مراجعة العملاق الكبير LENOVO IDEAPAD Y510P

[DoDZz38]

السلام عليكم ورحمه الله

اخيرااا مراجعة شامله للعملاق lenovo y510p
مبدئيا موصفات الجهاز كاملة

Processor	4th Gen Intel® Core™ i7-4700MQ (6M Cache, 2.4 GHz up to 3.40 GHz)
Memory	8G DDR3
Video Graphics	NVIDIA Geforce GT 750M DDR5 2GB
Hard Drive	1TB,5400rpm + 8 SSD
Webcam	1.0MP fixed-focus (720p HD) webcam
Display	15.6 HD LED Wedge 1920 x 1080
Wireless Connectivity	Bluetooth® 4.0 WiFi 802.11 b/g/n
External Port	2x USB 3.0 1x USB 2.0 HDMI 2-in-1 card reader (SD/MMC) RJ45 combo Mic-In and headphone (stereo)
Dimensions/Weight	380 mm x 265 mm x 25.6 mm 2.2 kg
Battery	6 Cell
Keyboard	Backlit AccuType keyboard
Color	Metal
Operating System	Windows 8 64
Warranty	1 year

تانى حاجة المراجعة معمولة بعد مرور شهر بالظبط على اقتناء هذا
الجهاز دى حاجة حبيت انوه عنها
ثانيا
الانطباع العام عن الجهاز الجهاز بصراحة شيك جدا مش تقيل و مش خفيف الى مضايقنى بس
انو اللمبة الموشرة بتاعت البو اور البطاريه اضائتها مش عاليه قوى
حاجة تانية الجهاز لونه اسود وميتال فبيبئى لمم للاتربة بكثافة
والبصمات ايضا
بس الجهاز ككل يستاهل فلوسه
ثالثا
صور للجهاز




رابعا
التاتش باد والكيبورد
مبدئيا التاتش باد ليها مميزات وعيوب
او زى منا شيفها مميزات انت ممكن متعجبكش او متفرقش معاك كلها أراء :D
مميزات انها كبيرة بصراحة كبيرة تقدر تلف الموس بيها فى اى حته فى الشاشة
العيب ان زرار الكليك يمين والكليك شمال هو زرار واحد وبينفذ امر الكليك
يمين او شمال بنائا على موضع صوبعك بمعنى انا لو دوست اقصى اليمين من تحت وتدوست هينفذ امر كليك يمين
والعكس صحيح انا شيفها عيب كبير ل3 اسباب الاول فى الالعاب
العاب كتير جدا بتتطلب منك الضغط على كليك يمين وشمال فى نفس الوقت
العيب التانى ان التاتش باد بيبئى فيها فرغات(سقطه لتحت من الاخر):D
شويه لان مفيش غير زرار واحد الى سندها فى النص دى التااتش باد لكن غير
كدا هى شغاله زى الفل حماااارة شغل
الكيبورد بقى شيك اشطه وكل حاجة بس الكتابة عليها ممكن تكون تقيله شوية
بمعنى ان مثلا لو انت كنت بتلعب مثلا ودايس على الw وسرحت ولا حاجة هتلاقى
الw وقف مع انك دايس عليه بس صوبعك خف دوس عليه هتتطر انك تتقل الدوس شوية
بس غير كدة الكيبورد روعة شيك بغباء :D
وعلى فكرة الموضوع دا مش فى كل الكيبورد فى بعض الزراير بس
تقريبا هم 3 زراير الw و ال2 بتاع الnum pad بس تقريبا انا قلت 3 صح :D
خامسا السمعات
براصحة فى حياتى ماشوفت سمعات لابتوب بالصوت العالى والنقاء دا
يعنى مقولكش حاجة فخيمه ومش عايز اطول كلام فيها
سادسا
هيكل الجهاز
الجهاز كله معدن مفيش كلام بس مصيبته انو اسود ولامم للاتربة والبصمات
يعنى لزم تهتم بيه كل شويه تمسحه تعامله كأنه عيل صغير بتغيره
سابعا الشاشة
الشاشة حلوة ولكنها ليست الافضل بسبب انها HD
منغص عليا اوى الموضوع دا بصراحة كنت اتمنى انها تكون FHD
بس خلاص مش مهم زوايا الرؤية بتعتها مظبوطة مش موحشة
تقدر تقول كدا 8.5/10
ثامنا
درجات الحرارة
درجات الحرارة فى الاستخدام العادى
الاولى دى فى الpower saver

