اريد التنويه عن نقطة مهمة فى غاية الاهمية بالنسبة لى فى الفاتورة وهى
الفقرة رقم 5
عند قيام الشركة بارجاع المنتج التالف يتم حسابه على سعر اليوم مقارنة بفترة الاستخدام
وهى امر فريد من نوعه عن باقى التوكيلات فى مصر السئ منها والجيد
جميع التوكيلات فى مصر تتعامل معك على اساس سعر الفاتورة وتذهب لحل التخصيم فى حال عدم توافر المنتج
او استبداله بنفس المنتج
لكن النظام الذى يتبعه هذا الوكيل غير منطقى على الاطلاق اى انه يمكن له تغير سعر المنتج فى اى وقت ويحاسبك على اساسه وان وجدت سعر المنتج منخفض وطالبته بالمنتج يخبرك انه غير متوفر الان
ولن يكون لديك اى بديل عن الرضاء بالتخصيم حسب السعر المقرر
وما شد انتباهى لهذه النقطه ماحدث مع التوكيل من قبل اثناء المشكلة الاولى التى اخبرتكم اننى تدخلت كوسيط فى حلها
فاتورة الشراء كانت على ما اذكر بسعر 3100 جنيه وسعر المنتج فى وقتها كان 3500 او 3550 على ما اذكر
وسعره الان
https://www.cairocomputer.com/products_detail.html?id=36
وتم احتساب التخصيم على اساس الرقم المثبت فى الفاتورة اى انهم يستخدموها فقط عندما تكون فى مصلحتهم فقط
التعديل الأخير تم بواسطة azzelden ; 14-03-2014 الساعة 18:55
ممكن تبعت لنا الفورم بتاعت الريبورت المقدمة من حضرتك للشركة الام عند الانتهاء منها حتي اتمكن انا ومن في المنتدي لارسلها ايضا".
مع العلم اني امتلك كارت شاشة من شركة cairocomputer .. وكنت ناوي اشتري باور سبلاي من نفس الشركة و لاكن بهذا الشكل لم يتم التعامل معها مرة اخري.
وشكرا لانك نبهت الاعضاء من هذه الشركات التي تهدف الي جمع الاموال لا لارضاء العملاء و ان شاء الله حقق هيرجع.
[B][COLOR=#4b0082]....صورة الملف الشخصي....[/COLOR]
[COLOR=#006400]السلطان العادل ألب أرسلان.. الأسد الشجاع الذي هزم 200 ألف روماني في «ملاذكرد. ([/COLOR][/B][B][COLOR=#4b0082]كنا جبالا)[/COLOR][/B][B][COLOR=#006400]
[/COLOR]
[/B]
وانا من رايي زي ما قال احد الا عضاء المحترمين ان المنتدي ينزل اعلان يحذر من التعامل فيه مع كايرو كومبيوتر وهما هيرجعوا زي ...................
