تقرير عن dell 5537 ci5

[Eng Mahmoud Hamada]

السلام عليكم ورحمة الله وبركاتة

تقرير عن الديل 5537

1-مواصفات الجهاز

Intel® Core™ i5-4200U Processor (3M Cache, up to 2.60 GHz)
4GB DDR3 RAM 1600MHz
500GB SATA 5400 rpm
Tray-loading DVD+/-RW
15.6" HD LED Display with Truelife (1366 x 768 Pixels)
AMD Radeon HD8670M DDR3 with 2GB
1.0MP Webcam with digital microphone
Wi-Fi - Bluetooth 4.0 - USB - Ethernet
HDMI
6-cell Li-Ion Battery
ubuntu Linux
ports
(HDMITM 1.4a, RJ-45 10/100, USB 3.0 (2), USB 2.0 (2),
Security slot Multi-media Card Reader
MCR: 8 in 1 Card Reader (Hi Speed-SD, Hi Capacity-SD, MMC, MS, MS-PRO, SD,

2-معلومات الشراء

السعر: 4250 جنيه
تم شراوؤه فى يوم 27-3-2014

3-محتويات الباكيج

اللاب
البطارية
الشاحن
دليل الاستخدام

4-ملاحظات عامة

اللاب جميل جدا وشكله شيك وتصميم رائع وتقفيله جيد وخامته ممتازة
اللاب جاى بنسخة لينكس تم مسحها وتسطيب ويندوز 8.1 بروفيشنال 64 بت

اللاب هادئ جدا ومفيش اى صوت ليه الا فى حالة الضغط بيبقى صوت خفيف للمروحة
الكيبورد مريحة والتاتش باد خفيف وسريع
سماعات اللاب نقية وصوتها عالى بسبب خاصية maxaudio

الشاشة جيدة جدا وزوايا الرؤية ممتازة
الكاميرا الخاصة باللاب جيدة ونقية

5-طريقة تسطيب التعريفات

1-تسطيب التعريفات الاساسية من موقع ديل ما عدا عن تعريفات كروت الشاشة
2-تسطيب تعريف كارت الشاشة الانتل من موقع الديل
3-تسطيب تعريف كارت الشاشة ال amd من موقع ديل
ولازم بعد كل تعريف اعادة تشغيل اللاب

مشاكل فى التعريفات

1-لاحظ انه عند تسطيب احدث تعريف لكارت ال amd من موقع amd كانت فيه مشكلة عند غلق الشاشة وفتحها الجهاز بيهنج ومفيش حاجة بتظهر ع الشاشة وده بسبب ان فيه تعارض بين تعرف كارت الانتل واخر اصدار من تعريف كارت ال amd عشان كده سطبت تعريف الكروت من موقع ديل والمشكلة دى خاصة بويندوز 8.1 لكن لو هتسطب 7 مش هتظهر المشكلة دى

2-فيه مشكلة فى البلوتوث عند توصيل جهاز بيفصل ويشتغل باستمرار ودى خاصةبويندوز 8 وهيا ليها حل هبقى اجربه واشوفه

6-صور الجهاز


1 2 3 4 5 6 7

8 9 10 11 12 13



7-صور للبروسيسور وكارت الشاشة













8-اداء اللاب

اللاب بالرغم من انه يحتوى على بروسيسور الترا موفر فى الطاقة لكن لم الاحظ اى بطء واللاب الحمد لله سريع مع العلم ان تردد البروسيسور بيتراوح من 800mhz حتى
2.6ghz وبيستهلك 4 وات الى 15 وات

ولا يوجد اى بطء اثناء فتح الويندوز وغلقه

9-درجات الحرارة

1- فى الخمول تتراوح من 36 الى 43
ومفيش اى احساس بالحرارة



2-بعد الضغط ببرنامج prime95 فى وضع blend لمدة 15 دقيقة

الرابط


10-بطارية اللاب

البطارية 6 خلاي وهيا ممتازة وبسبب ان البروسيسور موفر للطاقة
فهيا بتقعد
1-حوالى 10 ساعات فى حالة اضاءة تحت المتوسط واطفاء الوايرلس والانترنت
2-حوالى 7.20 ساعات فى حالة التصفح والشغل العادى والبرامج
3- حوالى 4 ساعات عند التشغيل بوضع high performance والضغط باقصى قوة

