HP Probook 4540s لو ما زال متوفر في السوق يبقى خيار جيد مع اللينوفو Z510 ..
التوشيبا جهاز جيد لكن عيبها في التعريفات وعدم الحصول عليها بسهولة من على الانترنت ..
بالنسبه لـSony Vaio لن تجد اجهزة جديدة لها في السوق ..
عايز أشترى لاب توب يا أهل الخير
السلام عليكم و رحمة الله و بركاته
أنا عايز أشترى لاب توب بالمواصفات دى:
1- ماركه منتشره و مريحه فى الضمان و الصيانه. (HP أو Toshiba أو Lenovo أو SONY أو أى ماركه غير Dell لأنى بكرهها)
2- مواصفات معقوله:
بروسيسور لايقل عن Core i5 (الجيل التالت أو الرابع)
و رامات لا تقل عن 4 جيجابايت (4 كافيه جدا)
و هارد ديسك لا يقل عن 500 جيجابايت (500 كافيه جدا)
و فيجا Nvidia أو ATI. (وجودهم ميزه طبعا لكن أنا مش هلعب جيمز على لاب توب .. و نصيحه لأى واحد عايز يشترى لاب توب علشان يلعب عليه جيمز: إشترى ديسك توب أو كونسول أحسن لأن حتى Alienware أو Qosmio خساره فيهم تمنهم)
3- شكله جميييييل. (اللاب توب إسمه بالعربى كمبيوتر محمول يعنى علشان تاخده معاك فى أى مكان و بالتالى الناس بتشوفه زى ما بتشوف هدومك اللى إنت لابسها .. أنا بسبب الشكل ممكن أشترى Vaio ببروسيسور Core i3 و ماشتريش Dell ببروسيسور Core i7)
4- وزن خفيف.
5- السعر لا يزيد عن 4000 جنيه. (مفيش Windows PC يستحق أكتر من المبلغ ده و إلا الأفضل تستثمر فلوسك فى Mac Book Pro أو Mac Book Air)
للأسف كل المقارنات اللى بشوفها بين الأجهزه بتعتمد بس على المواصفات الفنيه و الأداء و ده طبعا شرط مهم فى قرار الشراء ، لكن نصيحتى لكل الناس اللى بشوفها مستعده تدفع فلوس بلا حساب (و السبب فى كل و ليس معظم الأوقات بيكون واحد و هو الجيمز) لمجرد إنه يشترى لاب توب أعلى درجه واحده فى جيل البروسيسور أو أعلى جيجا واحده فى الرامات أو 1 تيرابايت بدل 750 جيجابايت فى الهارد ديسك أو أعلى درجه واحده فى جيل الفيجا:
مهما دفعت فى اللاب توب مش هتجيب الأحسن لأنك أكيد هتلاقى الأعلى منك و لو مفيش الأعلى منك النهارده هتلاقى الأعلى منك بكره ،
مراجعات الجيمز على اللاب توب بتضحكنى لأن اللى عايز يلعب جيمز المفروض يروح يشترى ديسك توب أو كونسول ،
اللاب توب مهما زاد فى مواصفاته مستحيل يتساوى فى الأداء أو يتحمل الإستخدام التقيل زى الديسك توب ، مع العلم إن جزء من التمن اللى بتدفعه فى اللاب توب لا يكون مقبل الأداء و لكن بيكون مقابل صغر حجم مكوناته أو ال form factor علشان ال mobility ،
الحاله الوحيده اللى ممكن أدفع فيها فلوس أكتر هى مقابل الشكل و الوزن لأنهم العاملين اللى قامت عليهم فكرة اللاب توب أصلا.