التانية دى تصفح عادى برده بس معدل اعدادات البور لhigh performance

التالته دى بعد اللعب لمدة ساعو نص حششنز كريد 3 :D و gta iv

تاسعا
البروسيسور و الرمات

شغال ب2.4 وبيعلى ل3.4 ورباعى النوة وزى الفل ادائه بصراحة البروسيسور بيقوم بالعليه البروسيسور دا يعتبر اقوى من i5 4430 رباعى النوه للديسك توب
اللينك https://cpuboss.com/cpus/Intel-Core-...l-Core-i5-4430
واقل من i7 4770s فى اللينك دا
https://cpuboss.com/cpus/Intel-Core-...Core-i7-4700MQ
وكان فيه ملحوظة ممكن الناس بعد متشوف درجات الحرارة دى هتقول
الجهاز درجة حرارتة معدوله لكن الحقيقة ان هى قليلة بسبب ان الload على البروسيسور
مش بيعدى ال35-45% فى اتخن لعبة لكن تخيل معايا لو اللود بتاعه وصل ل100% هتكون درجة حرارته ايه
انا عاما موصلتش بيه ل100% لحد الان شغلت علية شويه برامج برمجة وكدا++python,java,c
بس دا الى اقدر اقوله عن البروسيسور
الرامات
الرمات بقى الى خلانى اجيب سرتها هى انها ddr3l بمعنى
انها موفرة للطاقه الفرق مابينها ومابين العادية هو الفولت
فالعديه بتشتغل بفولت يبدء من1.5 وطالع اما الddr3l
تشتغل من1.25ل1.35دى صوة توضح

ايه الميزة عن العادية هقولك واحد انها اقل فى الفولت يعنى استهلاك اقل
فى الطاقة يعنى عمر بطارية اطول اتنين انها كل ماكان استهلاك اقل للطاقة يبئى
اكيد حرارة اقل بس كدا
عاشرا
كارت الشاشة الداخلى
بما انو جيل رابع فيحمل الكارت الداخلى الجديد من
intel وهو الintel 4600 hd
ودا يعتبر احدث كرت انتل
وبما ان محدش جاب سرته هنا والناس مكلمتش عنه هكون انا
اول واحد اجيب فى سرته والكرت بسم الله مشاء الله
راااائع لكونه كارت داخلى وميزة فى نفس ذات الوقت وميزة ليه هقول فى الاخر
دى صورة لموصفات الكارت

ودى شويه صور ليه اداءه مع الالعاب انا جبت بتاع 6 لعب
ملحوظة :الالعاب كلها مظبطه على اقل حاجة وريزولوشن HD
اول لعبة bf3 المتوسط (32-45)fps

تانى لعبة assassin creed liberation hd المتوسط (25-32)fps

تالت لعبة assassin's creed 3 المتوسط (25-32)fps

رابع لعبة assassin's creed iv المتوسط (15-21)دا لان اللعبة المحرك بتعها مش stable مع الpc
دا غير ان اللعبة منزلها نسخة بلاك بوكس مقرفة بمعنى الكلمه فى drop rate

خامس لعبة mafia ii على اعلى حاجة المتوسط (25-37)fps

سادس لعبة nfs rivals المتوسط (17-25) بما ن الكل عارف ان اللعبة دى اساسا
المحرك بتعها مش معمول للبى سى هو محرك معمول للكونسولسز الجيل الجديد
وطبعن الشركة مش فارق معاها البى سى لان اصلا محدش بيشترى كلو
شغال تورنت فسبتها على عمها وحتى مكسله تنزل ابديت
تظبط بيه اللعبة شوفت النتانة :D
ففى drop rate عالى قوى فيها وهى اللعبة اصلا مفهاش حاجة
[URL=https://www.shy22.com/][/url]
​

[DoDZz38]

الحادى عشرا
الكارت الخارجى
لو قرنت الكرت الخارجى 750m فهو اقوى حوالى 5% من الgtx 660m
ومساوى تقريبا للgt570m واضعف بحوالى 10% لكرت gt 650 للكمبيوتر المكتبى
دى صورة لموصات الكرت

دى نفس الالعاب الى فوق الاختلاف المره دى ان فى اقل حاجة وعلى اعلى حاجة
الاولى pf3 on low المتوسط (98-120)

على الالترا متوسط (35-50)

التانية assassin's creed liberation hd on low متوسط (60-مبتقلش)

على الالترا متوسط (37-45)

التالته assassin's creed 3 on low متوسط (60-مبيقلش)

على الالترا متوسط (37-45) ممكن تكون لاحظت ان تقريبا لعبة حششن كريد3 نتأجها نفس نتائج
liberation ودا لان هم الاتنين نفس المحرك

على الالترا متوسط 37-45

الرابعة assassin's creed iv on low متوسط (37-45)

