شباب نريد تفاعل أين الناس
الأستاذ عبد الفتاح
كفى ووفى
وكفة الإل جي راجحة عنده ( من كلامه )
الأستاذ حجاج مقترح أيضا إل جي دون عرض أسبابه بعد
الأستاذ SmArTMaTe
يرى الساسمسونج أفضل
:rolleyes:
رد الأستاذ عبد الفتاح
على رسالتي إليه
والأخ قمة في الذوق وإسداء المعلومة بطريقة سلسة وسهلة ومبسطة
نزول وانخفاض الفريمات بشكل كبير (على دقة 1440 للسامسونج مع الألعاب )
مما اضطرني اوضح لك بالصور
وشوفت أد إية الشاشة بتاكل في الفريمات
حتي مع الكروت الوحوش ( 780 و 780TI و 290 )كما ذكرت أنت
....
ولو تتذكر كلامي ان الكروت من الفئات العليا
ستتعامل مع الالعاب بدون مشاكل واغلبها ربما
علي 60 فريم مستريح باستثناء كريسيس 3
عايزلها كارتين كدا ولا حاجه عشان تجيب 60 فريم
طبعاً اكيد عارف ان اللعبة لما بتجيب 60 بتكون كدا
جايبة اخر واعلي حاجه يعني شغالة فل الفل
ومش محتاجة فرام واحد ازيد من كدا
....
طيب هنا نقطه مهمه جدا جدا جدا وهي ....
يعني ايه انا جايب كارت وحش وعملاق زي 780
قول اي اصدار من الاصدارات وبلعب علي الدقة
1440 دا معناه ان الكارت في التوقيت دا يساوي
اي كارت من الفئات المتوسطة !!! ليه ؟
لان الكارت برغم جبروته هايشغل لك اغلب الالعاب
بالنسبة للفريمات في حدود من 30 إلي 60 او 70 فريم
وعندك لعبة تانية اسمها كريسيس 3 مش هايقدر يجيب
اخرها واخره هيكون 30 .... دا يبئي عيب أوي اوي
لما اجيب كارت عملاق زي دا واحرقه وادمره في دقة
مش هاتفيدني لا من بعيد ولا من قريب بل بالعكس
دي خسفت بالكارت بتاعي الارض خااااااااااالص
دي خلته ما يسواش حاجه ومبئاش له هيبه تقدر تقول
والنقطة المهمه التانية ومهمه جداً كمان .....
متنساش ان الكارت برغم جبروته كدا يعتبر علي المحك
يعني الالعاب السنة دي اللي مش بتجيب 60 فريم
هتلاقيها السنة الجاية أقل أكتر وأكتر وأكتر
وعندك اللي جابت 30 فريم يبئي ع السنة الجديدة
ان شاء الله هتلاقيها 15 20 بالكتيييييييييير اوي
يبئي إحنا قتلنا الكارت بإدينا واصبح مالوش اي قيمة
الا بئي ان ربنا يكرمك وتجيب اخوه واحد واتنين
كروس فاير او SLI وتكاااااااااااااااااااليف كلها
دااااااا كله عشان تقدر تتعايش مع الدقة 1440 بسلاسه
....................
نقطة مهمه انت سألت عليها وهي نفس الشاشة الSamsung ولكن ستغيرها علي دقة 1080 ( اقترحت في رسالتي تنزيل دقة الشاشةمن 1440 إلى 1080 )
لالالالالالالالالا مافتكرش خاااااااااااااااااااالص
ان دا يحصل لأسباب !!!
أول حاجه تبئي شاري شاشة ب6000 عشان تستمتع بالغرض اللي خصصت له وانت تخرجها بره مسارها
يبئي مالهاش لازمة خالص
تاني حاجة ان الشاشة مخصصة لدقة 1440 عشان انت تنزل للدقة الاقل وتغيرها اعتقد انك هتواجه مشاكل مع عدم الثبات والاستقرار لانك حرفت الشاشة عن الوظيفة اللي هي في الاساس اتعملت ليها اصلاً ودي مش طبيعتها
..............
نكمل
..............
بالنسبة بئي لنقطة الثري دي ( سألته بما أن الشاشتين أصبحوا على قدم مساوة من حيث التردد 60 هيرتز واقترحت عليه تنزيل الرزولوشن لـ 1080 للسامسونج فتصبح الميزة للإل جي باعتبارها 3 دي )
بص اخي الكريم ماتشغلش نفسك أوي بالثري دي
لان التقنية من وجهة نظري مازالت وليدة حديثاً
وهي حتي الآن قيد التطوير
ولعلمك مافيش فرق كبير بينه وبين الدقات الFull HD
والثري دي في الآخر ما هو إلا عمق في الألوان وتلاعب بابعاد الصور حتي تكاد الصورة واقعية وكأنك تنظر الي الاحداث من الشباك مثلا او انك تراها عياناً بياناً
ولا يغرك الصور اللي بتخرج عن الشاشة والكائنات اللي هتلاقيها بره اطار الشاشة دي ... كله كدب ف كدب
صدقني انا كنت علي الشاشة Samsung S24B750V
كنت اشغل الفيلم الFull HD وأصلي بحجم كبير
والله وكأني أري الأحداث أمام عيني وليست من شاشة
وكان عندي كارت دش كنت اشغل الماتشات الHD
كانت في قمة الابهار
يعني من الاخر كدا ماتديش الثري دي أكتر من حقه
.................