بعد المقدمه الطويله دى ، هقولكم على الإختيارات اللى وصلت لها و طبعا أرجو اللى عنده إقتراح بأجهزه تانيه يقولها لنا بدون تردد:
1- SONY vaio
مش لاقى فى السوق خالص
2- HP Pavilion 15-n009se
Intel® Core™ i5-4200U Processor (3M Cache,1.6 GHz up to 2.60 GHz)
4 GB DDR3
NVIDIA GeForce GT 740M (2 GB DDR3 dedicated)
500 GB SATA (5400 rpm)
مواصفاته مناسبه و شكله جميل جدا و وزنه خفيف و سعره مناسب لكن خاماته متواضعه و بطاريته 4 خلايا فقط و سمعت أن البافليون يعتبر أقل موديلات إتش بى فى التحمل و الأداء.
3- HP ProBook 450 G1
Intel® Core™ i5-4200M (3M Cache,2.5 GHz up to 3.10 GHz
6 GB DDR3
AMD Radeon HD 8750M 2 GB dedicated DDR3
1 TB SATA II (5400 rpm)
مواصفاته أكتر من المناسبه (مش محتاجها و للأسف أدت إلى زيادة سعره عن ميزانيتى) و وزنه تقيل و خاماته مقبوله لكن سمعت عن مشكلة فى إنقطاع متكرر للإتصال بالواى فاى.
4- HP ProBook 4540s
Intel® Core i5-3210M (2.50 GHz, 2 cores)
4 GB 1333 MHz DDR3 SDRAM , 2 SODIMM ,up to 16 GB
AMD Radeon HD 7650M 2 GB dedicated DDR3
750 GB SATA II (5400 rpm)
مواصفاته مناسبه و شكله جميل و خاماته محترمه و سعره مناسب لكن وزنه تقيل و سمعت إنه بيكهرب لأنه مصنوع من المعدن.
طبعا أى حد هيشوف الجهاز القديم ده وسط الإختيارات بتاعتى هيقول إنى مجنون لكن زى ما قلت قبل كده إن شكل الجهاز و خاماته مهم جدا بالإضافه إنى كنت هشترى الجهاز ده من حوالى سنتين و تعجبت جدا لما عرفت إنه مازال بيتباع فى المحلات و سعره أقل ب 300 جنيه فقط من الموديل الأحدث منه و هو HP ProBook 450 G1 و ده يؤكد رأيى و هو إنك ممكن تدفع فلوس فى أداء و مواصفات أو تدفعها فى شكل و خامات.
5- Lenovo IdeaPad Z510
Intel® Core™ i5-4200M Processor (3M Cache,2.5 GHz up to 3.1 GHz)
6G DDR3
NVIDIA Geforce GT 740M DedicatedGPU 2GB
1TB,5400rpm
مواصفاته أكتر من المناسبه (مش محتاجها و للأسف أدت إلى زيادة سعره عن ميزانيتى) و وزنه معقول و خاماته جيده لكن بطاريته داخليه و 4 خلايا فقط و سمعت عن مشكله فى الهارد ديسك.
6- Toshiba Satellite C50-A546
Intel Core i5-4200M clock speed : 2.5GHz up to 3.1 GHz
4G
NVIDIA® GeForce® 710M 2G
500 GB
مواصفاته مناسبه و شكله جميل و خاماته محترمه و سعره مناسب لكن ماركة توشيبا عموما و الموديل ده خصوصا مش منتشر و مش لاقى عنه أى مراجعات.
أنا حاليا بحاول أختار بين الجهاز رقم 4 و الجهاز رقم 6 ،
لكن طبعا محتاج أسمع آرائكم و نصائحكم ،
آسف على الإطاله ،
شكرا مقدما.
HP Probook 4540s لو ما زال متوفر في السوق يبقى خيار جيد مع اللينوفو Z510 ..
التوشيبا جهاز جيد لكن عيبها في التعريفات وعدم الحصول عليها بسهولة من على الانترنت ..
بالنسبه لـSony Vaio لن تجد اجهزة جديدة لها في السوق ..
شكرا على رد حضرتكالمشاركة الأصلية كتبت بواسطة arsenal_henry
العيب الوحيد اللى أنا سمعته عن أجهزة توشيبا بوجه عام هو صعوبة الوصول للتعريفات ، لكنى وجدت كل التعريفات على موقع توشيبا و كانت بتواريخ إصدار حديثه !!!