ويطلبوا الرضي لما يلاقوا سمعتهم اللي هي ضايعه هتضيع
الريبورت فورم من هنا https://xfxforce.com/en-gb/Help/ContactUs.aspxالمشاركة الأصلية كتبت بواسطة fakeeda
اضغط على المربع بجانب inquiry type
واختار investor relations لعمل شكوى لسحب توكيل xfx من cairo computer فى مصر
اختار ال region المنطقة asia لانها اقرب حاجه لينا
وفى ال comment الشكوى هتكون بالشكل ده
Dear Mr
this is a public petition to revoke authorization with ( www.cairocomputer.com ) xfx representative / distributor in EGYPT due to frequent abuses to customers warranty rights
فى الوسط الشكوى اكتب الى عاوز تقوله باللغة العربيه وخدها كوبى لجوجل ترانسليت لو الانجليزى بتاعك مش اوى
وفى الاخر
Yours Sincerely
اسمك
التعديل الأخير تم بواسطة aelpop ; 15-03-2014 الساعة 11:47
عزيزى المشكلة انك مش هتلاقى كل الشغلاين فى المحلات او التوكيلات بيفهموا اصلا
هو ليه ان الكرت شغال قداموا و مش هيستوهب الهبوط البيحصل فى التردات زى ما موضح
وبعدين ده مش فى توكيلات الهاردوير بس ده فى اى توكيل ده مشكلة فى عقل الشعب نفسه
انا حصل معايا نفس المشكلة فى تليفزيون samsung مكملش 5 شهور روحت وديتوا الصيانة
وقولتلهم الحصل فيه بعد اسبوع والمطوحه فى الوقت وقلولى تعاله اخر الشهر اوقلولى
احنا محتاجين قطع غيار للتليفزيون وهى مش متوفرة فى مصر و هنبعت نجبها من سامسونج فى دبى
روحت باعت email لسامسونج الشرق الاوسط و اشتكتهم والله فى تانى يوم كنت رايح اتخانق
وقولهم انا عايز واحد غيروا قالولى يا فندم التليفزيون خلص تحب نبعتوا على البيت
انا مفيش حل قدامك غير انك تبعت للشركة ميل او تحاول تكلم اى حد مسئول فى التوكيل
ولو منفعش كلمنى وهنكسر التوكيل على دماغهم
هدي نفسك كدة تكسير ايه يا راجل
دا التكسير هيكون قليل اوي عن الي هيحصل لو مفيش رد مفيد من الشركة الام
اللهم اغفر لسيد سعيد جنيدي ذنوبه وتجاوز عن سيّئاته و ارحمه برحمتك الواسعة
برجاء الدعاء لاستاذي / سيد سعيد جنيدي بالرحمة والمغفرة
هو ده الكلام وان شاء الله يكون فيه رد فعل رادع من الشركة الام
وعموما تم الريبورت
يعني مش عايز أزيد عن الكلام الذي تحدث به جميع الأخوهثانياً ... أيضاً أنا مع فكرة مراسلة الشركة الأم بأكثر من طريقة وعلي الجميع التعاون في هذا
ولكن غيظي من الموقف اضطرني للمشاركة
أولاً ... تمنياتي للأخ الكريم aelpop أن تنحل المشكلة بإذن الله في أقرب وقت
وليس عليك أي لوم أخي الكريم فكلنا معرضون لهذه المعضلات
إنما ليا عليك عتاب بسيط ... كنت تروح بنفسك تتابع المشكلة بإيدك
وتشتغل علي شغلك إنت اللي بتظهر فيه المشكلة حتي يتيقنوا عياناً بياناً
حيث أري من المسئول في التوكيل بعدما قال إن الكارت شغال أهو اودامي
دا فعلاً كدا كما تفضل أحد الإخوه ... خريج هندسة قسم كروت شاشة :mad:
يا اخوانا المنتدي هنا في عمالقة مش ناس أي كلام وكلنا عارفين الكلام دا
وكلنا عارفين إن أغلب اللي شغالين في محلات الهارد وير والتوكيلات
قل ما تجد واحد فاهم بجد ويخدمك لله مش عشان يبيع !!!
