او السي دي روم عندك ميعرفش يقراهم.

ثانيا بعد متخلص من حوار الRecovery نزل برنامج EASEUS Partition Master ودا برنامج لتقسيم الهارد او لدمج البارتيشنز مع بعض ... برنامج سهل جدا جدا فالتعامل وهتلاقيله شرح كتير علي اليوتيوب لو حابب تتعلمه الاول قبل التجربة ... نزل البرنامج بالتورنت عشان يبقي معاه كراك ... بعد كدا استخدم البرنامج عشان يبقي عندك بارتشن C ودا الي هيبقي عليه الويندوز وبعد كدا قسم بقيت الهارد علي مزاجك.

ثالثا خش علي Programs & Features فالControl Panel هتلاقي الويندوز نازلك ببرامج كتير اوي انت ممكن تستغني عن حاجات كتير منها او تخليها زي ما هي لو مش حابب تسيل حاجة برحتك يعني الخطوة دي علي كيفك انت.

رابعا افتح الOne Key Recovery واختار اول اختيار الي هو System Backup والخطوة دي هتاخدلك Backup للويندوز بتاعك زي مهو فاللحظة دي بمعني لو شلت برامج او سطبت برامج اضافية هتاخدلك الBackup زي ما السيستم موجود فاللحظة الي هتاخد فيها الBackup واختار اي مكان عالهارد ديسك بتاعك تحط فيه الBackup الي هتعملها طبعا اي مكان غير Partition C لان دا الي هتاخد صورة منه .... الخطوة الرابعة دي بتاعت الBackup تختلف عن اسطوانات الRecovery الي عملناها فالخطوة الاولي انها بترجعلك السيستم زي منتا عامله ومش بتغير اي حاجة غير فPartition C وبتسيب بقيت الهارد وبقيت الPartitions زي ما هي مش بتمسح من عليها اي حاجة لكن الخطوة الاولي لو استخدمت الاسطوانات بتاعتها هترجعلك اللاب توب زي منتا شاريه اول مرة وهتمسح كل الي عالهارد ديسك وهترجعلك الهارد بارتيشن واحد كبير.

خامسا بعد فترة لو عايز ترجع الBackup تفتح الOne Key Recovery وتختار System Recovery وتديله مكان نسخة الباك اب الي انت حاططها عالهارد بتاعك من الخطوة الرابعة هيرجعلك السيستم بتاعك زي لحظة ما اخدت الباك اب.

ملحوظة: لو نزلت نسخة ويندوز مختلفة عن الي جاية معاه او مثلا حبيت تجرب ويندوز تاني خالص او لينكس او اي حاجة مختلفة نسخة الBackup الي عالهارد ديسك هتعتبر باظت وملهاش لازمة ولكن الحل هيبقي انك تستخدم الاسطوانات الي انت عاملها للجهاز فالخطوة الاولي وترجع الجهاز زي منتا شاريه جديد وتبتدي تعمل الخطوات من الاول خالص لو حابب تقسم الهارد وتاخد باك اب جديدة.

انا عارف اني طولت واني مش بعرف اشرح بطريقة سهلة وختصرة بس اتمني اكون افدتكم ولو اي حد عنده استفسار يسأل ... شكرا واسف طولت عليكم

[eng-hamdy]

تمام ياريت تذكر العنوان تحديدا فى سموحة وهل النسخة الى معاك الاصدار الجديد بكارت Gt755 Sli ولا Gt750 واية اخبار الاب معاك والضمان
ياترى المكان دا مضمون وشكرا ليك ياباشا

بص انا مش ااقولك العنوان بالظبط لاني مش من هناك بس هكتبلك العنوان زي ما مكتوب علي الكيس الي المحل حط فيه اللاب
3 شارع الاديب محمد زيتون سوق الكمبيوتر الدور التاني
بالنسبه للنسخه الي معايا بكارت GT755m sli اللاب الحمدلله تمام وسريع ومفيش اي صوت او حراره بتطلع منه بس لسه بحمل لعبه كرايسز3 وهجربها عليه واشوف اية الكلام
وبالنسبه للضمان بيجي معاه ضمان سنه وضمان 14 يوم من المحل لعيوب التصنيع
المكان مضمون طبعا الا مكنتش جبت منه اساسا وناس محترمه جدا كمان

[m.the.king]

تسلم ايدك على المراجعه الجمده ديه يا معلم

[mohamedelnhas]

بص انا مش ااقولك العنوان بالظبط لاني مش من هناك بس هكتبلك العنوان زي ما مكتوب علي الكيس الي المحل حط فيه اللاب
3 شارع الاديب محمد زيتون سوق الكمبيوتر الدور التاني
بالنسبه للنسخه الي معايا بكارت GT755m sli اللاب الحمدلله تمام وسريع ومفيش اي صوت او حراره بتطلع منه بس لسه بحمل لعبه كرايسز3 وهجربها عليه واشوف اية الكلام
وبالنسبه للضمان بيجي معاه ضمان سنه وضمان 14 يوم من المحل لعيوب التصنيع
المكان مضمون طبعا الا مكنتش جبت منه اساسا وناس محترمه جدا كمان

شكرا ياباشا على المساعدة
بالنسبة للاب هوا جى بكارتين ولا واحد ولو واحد فى مكان الى بتحط فية الكارت التانى
وبالنسبة للكارت التانى الاضافى حد يعرف سعرة او بيتجاب منين لان الناس الى شارية كلها جى بكارت واحد بس

[aldaba7]