انا بتقعد معايا 7 ساعات لانى مبضغطش عليه يعنى بشغل نت وبرامج زى الاوتوكاد والساب

11-الالعاب

1-تم تجربة لعبة assissan creed librition hd
واللعبة على اعدادات هاى
وكانت حرارت الكارت 62 والبروسيسور وصلت ل 71 ومعدل الفريمات 33


2-تم تجربة لعبة battlfield 3 على الهاى وكانت نسبة استخدام كارت الشاشة 99% ووصلت درجة حرارته ل 65 درجة ووصلت درجة حرارة البروسيسور ل 75 درجة

بصفة عامة اللاب مش مصمم للالعاب القوية ولا ينصح به لمن يريد لاب للالعاب ذات دقة رسوم عالية

انتهت المراجعه بحمد الله ##

[Hany Mohamed Nigma]

تسلم ايدك بانتظار باقي المراجعة للتقييم ان شاء الله

[Eng Mahmoud Hamada]

تم الانتهاء من المراجعة واتمنى ان يستفيد منها اعضاء وزوار المنتدى

[wael45]

و عليكم السلام و رحمة الله و بركاته

مبروك عليك الجهاز ، اشتريته منين ؟

[Hany Mohamed Nigma]

الله يعطيك خيره ويمنع عنك شره

تم تقييمك و وضع موضوعك فى قائمة المراجعات

[t0o0te]

اللاب ممتاز جدا انا لسة شارية امبارح بس فية مشكلة ف البلوتوث

[thegoodhacker]

مراجعة ممتازة و ألف مبروك علي الجهاز الجديد

[eSilverfox]

دخلت مخصوص عشان اشكرك الف شكر على المراجعة الجميلة :ah7:

[ayaaa ahmed]

لو سمحت عاوزة اعرف اللاب ينفع لاستخدامات مهندس مدنى ولا لا لان فى ناس بتقول كارتة الشاشة 8670 دى ضعيفة واضعف من 7670 كمان وانا المفروض هشتريه فا قلقت من الموضوع

[arsenal_henry]

لو سمحت عاوزة اعرف اللاب ينفع لاستخدامات مهندس مدنى ولا لا لان فى ناس بتقول كارتة الشاشة 8670 دى ضعيفة واضعف من 7670 كمان وانا المفروض هشتريه فا قلقت من الموضوع

مدني يهمه المعالج اكتر من كارت الشاشة لان معظم البرامج زي الساب والايتاب بتعتمد على قوة المعالج وسرعته .. عكس المعماري اللي يهمه كارت الشاشة اكتر للاخراج المعماري والـ3D ..

[ayaaa ahmed]

@arsenal henry يعنى كارت الشاشة دا فعلا ضعيف ولا هو ضعيف بالنسبة للالعاب وكده بس ؟؟

[Eng Mahmoud Hamada]

انا مشغل بيه كل برامج الهندسة الساب والايتاب والاوتوكاد وشغلة كويس لانها بتعتمد على البروسيسور اكتر
وكارت الشاشة مش ضعيف ويعتبر زى 7670 فى القوة
وميزة اللاب ده البطارية بتقعد حوالى سبع ساعات

[Ziad Hassan]

1-تم تجربة لعبة assissan creed librition hd
واللعبة على اعدادات هاى
وكانت حرارت الكارت 62 والبروسيسور وصلت ل 71 ومعدل الفريمات 33


2-تم تجربة لعبة battlfield 3 على الهاى وكانت نسبة استخدام كارت الشاشة 99% ووصلت درجة حرارته ل 62 درجة ووصلت درجة حرارة البروسيسور ل 71 درجة:eek:

طب و هل درجات الحرارة هذه كويسة ولا وحشة و محسوسة جامد.

[Eng Mahmoud Hamada]

طب و هل درجات الحرارة هذه كويسة ولا وحشة و محسوسة جامد.

درجات الحرارة طبيعية ولكن فى الصيف والجو ده درجات الحرارة زادت بمعدل حوالى 6 درجات عن المذكور
يعنى لازم قاعدة تبريد عشان الالعاب

[Ziad Hassan]

درجات الحرارة طبيعية ولكن فى الصيف والجو ده درجات الحرارة زادت بمعدل حوالى 6 درجات عن المذكور
يعنى لازم قاعدة تبريد عشان الالعاب

طب لو الأعدادات مش على الهاي.