على الالترا متوسط (17-27)

خامسة mafia II on ultra متوسط (60-مبتقلش)

السادسة nfs rivals on low or ultra متوسط (30-مبيقلش فى الحالتين)
طبعن حته نسيت اذكرها فوق عن اللعبة دى هى ان الشركة عملى للعبة lock on 30 fps

اظن كدا وفيت فى موضوع الالعاب دا متتخيلش تعبت فيه قد ايه
نجى بقى لموضوع مميزات الكرت الداخلى
الكرت الداخلى مميزات انو يقدر يتشغل على البطارية بكامل طاقته على عكس
الكرت الخارجى اديلك مثال مثلا لعبة nfs rivals على الخراجى من غير شاحن
هتشتغل من6-11 فريم طبعا مستحيل تتلعب لكن على الداخلى الرقام سابته هى هى
مثلا زى لعبة bf3 على الخارجى من غير شاحن تشتغل ب12-17 على اقل اعدادات
طبعن مستحيل تتلعب ولكن تقدر تلعبها
على الداخلى دى ميزة كويسة جدا فكرة بقى ليه الكرت الخارجى مبيشتغلش بكامل طاقته
غير على الشاحن هوضحها للمش عرفها لسه لان اللاب دا علشان يشتغل بكامل طاقته محتاج 135وات
ودا الى بيدهولوا الشاحن لكن للاسف البطارية قوتها 62 وات فقط يعنى تقريبا النص لذلك مستحيل
الكرت الخارجى هيشتغل بكامل طاقته
تانى عشرا
الواى فاى(كرت اللان)
انا حاليا معنديش اى مشكله معاه بلقط منه كويس جدا لا دانا حتى كنت بلقت من مسفات بعيدة مثال
انا ساكن فى التالت وكان فى واى فاى مفتوح فى العمارة الى جمبنا فى ال9 وبلقط منه 3-2 شرطة وبتعلى لل4و5 وتنزل 3 على حسب موضعه فى البلكونة :D
المشكلة الوحيدة الى قبلتنى كانت مشكله سوفت وير من ويندوز8 وهى انى قفلت الواى فاى وفتحته تانى بسرعة قبل مايخلص تحميل
لقيته بقى كل لما يفتح ميقراش ولا شبكة مع انى الشبكات بالهبل بس صلحتها الحمد لله وظبطت معايا
ثالث عشر
البطارية الى مدوخة كل واحد عايز يشترى اللاب دا
اداء البطارية مرضى جدا بالنسبالى هى بتقعد لو انت مشغلها power saver
من3.40ل4.20 على حسب تظيبط الاضاء انا كنت ديما بشغلها على الhigh performance
وكنت بتصفح عادى القيها تخلص فى 2.30ل2.50 وكنت زعلان بس الحمد لله انى اخدت بالى من الموضوع دا
العاب بقى مقولكش مش هتكمل ساعة ساعة ونص اخرها
لو بتلعب على الpower saver وبالكرت الداخلى هتقعد معاك فى حوالى سعتين بس
المشكلة انك هتلاقى drop rate عالى لان البروسيسور بيبئى محدودة قوته وشغال على 800ميجا هرتز بس
رابع عشر
حجات لزم تاخد بالك منها
اول حاجة ظهر اللاب فى heat snik كبير جدااااا وبصراحة حساسة قوى
بمعنى انها ممكن تطبق بسهولة لذلك ديما تحط الجهاز على حاجة مسطحة علشان متضرش دى حاجة
الحاجة التانية الجهاز بيلم تراب بغباااااااااااااااء لزم تنظفة كل شوية
تالت حاجة الnumlock و الcaps lock لمضهم موجودة من تحت ضمن لمض البور والبطارية ودى ممكن تكون مزعجة شويه
ميزة نهائية اختم بيها ان الهارد بتاع الجهاز هيبر هارد دريف بمعنى ميكس مابين 1 تيرا بيت hhd و8 ssd الاتنين فى هارد واحد بكدا يكون جمع مابين السعات الكبير الى تتميز بها الhdd والسرعات المهولة الى بتساوى تقريبا x5 سرعة الhdd الى بتحتوى عليها الssd والهارد اسمه sshd
لينك الهارد
https://www.seagate.com/internal-har...ku=ST1000LM014
خامس عشر
العيوب متجمعة باختصار
تقدر تقول التاتش باد وتعليق(تقل الزراير) البسيط فى الكيبورد دى اكبر عيوبى حاليا
والشاشة hd و لم الجهاز للتراب والادبتر ممكن يكون كبير شوية اكبر من الطبيعى و
بكل تأكيد ويندوز 8 الى بيطلع عين امى معاه دانا حتى خايف احدث ل8.1 علشان ام الدريفرات
لكن بصراحة الجهاز خراااافة وانا عمرى مندمت لحظة انى استنيت 3 شهور كاملين علشانه او
حنى انى اشتريتة بالعكس انا فخور انى معايا جهاز ذى دا فعلا :D
كدا خلاص انا اظن مفيش حاجة مذكرتهاش ولو فى حاجة ممكن اكون انا نستها ممكن تقولوهالى اذودها
يارب اكون افدتكم:ah17::ah7:

