السلام عليكم ورحمة الله وبركاته
مشكلتى فى حرارة الكارت بعد الضغط عليه وايضا الترددات ترفع لوحدها بدون تدخل تماما فمش عارف المشكلة فى ايه , فهل ممكن يكون الباور صبلاى هو المشكلة وهل هو كافى لمكونات جهازى ام لا ( الباور هو الحلقة الاضعف بالجهاز الان) , يرجى الاطلاع هذا هذا الموضوع ايضا
https://arabhardware.net/forum/showthread.php?t=386623
وهل يمكن ان يؤثر الباور فى الامر كما بالصور ام المشكلة من حاجة تانية
مواصفات الجهاز
Brocessor
Intel Core I5-4440 Haswell 3.1GHz 6M LGA 1150
VGA
EVGA GTX 660 SC 2GB
Motherboard
Gigabyte GA-B85-HD3 Socket 1150
Monitor
Samsung SyncMaster S23B370H 23 inch LED LCD Monitor
Resolution
1920X1080p
Ram
Kingston HyperX Blu 8GB (2 x 4GB) DDR3 1600MHz CL9 1.65v
Hard Disk
Seagate 2TB
Case
Thermaltake V4 Black Edition + 450w
ارجوا المساعدة
لو الكلام ده اثناء الخمول يعنى مش مشغل لعبة ولا اى شىء يبقى ده فى برنامج او فيروس
انا كان جهازى تمام جدااا وكنت بلاقى الكارت نسبة استخدام ال gpu وصلت ل 99 فى المية كان فى برنامج للنسخ هو اللى مسبب المشكلة فا حضرتك حاول تشوف البرامج الزيادة اللى عندك واعملها مسح وشوف الامور استقرت والا لا منفعش يبقى اعمل اسكان بالانتى فيورس
وشوف
اخى اسف نسيت اضع بالموضوع ان اول وتانى صورة وقت الضغط على الجهاز بلعبة باتلفيلد 4 على الترا وايضا برنامج Valley Benchmark 1.0المشاركة الأصلية كتبت بواسطة mahmoudkamall
لكن الصورة الاخيرة المجمعة دى النهاردة بدون ضغط تماما للمقارنة فقط
وللعلم الرامات عندى 1.65 وهى مستقرة على 1.52 كفولت والتردد ثابت 1600 بدون مشاكل
شكرا اخى لمرورك
حضرتك قافل الكيسة والا فاتحها؟؟
ياريت صورة ببرنامج ال gpu z من خانة ال sennsors اثناء الخمول
لا يوجد مشاكل بالجهاز اخي
الحرارة جيدة مع الضغط
بالنسبة لرفع الترددات فهي خاصية بالبطاقة نفسها وتسمى Boost
بمعنى عندما يكون هناك ضغط على البطاقة ترتفع الترددات لزيادة الاداء مع الالعاب
الكيسة مقفولة , ودى الصورة
تمام لكن انا فى ناس قالتلى ان المشكلة من الباور سبلاى هو اللى معلى درجات الحرارة
لان اوقات بلاقى حرارته بتوصل لـ 80 مئوية
اذا كانت المشكلة في الباور فستجد ان الجهاز يقوم بعمل ريستارت من تلقاء نفسه او تتجمد الشاشة تماماً
عموماً انفيديا وضعت اقصى درجة حرارة للبطاقة وهي 97 درجة
واقل باور 450W
لذا فلا تقلق اخي الامور طبيعية جداً
اهتم فقط بتهوية الكيسة
شكرا لك اخى يعنى من رايك احتفظ بالباور زى ماهو , انا فعلا مش ملاحظ منه اى مشكلة مع الجهاز
وتقصد بتهوية الكيسة انى الافضل اركب مثلا مروحتيين فيها , الكيسة فيها مروحة واحدة فقط خلف الكيسة , هل اقوم بتركيب واحدة اعلى الكيسة واخرى فى الباب او الامام ؟
نعم اخي
الافضل تقوم بتركيب مراوح تهوية لأدخال الهواء البارد داخل الكيسة واخرى لاخراج الهواء الساخن
حتى يكون هناك تغيير للهواء داخل الكيسة دائماً
شكرا ليك جدا واسف على تعبك
ممكن نصيحة بالنسبة للمراوح انا الكيسة عندى Thermaltake V4 Black Edition المراوح فيها 120 مم , اركب فيها نوع ايه والاسعار
ولو فى كيسة تبريدها افضل مثلا وبمراوح اكثر ممكن تكون ايه لو هتكون اوفر مثلا ؟
يمكنك شراء مراوح مثل
Cooler Master 120mm SickleFlow Fan بسعر 45 جنيه
او اذا اردت افضل تهوية هناك مراوح
Noctua NF-P12 PWM 120MM Fan بسعر 125 جنيه
وهناك ايضاً مراوح بتبريد جيد مثل
ZALMAN ZM-PLUS(SF) F3 120mm Fan بسعر 70 جنيه
انا ممكن 200 : 250 جنيه ميزانية وحضرتك ترشحلى ايهما افضل وانا هجيب اثنين واحدة للجنب لدخول الهواء امام كارت الشاشة واخرى بالاعلى لاخراج الهواء لعدم تجمعه اعلى الكيسة , ذلك بالاضافة الى واحدة بالفعل بالكيسة حاليا بالخلف
ولو ممكن اماكن البيع انا ساكن فى الهرم
اسف تعبتك معايا كتيير , وهستاذن حضرتك انا هضغط على الجهاز دلوقتى وهرفعلك طورة للحرارة والفولت فى الكيسة بالكامل من برنامج CPUID HWMonitor لو تقدر تفدنى
شوف كدا درجات الحراة والفولتات بعد الضغط بلعبة باتلفيلد 4 على الترا
بما ان هناك تقريباً 6 اماكن لتركيب مراوح منهم واحدة فقط مركبة في الجهاز
فيمكنك شراء 3 مراوح ZALMAN ZM-PLUS(SF) F3 120mm Fan بسعر 210 جنيه للـ3 مع بعض
وقم بوضع واحدة في الباب لادخال الهواء للبطاقة واخرى في قاع الكيسة لادخال الهواء ايضاً للبطاقة
واخرى في واجهة الكيسة امام الهارد لادخال الهواء الى الهارد والبطاقة
المراوح متوفر لدى ماكسيمم هاردوير في مول سوق العصر
بالنسبة لدرجات الحرارة فهي مرتفعة بالنسبة للبطاقة
حاول ان تقوم بفك البطاقة من الجهاز وقم بتنظيفها جيداً بالبلاور ولكن ضع اصابعك على المراوح حتى لا يقوم البلاور بجعل المروحة تعمل بسرعة كبيرة فتتلف المراوح
وقم بشراء مراوح التهوية للكيسة وستهبط درجات الحرارة على الاقل 10 درجات اخرى ان لم يكن اكثر
ضوابط المشاركة
المفضلات