درجات حرارة 7870 XT و i5-3470 عند لعب Metro : Last Light

[whiteknights]

سلام عليكم.. عندما اللعب Metro Last Light لمدة حوالى ساعتين تصل درجة حرارة كارت شاشة HD 7870 XT الى 83 درجة او 82 ..و المروحة على Auto تصل الى 77%
و يصل بروسيسور i5-3470 الى 76 درجة...الكيسة Thermaltake commander و مروحة واحدة فى الخلف
ناس قالولى انها درجات حرارة طبيعية و ناس اخرى قالولى العكس..فأنا محتاج ان اتأكد هل اكمل لعب عادى بدون قلق نظرا لأننا فى الصيف و انها درجات طبيعية؟

[cosmo2]

الكرت حرارته عالية جدا اكيد التهوية مش كويسة في الكيسة عندك انا عندي 7970 كروس فاير مكسورين السرعة الي اقصي حد والحرارة ما بتجيب 70
نصيحة غير طريقة تركيب المراوح وزود مراوح في الكيسة ونضفها يمكن يحصل تغيير

[whiteknights]

الكرت حرارته عالية جدا اكيد التهوية مش كويسة في الكيسة عندك انا عندي 7970 كروس فاير مكسورين السرعة الي اقصي حد والحرارة ما بتجيب 70
نصيحة غير طريقة تركيب المراوح وزود مراوح في الكيسة ونضفها يمكن يحصل تغيير

مشكور لك على المساعدة..بالفعل انا جايب الكيسة من حوالى سنة و لسه معملتش عملية تنظيف لها او تنظيم اسلاك..و لكنى كنت سألت فى منتدى اجنبى قالولى ان درجة الحرارة للكارت طالما اقل من 85 درجة يبقى لا داعى للقلق...و انى المفروض اقلق اذا الكارت وصل الى ال 90 درجة..فلا ادرى ما صحة هذه المعلومة؟ :confused:

زائد ان يمكن حضرتك بتشغل التكييف فى الغرفة اثناء اللعب؟ انا عندى درجة حرارة الغرفة عالية بعض الشىء و الحرارة فى مصر عالية

[cosmo2]

المعلومة اللي حضرتك بتقولها صحيحة انت في الامان بالنسبة ليا لحد 80 بس مع كسر السرعة زيي لو حصل ارتفاع درجة الحرارة الي 80 هتبدأ المشاكل وعدم الاستقرار الحرارة عامل مهم جدا جدا
ثانيا انا معندش مكيف في الاوضة بس عندي كيسة haf x مظبطة الدنا وغير كدا انا مغير معجون الكرتين ب arctict mx4 عشان الحرارة تقل وبعدين بنظف الكيسة كل شهر عرفت ليه الحرارة قليلة بس نصيحة مني نظم المراوح بتاعت الكيسة انا كنت الاول مركب كل المراوح تدخل هوا جوا الكيسة وكانت الحرارة رهيبة بمعني الكلمة لكن بعد ما عملت خريطة للمراوح مين اللي بتدخل هوا ومين اللي بتخرج حرارة الجهاز ككل نقصت 13 درجة وخاصة بعد ما عملت المشتت بتاع البروسيسور بلاور (افتكاسة كدا) بس الحمد لله شغال لغاية ما انتقل للتبريد المائي (يا رب سهلها) بس المشكلة في سعره

[whiteknights]

المعلومة اللي حضرتك بتقولها صحيحة انت في الامان بالنسبة ليا لحد 80 بس مع كسر السرعة زيي لو حصل ارتفاع درجة الحرارة الي 80 هتبدأ المشاكل وعدم الاستقرار الحرارة عامل مهم جدا جدا
ثانيا انا معندش مكيف في الاوضة بس عندي كيسة haf x مظبطة الدنا وغير كدا انا مغير معجون الكرتين ب arctict mx4 عشان الحرارة تقل وبعدين بنظف الكيسة كل شهر عرفت ليه الحرارة قليلة بس نصيحة مني نظم المراوح بتاعت الكيسة انا كنت الاول مركب كل المراوح تدخل هوا جوا الكيسة وكانت الحرارة رهيبة بمعني الكلمة لكن بعد ما عملت خريطة للمراوح مين اللي بتدخل هوا ومين اللي بتخرج حرارة الجهاز ككل نقصت 13 درجة وخاصة بعد ما عملت المشتت بتاع البروسيسور بلاور (افتكاسة كدا) بس الحمد لله شغال لغاية ما انتقل للتبريد المائي (يا رب سهلها) بس المشكلة في سعره