[Vip.Vooo]

مراجعه ممتازه ياخي تسلم ايدك ... عندي استفسار بسيط احد اصدقائي اشتري نفس اللاب ومش عارف يقسم الهارد ياريت لو تعرف طريقة تقولي

[m7amd_7amdy]

عاشت ايديك ياريس وربنا يباركلك فيه

[DoDZz38]

مراجعه ممتازه ياخي تسلم ايدك ... عندي استفسار بسيط احد اصدقائي اشتري نفس اللاب ومش عارف يقسم الهارد ياريت لو تعرف طريقة تقولي

تشكر اخى ربنا يخليك مسأله التقسيم ديه انا مش راضى اعملها لحد دلؤتى لانى لو عملتها الone key recovery هيروح منى بمعنى ان نسخة الويندوز الى جاية مع الجهاز والى انا دافع تمنها وانا بشترى الجهاز حوالى 600 من تمن الجهازنفسه هتروح فنا كبرت دماغى واشتغلت على الc بقى وخلاص بدل مالبك اب بتاع الجهاز يروح

[DoDZz38]

عاشت ايديك ياريس وربنا يباركلك فيه

حبيب قلبى ربنا يخليك والف شكر لمرورك الكريم

[kazika]

بجد شكرا جدا جدا جدا وجزاك الله كل خير على تعبك انا بقى محتاك منك الاماكن البيتباع فيها ضرورى جدا جدا جدا

[Vip.Vooo]

تشكر اخى ربنا يخليك مسأله التقسيم ديه انا مش راضى اعملها لحد دلؤتى لانى لو عملتها الone key recovery هيروح منى بمعنى ان نسخة الويندوز الى جاية مع الجهاز والى انا دافع تمنها وانا بشترى الجهاز حوالى 600 من تمن الجهازنفسه هتروح فنا كبرت دماغى واشتغلت على الc بقى وخلاص بدل مالبك اب بتاع الجهاز يروح

ياريت ياخي لو هناك طريقة تخبرني بها

[DoDZz38]

ياريت ياخي لو هناك طريقة تخبرني بها

يعنى انت عايز تقسم ومش فارق معاك الوندوذ؟؟ لو كدا يبئى ممكن تنزل برامج زى الmini tool لتقسيم الهارد من داخل الويندوز

[Vip.Vooo]

يعنى انت عايز تقسم ومش فارق معاك الوندوذ؟؟ لو كدا يبئى ممكن تنزل برامج زى الmini tool لتقسيم الهارد من داخل الويندوز

اعتقد برنامج one key recovery يمكن من خلالة اخذ نسخة من النظام وحفظها علي فلاشة ... علي اي حال ساحاول تقسيم الهارد بـ mini tool قريبا لان التقسيم الافتراضي سيء جدا

[DoDZz38]

اعتقد برنامج one key recovery يمكن من خلالة اخذ نسخة من النظام وحفظها علي فلاشة ... علي اي حال ساحاول تقسيم الهارد بـ mini tool قريبا لان التقسيم الافتراضي سيء جدا

تمام تقدر تاخدوا على فلاشة لا تقل عن 32 جيجا بس انا بصراحة مجربتش

[arsenal_henry]

مراجعة شاملة واكثر من ممتازة .. مجهود رائع منك والله .. ومبروك عليك اللاب ..
:ah7:

[arrow92]

مراجعه ممتازه اخى

[DoDZz38]

بجد شكرا جدا جدا جدا وجزاك الله كل خير على تعبك انا بقى محتاك منك الاماكن البيتباع فيها ضرورى جدا جدا جدا

لا شكر على واجب احبيب قلبى للاسف انا من اسكندرية فمش هقدر افيدك بس انا اشتريته من كمبيومى ممكن يكون لسه عنده حاليا ولاونى اشك انو يكون لسه موجود عندهم

[DoDZz38]

مراجعة شاملة واكثر من ممتازة .. مجهود رائع منك والله .. ومبروك عليك اللاب ..
:ah7:

الله يحفظك اخى الكريم و يبارك فيك متتصورش والله تعبت فيها قد ايه :D