السلام عليكم ورحمة الله وبركاتة
النهاردة ان شاء الله فية مراجعة كاملة
وفتح علبة اللاب توب
HP ProbBook 450 G1
المراجعة ممكن تكون طويلة شوية بس هتفيدكوا جدا ان شاء الله
اولا مواصفات اللاب توب :
A
مبدئيا اللاب توب رائع جدااا
شكلوا شيك جداا وتحفة فعلا والصور بتظلمة لازم تشوفة علي الحقيقة عشان تقدر تقيم شكلوا
انا جايب اللاب دة من 4 ايام بالظبط وطبعا بحاول اضغط علية بأكبر قدر عشان لو لقدر الله فية مشكلة ولا حاجة
اول حاجة نبدأ بفتح علبة الجهاز (وبعتذر عن دقة التصوير) :
صورة للعلبة الي جاية في الجهاز من الامام ومن الجانب الايمن الي موجود علية الاستيكر
1. محتويات العلبة بتكون : اليوزر مانيوال زي الي في الصورة دة
3. تاني حاجة موجودة معانا في العلبة بتاعتة وصلتين لتوصيلهم من المقبس الي الشاحن الخاص باللاب حسب نوع المقبس الي عندك
3. تالت حاجة موجودة في العلبة البطارية الخاصة باللاب والشاحن بتاعة زي ما موضح في الصورة
4. رابع واخر حاجة اللاب توب الي عاملين الليلة دي عشان ( وطبعا شكلوا في الحقيقة افضل بكتير من الصورة )
دي كدة كل محتويات العلبة الي هتجيبها ان شاء الله
نيجي بقي للاب ودي بعض الصور ليه من اكتر من جهة مختلفة
1. صورة اللاب من جهة اليمين واليسار :
هنلاقي في الصورة في جهة اليمين
مخرج لـ السماعة ومخرج اخر لـ المايك
مخرجين ل USB
ويوجد الـ DVD الخاص باللاب وبجانبة مخرج صغير ومرسوم علية قفل ولكن لا اعلم ما فائدتة صراحة
يسار اللاب هنلاقي :
مخرجين لـ usb3.0
مخرج لكابل HDMI
مخرج لوصلة نت
فتحة للتهوية والتبريد
ومخرج الشاحن
2. دي صورة للكيبورد بتاع اللاب وصورة اخري للشاشة الخاصة بة
صورة اخيرة للاب :
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــ
كدة عملية فتح العلبة انتهت ونيجي للمراجعة بقي ورأي الشخصي في استخدام الجهاز
مبدأيا انا قبل ما اجيب اللاب كنت محتار جداا لان سمعت عن مشاكل كتير زي ان الواي فاي بيفصل ودي حاجة خليتني اتردد جداا قبل ما اجيبة
وسمعت كمان عن عيب ان الهارج بيعمل صوت عالي ومزعج
اول حاجة مشكلة الواي فاي الحمدلله ملقتهاش للاب من ساعت ما جبتة الواي فاي بتاعة مداة كبير وكويس جدا
فصل مني مرة او مرتين بسبب الارسال الضعيف فقط لا غير لكن مفيش مشكلة انة بيفصل لوحدة او حاجة زي دي خالص انا الواي فاي الي لاقط منوا اصلا في بيت تاني :]
بالنسبة لمشكلة صوت لهارد دي فعلا موجودة لكن الصوت دة مش هتسمعة غير لو قربت ودنك من اللاب غير كدة مش هتسمعة
وممكن لو في مكان هادي ومفيهوش ضوضاء تسمعة بس بسيط جدا بردوا لازم تركز معاة يعني ودي بالنسبة ليا مش مشكلة لاني مش مركز فية
شكل وتصميم الجهاز
الجهاز حجموا مناسب جدا ومش تقيل وهوا طبعا من جوا تقيل حديد بالكاميل يعني حوالين الكيبورد وكدة لكن من الاسفل بلاستيك عادي
وكمان فية ميزة جميلة انك ممكن تشيل الغطا من ورا وتبقي شايف المروحة والبوردة وتقدر تنضفوا بسهولة بدون فك مسامير او اي حاجة بسهولة جدا
كأنك بتفك البطارية
الكيبورد سهل وجميل وسريع جدا والزراير بتاعتة مش ناشفة اوي زي لابات تانية
التاتش باد ممتاز جدا ومساحتوا مناسبة عشان تقدر تتحكم بالماوس
الاداء العام للجهاز
ممتاز جدا وسريع بسبب الرام ال 6 جيجا وكمان لازم تاخدوا بالكوا انها علي تردد 1600 mhz وليس 1333
وانا شغال علي ويندوز 8.0 ومفيش اي مشاكل الحمدلله
وكمان البروسيسور القوي core i5-4200M ونلاحظ انو M مش U وطبعا دة فرق رهيب في الاداء
