وهذا بالفعل ما اسأل عنه فأحيانا اجد جهاز من ملحقات الحاسوب تحت اسم all in one ب 600 جنية واحيانا ب20 الف , ولا اعلم هل ماكينة التصوير هي التي تختلف فيهما؟!
لأ ماكينة التصوير مش بتعمل الفارق الرهيب ده نهائياً . أنا كان عندى طابعة ماركة Epson برضه كانت All in one ( طابعة - اسكانر - ماكينة تصوير ) و كان سعرها حوالى 650 ج . و فيه حالياً طابعة Hp بـ 400 ج و برضه All in one .
اللى بيعمل الفارق الرهيب ده - على حد علمى - امكانيات و مواصفات الطابعة نفسها ، و الطابعة الليزر أغلى من الحبر شوية.
الطابعة العادية ( للاستخدام المنزلى و العادى ) بتعمل فى حدود ما بين 300 إلى 3000 ج ( على سبيل المثال و ليس الدقة ) .
أما الطابعات المحترفة الخاصة بالمكتبات و مكاتب الكمبيوتر و التصوير هى اللى بتكون سعرها عالى لأن امكانياتها بتبقى عالية جداً و بتكون طابعات ديجيتال + إن الطابعة نفسها بتكون ضخمة و كبيرة الحجم ( زى ماكينات التصوير اللى موجودة فى المكتبات ) + إنها ممكن تصور و تطبع 100,000 صفحة و أكتر .
المفضلات