طلب مساعدة من كل من يمتلك جهاز hp probook 450 g1

[SaD_MaN]

انا معايا النسخه الـ Core I7 من الـ HP Probook 450G1
بكرت Intel Dual Band Wireless-n7260
شغال الحمدلله ميه ميه وعمرة مفصل

الكارت ده مفيش خوف منه ويعتبر كارت قوي وربنا يباركلك فيه

يا ترى لاحظت أي مشكلة في الصوت لما بتعليه؟ طبعا بأتكلم عن صوت متصل يعني موسيقى مثلا أو أغنية أو قرآن ؟

وشكرا لردك على استفساري بخصوص موديل الكارت في نسخة i7

[akrammlsh]

جميل جدا موضوع الاسطوانة ده وموجود في اللينوفو

مش قضية كبيرة لو الشركة بتحط التعريفات على موقعها ومش بتحطها في اسطوانة

بس لما تكون الشركة مهملة لدرجة إن التعريفات على موقعها تبقى قديمة ومش مقسمة تبعا للموديل أو السيريال أو البارت نامبر ده شئ مش مفهوم ومقرف وده حال hp للأسف

طبعا جميل جدا ...تمام معاك حق التعريفات كلها سايحة على بعض بدون تفرقة الموديلات و في ناس كتير مبتبقاش عارفة تنزل ايه اصلا

[SaD_MaN]

الحقيقة مشكلة الصوت على ما يبدو إنها كانت مشكلة سوفتوير ظهرت بعد تعريف الصوت من موقع الشركة لأن للأسف التعريف الي على الموقع أقدم من تعريف ال driver pack solution واللي حصل معايا بالظبط إني عرفت الصوت بال driver pack وسطبت حزيمة الكوديكس وبعديها بكام يوم عرفته من موقع الشركة وبعدين شغلت الباك تاني لقيت فيه أبديت للدرايفر وطبعا كل اللخبطة دي أكيد عملت مشاكل في السوفتويرالنهاردة حدثت التعريف وشيلت حزمة الكوديكس ونزلتها تاني والصوت على ما يبدو جيد ومفيهوش مشاكل

الواي فاي لحد دلوقتي مفيهوش مشاكل وربنا يستر..وللأسف بردو أحدث تعريف على موقع الشركة يعتبر قديم (5.0.45.0) والباك حدثت التعريف ل(5.0.47.0)

[محمود السيسى]

انا معايا النسخه الـ Core I7 من الـ HP Probook 450G1
بكرت Intel Dual Band Wireless-n7260
شغال الحمدلله ميه ميه وعمرة مفصل

طب ممكن اعرف انت جايبه منين ؟ و ايه تقييمك العام للجهاز ؟ يعنى الشاشىة الوانها مظبوطة ولا لا ؟ الصوت مثلا ؟ الالعاب ؟

[abu_salah]

اية اخبار الجهاز معاك يا باشا واخبار الواى فاى بيفصل ولا اية
انا سمعت ان المشكلة اتحلت نهائيا بتحديث البيوس للجهاز + تعريف جديد للكارت
ويريت تقلنا سرعه التصفح على الويرليس عاملة اية عشان كانو بيشتكو من بطىء التصفح على الكارت + الدونلود بطىء علية
وموقع hp اعترف بلسناة ان الكارت مش من افضل الانواع الموجودة فبصراحة الواحد مش عاوز يشترى حاجة مضروبة :D

[Mohamed E SleeM]

علي فكره يا جدعان المشكله انا عندي نفس الكارت برده من ساعه ما نزلت Win 8.1 وانا كفران من كارت الواير لس كل شويه يفصل ولازم اشيل التعريف وانزله تانى .. كل ما يفصل يشتغل ومايشوفوش اي شبكات موجوده كأنه مفيش شبكات من الاساس ومش لاقي حل انا كمان

[moatez]

انا لسه جايب النسخة ال i5 4200m منه انهارده بس رامات 8 جيجا والراجل حملى التعريفات ونزلت ويندوز 7 والحمد لله اشتغلت عليه 5 ساعات متواصلة بدون اى تقطيع فى النت ..

[a.mohamed1]

السلام عليكم الموضوع قديم شوية بس عاوز اسأل علي حاجة
انا بفكر اجيب اللاب ده ان شاء الله واستخدامي فيه برامج جرافيك عادية اوتوكاد وفوتوشوب وممكن 3 دي ماكس علي خفيف
ومشكلة الوايرلس مش فارقة معايا انا بشغل النت عن طريق السلك بالنسبة للاب هل هو كويس ولالا ؟؟ لاني مش لاقي لاب عدل بنفس حدود السعر فيه i5 من الفئة M

[a.mohamed1]

؟؟؟؟؟