مشكور لك جدا..بس اعتقد طالما انا فى أمان عند 85 درجة يبقى انت كمان فى امان حتى لو وصلت لل 80 درجة خصوصا انك كاسر السرعة و احنا فى فصل الصيف
انا معنديش ولا مروحة فى الكيسة غير مروحة واحدة فقط لطرد الهواء و هى فى خلف الكيسة...اخر سؤال بالنسبة للبلاور..ينفع استعمل البلاور بدون ما افك المروحة و اطلعها؟...و اسف تعبتك معايا

[cosmo2]

مش فاهم يعني قصدك تنضف الجهاز بالبلاور من غير ما تخلع المروحة بتاعة المشتت اذا كان كده اه ولكن لازم تمسك المروحة بايدك وبعدين لعلمك انا قصدي بالبلاور ان مشتت البروسيسور بتاعي ب 3 مرواج مروحة في ظهر الكيسة بتوجه الهوا من برا الي جوا وخاصة من ناحية المشتت ومروحة المشتت الاساسية وبعدين مروحة تسحب الهوا من المشتت لبرا وانا سميتها البلاور لاني اما بفك مقدمة الكيسة بحس بالهوا زي ما يكون بلاور شغال فهمتني

[whiteknights]

مش فاهم يعني قصدك تنضف الجهاز بالبلاور من غير ما تخلع المروحة بتاعة المشتت اذا كان كده اه ولكن لازم تمسك المروحة بايدك وبعدين لعلمك انا قصدي بالبلاور ان مشتت البروسيسور بتاعي ب 3 مرواج مروحة في ظهر الكيسة بتوجه الهوا من برا الي جوا وخاصة من ناحية المشتت ومروحة المشتت الاساسية وبعدين مروحة تسحب الهوا من المشتت لبرا وانا سميتها البلاور لاني اما بفك مقدمة الكيسة بحس بالهوا زي ما يكون بلاور شغال فهمتني

اها فهمتك..طيب انا لو جبت مروحة كمان حطيتها قدام كارت الشاشة تضخ هواء للكارت..غير المروحة اللى عندى اللى هى بتطرد هواء لبره...تفتكر الحرارة ممكن تنزل كام؟ ناس قالولى مش هتفرق كتير..ممكن تنزل درجتين او تلاتة
و انا بالكتيير مش هقدر اجيب دلوقتى اكتر من مروحة او مروحتيين

[kemo044]

الحرارة عاليه عندك قم بعمل الاتى

اولا لازم تنظف الجهاز من الاتربة وتعيد ترتيب الاسلاك فى الكيسة لضمان مرور الهواء
ثانيا لازم تركب مراوح فى باب الكيسة وفى الموخرة
ثالثا يجب مسح تعريف كارت الشاشة وتنصيب احدث اصدار بس تاكد من النسخة للتعريف نهائية وليست بيتا لان النسخ بيتا تسبب ارتفاع فى درجة الحرارة للكارت
رابعا لو ظلت الحرارة مرتفعة معك بعد كل ذلك يجب انك تفك كارت الشاشة وتغير له المعجون وتعيد تركيبة تانى ولو الكارت فى الضمان من الافضل الذهاب به الى التوكيل وهما هيغيره لك المعجون حتى لاتخرج من الضمان بفك الكارت

[whiteknights]

الحرارة عاليه عندك قم بعمل الاتى

اولا لازم تنظف الجهاز من الاتربة وتعيد ترتيب الاسلاك فى الكيسة لضمان مرور الهواء
ثانيا لازم تركب مراوح فى باب الكيسة وفى الموخرة
ثالثا يجب مسح تعريف كارت الشاشة وتنصيب احدث اصدار بس تاكد من النسخة للتعريف نهائية وليست بيتا لان النسخ بيتا تسبب ارتفاع فى درجة الحرارة للكارت
رابعا لو ظلت الحرارة مرتفعة معك بعد كل ذلك يجب انك تفك كارت الشاشة وتغير له المعجون وتعيد تركيبة تانى ولو الكارت فى الضمان من الافضل الذهاب به الى التوكيل وهما هيغيره لك المعجون حتى لاتخرج من الضمان بفك الكارت

مشكور لك..بس هل درجة الحرارة عالية لخطورة انى لازم اروح للتوكيل و اغير المعجون؟ مش ممكن تكون فقط عالية بسبب فصل الصيف و تراكم الأتربة؟ اقصد يعنى انها عالية و لكن لم تصل الى مرحلة الخطورة بعد...خصوصا انى جربت اللعب لعبة Batman Arkham City و كانت اقصى درجة 71 ..بينما metro Last light تكون 81 او 83

