ايهما افضل لاب توب للالعاب من بين هذه الاجهزة

[love store 2011]

بسم الله الرحمن الرحيم
ان شاء الله ناوى اشترى لاب جديد وتقريبا الميزانيه من 5000 الى 6000 ج مصرى
وانا مركز اكتر فى الامكانيات الخاصة باللالعاب لانى غاوى games
لكن انا محتار فى اجهزة كتير وانا خايف اجيب حاجه وتطلع اى كلام لانى مش هينفع ارجعه تانى وغير انى مش كل يوم اشترى جهاز دى هيا مرة وحده وخلاص
دى الاجهاز اللى انا شوفتها ياريت تفيدونى ولو فى اجهزة تانية انتم عرفينها ياريت تنصحونى بيها وشكرا












لاب توب اتش بي برو بوك 4540s ‫( انتل كور i7 3632QM, 15.6 بوصة, 720 جيجابايت, 8 جيجابايت, لون فضي )













لا ب توب اتش بي بروبوك 450 G1 ‫(انتل كور الجيل الرابع i7-4702MQ ، شاشة 15.6 بوصة، هارد 1 تيرابايت، رام 8 جيجابايت، لون فضي)

لاب توب اتش بي تتش سمارت 15-n092nr ‫(معالج AMD A6-5200 رباعي النواة، شاشة 15.6 بوصة، هارد 750 جيجابايت، رام 4 جيجابايت، ويندوز 8، أبيض)

[love store 2011]

ياريت الخبراء ينصحونى

[love store 2011]

25 مشاهده ولا يوجد ولا رد ؟؟

[Mr.Evil]

نصيحه منى يا أخــى , بالــ 6000ج دول ممكن تجمعلك جهاز Desktop ممتاز تشتغل عليه الالعاب ( الحاليه و المستقبليه ) على الــ High و الـــ Ultra و تقدر تحدث فيه بعد كده , أنمــا الــــ لابات فى حدود ميزانيتك مش هتكون قويه مع الالعاب و هيكون من الصعب تشغيل الالعاب المستقبليـه , الابات الوحيده المخصصه للجيمرز سعرهــا يقارب ال 20 ألف جنيه ( من شركه MSI ) .

[love store 2011]

شكرا حبيبى على ردك .
طيب ما هى مواصفات الجهاز الذى تتكلم عنه وشكرا

[Mr.Evil]

حضرتك ممكن تعمل موضوع فى القسم ده
https://arabhardware.net/forum/forumdisplay.php?f=89
و على سبيل المثال موضوعك هكون بأسم
[مصر] طلب تجميعه جهاز للالعاب ب6000ج
و هتلاقـى مشرفين و اعضاء بينصحوك بالافضل و لازم تستخدم النموذج ده فى موضوعك (علشان ده من قوانين القسم ) :

- أقصى ميزانية محددة:
- استخدامك للجهاز:
- حجم الشاشة و الدقة (Resolution) التي تستخدمها:
- القطع التي تنوي شراءها:
- القطع التي ستعيد استخدامها من الجهاز القديم:
- ميعاد شراء الجهاز:
- مكان الشراء:
- محل سكنك: ( يكفى إسم البلد او المحافظه و لا يشترط العنوان بالتفصيل )

[Ahmed_Saber]

اللاب توب المتوفر في السوق فى الرانج ده ما بيكونش فيه كارت شاشه قوى هتلاقى افضل الموجود 8850
انصحك بتجربة ال Dell Inspiron 5537 Core I7 4500U CPU / 1TB / 8GB Ram /AMD RADEON 2 GB HD 8850M

[MR.Nour]

هات جهاز ديسك توب بيهم احسن طالما انتا غاوي العاب

[Games-Lover]

زى ما الأخوه الأعضاء قالوا هات جهاز Desktop أحسن
لاكن إذا كان لابد من Laptop أنصحك بـ Dell 15R 5537 جهاز كويس و سعره لا يتعدى الـ 6000ج

[MR.Nour]

زى ما الأخوه الأعضاء قالوا هات جهاز Desktop أحسن
لاكن إذا كان لابد من Laptop أنصحك بـ Dell 15R 5537 جهاز كويس و سعره لا يتعدى الـ 6000ج

بالظبط ودي مواصفاته ويشغل اي العاب

[Games-Lover]

بالظبط ودي مواصفاته ويشغل اي العاب

تمام .. الجهاز يعتبر من أجهزة اللابتوب القوية فى السوق وبيشغل تقريباً كل الألعاب إللى موجودة دلوقتى على الإعدادات Medium و 30-35 fps زى Call of Duty: Ghosts و Assassin's Creed IV: Black Flag لكن WATCH_DOGS مش شغالة أوى عليه و ده لأن فى مشكلة تقنية مابين شركة اللعبة Ubisoft و شركة المنتجة لكروت الشاشات AMD ودى مشكلة عامة مش مشكلة الجهاز نفسه



نصائح عند الشراء:

1- وأنت بتشترى أطلب من البياع الجهاز إللى فيه AMD Radeon HD8870M لأن فى موديل قديم فيه HD8850M

2- وأنت بتسطب التعريفات نزل أخر تعريف جديد لكارت الشاشة وهو AMD Catalyst 14.6 Beta و متقلقش لما تلاقى الجهاز قارى كارت الشاشة R9 M265X بدل HD8870M (التعريف الجديد ده بيحسن من أداء الألعاب بشكل ملحوظ و حسن من أداء WATCH_DOGS إى حد ما)

3- الجهاز مش عليه Windows و بيحتاج إنك تنزله واحد