درجات الحرارة بتاعت الجهاز
اي واحد بيفكر يشتري لاب hp بيكون خايف من الحرارة الي شوهت سمعة hp
بالنسبة ليا انا الحرارة لما بكون مشغلوا علي البطارية وعلي power server كانت بتبقي في الخمول اقل من 40 يعني من بين 38 لـ 42
ودرجات الحرارة علي high performance كانت ما بين 40 لـ 45 في الخمول
وفي درجات حرارة الجيمز هنشوفها علي اكتر من لعبة دلوقتي :D
بطارية الجهاز
متوسطة وجيدة نسسبيا وحسب استخدامك بردوا لو علي power server واستخدام خفيف بتوصل من 3.30 لـ 4.30 متواصلة
ومن رأي انها جيدة نسبيا ومش ضعيفة وعلي high performance ابتقل عن 3 ساعات
كارت الشاشة الداخلي والخارجي للاب
الكارت الداخلي للاب intel hd 4600 ودة طبعا من قوي الكروت الداخلية لانتل وممكن يشغلك العاب كتير علي امكنيات منخفضة low في حالة انك شغال علي البطارية
وعاوز تستمر لفترة اكبر
واللاب فية ميزة جميلة انك تقدر تشغل اللعبة علي اي كارت تختار سواء الكارت الداخلية او الكارت الخارجي حسب اختيارك
بالنسبة للكارت الخارجي للاب amd readon 8750 2 gb ddr3
الكارت ادائة متوسط ومرضي جدا في الالعاب وهنشوف بنفسنا التجارب علي الالعاب
الجزء المهم في مراجعتنا النهاردة هوا الجيمز
معروف طبعا ان اللاب توب مش مخصص للجيمز لكن بردوا الاداء مرضي جدا في الالعاب
ملحوظة درجات الحرارة دي بدون استخدام كولر باد
اي قاعدة تبريد
ــــــــــــــــــــــــــــــــــــــــــــ
اول لعبة معانا Tomb raider 2013
اللعبة شغالة علي اعدادات عالية وهتشوفوها في الصورة
ومعدل الفريمات كان بين 25:30 فريم واللعبة playable ورائعة الصراحة
صور للعبة من اللاب وبتوضح الاعدادات والفريمات الي شغالة عليها اللعبة :
صور اثناء اللعب :
ودي صورة لبرنامج hw monitor بعد للعب ما يقارب ساعة كانت الحرارة 63 ! فقط
بس متفرحوش اوي عشان بتغلي في العاب تانية :D
اللعبة التانية معانا Far Cry 3 علي اعدادات رائعة بردوا وفريمات ممتازة
صور للاعدادات :
صور من داخل اللعبة الفريمات في حدود 30 ولكن استخدام الكارت علي 64 في المية فقط
درجات الحرارة في لعبة far cry 3 ما يقارب ال 70 ! ,ومش عارف لية الفرق ينها وبين تومب ريدر
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــ
تالت لعبة call of duty black ops 2
صورة لاعدادات اللعبة :
الفريمات ما بين 35 : 50 بس درجة الحرارة بعد حوالي ساعة لعب كانت 78 درجة مش عارف دي كويسة ولا مش كويسة ؟
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ
اللعبة الاخير معانا فيفا 14 علي اعلي اعدادات والفريمات 60 عشان هيا مقفولة علي 60 طبعا
ودي صورة اثناء اللعب
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــ
في النهاية اللاب ممتاز جداا وعيوبة غير مؤثرة وامكنياتة بالنسبة لسعرة رائعة وانصح الجميع بإقتنائة
عيوب الجهاز من وجهة نظري :
1. صوت الهارد الغير مؤثر بس عند حد تاني ممكن يضايقوا لكنة بسيط جدا وميتسمعش اصلا
2. اللاب بيتوسخ بسرعة من ضهرة ولازم يتنضف باستمرار بس بردوا مش عيب مؤثر
3. بما ان اللاب معدن ف في بعض الاوقات ممكن تشعر بذبذبات كهربية خفيفة جدا لكن مش باستمرار وهيا ذبذبات غير مؤثرة خالص يعني بتزغزغ كدة
وبالنسبة لمشكلة الواي فاي الصراحة مش لاقيها خالص الحمدلله
ياريت التقييم لاني تعبت جدا في المراجعة دي
واي حد عندوا استفسار يقولوا واجاوبوا ان شاء الله
المفضلات