طلب نصيحة قبل اتخاذ القرار

[whiteknights]

السلام عليكم..انا خلاص على وشك ترجيع الشاشة ASUS VS239HR IPS 23 inch اللى كنت اشتريتها من ماكسيموم هاردوير من حوالى 7 شهور ب 1500 جنيه
لكن المشكلة ان مفيش منتج نفس الموديل بديل لها..فا للأسف هبقا متضطر ارجعها و اخد الفلوس مخصوم منها نسبة الأستخدام و هى حوالى 2 او 3 % عن كل شهر
و الشاشة ال IPS البديل ليها سعرها 1600 جنيه و هى Asus VN248H 23.8 inch..فا تنصحونى اتكل على الله و ارجعها و اخد فلوسها و ادفع الفرق فى الشاشة الجديدة؟ ولا هتبقا عليا بخسارة كدا؟
مع العلم ان ال Dead pixel فى الشاشة الحالية تقريبا غير ملحوظ معادا نقطة واحدة فقط هى اللى ملحوظة فى اسفل الشاشة بالمنتصف..فماذا ستفعل لو كنت فى موقفى؟

[TIMO1]

قبل ما تتوقع الاحداث لازم تروح للمحل الاول وتشوف ايه الى هايتم وايه الحلول الى هاتبىق قدامك وفى الاخر احب اقلك ان كل مانت قرارك بيطول كل ما بتبقى فتره التخصيم اكبر فانت حاول تسرع فى الموضوع وتشوف هل هاتتقبل ولا لا لان الى اعرفه ان اقل حاجه هى 5 ديد بيكل علشان تدخل فى الضمان
وحتى لو حبيت تبيعها وارتضيت على الديد بيكسل هاتخسرك فى البيع فا كل الاحوال انت معرض للخساره .

[whiteknights]

قبل ما تتوقع الاحداث لازم تروح للمحل الاول وتشوف ايه الى هايتم وايه الحلول الى هاتبىق قدامك وفى الاخر احب اقلك ان كل مانت قرارك بيطول كل ما بتبقى فتره التخصيم اكبر فانت حاول تسرع فى الموضوع وتشوف هل هاتتقبل ولا لا لان الى اعرفه ان اقل حاجه هى 5 ديد بيكل علشان تدخل فى الضمان
وحتى لو حبيت تبيعها وارتضيت على الديد بيكسل هاتخسرك فى البيع فا كل الاحوال انت معرض للخساره .

شكرا ليك..ما هو بالفعل فيها اكتر من حوالى 7 ديد بيكسل..و مفيش حلول قدامى غير انى ارجعها و اخد فلوسها مخصومة مثل ما انا ذكرت..او انى احاول اتعايش مع الديدبيكسل..او استنى 5 او 6 شهور كمان عقبال ما ينزل نفس موديل الشاشة اللى عندى عشان استبدلها بدون خصم...هى دى كل الحلول المتاحة حاليا قدامى و انا مش عارف اى حل فيهم هيكون اقل الحلول خساير

[nanonona]

هي مالها أسوس.. أنا نفس مشكلتك بالضبط
أنا عندي الموديل الأسوس الـ3D وبتهنج على وضع الثري دي وما ترضاش ترجع لوضع التو دي ولما سألت قالولي ده عيب الكارت أو درايفر الكارت وكنت مصدقهم لأني لما بطفي الجهاز واغير فتحة الكارت بيظبط .. وبعدين ظهر عيب تاني ان زراير الشاشة باظت وبرضه كسلت أوديها لحد ما كملت معايا 11 شهر وديتها وانا مش عايز أكتر من انها تتصلح
فوجئت بيقولولي حتاخد فلوس وبفكر زيك أقلهم هاتوها وخلاص بس لازم أرد عليهم النهاردة.. والسوق مفيهوش بضاعة خالص

[TIMO1]

مين الى قلك ان الموديل ده ممكن ينزل اصلان يعنى اولان الموديلات القديمه وخصوصا من الاسوس فى مصرمش بترجع تانى بيرجع فيرجن احدث والموديل ده من اول 2013 يعنى بقاله سنه وانا انصحك ابتعد اساسا عن الاسوس علشان متعانيش كتير من موضوع الديد بيكسل الله اعلم لو اخدت شاشه اخرى هل تضمن انه ميبقاش فيها اصلان ديد بيكسل ؟
لو انت هاتتخصم وتاخد فلوس انصحك تجيب السامسونج s24c750 جيده للغايه فى زوايا الرؤيه زى ips وسعرها 1450 /1500 و24 بوصه ومش بتاعنى من light bleed زى ips وللون الاسود فيها اعمق 3 اضعاف ips وممكن تزود الهيرتز بتاعه لحد 75 هيرتز بدون مشاكل .