و ممكن حضرتك تتأكد فى الرابط التالى:
https://www.toshibamea.com/en/Download-Files
و طالما التعريفات موجوده ، هل تنصحنى بشراء Toshiba Satellite C50-A546 ؟
، و خصوصا أنه أفضل من HP Probook 4540s من حيث:
1- بروسيسور من الجيل الرابع.
2- رامات 1600.
3- فيجا أعلى.
4- سعر أقل.
المشكلة موجوده فعلاً في بعض الاصدارات احياناً لا تجد Short Model No. متوفر في الموقع .. لان الجهاز قد يكون مصنع في الصين او مكان آخر ولن تجد له التعريفات الا على الموقع الخاص بالدولة المصنعة ..
لكن على العموم ممكن تحمل تعريفات لاصدار آخر برقم آخر Short Model No. بنفس المواصفات لكنها متعبة قليلاً ..
ايه الاخبار وصلت لايه لاني محتار وهاقلك تجربتي .. لسه جايب z510 lenovo من اسبوع بالظبط وانا شغال فجاة فصل ومعدتش بيتشغل بعدها رجعته كان عيب صناعه وخدت الفلوس بس المراجعات الاجنبية طلعت وحشه جدا عنه .... انا بدور حاليا على نوع تاني ممكن تفيدني لو اشتريت ايه فيهم ؟
كان فى مراجعة عن HP ProBook 450 G1
https://arabhardware.net/forum/showt...20#post2765320
شايف الجهاز كويس مش وحش وخاماته مش وحشه
التعديل الأخير تم بواسطة Ahmedyasser ; 14-08-2014 الساعة 08:33
https://arabhardware.net/forum/showthread.php?t=396904
كان في الموضوع ده لحل مشكلة الوايرلس في موديل HP ProBook 450 G1
الحمد لله إنك عرفت ترجعه و تاخد فلوسك ، الجهاز ده أنا مش مستريح له من الأول.
أما أنا فبعد بحث و تفكير قررت أتوكل على الله و أشترى Toshiba Satellite C50-A546 ، لكن لما سألت عنه فى المحلات اللى بتبيعه سمعت من التجار آراء سلبيه لدرجة إنى كرهت ماركة توشيبا كلها و طبعا نصحونى أشترى الجهاز الخارق اللى مفيش له مثيل Dell 3537 أو Dell 5537 !
أنا بسبب الشعب المصرى اللى بعتبره أكبر مجتمع FANBOYS فى العالم كرهت ماركة Dell و كرهت نفسى و كرهت حياتى كلها و حسبى الله و نعم الوكيل.
كده مفيش عندى إختيارات غير HP ProBook 4540s و هو جهاز محترم جدا لكن عيبه الوحيد إن سعره يعتبر مرتفع بالنسبه لمواصفاته و خصوصا لما يكون سعر الموديل الأحدث منه و هو HP ProBook 450 G1 أعلى منه ب 300 جنيه بس !
أنا عارف إن جودة الخامات أعلى فى HP ProBook 4540s لكنى متردد لكونه أقل فى المواصفات.
أنا محتار يا جماعه و أرجوكم تنصحونى لأنى إن شاء الله لازم أشترى لاب توب خلال أيام و محتاج آخد قرار حاسم فى أقرب وقت.
دى مقارنه تفصيليه بين الجهازين:
HP ProBook 450 G1
HP ProBook 4540s
Intel Core i5-4200M Intel Core i5-3210M Processor
6 GB - 1600 MHz - DDR3L SDRAM 4 GB - 1333 MHz - DDR3 SDRAM Memory AMD Radeon HD 8750M - 2 GB dedicated DDR3 AMD Radeon HD 7650M - 2 GB dedicated DDR3 Video Graphics 1TB SATA II (5400 rpm) 750GB SATA II (5400 rpm) Hard Disk -
fingerprint reader Miscellaneous 4550 L.E
4250 L.E
Price https://www.notebookcheck.net/Review-Update-HP-ProBook-450-G1-E9Y58EA-Notebook.112013.0.html https://www.notebookcheck.net/Review-HP-ProBook-4540s-Notebook.85978.0.html Review
في عرض على موقع سوق
https://egypt.souq.com/eg-en/hp-prob...ver-6604682/i/
مش عارف هل ده سعره فعلا ولا ممكن في المحلات يكون أرخص ؟
شكرا جزيلا لحضرتك لأنك بتحاول تساعدنى على الإختيار ،
أنا قرأت عن المشكله دى فعلا و مازلت متردد بسببها.
