استفسارات عن هارد SSD

[The Viper X]

السلام عليكم ورحمة الله وبركاته

كنت شاري تجميعه جديدة من حوالي 8 شهور وكنت شاري معاه هارد Seagate 2tb ب 700 جنيه ولكن من 3 شهور بحس بضعفه وبطئ بدرجة كبيره نوعا ما .. وبدات رحلة بحثي عن حل ..

بدات الاول طبعا اعمل سكان عشان الباد سيكتورز وملقتش اي باد سيكتور الحمدلله وعملت degragment وجربت حاجات كتير وبرضو نفس المشاكل .. باختصار مشكلتي تختصر في حاجتين اول حاجة سرعه النقل :- مثلا بنقل ملف من الهارد لهارد خارجي usb3 برضو بس سرعة النقل تبدا ب 150 وتفضل تقل بالتدريج لغاية ما توصل ل 33 في الاخر !!

والحاجة التانية اول ما بفتح الجهاز بياخد وقت عبال ما بيظهر الملفات لما بفتح بارتيشن وكمان يظهر الايقونة اللي انا عاملها للملف .. بس دي عند فتح البارتيشن لاول مره حتي لو كنت فاتح الجهاز من فتره ..

فاين المشكلة هنا ....?


وباعتبار ان المشكلة ملهاش حل ومع توافر ميزانية 1000 جنيه لشراء بعض المستلزمات للكيسة ..

فقررت اني اشتري مروحتين للتبريد عشان الصيف داخل + هارد ..

فانا حيران دلوقتي بين اني اشتري هارد WD Black 1tb ام هارد Seagate 2tb بس الجديد اللي نازل اللي هو الهايرد .. ولكن ايضا وضعت في الاعتبار هارد SSD لكن الميزانية لا تسمحلي اني اشتري اكتر من هارد 80 جيجا في الاستفسارت كالاتي :_

1- هل الهارد 80 جيجا كفاية لنظام الويندوز ؟
2- هل سالاحظ تغير ف اداء الجهاز
3- هل سالاحظ تغير ف سرعة النقل ؟
4- والاهم هل يؤثر اداء الهارد ssd علي اداء ال hdd >> بمعني اني لما اخلي هارد ssd هو برايميري وعليه الويندوز هل ممكن الاحظ زيادة في اداء وسرعة نقل الهارد ال hdd ?

وفي النهاية ما نصائحكم لافضل هارد سواء ssd او hdd في حدود 700-900 ؟

واسف علي الاطالة ..

[محمد البرديسى]

يعتبر كافى
نعم هيكون فى تغير ملحوظ
طبعا سرعة النقل سوف تزيد
لا يوجد تاثير
بنسبة للهاردات
Western Digital (WD) Caviar Black WD1002FAEX 1TB 64MB cache 670LE
Kingston SSDNow V300 120GB Solid-State Drive (SV300S37A) 770LE

[AHMED ELNESR]

بالنسبة لسرعة النقل للهارد الخارجي دي بتعتمد علي سرعة الهارد الخارجي مش الداخلي
وطبيعي انه ياخد وقت في التحميل اول لما الجهاز بيفتح ودي مشكلة كل الهاردات العادية
وطبعا هيبقي في فرق كبير مع ال SSD
80 كافي للويندوز لكن لو هتشغل العاب علي نفس البارتشن يفضل يكون اكبر
وال ssd ملوش تاثير علي ال hdd كل واحد ليه سرعته
وافضل هارد hdd السيجيت الهايبرد
والافضل والاسرع في ال ssd
adata ssd xpg sx910 128 950LE
Kingston HyperX 120 970LE
لو الميزانية متسمحش بالاتنين دول
يبقي مفيش غير ده

Kingston SSDNow V300 120GB لكن سرعته اقل شوية

[The Viper X]

بالنسبة لسرعة النقل للهارد الخارجي دي بتعتمد علي سرعة الهارد الخارجي مش الداخلي
وطبيعي انه ياخد وقت في التحميل اول لما الجهاز بيفتح ودي مشكلة كل الهاردات العادية
وطبعا هيبقي في فرق كبير مع ال SSD
80 كافي للويندوز لكن لو هتشغل العاب علي نفس البارتشن يفضل يكون اكبر
وال ssd ملوش تاثير علي ال hdd كل واحد ليه سرعته
وافضل هارد hdd السيجيت الهايبرد
والافضل والاسرع في ال ssd
adata ssd xpg sx910 128 950LE
Kingston HyperX 120 970LE
لو الميزانية متسمحش بالاتنين دول
يبقي مفيش غير ده

Kingston SSDNow V300 120GB لكن سرعته اقل شوية

طب في رايك اخي الكريم لو اشتريت السيجيب الهايبرد هيفرق اداؤه عن اللي عندي دلوقتي ,, وهل ساظل اعاني من مشكلة ظهور الملفات ؟

[AHMED ELNESR]

طب في رايك اخي الكريم لو اشتريت السيجيب الهايبرد هيفرق اداؤه عن اللي عندي دلوقتي ,, وهل ساظل اعاني من مشكلة ظهور الملفات ؟

لو هارد ssd يبقي كل الملفات اللي عليه هتظهر باقصي سرعة
لو هارد سيجيت هايبريد طبعا سرعته وادائه مستحيل هتبقي زي ال ssd واللي هيستفيد بسرعته
الويندوز والبرامج والالعاب بعد اكتر من استعمال لكن بطئ ظهور الملفات مظنش انها هتختلف
الافضل طبعا ssd لكن لو عايز كل الملفات اللي في البرتشنات تتقرأ بسرعة يبقي مش هينفع