نقطة مهمة جداً خد بالك
برغم الحديث الطويل العريض عن الشاشة الSamsung في الرسالة السابقة إلا إني علي نفس كلامي أن الشاشة قوية جدا جدا جدا وعملاقه
وجميع ما قلته لا يقلل من حجم وقيمة الشاشة علي الاطلاق ... ولكن هي تتطلب متطلبات فاجعة لكي تشعر بقوتها وسلاستها .
..............
بالنسبة أخي الكريم للشاشة LG هي أكثر من رائعة
وفي نقطة مهمة أيضاً ان احياناً لا يكون كلام المراجعات يعتد به من الدرجة الاولي خد بالك
احياناً هناك تكون مراجعات موجهه ومسيسه لمدح او ذم منتج ما فلا تغتر وتلقي للمراجعات البال من الدرجه الاول ... واكيد هناك ايضا مراجعات منصفه لا تنحاز لمنتج عن الاخر وتعطي كل حقه
حبيت بس اوضح النقطه دي وكانت في امثلة واقعيه علي الكلام دا حتي لا اطيل في هذا الباند
..........
في عند واحد صديقي LG 37 بوصة ومن الموديلات الFull HD اول ما طلعت وإلي الآن أراها ممتازه
من حيث الجودة ودقة العرض والألوان وهي من الطرازات القديمة ... فما بالك بالأحدث
ولكن لم نجربها في الألعاب
........
اما بالنسبة للشاشة LG التي عليها المدار
من خلال اضطلاعي علي الموقع الرسمي لها
اري ايضاً انها تستحق ان تقتني نظراً لما تحتويه من امكانيات وتقنيات كلها يواكب التكنولوجيا المعاصره
من واي فاي وانترنت وشير وغيره من التقنيات
أري أن 240Hz دا شئ مميز إذا كان حقيقي كما كتبت الشركة انه ترو (حقيقي) لانه سيعطيك عمق في دقة الألوان يجعلك تري الأمور واقعية بشكل كبير جداً جداً
وأيضاً لا تنسي أنها بدقة 1080 وأنا والله اخي الكريم
أري أن الدقة دي ممتازه جدا جدا جدا ولا شئ مهم يلزمنا أن نغير إلي دقات أعلي لأن الدقات الأعلي إلي الآن قيد التطوير وليست مستقره فلا نستعجل
وفي نفس الوقت سوف تؤتي بنتائج مثمره مع الكارت الخاص بك وستشعر فعلاً بوجودة وقوته في نفس الوقت
...............
إنما انا مازلت ضد استعمال شاشات التليفزيون للألعاب
ولكن دي وجهة نظري فقط لا تقلل من قيمة هذه الشاشة أيضاً بالعكس الشاشة ما شاء الله ممتازه
..............
ونصيحة مني لله
وقت الشراء ان شاء الله او قبل
انزل اي مول او معرض بيبيع الشاشات واتفرج ع الشاشة وهي شغاله قبل شراءها في مولات كتير بتعرض شاشات شغالة وتعرض فيديوهات للعرض
مثل توكيلات سامسونج كدا
ولا تستعجل فعملية الشراء تستغرق دقائق والشاشة سوف تكون معك فتره ليست بقليله بإذن الله ربنا يبارك لك.........
اعتذر منك علي الاطاله لحبي أن اوضح المعلومة بدقة بالغه لحضرتك
.......
تحياتي لك وتحت ام
التعديل الأخير تم بواسطة احمد علي عمر ; 13-03-2014 الساعة 13:06
شباب نريد تفاعل أين الناس
الأستاذ عبد الفتاح
كفى ووفى
وكفة الإل جي راجحة عنده ( من كلامه )
الأستاذ حجاج مقترح أيضا إل جي دون عرض أسبابه بعد
الأستاذ SmArTMaTe
يرى الساسمسونج أفضل
:rolleyes:
يشرفني ياغالي المشاركة ونستفيد من بعضنا البعض
.........
نقطة توضيح بسيطة كما أسلفنا ذكراً
الشاشتين ممتازتين جداً
ولكل منها مميزات تميزها عن الأخري
ستجد في الأولي ميزة عن الأخري
وتجد في الأخري ميزة عن الأولي
وهما ليستا متشابهتين علي الإطلاق
بل لكل شاشة متطلبات ودوافع تحكم كل منهم
فمن يبدي الرأي يرجي التوضيح طبعاً لماذا !!!
وأري أن الأخ أحمد يسلك الطريق السليم حيث اراه
منتظر رأي الجميع ولم يأخذ برأي واحد فقط ودي نقطة كويسة
زيادة الآراء دائما تصب في المصلحة العاملة للمستهلك قبل الشراء
....
تقبلوا تحياتي
يا سلام عليك
يا ريت كل الأعضاء مثلك في عدم التعصب لآرئهم
وإهمال آراء الآخرين
اخى
لو حضرتك بصيت على امكانيات lg فستراها قمه فى الابداع من حيث كل شئ
اولا لا تحتاج كارت شاشه وامكانيات خارقه
ثانيه بها مميزه ارى انها تستحق تمنها الا وهى انها تدعم حتى 240 هرتز (وانا متاكد ان هذا كلام من الشركه وليس حقيقى ) ولكن اقدر اقول انها تدعم 120 هرتز بكل تاكيد ولكن لابد من اجراء الخطوات التى شرحتها هنا
حصرى لعرب هارد وير : تشغيل كابل hdmi على 120 هرتز لكروت amd
طبعا الشاشه الوانها واقعيه 100% بس سعرها غالى اوى
ويا اخى احمد لو حضرتك بس تفكرنى بموضوعك كانت المقارنه بين اى شاشه علشان اعرف افتكر :D
اذا دعتك قدرتك على ظلم الناس , فتذكر قدره الله
المفضلات