استفسار عن شراء لاب توب جديد في حدود 5000 جنيه

[mu.ew]

السلام عليكم

كان عندي استفسار واتمنى الاخوة الاعضاء في المنتدى يفيدوني فيه

كان معايا لاب hp g62 وللاسف البطارية باظت وبعدها بفترة اللاب نفسه باظ - مشكلة في كارت الشاشة - صلحته وباظ تاني فقررت اجيب واحد جديد وامري لله

كنت عايز من الاعضاء يرشحوا لي اجهزة مناسبة واماكن ثقة اشتري منها لان الصراحة ما بفهمش فيهم اوي ومش عايز اتخم :/

* عموما انا عايز جهاز يتحمل معايا الشغل لاني بأستخدمه زي الكمبيوتر العادي ممكن اعود عليه ساعات طويلة
واغلب شغلي عليه متعلق بالكتابة والانترنت - تقريبا ما بلعبش عليه - وبدأت من فترة قليلة اهتم بالبرمجة - بايثون تحديد
وبالطبع يهمني انه تكون خامته جيدة وتستحمل الشغل

* عايز يكون وزنه خفيف لانه احيانا بروح مشاوير بعيدة بيه وجهازي الاولاني الحقيقة تعبني في الموضوع ده

* من المشاكل اللي كانت بتضايقني في جهازي السابق موضوع السخونة كان بيسخن بطريقة مش معقولة لدرجة انك ممكن تتلسع لو مسكته :/
فأتمني انه الجهاز الجديد ما يكونش بيسخن بالشكل ده وخصوصا انه زي ماقولت قبل كده بشتغل عليه فترات طويلة

* حابب انه الشاشة تكون مريحة للعين لانه بأستخدمه في القراءة كتير
وتكون الوانه وصورته واضحة لانه احيانا بعود في اماكن مفتوحة ومع ضوء الشمس ماكنتش بشوف كويس في جهازي السابق


ملحوظة جانبية : بأستخدم اللينكس بجانب الويندوز ويمكن اكتر من الويندوز واتمنى انه الجهاز الجديد ده يكون متوافق مع اللينكس ومايوجهنيش مشاكل في التعريفات وغيره

وياريت الجهاز ما يزيدش سعره عن 5000 جنيه مصري

اسف ع الاطالة لكن الموضوع مهم بالنسبة لي وشغلي شبه متوقف بسببه ومش عايز اتسرع واجيب اي حاجة او اتخم وعايز جهاز اتجنب فيه عيوب جهازي السابق
يا ريت تفيدوني بنصايحكم واي ماركة افضل (ديل - لينوفو - توشيبا)
شكرا للجميع

[arsenal_henry]

تم تعديل العنوان وحجم الخط .. يرجى قراءة القوانين ..
https://arabhardware.net/forum/showthread.php?t=379297
________________________________________
بالنسبة لاستفسارك ..
ممكن تشوف اجهزة السوني فايو بخامات ومتانة عالية لكن بامكانيات منخفضة ..
Sony Vaio SVE15126CA .. بسعر 5,100 جنيه ..
Intel® Core™ i3-3110M Processor (3M Cache, 2.40 GHz)
4 GB DDR3 RAM 1333Mhz
500 GB HDD (5400 rpm)
SuperMulti DVD±R/RW with Double Layer Support
15.5" HD LED Display ( 1366 x 768 resolution)
AMD Radeon HD 7650M (1 GB dedicated DDR3)
Windows®8 64-bit

او شاهد الاجهزة التالية بامكانيات اعلى ..
HP Envy SleekBook 6 .. بسعر 5,000 جنيه ..
Intel® Core™ i5-3317U Processor (3M Cache, up to 2.60 GHz)
6GB DDR3 RAM
500GB HDD 5400 rpm
DVDRW DL drive
15.6" High-Definition LED HP BrightViewDisplay (1366 x 76
AMD Radeon HD 7670M (2 GB DDR3 dedicated)
Windows 8 64-bit

Samsung NP-350V5C-S0B .. بسعر 4,800 جنيه ..
Intel® Core™ i5-3210M Processor (3M Cache, up to 3.10 GHz)
8GB DDR3 RAM
1000GB HDD 5400 rpm
DVDRW DL drive
AMD Radeon™ HD 7670M with Dedicated 2GB
15.6" diagonal LED-backlit HD anti-glare Display (1366 x 76
Windows® 8

[mu.ew]

شكرا على رد حضرتك لكن عايز رأيك في جهازين من شركة لونوفو هما :

lenovo u410
&
lenovo u510 ultra
التاني سمعت انه في بعض المشاكل في الكيبورد والماوس وانه جهاز غير جيد عموما فكنت عايز اتأكد هل الكلام ده صحيح ولا لاء ؟؟

وكان عندي سؤال عن السامسونج اللي حضرتك اشارت اليه هو متعلق بالماركة نفسها لان شوفت ناس شكرت فيها وناس قالت انه لاب ضعيف الخامات والجودة وشكرا لحضرتك

[arsenal_henry]

بالنسبة للجهاز Lenovo U410 هو نفس الجهاز U510 لكن الاول بشاشة 14 بوصة والثاني بشاشة 15.6 بوصة وهي اجهزة الترابوك خفيفة الوزن ومعروف ان امكانياتها (في القطع الداخلية) اقل من الاجهزة الاخرى بنفس الميزانية .. وشخصياً لا اعلم المشاكل المتعلقة بالجهاز الخاصة بالكيبورد او التاتش باد ..
بالنسبة للسامسونج فخامته ليست الافضل بنفس الميزانية لو اردت الافضل ممكن تشاهد جهاز السوني او سلسلة Envy من HP ..