بحث عن لاب lenovo essential g510

[♥ThEMaSk♥]

شباب بدور علي لاب lenovo essential g510

بالمواصفات دي ومش لاقية خالص حد يعرف فين الاقية .. بدور علي الي بكارت شاشه 1GB|8750عشان في منه نزل ب كرت 2GB|8570 بس اضعف ..

Intel® Core™ i3-4000M Processor (3M Cache, 2.40 GHz)
4GB DDR3 RAM 1333MHz
500GB HDD 5400 rpm
DVDRW DL drive
15.6" LED-Backlit HD Display (1366 x 76
AMD Radeon™ HD 8750 Graphics
Built-in Web Camera & Microphone
WiFi - Bluetooth - USB - Ethernet
HDMI
6 cell battery
Free Dos

[arsenal_henry]

جربت تسأل في Egypt Laptop ؟

[♥ThEMaSk♥]

اها مش موجود .. والجهاز الي كنت هجيبة بكرت 2 جيجا 8750 طلعو كاتبين الرقم غلط -_- طلع 8570

[♥ThEMaSk♥]

انا ناوي اسافر القاهرة ادور بس مش عارف اروح فين فتقدر تقلي المولات الي ارحلها وافضلهم من ناحية الاسعار

[Hany Mohamed Nigma]

تكنولوجي مول فى مدينة نصربجوار السراج مول
مول البستان فى باب اللوق بجوار ميدان التحرير
مصرالجديدة الخليفة المأمون بها3 مولات تقريبا سوق العصر و السخاوي
يوجد مولات فى العجوزة و بميدان سفنكس

[♥ThEMaSk♥]

يعني دول افضل اماكن الواحد يروحها وان شاء الله الاقي فيهم ؟ ولو ملقتش اعمل اية ؟ افتراض بس ^^"

[thegoodhacker]

انا ناوي اسافر القاهرة ادور بس مش عارف اروح فين فتقدر تقلي المولات الي ارحلها وافضلهم من ناحية الاسعار

باشا ماتتعبش نفسك في الأغلب حتلاقي كله نفس موديل الكارت ..... لو عاوز كارت فيجا أعلي عندك موديل لينوفو Z510 بينزل بكارت Nvidia 740M وده كارت أقوي

[arsenal_henry]

يعني دول افضل اماكن الواحد يروحها وان شاء الله الاقي فيهم ؟ ولو ملقتش اعمل اية ؟ افتراض بس ^^"

عشان اكون صريح معاك .. النسخة دي من الجهاز قد تكون مش متوفرة في مصر اصلاً حالياً ..
ولو بحثت عنها على النت مش هتجدها موجودة بكثرة ..

[♥ThEMaSk♥]

باشا ماتتعبش نفسك في الأغلب حتلاقي كله نفس موديل الكارت ..... لو عاوز كارت فيجا أعلي عندك موديل لينوفو Z510 بينزل بكارت Nvidia 740M وده كارت أقوي

الجهاز الي بتقول علية دا ب 4500 تقريبا وانا معايا 3500 بس ><"

[♥ThEMaSk♥]

عشان اكون صريح معاك .. النسخة دي من الجهاز قد تكون مش متوفرة في مصر اصلاً حالياً ..
ولو بحثت عنها على النت مش هتجدها موجودة بكثرة ..

مش موجوده علي النت اصلا عشان كدا قلت انزل ادور احسن

[wael45]

قبل ما تنزل تشترى ( أياً كان الجهاز اللى هتشتريه ) اتصل بالمحلات دى قبل ما تيجى القاهرة و إتأكد إن الجهاز اللى هتشتريه متوفر لديهم بالمواصفات الكاملة بتاعته و اللون و كل شئ ، بدل ما تيجى على الفاضى و تخبط مشوار أونطة .

و أرقام تليفوناتهم متوفرة على مواقعهم و موقع Eg Prices

[♥ThEMaSk♥]

شكلي هعمل كدا هتصل الاول وهروح بس لو ملقتش الي انا عايزه من الاتصال اشوف لاب تاني ولا انزل وخلاص

[wael45]

أهم شئ هو التخطيط يعنى تعمل حسابك إنك هتشترى لاب معين و ليكن لينوفو مثلاً ، و فى نفس الوقت يكون عندك اختيار تانى بحيث لو لم تجد اللاب اللينوفو ( أو الاختيار رقم 1 ) بعد ما تلف على المحلات و المولات تفكر تشترى الللاب التانى ( الاختيار رقم 2 ) .

يبقى تنزل و عامل حسابك تشترى أحد اللابين ، وجدت الأول ( بعد ما تتصل بالمحلات قبلها بيوم واحد ) خير و بركة ، مش موجود يبقى عندك الاختيار التانى .

و أنت عرفت دلوقتى إن اللاب اللى أنت عايزه تقريباً مش متوفر يبقى خلاص قرر تشوف البديل ليه فى نفس السعر و الامكانيات من توشيبا أو ديل مثلاً . يعنى متعلقش نفسك بلاب توب مش موجود فى السوق اليومين دول .

أنا علشان عايش فى القاهرة نزلت 3 مرات و لفيت فى المولات ، لكن أنت راجل هتسافر مخصوص ، فالأفضل إنك تنزل و عارف إنك بإذن الله لازم تشترى اللاب فى اليوم ده .

[♥ThEMaSk♥]

كلامك صح , ياريت لو نعرف نفيدني بلابفي فس فئه سعرية 3500 ج عشان مش لاقي لاب قريب في مواصفات دي خالص

[arsenal_henry]

شكلي هعمل كدا هتصل الاول وهروح بس لو ملقتش الي انا عايزه من الاتصال اشوف لاب تاني ولا انزل وخلاص

انت من اي محافظة ؟ حاول تلف الاول في مدينتك لو عندك محلات للكمبيوتر واللابتوب ..
لو مش متوفر محلات .. فزي ما قال العضو الكريم wael45 .. جهز قائمة بجهازين او تلاتة وانزل مصر يوم لف وشوف المتوفر ..