كيفية التعامل مع الهارد الخارجى فى الألعاب والنقل

[Dr. Hacker]

السلام عليكم
انا كنت حطيت موضوع من اسبوعين تقريبا عن احسن نوع هارد اكسترنال والناس قالولى wd my passport
بس لما نزلت مول البستان فى القاهرة ملقتش غير توشيبا والسيجيت فياريت اعرف انى الافضل

وسؤالى بقا هل ينفع انقل لعب مثلا على الهارد دة وألعبها وهى على الهارد ولا كدة هيبقا مش كويس واستخدامة للنقل فقط
انا عايز اعلا كفاءة بدون تأثير على مستوى الهارد ونفس الكلام فى مشاهدة الأفلام من علية ولا لازم انقلها على الهارد الاساسى بتاع اللاب أو الكمبيوتر ؟

[محمد البرديسى]

اشترى سيجيت
ممكن يكون تسطيب الالعاب على الهارد الخارجى بس من وجهة نظرى ان تجعل هذا الهارد للتنقل ومشاهدة الافلام لو عندك شاشة بها مخرج usb

[Dr. Hacker]

بصراحة مش فاهم
الهارد يعنى مينفعش ألعب من علية ومينفعش اتفرج من علية الا لو موصلة بالشاشة دايركت
طب اية الفرق بين توصيل الهارد بالشاشة وبين توصيل الهارد بالبوردة ( الكيسة )

[محمد البرديسى]

يا اخى ينفع لكل حاجة ممكن تسطب علية الالعاب وتتفرج على الافلام
بس لو عندك مساحة على الهارد الرئيسى يبقى ما الدعى للتسطيب على الهارد الخارجى
توصيل الهارد على الشاشة علشان مشاهدة الافلام وعرض الصور وتشغيل mp3
وتوصيل الهارد على البوردة لنقل الملفات من الهارد للكمبيوتر والعكس

ومتقولش مش فاهم :ah30:

[Dr. Hacker]

ماهو اكيد الكلام دة مفهوم بس انا افتكرت انك تقصد حاجة تانية بتوصيل الهارد على الشاشة
يعنى حسيتك بتقول لو وصلت الهارد على البوردة لمشاهدة الافلام مش صح بس توصيلة على الشاشة صح
انا بس بتكلم على الفكرة
وانا فعلا معنديش مساحة كبيرة على الهارد الاساسى بتاعى عشان كدة لو هنزل علية العاب هشغلها من علية ديركت

وشكرا للمساعدة ياباشا