السعر كويس جدا لكن أنا مفيش عندى ثقه فى موقع سوق.كوم خصوصا بالنسبه للإلكترونيات.
التعديل الأخير تم بواسطة TheGeek ; 14-08-2014 الساعة 09:44
الحمد لله ... انت لسه مشتريتش بردو... بص انا محبتش توشيبا بعد لما نزلوا اجهزة رخيصة بدات الجودة تقل .. فيه نصحني بال Dell 5537 بردو بس مش عارف مش برتاحلوا وفيه مشاكل في الشاشة بتظهر فيه كتير ........ بص انا تجربتي اول لاب توب كان HP G62 كان شغال حلو وانا كنت مبهدلة بس ظهرت فيه مشكلة الفيجا اللي بتتحرق دي نتيجه السخونة وانا كنت مش مهتم بيه لان اول جهاز كنت بقعد بيه عالسرير ومن غير مبرد وحتي كمان المروحة ما كنتش بنضفها لما حصل المشكلة القاتلة دي فكيته طلع المروحه فيها غبار كتير كان كاتم خروج الهوا واللي سبب المشكلة دي ... اتطريت اغير المازر بورد ........ المهم كنت ناوي اغير نوع HP خالص .. بس لما وقعت في اللينوفو ده قلت الاتش بي برقبتوا واستحملني كتييييير وانا بشتغل جرافيك عليه ....
رجعت افكر جديا تاني في ال Probook لانه عملي بالنسبة للمقارنه دي الامكانيات 450 تعدي بكتير 4540 بس الفرق الصغير في السعر يخليك تتاكد ان خامات ال4540 شكلها افضل
الحمد لله إنى لقيت حد يفهمنىالحمد لله ... انت لسه مشتريتش بردو
رجعت افكر جديا تاني في ال Probook لانه عملي بالنسبة للمقارنه دي الامكانيات 450 تعدي بكتير 4540 بس الفرق الصغير في السعر يخليك تتاكد ان خامات ال4540 شكلها افضل
هههههههههههههههههههههه والله يا جماعة انا قربت اتجنن شوية حد يقولي hp probook 450 g1 افضل و حد تاني يشكر في hp probook 4540 مش عارف اسئل مين انا بالنسبالي الخاماات اهم بكتير جدا من المواصفات بمعني انا عايز اشتري حاجة تعيش معايا علي الاقل سنتين كمان قدام مش حاجة تكون مواصفتها عالية وتقرفني وياريت يا استاذ thegeek لما تستقر علي حاجة منهم ابقي قولي لاني واقع في نفس الحيرة وبقالي اكتر من اسبوعين بدور علي جهاز كويس وشكرا جزيلا
عندك حق فعلا لأن كل واحد إشترى جهاز لازم يدافع عنه و فى النهايه إنت هتحتار أكتر و أكتر ،
لكن أعتقد إن التجربه العمليه أفضل من سماع الآراء ... و أنا بصراحه زاد إقتناعى ب HP ProBook 4540s لما شفت ناس كتير بتستخدمه ك Hackintosh و ده دليل إنه جهاز قوى و محترم ،
بالإضافه إلى إنه واخد rating 84% مقابل rating 77% ل HP ProBook 450 G1 على موقع NotebookCheck.
الف شكر يا استاذ the geek علي مساعدتدك انا كمان اقتنعت ب hp probook 4540s
ضوابط المشاركة
المفضلات