بعد إذنكم أنا عندي بعض الاقتراحات لو تفضلتم
وربما سبقني بها بعض الزملاء ولكن أؤكد عليها مره أخري
منتدي عرب هاردوير ليس بالمنتدي الهيّن أو (أ-ب) بالعكس تماماً
والمنتدي سمعته في غني إن أنا امدح فيه أو اتكلم عنه
أولاً ... أؤيد فكرة عمل إعلان رسمي هنا في المنتدي للتحذير من هذا التوكيل البشع
وكما تفضل الزملاء في بعض المشاركات ... حظر تناول أي منتج من منتجات هذا التوكيل
في نصائح التجميعات والشراء المقدمه هنا من الإخوة التقنين والفنيين __ دي في حد ذاتها خسارة لهم
وأنا أؤيد الرأي الأول بشدة والله المنتدي له قرار وله كلمة مسموعة
يا اخوانا مافيش واحد بيروح يشتري قطعة هارد وير إلا لما يمر من هنا
وحتي لو المنتدي أعضاءه مش بالملايين ولا حاجه لسبب إن المنتدي متاح للزائرين
لو المنتدي دا اتقفل وبئي غير متاح إلا للمسجلين كان هيكون عدد رهيب من الأعضاء أكتر
أنا واحد من الناس ياما كنت بدخل المنتدي من غير ما اكون عضو وكنت اري جميع المواضيع
واستفيد منها وحتي لو كلمة واحدة
ثالثاً ... تابع الموضوع بشكل قانوني ... أي نعم دي قصه ووش بس ماتسيبهمش
رابعاً ... احنا لازم نتكاتف ضد هذه التوكيلات من نفس النوع ... النهاردة أنت بكره أنا بعده واحد تاني
خامساً ... لو تحب تستعمل أسلوب الضغط عليهم بعدد من الزملاء منهم الفنيين والناس اللي فاهمة أنا تحت أمرك وأنا أولهم ---- حتي لو أنا هاروح كمالة عدد مش هاتفرق عندي وأنا متحمس لكدا
سادساً وأخيراً ..... أوعي تسيب حقك ____أوعي تسيب حقك ____أوعي تسيب حقك ____
أعتذر لكم جميعاً علي الإطاله البالغة
ولكن عذراً علي ذلك بسبب ما نراه من استخفاف واستهتار وتهاون في حقوقنا
الله يكرمك ........ كلام جميل وعن الجد لو التوكيلات معرفوش حدودهم
كل حاجه حطيع وحيطلعوا يبيعوا فى (السوق السوداء) وطبعا بشكل جميل عشان متحسش بانها سوق سوداء
وانا شخصيا انحنى للعضو الذى ضيعوا حقه واعطيه من الاهتمام
باننا لن نسكت على هذا التوكيل
واطلب من اداره عرب هاردوير والمشرفين بفتح قسم التحذيرات
يشمل على كل من يتحايل فى البيع والشراء ليرى حتى الزوار قسم التحذيرات فلا يتعاملوا
مع اشكالهم
(وربنا يهدم بيوتهم فوق راسهم)
هى المشكله الكبرى يا اخوانى غير العبث بالاسعار وحسابتهم الغريبه وتهربهم من المنتج وليس الكلام بالنسبه لكايرو كمبيوتر فقط بل باقى المنتجات هو الخلفيه بالمنتج يعنى المفروض ان الواحد بيتعامل مع ناس على قدر كبير من الفهم انا كنت عملت موضوع من حوالى سنتين او اكتر بسبب الكروت ال 560ti msi https://arabhardware.net/forum/showt...156&highlight=
وكانت المشكله ان الكرت المفروض بيكون نسخه مكسوره الى تردد 880 ولكنه فى الداخل بتردد ريفرنس والكرتونه مكتوب عليه بالبنط العريض oc ولكن الغريب فى الموضوع ان البارت نمبر للكارت وده الى اكتشفته لما قابلت صاحب الكرت برقم كرت عادى غير مكسور وطبعا الكرت كان بيباع بسعر النسخه المكسوره وذهبت مع صاحب الكرت الى توكيل جاما وهو كان وكيل الكرت وهناك كانت ىالصاغقه موظف الاستلام لا يعرف مع معنى كلمه oc وبيقلى ايه الفرق ومش يمكن مكتوب كلمه oc علشان تقدر تعمله اوفر كلوك طبعا علشان انجز خليته فتح موقع MSI ووريته ان الكرت الى بيبقى مكتوب على كرتونته oc ده بيبقى تردده 880 والى مش مكتوب بيبقى 820 علشان اوصهالوا وفى الاخر بعد لف ودوران وتجربه الكرت جه قالى الكرت شغال فغضبت وقلتله وهو حد قال انه بايظ ؟ احنا عايزين الكرت الى دفعنا فلوسه النسخه المكسوره قالى لا دى تحلها مع المحل واحنا اتفقنا معاه هايديى العمله الى عندهم المشكله دى فلاشه 16 جيجا ... المهم فى الاخر الموضوع متحلشى غير عن طريق الوكيل الاقليمى وتم تعير الكرت.
