رد مع اقتباسيعتبر جهاز جيد بشكل عام ..المشاركة الأصلية كتبت بواسطة zozo2013
يوجد اجهزة بكروت شاشة افضل (مش فارق كبير) زي Dell 3521 و Lenovo G510 ..
؟؟؟؟؟؟؟؟؟
يعتبر جهاز جيد بشكل عام ..
يوجد اجهزة بكروت شاشة افضل (مش فارق كبير) زي Dell 3521 و Lenovo G510 ..
أقصد أخى
هل إذا رفعت الميزانية 3500 ترحشلى أى لاب بالظبط وبشكل نهائى أفضل من التوشيبا من ناحية المواصفات والأداء وليس فقط كارت الشاشة؟
ولا التوشيبا a538 يعتبر أفضل شئ بردة فى حالة الميزانية 3500؟
منتظرك أخى
أخر سؤال بإذن الله عشان انزل أشترى النهاردة أو بكرة
أجيب أية فى دول ؟
Toshiba Satellite C50-A538
Lenovo G510
اهم حاجة تحمل شغل+أداء اعلى+وقت بطارية+قلة عيوب ومشاكل+مشاكل الحرارة أقل
أخر سؤال بإذن الله عشان انزل أشترى النهاردة أو بكرة
التعديل الأخير تم بواسطة zozo2013 ; 19-05-2014 الساعة 18:28
شخصياً مجربتش اي من الجهازين عشان ارد على جزئية مشاكل الحرارة والعيوب ..
اللي اقدر انصحك بيه ان الجهازين متقاربين في الامكانيات مع تفوق اللينوفو بكارت الشاشه ..
لكن خللي بالك ان جهاز التوشيبا بينزل منه اصدارات بدون بلوتوث واتأكد من البائع ..
Wael
قولى ايه اخبار الجهاو التوشيبا معاك ؟
و الله يا مينا الجهاز بقاله 10 أيام معايا و هو بفضل الله شغال معايا كويس جداً ، و هو جهاز جميل جداً الصراحة و لكن لى ملاحظتين :
أولاً : الجهاز راماته 4 جيجا فقط و مش هى دى المشكلة لأنها مناسبة لاستخداماتى للجهاز بشكل كبير ( تصفح – قراءة – مشاهدة فيديوهات فقط )
المشكلة فى إن كارت الشاشة المدمج من انتل بيسحب مساحة كبييرة من الرامات فى الوضع العادى حوالى 1.1 جيجا ( 1100 ميجا بايت ) و مع الشغل و فتح المتصفح و العديد من الصفحات و مشاهدة الفيديوهات عاليوتيوب بيسحب مساحة أكبر بتصل لـ 1.5 جيجا ( 1500 ميجا ) .
و بالتالى أنا مش مستمتع غير بـ 2.5 جيجا رامات فقط ، و أنا كنت عارف كده قبل شراؤه و لكن مكنتش متخيل إن كارت الشاشة بيسحب المساحة دى كلها ، كنت فاكر إنه بيسحب 1 جيجا كحد أقصى ( 25 % من الرامات ) .
و دى تتحل بإذن الله بشراء رامة أخرى 4 جيجا قدام شوية .
ثانياً : الجهاز طول ما هو متوصل بالكهرباء درجة حرارته طبيعية جداً و لكن مع الاعتماد على البطارية بيسخن شويتين ( البطارية عند استخدامها بتسخن و بتسخن البوردة و الهارد و اللاب معاها ككل ) .
و لازم يكون فيه تهوية و تبريد جيد عند استخدام البطارية ( خصوصاً إننا فى الصيف و أنا مش عندى فى البيت مكيف و بستخدم مروحة عادية ) .
الحل عند استخدام الجهاز بالبطارية هو وجود تبريد و تهوية مناسبة لأن الجهاز بيتأثر بدرجة حرارة الغرفة و المكان الموجود به ، و شراء قاعدة تبريد جيدة و مناسبة لللاب .
غير كده اللاب حلو و جميل جداً و هادئ ( صوته مش عالى حتى مع ارتفاع حرارته ) .
و متسألنيش عن الألعاب لأنى مليش فيها خالص ، و كارت الشاشة أصلاً مش مخصص للألعاب القوية ، و لكن أعتقد أنه يشغل عدد كبير من الألعاب العادية برضه و ممكن المتوسطة كمان .
و لكن بيشغل أفلام HD و أفلام بجودة عالية عاليوتيوب بشكل طبيعى و عادى .
الجهاز صوته مش عالى أوى ( عند استخدام السماعات الخارجية بتاعته ) مع إنى نزلت أحدث تعريف لكارت الصوت .
التاتش باد بتاعته جميلة جداً و لكن مع ضبط الاعدادات بتاعتها بشكل دقيق .
البطارية بتقعد حوالى 3 ساعات تقريباً أو 3 ساعات و ربع ، مع استخدام خاصية توفير الطاقة و التصفح العادى .
ده كل اللى أقدر أفيدك بيه ، و لو عندك سؤال معين اسأل و أنا أجيبك .
1.jpg
دى درجة حرارة الجهاز و أنا موصله بالكهرباء ، و االبوردة بتاعة اللاب اللى عليها مستطيل أحمر ، و هى أكتر واحدة بتسخن ( أكتر من الهارد و درجة حرارتها زى المعالج تقريباً )
لما بشتغل على البطارية درجة حرارة البوردة بتاعة اللاب و المعالج بتصل لمنتصف الخمسينات و عند عدم وجود تبريد و تهوية مناسبة بيصلوا لـ 60 درجة ، و لكن مع وجود تهوية جيدة بيكونوا غالباً 52 - 53 - 54 .
ضوابط المشاركة
المفضلات