بخصوص مجال الشبكات ميكروسوفت و سيسكو ( افيدوني )

[Eng Zorro]

السلام عليكم ورحمة الله وبركاته
انا عارفة ان اغلب اسألتى هتكون إتسألت قبل كدة بس معلش اعذروني
في البداية انا خريجة هندسة اتصالات وشبكات من 3 سنين وبشتغل من حوالى سنة دعم فني في فودافون
وطبعا عاوزة اتنقل لمكان افضل سواء جوة الشركة او برة يعني SDSL او حاجة خاصة بالـ 3G solutions او Help desk

المهم دي اسألتى واتمنى حد يفيدني :

1- هل الافضل انى امتحن الـ CCNA وبعدها CCNP ومعاها MCSA 2012 ؟؟؟
لان في ناس قالولى ياما تمشي في اتجاه سيسكو ياما ميكروسوفت :cool:
هو يعني هشتت نفسي لو اخدت سيسكو NA & NP ومعاهم ميكروسوفت ومعاها برده TMG & SahrePoint & Exchange ؟؟؟ محتاجة نصيحتكم في الموضوع ده ...

2- يفضل انهى تسلسل ؟؟ مع العلم انى بذاكر CCNA حاليا وقريبا جدا ان شاء الله هحجز الامتحان ومش هستنى وهحجز كورس CCNP في اى مركز ..... ومع العلم برده انى حاليا باخد كورس MSCA بس مش مكثف يعني لسة شوية
محتاجة اعرف انهى تسلسل اللى هيفيدني ؟؟؟

3- هل كمهندسة اتصالات او شبكات محتاجة اخد لينكس او اى لغة برمجة ؟؟ ولا مش لازم ؟؟

4- محتاجة اعرف اسماء المهندسين اللى اقدر اخد معاهم الـ CCNP عشان ناوية احجزها او اسماء المراكز انا سمعت عن IT Academy وفي ناس شكرت في بشمهنس طارق السيد ... ايه رأيكم ؟؟

5- انا معايا شروحات بشمهندس محمد سمير واحمد نبيل وياسر رمزى ومحمد عزت بس ده للمنهج القديم .. هل في شروحات للاجزاء الجديدة اللى اتضافت للمنهج 200-120 ؟؟؟

6- هو سعر امتحان CCNA كام حاليا ولو عاوزة اجيب Voucher اجيبه منين ؟؟؟

7- عاوزة افضل شروحات لكورس MCITP اللى هو بقى MCSA 2012 للبشمهندس احمد سرحان ومين تانى ؟؟؟ وحد يعرف سعر الامتحان كام ؟؟ واجيب برده Voucher منين ؟؟

كفاية كدة اسئلة بقى :D :D :D
وشكرا مقدما على الرد

[Eng Zorro]

Reminder
...............

[Eng Zorro]

مفيش حد رد ليه :mad:
130 مشاهدة ومفيش ولا رد :mad: :mad:

برده في انتظار الاخوة يفيدوني

[ciscoccna]

1- هل الافضل انى امتحن الـ CCNA وبعدها CCNP ومعاها MCSA 2012 ؟؟؟
لان في ناس قالولى ياما تمشي في اتجاه سيسكو ياما ميكروسوفت

:cool:

هو يعني هشتت نفسي لو اخدت سيسكو NA & NP ومعاهم ميكروسوفت ومعاها برده TMG & SahrePoint & Exchange ؟؟؟ محتاجة نصيحتكم في الموضوع ده ...
***********************

نعم كمل في ccna و ccnp واذا في وقت زيادة خليه لاي شيئ ثاني


*****************************
*****************************

2- يفضل انهى تسلسل ؟؟ مع العلم انى بذاكر CCNA حاليا وقريبا جدا ان شاء الله هحجز الامتحان ومش هستنى وهحجز كورس CCNP في اى مركز ..... ومع العلم برده انى حاليا باخد كورس MSCA بس مش مكثف يعني لسة شوية
محتاجة اعرف انهى تسلسل اللى هيفيدني ؟؟؟
**************************

كويس برضو

*****************************
*****************************
3- هل كمهندسة اتصالات او شبكات محتاجة اخد لينكس او اى لغة برمجة ؟؟ ولا مش لازم ؟؟
***********
ايه شيء او ايه كورس له علاقة ب IT كويس لمهندس الاتصالات , بعد ccna , ccnp وشوية خبرة , ايه شيئ مطلوب في العمل ادرسه عشان تحسن وضعك او حتى من اجل المعرفة على راحتك

*********************
*********************
4- محتاجة اعرف اسماء المهندسين اللى اقدر اخد معاهم الـ CCNP عشان ناوية احجزها او اسماء المراكز انا سمعت عن IT Academy وفي ناس شكرت في بشمهنس طارق السيد ... ايه رأيكم ؟؟
****************
****************
العربي ما عندي علم ولكن الانجليزي افضل
اكثر شيء مشهور شروحات ine او cbt
التورنت مليان شروحات كاملة من الالف الى الياء بس انجليزي
***********************
***********************
5- انا معايا شروحات بشمهندس محمد سمير واحمد نبيل وياسر رمزى ومحمد عزت بس ده للمنهج القديم .. هل في شروحات للاجزاء الجديدة اللى اتضافت للمنهج 200-120 ؟؟؟
حمل الكتاب pdf من الانترنت والي ناقص عليك حتلاقية مشروح على اليوتيوب او على التورنت ولكن بشكل موسع خد الي يعجبك منه وعلى قدك .

********************
********************
6- هو سعر امتحان CCNA كام حاليا ولو عاوزة اجيب Voucher اجيبه منين ؟؟؟

حسب موقع سيسكو 250 دولار ,
Voucher روح على مركز الامتحانات واسئل هناك يفيدوك اكثر .

*****************
*****************

[Abu Shehab]

بالتوفي انشاء الله،

انا درست MSCE 2003 وبعد فتره دخلت Cicso Academy وبعدها CCNA .
بصراحة ماحبيت المايكروسفت لان التكنلوجيا تتجدد و الشهادة على طول تتغير! يعني لو حاب تدرس طول حياتك ادرس المايكروسوفت!

خبرنا بالجديد ، شنو كان اختيارك

[moh_sob]

السلام عليكم,,
اي كورس بتاخده بيفيدك عموما بس مثلا لو اشتغلت System admin في شركه معظم تعاملك هيكون مع سيرفرات وانظمه مايكروسوفت Exchange,Domain. SQL, Web serverوحاجه بسيطه اوي في سيسكو عشان لو فيه راوتر ولا سويتش.
لو اشتغلت Network Enginner بتحتاج سيسكو CCNP, CCNA وحاجه بسيطه عم منتجات مايكروسوفت
في الحاليتن مش هتحتاج لينكس اوي الا لو عندك سيرفر لينكس ومثلا لو فيه تطبيق نازل علي السيرفر دا ممكن تتعامل مع التطبيق بس من غير ماتفتح لينكس خالص.
غالبا مهندس الشبكات مش بيحتاج لغات برمجه.
امتحانات سيسكو اسعارها موجوده علي موقع سيسكو وممكن تحجزيها بنفسك وتدفعي بالفيزا وتروحي تمتحني علي طول, لو قصدك علي فاوتشر عشان الخصومات والعروض دي بتبقي عند مراكز التدريب وهم بيبعوهالك لو كنتي واخده الكورس عندهم