رد مع اقتباسزيك بالظبط و الله و إحترت و قريت كتير و نزلت و لفيت أكتر مش عاجبني حاجه ، لازم تلاقي أي خازوق ولاموأخذه يطفشك من الجهاز على سبيل المثال /
- البروسيسور فئة الـ U و ليس الـ M ، و الحرف ده بيبقى مكتوب في نهاية رقم موديل البروسيسور ، و الـ U تشير إلى أن البروسيسور موفر للطاقه و الـ M عادي غير موفر للطاقه ، و طبعاً الـ U أداءه أقل و بشكل ملحوظ عن تجربه.
- أغلب الأجهزه عشان نازله slim هتلاقي البطاريه four cells فقط و ليس six cells و طبعاً تقعد معاك أقل ، و غالباً الأجهزه بالشكل ده هتلاقي معاها البروسيسور الـ U و إللي six cells هتلاقي معاها بروسيسور M و للأسف أغلب الموجود في السوق دلوقتي بروسيسور U و four cells يعني إللي وفرتهولي في الطاقه أكلته من البطاريه و كأنك يابو زيد ما غزيت!
دول تقريباً أكثر مشكلتين جابولي الشلل بجد ، غير كده هتلاقي أغلب الناس تنصحك بـ Dell 5537 و مش مقتنع بيه شاشته مش عجباني و بروسيسور U برضو حتى الـ i7 في الجهاز ده Dual Core!!!!!! يا إما Z510 و الناس كلها بتشتكي منه هارد و بطاريه four cells فقط يا إما HP G1 450 و فيه مشكلة وايرلس ناس بتقول إتحلت مع التعريف الجديد بس بيسخن زي بقية لابات HP و ناس تانية تقول الموديل إللي قبله 4540s أفضل بس جهاز ثقيل في الوزن و بيكهرب!
أنا شوفت و قرأت تقريباً عن كل الأجهزه الجديده في السوق حالياً ، ما عدا إللي مبهم بالنسبه لي حالياً الـ Asus و للأسف برضو برسيسور U و بطاريه four cells
فيما عدا هذه الميزانيه اللينوفو فئة الـ Y جهاز جبار بس غالي.
أفضل جهاز بالميزانيه دي كان مطروح ف السوق من أقل من سنه و هو لينوفو z580 فهل الجهاز ده متوفر الآن في أي مكان؟
ولا الواحد يجيب مستعمل أحسن ولا في إقتراحات تانيه أفضل للجديد بنفس الميزانيه بعيداً عن الأجهزه المذكوره و يكون ميتال مش بلاستيك و بروسيسور M و بطاريه six cells و على الأقل core i5 ؟
وشكرا جزيلا
المفضلات