[kemo044]

بالنسبة لتغير المعجون هذه اخر مرحلة بعد القيام بعمل كل الخطوات اللازمة ان ظلت الحرارة مرتفعة بعد التخلص من كل اسباب ارتفاع الحرارة السابقة . قم بالخطوات الاول ثم عرفنا النتيجة

وبالنسبة لسؤالك الموضوع ليس خطر وانما للحرص من عدم ارتفاع الحرارة لاكثر من هذا المعدل فى ظل ظروف الجو الحالية وعدم وجود تهوية جيدة قد يسبب مشاكل عدم استقرار وتهنيج او حتى احتراق الكارت لاقدر الله

لذلك الوقاية خير من العلاج

[whiteknights]

بالنسبة لتغير المعجون هذه اخر مرحلة بعد القيام بعمل كل الخطوات اللازمة ان ظلت الحرارة مرتفعة بعد التخلص من كل اسباب ارتفاع الحرارة السابقة . قم بالخطوات الاول ثم عرفنا النتيجة

وبالنسبة لسؤالك الموضوع ليس خطر وانما للحرص من عدم ارتفاع الحرارة لاكثر من هذا المعدل فى ظل ظروف الجو الحالية وعدم وجود تهوية جيدة قد يسبب مشاكل عدم استقرار وتهنيج او حتى احتراق الكارت لاقدر الله

لذلك الوقاية خير من العلاج

شكرا لك على تعبك معايا..انا استطيع ان انظف الكيسة الأن و احاول ترتيب الأسلاك..و كمان التعريف عندى مش بيتا و لكنه اصدار رقم 13.12 ...اما بالنسبة للمراوح فلا اقدر ان اشترى مراوح للكيسة الأن..و لكن ربما بعد فترة ليست طويلة
تعديل: قمت منذ قليل بتنظيف الكيسة من الأتربة و لكن بدون فك مشتت المعالج و كارت الشاشة...و الحرارة اصبحت الأن تصل الى 76 اقصى حد بعد ما كانت 80 ..و لكن فى الخمول انخفضت حوالى درجتان اصبحت 40 بعد ما كانت 42
لم استطيع ترتيب الأسلاك بس الأسلاك مش عاملة اى اعاقة امام كارت الشاشة و المعالج..هى بس متلخبطة شوية فى الأسفل
درجة حرارة المعالج اصبحت 67 بعد ما كانت 71

[kemo044]

كده تمام
اشترى مروحة 15*15 ب20 ج مش شرط اصلية فى الوقت الحالى وركبها فى باب الكيسة
وبالنسبة لمروحة المعالج فكها ونظفها من الاتربة ببلور واعد تركيبها ولو عندك معجون برروسيسور امسح القديم من على المعالج والفانة وحط نقطة معجون جديد على المعالج وركب المروحة مرة اخرى

[whiteknights]

كده تمام
اشترى مروحة 15*15 ب20 ج مش شرط اصلية فى الوقت الحالى وركبها فى باب الكيسة
وبالنسبة لمروحة المعالج فكها ونظفها من الاتربة ببلور واعد تركيبها ولو عندك معجون برروسيسور امسح القديم من على المعالج والفانة وحط نقطة معجون جديد على المعالج وركب المروحة مرة اخرى

شكرا لك على المساعدة..افهم من كده ان حرارة كارت الشاشة اصبحت جيدة بعد ما نزلت من 80 الى 76 ..و ان البروسيسور هو اللى حرارته محتاجه تنزل شوية عن كده كمان؟
انا ممكن اجرب انظف مروحة البروسيسور و كارت الشاشة بواسطة بخاخة هواء مضغوط بشكل فعال عن المرة الأولى و اكتفى بهذا؟

[dr.ahmed shahin]

نفس الكارت معايا درجات حرارته لا تتعدى 70 ببرامج الضغط ف الصيف
اما ف الالعاب لا تتعدى 65
والمروحة اوتو 50 ف الميه

[whiteknights]

نفس الكارت معايا درجات حرارته لا تتعدى 70 ببرامج الضغط ف الصيف
اما ف الالعاب لا تتعدى 65
والمروحة اوتو 50 ف الميه

انا نفسى انزلها لل 70 حتى عند لعب العاب مثل BF4 و Metro ..هى دلوقتى بتوصل لل 77 و المروحة اوتو 65
حضرتك عندك ايه زيادة فى الكيسة مش عندى عشان ابقى زيك؟ :D