انا من اسكندريه واشتريته من سوق الكمبيوتر (سموحه)
مش من شركه من مخزن لابات (وهو الي بيوزع اللابات علي السوق) وهو مكنش موجود عنده بس بيجيبه بالطلب انا روحتله وهو طلبهولي وجابهولي بعد تقريبا 5 ايام من طلبه
والسعر 7400 رامات 8

مبروك يا باشا بس انا مش عارف اقولك اية انتوا عندكوا في اسكندرية التجار مبالغين في السعر علي فكرة الشحنة الجديدة الي دخلت مصر اقل في السعر من الشحنة الي فاتت وسعرة الرسمي في الوكيل 7300 جنية يعني ارخص 200 جنية من الشحنة الي فاتت و انا جبتة بسعر 7200 دة كان سعر خاص ليا ويارب السعر ينزل شوية علشان كدة التجار بتستغل الناس و الاب علية طلب كبير جدا

[eng-hamdy]

شكرا ياباشا على المساعدة
بالنسبة للاب هوا جى بكارتين ولا واحد ولو واحد فى مكان الى بتحط فية الكارت التانى
وبالنسبة للكارت التانى الاضافى حد يعرف سعرة او بيتجاب منين لان الناس الى شارية كلها جى بكارت واحد بس

العفو علي اية
لا بيجي بكارت واحد GT755m دا طبعا اذا مش هنحسب كارت الانتل
وتقدر تركب كارت تاني من نفس النوع GT755m مكان الدي في دي لان الدي في دي بيخرج من مكانه وتقدر تركب فيجا تانيه من نفس النوع او مروحه او هارد تاني بس طبعا لازم تكون القطع دي من منتجات شركه لينوفو
بس للاسف الكارت مش موجود في الاسواق المصريه خالص

[eng-hamdy]

مبروك يا باشا بس انا مش عارف اقولك اية انتوا عندكوا في اسكندرية التجار مبالغين في السعر علي فكرة الشحنة الجديدة الي دخلت مصر اقل في السعر من الشحنة الي فاتت وسعرة الرسمي في الوكيل 7300 جنية يعني ارخص 200 جنية من الشحنة الي فاتت و انا جبتة بسعر 7200 دة كان سعر خاص ليا ويارب السعر ينزل شوية علشان كدة التجار بتستغل الناس و الاب علية طلب كبير جدا

الله يبارك فيك يا معلم
فعلا مبالغين بس بيتحججو انه بيتشحن لهم ومش عارف اية وفعلا انا جبته ب7300 بس بالعافيه بس الي مكتوب في الفاتوره 7400 وقالي علي فكره انا عمري ما هبيعه بالسعر دا تاني :D
بس طبعا دا كلام تجار متاخدش عليه
ومبرووك عليك اللاب ياصحبي وفعلا اللاب عليه طلب كبييييييير جدا وان شاء الله سعره ينزل عن كدا شويه

[mohamedelnhas]

مبروك يا باشا بس انا مش عارف اقولك اية انتوا عندكوا في اسكندرية التجار مبالغين في السعر علي فكرة الشحنة الجديدة الي دخلت مصر اقل في السعر من الشحنة الي فاتت وسعرة الرسمي في الوكيل 7300 جنية يعني ارخص 200 جنية من الشحنة الي فاتت و انا جبتة بسعر 7200 دة كان سعر خاص ليا ويارب السعر ينزل شوية علشان كدة التجار بتستغل الناس و الاب علية طلب كبير جدا

حضرتك جبتة بسعر 7200 منين وهل النسخة الجديدة gt755 Sli

[OMEGA]

مراجعة ممتازة الف مبروك

[aldaba7]

حضرتك جبتة بسعر 7200 منين وهل النسخة الجديدة gt755 Sli

من مجموعة شركات فاهم سوق الكمبيوتر السخاوي و دة كان سعر خاص وتم نفاذ الكمية الراجل نزل 17 قطعة منة اتباعوا في يوم واحد موجود في كمبيو داتا بسعر 7400 وطبعا بيخلص الاسستوك وتلقية رفع 7500 جنية ومبروك مقدما

[keysoft10]

ازيكو يا رجاله اول حاجه انا بشكركم على الشغل الهايل الى انتو عملينه تانى حاجه انا اشتريت الجهاز من 3 ايام بس عملت حاجه غبيه شويه انا فرمت الهارد وبعدين طبعا النسخه راحت مش ده المهم انا قسمت الهارد وبعدين بنزل نسخه 8 enterprise بعد ميحمل شويه ويوصل عشان يعمل ريستارت للمرحله الى بعد كده بيدةنى رساله فىها كلمه vendor والنسخه مبتنزلش جربت كتير ومفيش فايده وجربت نسخه 7 وتقف برده بعد اول ريستارت مش عارف ليييييهحد يساعدنى مش عارف اشتغل على الجهاز من يوم مجه ارجوكم

[zimofox]

سؤال سريع لكل اللى اشتري ال Y510p التحديث الجديد المزود بكارت ال Nvidia GT755m رجاء التأكد من ال Memory Type هل اذا كانت DDR3 or DDR5
واللى محتاج يعرفها من برنامج TechPowerUp GPU-Z v0.7.7
ورابط التحميل
هنا

[eng-hamdy]

سؤال سريع لكل اللى اشتري ال Y510p التحديث الجديد المزود بكارت ال Nvidia GT755m رجاء التأكد من ال Memory Type هل اذا كانت DDR3 or DDR5
واللى محتاج يعرفها من برنامج TechPowerUp GPU-Z v0.7.7
ورابط التحميل
هنا

ddr5