[whiteknights]

مين الى قلك ان الموديل ده ممكن ينزل اصلان يعنى اولان الموديلات القديمه وخصوصا من الاسوس فى مصرمش بترجع تانى بيرجع فيرجن احدث والموديل ده من اول 2013 يعنى بقاله سنه وانا انصحك ابتعد اساسا عن الاسوس علشان متعانيش كتير من موضوع الديد بيكسل الله اعلم لو اخدت شاشه اخرى هل تضمن انه ميبقاش فيها اصلان ديد بيكسل ؟
لو انت هاتتخصم وتاخد فلوس انصحك تجيب السامسونج s24c750 جيده للغايه فى زوايا الرؤيه زى ips وسعرها 1450 /1500 و24 بوصه ومش بتاعنى من light bleed زى ips وللون الاسود فيها اعمق 3 اضعاف ips وممكن تزود الهيرتز بتاعه لحد 75 هيرتز بدون مشاكل .

متشكر جدا لردودك عليا..اصل انا لما اتصلت بمكسايموم قالى ان الشاشة احتمال تنزل تانى بس مش قبل 4 او 5 شهور..ثانى شىء اعتقد ان كل شاشات ال LCD شائع فيها موضوع ال Dead pixel و هى بتبقا انتا و حظك.. ده غير انى اول لما اشتريتها مكنش فيها اى ديدبيكسل خالص..الديد بيكسل بدأت بالظهور بعد 7 شهور من شرائها..و موضوع ال light bleeding ده شبه غير ملحوظ بالمرة فى شاشة ال IPS
يعنى حضرتك شايف ان اقل الحلول خساير انى ارجعها و اخد الفلوس مخصومة و خلاص؟

[TIMO1]

اسف ليك بس مين الى قالك ان الايت بليد غير شائع ده هو اصلان مش موجود غير بشكل ملحوظ فى ips وانا كان معايا نفس شاشتك والاسوس مخصوص انا جربتها ونفس شاشتك وكان فيها 3 لايت بيكسل فى اللون الاسود اول ماجبتها من الهندسيه قبل ماتنزل حتى للمحلات وده صور للايت بليد الى بتقول انه مش موجود
وهات على newegg اى منتج شاشه من اسوس هاتلاقى كل الشكوى بخصوص وجود ديد بيكسل معرضه ليه اى شاشه اه طبعا بس هو بيوجد بكثره فى الاسوس .

[whiteknights]

اسف ليك بس مين الى قالك ان الايت بليد غير شائع ده هو اصلان مش موجود غير بشكل ملحوظ فى ips وانا كان معايا نفس شاشتك والاسوس مخصوص انا جربتها ونفس شاشتك وكان فيها 3 لايت بيكسل فى اللون الاسود اول ماجبتها من الهندسيه قبل ماتنزل حتى للمحلات وده صور للايت بليد الى بتقول انه مش موجود
وهات على newegg اى منتج شاشه من اسوس هاتلاقى كل الشكوى بخصوص وجود ديد بيكسل معرضه ليه اى شاشه اه طبعا بس هو بيوجد بكثره فى الاسوس .

لأ انا مش قصدى انه غير شائع..طبعا كلام حضرتك سليم ان الايت بليد موجود فى كل شاشات ال IPS اللى مفهاش خاصية ال A-TW polarizer ..انا كنت بقول انه غير ملحوظ او غير مزعج تماما..و انا عندى عند مشاهدة الأفلام بالكاد بلاحظه بالعافية لو دققت اووى و لما يكون المشهد كله باللون الأسود..غير كدا هو غير مزعج بالنسبالى لا فى الألعاب ولا فى الأفلام ..انا كنت بتكلم على ال ديدبيكسل انها شائعة فى جميع شاشات ال LCD.. مكنتش بتكلم على ال Light bleed او بمعنى اصح ال IPS GLOW