SONY XPERIA Z افضل من htc 816 بس htc 816 يعتبر افضل هاتف بضمان ب3000 والاكثر مبيعا لشركة htc فى مصر
السلام عليكم ورحمة الله وبركاته
كل عام وانتم بخير ورمضان كريم عليكم
كنت عايز نصيحتكم في موبايل مناسب
انا استخدامي ليه هيبقي فيديوهات وموسيقي و انترنت وشوية جيمز
انا هقعد بالموبايل ده سنتين ولا حاجة
وانا اقصي ميزانية ليه 3000 جنيه
كنت شايف موبيلين عجبوني جدا
الاول HTC DESIRE 816
ب 3000 جنيه بالضماان
التاني SONY XPERIA Z
ب 2800 جنيه بس من غير ضمان
من رأيكم تنصحوني بأيه
وايه رأيكم في موضوع من غير ضمان وكدة وده ليه ضرر
وهل في موبايل بنفس الفئة السعرية افضل
واسف جدا جدا علي الاطالة ومستني نصيحتكم
التعديل الأخير تم بواسطة HerOIraK ; 08-07-2014 الساعة 15:16 سبب آخر: تعديل حجم الخط الى 3
SONY XPERIA Z افضل من htc 816 بس htc 816 يعتبر افضل هاتف بضمان ب3000 والاكثر مبيعا لشركة htc فى مصر
وعليكم السلام ورحمه الله وبركاته ..
Sony Xperia Z يتفوق على Desire 816
في وضوح الشاشة FHD مقابل HD
الذاكرة العشوائية 2 جيجا مقابل 1.5 جيجا
والهاتف مضاد للماء
فتلاحظ تفوق Xperia Z على ال Desire 816 ..
ولكن أي من الهاتفين سوف يصمد معك لمدة سنتين ان شاء الله ..
مسألة الضمان .. الضمان هنا في مصر (ضمان مش موجود في الوجود ) ..
فعند شراءك هاتف بدون ضمان .. تأكد ان البائع يعطيك ضمان 14 يوم فتستطيع ان تستبدله اذا حصل شيء ..
يعني اني اشتري موبايل SONY XPERIA Z ده من رأيك هيبقي افضل خيار
والضمان ملهوش لازمة
وهل في تحديث كيت كات لل Z
واسف اني تاعبكم معايا
Xperia Z تستطيع تحديثه الى نظام الاندرويد الكيت كات 4.4.2
تم النقل للقسم الصحيح
يا جماعة انا محتار لسة لحد دلوقتي انصحوني
اشتري htc 816 بضمان
ولا اشتري xperia z بدون ضمان
اشترى z لان الضمان فى مصر ملهوش لازمة يعنى لو الموبايل باظ فى الضمان او خارج الضمان هتصلحه على حسابك وطبعا سونى ليها وكيل وصيانة فى مصر يبقى متقلقش من حكاية الضمان
اشترى الz وتوكل على الله زى الاصدقاء ما قالوا وان شاء يبقى وشوا خير عليك والف مبروك مقدماً
الله يبارك فيكم وشكرا جدا لمساعدتكم
قبل ما تشترى جهاز Sony Xperia Z أحب أوضح لحضرتك أن هناك أحد الأعضاء قام بشرائه وعند سقوط الجهاز فى الماء فى عمق قليل تلف وخرج من الضمان وهذا دليل قاطع على الدعاية الزائفة والضمان السئ فنصيحة منى أشترى جهاز ال HTC 816 بحيث إذا حدثت به مشكلة وهذا وارد فيمكنك إصلاحه عن طريق الضمان هذا بجانب جودة الصناعة المعهودة بها هذه الشركة.
ولا أحب أن تستمع إلى فكرة أن الضمان فى مصر مثل عدمه فهناك شركات فى مصر تحافظ على سمعتها وتهتم بالضمان ولى تجربة سابقة مع ضمان الكاتيل وكان تجربة أكثر من جيدة.
والله حضرتك انا اتحيرت بجد ومبقتش عارف اشتري ايه انا لقيت sony xperia z بالضمان عامل 3000 جنيه برضه
فانا مبقتش عارف اجيب ال xperia z ولا اجيب htc 816
المفضلات