وانا كنت عامل موضوع للتنبيه ولكن ساعتها لاقيت الكثير من الاعضاء اسف يعنى كان الى بقوله ده بدون معنى وكل واحد اخده بتهريج فطلبت غلق الموضوع .
ما اقصده ان التوكيل اوقات بيدعى الجهل بالمنتج مع انه الموضوع بسيط زى مشكلت اخى محمد الكرت تردده بينزل ال 500 من اصل 1000 وهناك الكثير من الخبراء فى الكروت وحاصين على شهادات فى التوكيل على حد كلامهم لذلك انا كنت بقول نروح ونشوف الكلام ده ازاى يمكن الكروت على ايديهم فيها البركه ونشوف برده هما بيضغطوا بايه واحنا نضغط بالى عندنا من جيمز وعلى رزولوشن عالى على العاب قويه ونوريله قدمه ان الكرت مش سليم وزى ما قلت لما نكون اكتر من واحد هو يعرف ان الموضوع مش بسيط شوف انت هاتعمل ايه وانا عن نفسى معاك . ده انا علشان بقوله الباور ضمانه 3 ولا 5 يقلى مفيش ضمان من غير فاتوره شىء روعه بصراحه .
أخي الكريم
قمت شخصيا بدخول لموقع XFX والبحث عن امكان البيع الرسمية ولم اجد مصر بالموضوع كله
يعني الشركه الموجوده ليست بتوكيل xfx وهي فقط محل لبيع القطع فقط لا غير
يعني بالاول والأخير الضمان عباره عن سنه للقطعه من المحل وليس من الشركه الرسمية
[CENTER][SIZE=4][COLOR=#0000cd]
[SIGPIC][/SIGPIC]
لن يتم رد على أي موضوع يرسل ع الخاص[/COLOR][/SIZE]
[COLOR=#ff0000][SIZE=4]
[/SIZE][/COLOR][/CENTER]
الكلام ده لما ابقى انا بشترى من محل فى مول ويدينى ضمان 11 شهر يبقى كلامك مقبول انما فى حاجه اسمها توكيل لبيع منفذ منتجات XFX
الشركه الام مديالوا منتجاتها وهو بيطلعها بضمان 36 شهر والشركه الام تعطى نفس الضان وحتى ان لم تكن تعطى 36 شهر فانا اشترى بضمانه هو
والواضح انك لم تقرا الموضوع جيد فالمشكله ليست فى مده الضمان المشكله انه لايعترف بالعيب
وكلامك فى ما معناه المفروض نفهم منه ايه يعنى لانى لا ارى اى وجه نظر تفيد فى الموضوع
يعنى احنا عندنا اغلبيه المنتجات مش هلاقى الوكلاء المعتمدون موجودن على الصفحات الام زى مترا وجاما للجيجابايت/ الهندسيه الاسوس / اسروك Xtrac هل ده معناه ان دول مش وكلاء وبائعين مثلان ؟
والمفروض انى اسيب حقى علشان هو مش موجود على الموقع الام بتاع الشركه ان ده الوكيل ليهم
ومع ذلك احنا عندنا توكيل مترا ومكتوب على موقع ويسترن للهاردات وكيل معتمد ومع ذلك بيطلع الهاردات بضمان 11 شهر فقط وهو من موقع ويسترن 24 شهر ولما بساله قالى انا مش بتعمل مع يوسر انا بتعامل مع شركات فقطبعنى اصلان رفض فكره انه يتعامل معايا
هل وصلت النقطه الى اى مدى سوء المعامله فى التوكيلات
التعديل الأخير تم بواسطة TIMO1 ; 15-03-2014 الساعة 08:34
و عليكم السلام و رحمة الله و بركاته
مشكلة غريبة انه تحصل فى كارتين و يكون رد الشركة بطريقة بلطجة
الزبون دايماً على حق و هى دى التوكيلات فى مصر كلها ماشية بالفهلوة
ربنا يعينك و مشكلتك تتحل
الكل يعانى من هذه المشكلة ولا حياة لمن تنادى
حسبي الله ونعم الوكيل وان شاء الله ربنا يرجع الحق لاصحابة
ضوابط المشاركة
المفضلات